Luka 12
12
Poa athaimos, e dar le manušenadar, o prasaimos poa Sfînto Duxo.
1Ando čiro kodoa, kana tidesaspe le noroade le miença, kadea ka ušteavenaspe iekh avrănça, o Isus lea te mothol Pehkă jenengă: „Mai anglal anda sa arakhăn tume le xumerăstar le Fariseiengo, kai sî o athaimos.#Mat. 16.6, 12. Marko 8.15.
2Nai khanči garado, kai či avela dikhlino, či gardo, kai te na avela prinjeando.#Mat. 10.26; 16.12. Marko 4.22.
3Anda kodea, orso phenena koa tuneriko, avela ašundo kai lumina, thai orso phenena koa kan, ande odăiça, avela vestime opră pel khăra.
4Phenau tumengă, Mîŕă prinjeande: Te na daran kolendar kai mudarăn o stato, thai pala kodea našti mai kărăn khanči.#Is. 51.7, 8, 12, 13. Ier. 1.8. Mat. 10.28. Ioan 15.14, 15.
5Sî te sîkavau tumengă kastar te daran. Daran anda Kukoa ka, pala so mudardea, sî les e zor te šudel ande iag le iadosti; e, phenau tumengă, Lestar te daran.
6Ta či bitindeon kadea panji čiriklea pe dui franči? Orta, či iekh anda lende nai bîstărdi angla o Dell.
7Thai orta le firea andoa šero, sa sî tume dinde. Kadea kă te na daran: tume san mai kuči sar but čiriklea.
8Me phenau tumengă: kă orkon mothola Ma angla le manuši, mothola les i o Šeau le manušehko angla le înjerea le Devllehkă;#Mat. 10.32. Marko 8.38. 2Tim. 2.12. 1Ioan 2.23.
9ta kon šudela pe Mandar angla le manuši, avela i o šudino angla le înjerea le Devllehkă.
10Thai orkon dela duma poa Šeau le manušehko, iertila pe lehkă; ta orkon prasala o Sfînto Duxo, či iertila pe lehkă.#Mat. 12.31, 32. Marko 3.28. 1Ioan 5.16.
11Kana nigrăna tume angla le khăngărea, angla le guvernatorea, thai angla le barărai, te na lel tume e dar, so phenena anda tumaro čeačimos, či anda so dena duma;#Cap. 21.14. Mat. 10.19. Marko 13.11.
12kă o Sfînto Duxo sîkavela tume orta ando čeaso kodoa so trăbun te den duma.”
E pilda le bravalesti kai rodisardea lesti phuw.
13Iekh anda o butimos phendea le Isusohkă: „Sîkaitorina, phen mîŕă phralehkă te ulavel mança o mandimos amaro.”
14„Manuša”, dea les anglal o Isus, „kon thodea Ma Man krisînitori or xulaitorii pa tumende?”#Ioan 18.36.
15Pala kodea phendea lengă: „Dikhăn thai arakhăn tume or saveatar xanjuvalimos lovengo; kă e čivava varekasti či bešel ando bravalimos lehkă mandimatăngo.”#1Tim. 6.7, etc.
16Thai phendea lengă e pilda kadea: „E phuw khă manušesti bravalo andeasas but rodo.
17Thai o delas pe godi ande peste, thai phenelas: „So kăraua? Anda kă manai ma than kai te tidau mîră roduri.”
18„Dikta”, phendea o, „so kăraua: dau tele mîŕă divarea, thai vazdau aver mai bară; oče tidaua sa le roduri thai sa mîŕă lašimata;
19thai phenaua mîŕă diiehkă: Sufletona, sî tu but lašimata tidine anda but bărši; čiio, xa, pi thai vesălisao!”#Ecl. 11.9. 1Kor. 15.32. Iak. 5.5.
20Ta o Dell phendea lehkă: „Dilea! Orta ande reat kadea mangăl pe tukă parpale teo sufleto; thai le butea, kai lašardean le, kahkă avena?”#Iov 20.22; 27.8. Ps. 39.6; 52.7. Ier. 17.11. Iak. 4.14.
21Sa kadea sî i kukolesa kai tidel pehkă mandina anda leste, thai či bravaol angloa Dell.”#Vers. 33. Mat. 6.20. 1Tim. 6.18, 19. Iak. 2.5.
Le daraimata.
22O Isus phendea pala kodea lehkă jenengă: „Anda kodea phenau tumengă: Na daran, dičimasa ka tumari čivava, dindoi tume godi so xana, či dičimasa ka tumaro stato, dindoi tume godi sosa xureaveana tume.#Mat. 6.25.
23E čivava sî mai but sar o xabe, thai o stato mai but sar o xureaimos.
