Luka 1
1
Divano angle.
1Anda kă but line te kărăn khă phendimos pa sal butea kai kărdile maškar amende,
2pala sar phendine amengă kukola kai dikhline pehkă iakhănça dă kana sas, thai ji kana arăsline kanditorea le Divanohkă,#Marko 1.1. Ioan 15.27. Evr. 2.3. 1Pet. 5.1. 2Pet. 1.16. 1Ioan 1.1.
3arakhlem i me dromesa, but alosardea Teofile, pala so kărdem rodimata butimasa pa sa kadala butea dă kana kărdile, te ramo tukă le ando čiro iekh pala avrăste,#Kărd. 1.1; 11.14; 15.19, 25, 28. 1Kor. 7.40.
4kaste dašti prinjeanes kadeadar o čeačimos le sîkaimatăngo, kai sas tukă dine andoa juvindo mui.#Ioan 20.31.
O vestimos le kărdimahko le Ioan Bolditorehko.
5Ande le des le Irodohkă, o thagar la Iudeiako, sas khă rašai, bušlino Zaxaria, anda e viça le Abiasti. E romni lesti sas anda le šeia le Aaronohkă, thai bušolas Elisaveta.#1Kron. 24.10, 19. Neem. 12.4, 17. Mat. 2.1.
6Lidui sas bibezexale, angloa Dell, thai arakhanas bi patako sa le mothodimata thai le lašardimata le Raiehkă.#1Thag. 9.4. 2Thag. 20.3. Iov 1.1. Kărd. 7.1; 17.1; 23.1; 24.16. Filip. 3.6.
7Nas le šeave, anda kă e Elisaveta sas sterpo; thai lidui sas angle ande le bărši.
8Ta, Kana kandelas o Zaxaria angloa Dell, koa rîndo lehka čeatako,
9pala e datina le rašaimasti, ankăsto koa çîrdimos te šol pe te tămîil ando Templo le Raiehko.#Exod. 30.7, 8. 1Sam. 2.28. 1Kron. 24.19; 29.11. 2Kron. 8.14; 31.2.
10Ando čeaso le tămîmiahko, sa o butimos le norodohko rudilas pe avri.#Lev. 16.17. Sîk. 8.3, 4.
11Atunčeara khă înjero le Raiehko sîkadilo le Zaxariahkă, thai bešlo ande pînŕănde ande čeačirig le altaresti anda o tămîimos.#Exod. 30.1.
12O Zaxaria darailo, kana dikhlea les, thai astardea les e dar.#Vers. 29. Cap. 2.9. Kris. 6.22; 13.22. Dan. 10.8. Kărd. 10.4. Sîk. 1.17.
13Ta o înjero phendea lehkă: „Na dara Zaxario; anda kă teo rudimos sas ašundo. Ti romni e Elisaveta kărăla tukă khă šeau, savehkă thosas lehkă anau Ioan.#Vers. 60, 63.
14O avela anda tute khă but baxtalimos thai lošaimos, thai but baxtaona anda lehko kărimos.#Vers. 58.
15Kă avela baro angloa Rai. Či pela či moll, či pimos zuralo, thai pherdeola Sfînto Duxostar înkă andoa păŕ pehka deiako.#Cap. 7.33. Num. 6.3. Kris. 13.4. Ier. 1.5. Gal. 1.15.
16O amboldela buten anda le šeave le Israelohkă koa Rai, o Dell lengo.#Mal. 4.5, 6.
17Jeala angloa Dell, ando duxo thai ande zor le Iliasti, kaste amboldel le ille le daddengă kal šeave, thai kolen kai či ašunen koa phirimos ando xaraimos kolengo bibezexale, kaste kărăl le Raiehkă khă norodo lašo lašardo anda Leste.#Mal. 4.5. Mat. 11.14. Marko 9.12.
18O Zaxaria phendea le înjerohkă: „Anda soste prinjeanua e buti kadea? Anda kă me sîm phuro, thai mîŕî romni sî but andel bărši.”#Gen. 17.17.
19Orta čeačimos, o înjero phendea lehkă: „Me sîm o Gavrilo, kai bešeau angloa Dell; sîmas tradino te dau tukă duma, thai te anau tukă kadea vestea laši.#Dan. 8.16; 9.21-23. Mat. 18.10. Evr. 1.14.
20Dikta kă avesa muto, thai našti desa duma, ji ando des kana pherdeona kadala butea, anda kă či pateaian mîŕă divanuri, kai pherdeona ka pehko čiro.”#Ezec. 3.26; 24.27.
21O norodo ajukărălas le Zaxarias, thai mirilas pe kă bešel but ando Templo.
22Kana ankăsto avri, naši te mai delas lengă duma; thai ateardine kă sas les khă vedenia ando Templo. O kărălas lengă sămne andeiekh, thai ašilo muto.
23Kana pherdile lehkă des le kandimahkă, o Zaxaria gălo khără.#2Thag. 11.5. 1Kron. 9.25.
24Pa vareso čiro, e Elisaveta lesti romni, ašili phari, thai nikărdea pe gardi panji šon. „Kă”, phenelas oi,
25„dikta so kărdea mangă o Rai, kana šudea Pehkă iakha pe mande, kaste lel mangă o lajeau maškar le manuši.#Gen. 30.23. Is. 4.1; 54.1, 4.
O vestimos le kărdimahko le Isus Kristosohko.
26Ando šon le šovengo, o înjeri o Gavrilo sas tradino le Devllestar ande khă četatea anda e Galilea, dinianau Nazareto,
27ka khă šeibari tomnime pala khă rom, dinoanau Iosifo, andoa khăr le Davidohko. O anau la šeiabareako sas Maria.#Cap. 2.4, 5. Mat. 1.18.
28O înjero šutea pe late, thai phendea: „Mekamangla tute, savea kărdilo lakă baro xaro; o Rai sî tusa, dinidumadămišto san tu maškar le juwlea!”#Dan. 9.23; 10.19. Kris. 6.12.
29Daraili but anda kadala divanuri, e Maria pušelas pe korkoŕo so daštila te ameal o phendimos kadoa.#Vers. 12.
30O înjero phendea lakă: „Na dara, Mario; kă lean lašimos angloa Dell.
31Thai dikta kă ašesa phari, thai avela tu khă šeau, savehkă thosa lehkă anau Isus.#Cap. 2.21. Is. 7.14. Mat. 1.21.
32O avela baro, thai avela bušlino O Šeau Kolehko But Baro; thai o Rai o Dell dela les o skamin le bešlimahko Lehkă daddehko le Davidohko.#2Sam. 7.11, 12. Ps. 132.11. Is. 9.6, 7; 16.5. Ier. 23.5. Marko 5.7. Sîk. 3.7.
33Thagarila poa khăr le Iakovohko ando veako, thai o Thagarimos Lehko či avela les gor.”#Dan. 2.44; 7.14, 27. Obad. 21. Mika 4.7. Ioan 12.34. Evr. 1.8.
34E Maria phendea le înjerohkă: „Sar kărdeol pe e buti kadea, anda kă me či jeanau romestar?”
35O înjero dea la anglal: „O Sfînto Duxo, mekăla Pe pa tute, thai e zor Kolehko But Baro ušaravela tu. Anda kodea o Sfînto kai kărdeola anda tute, avela dinoanau o Šeau le Devllehko.#Mat. 1.20; 14.33; 26.63, 64. Marko 1.1. Ioan 1.34; 20.31. Kărd. 8.37. Rom. 1.4.
36Dikta kă e Elisaveta, o neamo tiro, pharila, i oi, thai avela la khă šeau po phurimos; thai oi, saveakă mothonas lakă sterpo, sî akana ando šon le šovengo.
37Kă či khă divano kata o Dell nai te na avel les zor.#Cap. 18.27. Gen. 18.14. Ier. 32.17. Zax. 8.6. Mat. 19.26. Marko 10.27. Rom. 4.21.
38E Maria phendea: „Dikta, e roaba le Raiesti; kărdeol pe mangă pala le divanuri tiră!” Thai o înjero teleardea latar.
E dili la Mariati.
39E Maria uštili orta andel des kodola, thai teleardea iekhatar karing le baŕlebară, ande khă četatea le Iudasti.#Ios. 21.9, 10, 11.
40Šutea pe ando khăr le Zaxariahko, thai phendea dă mišto la Elisavetakă.
41Sar ašundea e Elisaveta o phendimos la Mariako, mištisardea lakă e gloata ando păŕ, thai e Elisaveta pherdili Sfînto Duxo.
42Oi çîpisardea le mosa zurales: „Dinidumadămišto san tu maškar le juwlea, thai dinodumadămišto sî o rodo te păŕăhko.#Vers. 28. Kris. 5.24.
43Sar sas mangă dino mangă te avel mande e dei le Raiesti mîŕăsti?
44Anda kă dikta, sar arăslo mande kal kan o phendimos tiro, mištisardea mangă e gloata ando păŕ baxtalimasa.
45Baxtalimos anda kodea kai pateaia; anda sal butea, kai sas lakă phendine anda e rig le Raiesti, pherdeona.”
46Thai e Maria phendea: „Muro sufleto barearăl le Raies,#1Sam. 2.1. Ps. 34.2, 3; 35.9. Xab. 3.18.
47thai bukuril pe mangă o duxo ando Dell, o Mîntuitorii muŕo,
48anda kă dikhlea karing o limos smerime la roabako Lesti, Kă dikta kă dakanara întea, sa le neamuri mothona mangă baxtali,#Cap. 11.27. 1Sam. 1.11. Ps. 138.6. Mal. 3.12.
49anda kă Kukoa Sea Zuralo kărdea butea bară anda mande. O Anau Lehko sî Sfînto,#Ps. 71.19; 111.9; 126.2, 3.
50thai o lašimos Lehko tinzolpe neamo neamostar anda kukola kai daran Lestar.#Gen. 17.7. Exod. 20.6. Ps. 103.17, 18.
51O sîkadea zor Pehkă vastesa; dea rigate le godea, kai sas le kukolenbarăn ande lengo illo.#Ps. 33.10; 98.1; 118.15. Is. 40.10; 51.9; 52.10. 1Pet. 5.5.
52Deas muial le zuralen pa lengă skamina le bešlimahkă, thai vazdea kukolen telal.#1Sam. 2.6, etc. Iov 5.11. Ps. 113.6.
53Le bokhalen pravardeale lašimatănça, thai le bravalen ankaladea le avri le vastença nangă.#1Sam. 2.5. Ps. 34.10.
54Avilo ando kandimos Pehka slugako, kă andea Pehkă godi anda Pehko lašimos, –#Ps. 98.3. Ier. 31.3, 20.
55sar šinadeasas amară daddengă, – angloa Avraamo thai e sămînça lesti ando veako.”#Gen. 17.19. Ps. 132.11. Rom. 11.28. Gal. 3.16.
56E Maria ašileas andekthan la Elisavetasa kam trin šon. Pala kodea amboldili khără.
O kărdimos le Ioan Bolditorehko.
57E Elisaveta pherdilo lako čiro te kărăl; thai sas la khă šeau.
58Lakă neamurea thai le manuši paša late ašundine kă o Rai sîkadea khă baro lašimos anda late, thai baxtaleonas andekhthan lasa.#Vers. 14.
59Ando oxtoto des, avile te šinen e gloata roata, thai kamenas te thon lehkă anau Zaxaria, pala o anau lehkă daddehko.#Gen. 17.12. Lev. 12.3.
60Ta lesti dei lea o divano thai phendea: „Na. Sî te bušol Ioan.”#Vers. 13.
61On phendine lakă: „Khonikh anda ti viça nai les o anau kadoa.”
62Thai line te kărăn semne lehkă daddehkă, kaste jeanel sar te thon lehkă anau.
63O Zaxaria manglea khă tăbliça ramomasti, thai ramosardea, phendindoi: „Lehko anau sî Ioan.” Thai saoră mirisai le.#Vers. 13.
64Ande leaka kodea, pîtărdilo lehko mui, thai dea pe drom lesti šib, thai o delas duma thai delasdumadămišto poa Dell.#Vers. 20.
65Sa le manušen lea le e dar, thai sal phuwea anda kodoa than o baŕalo la Iudeiako denas duma pa kadala butea.#Vers. 39.
66Sa kola kai ašunenas, garavenas le ande pehko illo, thai phenenas: „So va avela kadea gloata?” Thai o vast le Raiehko sas čeačimasa lesa.#Cap. 2.19, 51. Gen. 39.2. Ps. 80.17; 89.21. Kărd. 11.21.
E dili le Zaxariasti.
67O Zaxaria, lehko dadd, pherdilo Sfînto Duxo, prooročisardea, thai phendea:#Ioel 2.28.
68„Dinodumadămišto sî o Rai, o Dell le Israelohko, anda kă rodea thai tindeapale Pehkă poporos.#Cap. 7.16. Exod. 3.16; 4.31. 1Thag. 1.48. Ps. 41.13; 72.18; 106.48; 111.9.
69Thai vazdea amengă khă skăpimos zuralo, ando khăr pehka slugako o David,#Ps. 132.17.
70sar mothodeasas andoa mui le sfinçăngo Pehkă prooročengă, kai sas mai dămult;#Ier. 23.5, 6; 30.10. Dan. 9.24. Kărd. 3.21. Rom. 1.2.
71skăpimos le dušmaiendar amarăndar thai andoa vast saorăngo kai nadabadikhăn ame!
72Kadeadar sîkavel o Pesko lašimos angla amară dadda, thai anel Pehkă godi anda o phanglimos Lehko kukoa o sfînto,#Vers. 54. Lev. 26.42. Ps. 98.3; 105.8, 9; 106.45. Ezec. 16.60.
73sar o solax anda sao O solaxadeas amară daddehkă le Avraamohkă,#Gen. 12.3; 17.4; 22.16, 17. Evr. 6.13, 17.
74kă, pala so skăpil ame andoa vast amară dušmaiengo, mekala ame te kandas Les bi darako,#Rom. 6.18, 22. Evr. 9.14.
75te traisaras angla Leste ande sfinçenia thai bibezexalimos, ande sea le des amara čivavakă.#Ier. 32.39, 40. Efes. 4.24. 2Tes. 2.13. 2Tim. 1.9. Tit 2.12. 1Pet. 1.15. 2Pet. 1.4.
76Thai tu, çînorea, avesa dinoanau prooroko Kolehko But Baro. Kă phirăsa angloa Rai, kaste lašarăs Lehkă droma,#Vers. 17. Is. 40.3. Mal. 3.1.; 4.5. Mat. 11.10.
77thai te des le poporos Lehkărăs o prinjeandimos le skăpimahko, kai bešel ando iertimos le bezexăngo lehkă;#Cap. 3.3. Marko 1.4.
78anda e bari mila le Devllesti amarăsti, pala sao rodeame o Kham kai anklel andoa učimos,
79kaste străfeal pa kukola kai pašleon ando tuneriko thai ande ušal le mullimasti, thai te ortol amară pînŕă po drom la pačeako!”#Is. 9.2; 42.7; 49.9. Mat. 4.16. Kărd. 26.18.
80Thai o çînoro bareolas thai zureaolas ando duxo. Thai bešlo andel thana le pustii ji ando des kana sîkadi'lo angloa Israelo.#Cap. 2.40. Mat. 3.1; 11.7.
Currently Selected:
Luka 1: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