24Dikhăn limasa sama kal korbea: on či thon ande phuw, či tiden, nai le či kămara, či divari: thai sa o Dell pravarăle. Sodença mai dă kuči san tume dă sar le čiriklea!#Iov 38.41. Ps. 147.9.
25Thai pala kodea, ao anda tumende, orta avindoi lehkă dar, dactil te mai thol ăkh koto koa lunjimos pehka čivavako?
26Kana, našti kărăn či mai xançorî buti, anda soste mai daran anda le kolaver?
27Dikhăn barea samasa sar bareon le krinea: on či katen, čina či khuven: ta sa phenau tumengă kă či o Solomono, ande sa pesti slava nas xureado sar iekh anda lende.
28Kana kadea xureavel o Dell e čear, kai adesea sî po kîmpo, ta texara avela šudini ando bou, sodença mai but xurevela tume O tumen, xançî pateindorilor?
29Te na roden so xana thai so pena, thai na kovlearăn tumari godi.
30Kă sa kadala butea le Neamuri la lumeakă roden le. Tumar o Dadd jeanel kă sî tume trăbuimos lendar.
31Roden mai anglal o Thagarimos le Devllehko, thai sa kadala butea dena pe tumengă opral.#Mat. 6.33.
32Na dara, çînorî turmă; anda kă o Dadd tumaro del tume drsagosa o Thagarimos.#Mat. 11.25, 26.
33Bitinen so sî tume thai den milostenia. Kărăn te aven tumengă tăšila kai či pureaol, khă mandin bistaxome andel čerurea, kai či pašol o čior, thai kai o termo či xalearăl.#Cap. 16.9. Mat. 6.20; 19.21. Kărd. 2.45; 4.34. 1Tim. 6.19.
34Kă kai sî o mandin tumaro, oče sî i o illo tumaro.
Phendimos koa arakhaimos.
35O maškar te avel tumengă phanglo, thai le ambral astarde.#Mat. 25.1, etc. Efes. 6.14. 1Pet. 1.13.
36Thai te aven sar varesar manuši, kai ajukrăn pehkă stăpînos te avel kata o abeau, kaste pîtrăn lehkă iekhatar, kana avela te marăl koa udar.
37Baxtale le robendar kodolendar, kai o stăpîno arakhălale arakhaindoi ka pehko avimos! Čeačimasa phenau tumengă, kă o phandela pe, tholale te bešen kai skafidi, thai pašola te kandele.#Mat. 24.46.
38Avela te avel kai duito straja andai reat, avela kă avel koa trito straja, baxtale le robendar kodolendar, te arakhălale arakhadindoi!
39Te jeanen mišto kă, te jenelas o stăpîno le khărăhko ka sao čeaso avela o čior, arakhălas, thai nahkă mekăl te phaŕavel lehko khăr.#Mat. 24.43. 1Tes. 5.2. 2Pet. 3.10. Sîk. 3.3; 16.15.
40Thai i tume te aven gătime, kă o Šeau le manušehko avela ando česo ande sao na dena tume godi.”#Cap. 21.34, 36. Mat. 24.44; 25.13. Marko 13.33. 1Tes. 5.6. 2Pet. 3.12.
O ispravniko o pateaimahko.
41„Raia”, phendea Lehkă o Petro,” anda amende phenes e pilda kadea or anda sa?”
42Thai o Rai phendea: „Kon sî o ispravniko pateaimahko thai xarano, kai thola les o stăpîno pa sa pehkă kanditorea lehkă, kaste dele e rig lendi le xamasti koa čiro kai trăbul?#Mat. 24.25; 25.21. 1Kor. 4.2.
43Baxtalo le robostar kodolestar, kai o stăpîno ka lehko avimos, arakhăla les kărindoi kadea!
44Čeačimasa phenau tumengă, kă thola les pa sa pehko mandin.#Mat. 24.47.
45Ta kana o robo kodoa phenel ande pehko illo: „O stăpîno muŕo či avel akana; te lela te marăl le kandinatoren thai le kanditoarean, te xal, te pel, thai te mateol,#Mat. 24.48.
46o stăpîno le robohko kodolehko avela ando des kai o či ajukrăl pe, thai ando čeaso kai či jeanel, thai šinela les andel kotora; thai lesti čivava avela e čivava kukolendi bipateaimahko andel butea dine lengă.
47O robo kodoa, kai jeanglea o kamimos pehkă stăpînohko, thai či lašailo khančestar, thai na kărdea buti pala o kamimos lehko, avela mardo butivar maladimatănça.#Num. 15.30. Deut. 25.2. Ioan 9.41; 15.22. Kărd. 17.30. Iak. 4.17.
48Ta kon či jeanglea la, thai kărdea buti vreniko mardimatăngo, avela mardo mai xançî mardimatănça. Kahkă dea pe but, mangăla pe lehkă but; thai kahkă dea pe mai but, mangăla pe lehkă i mai but.#Lev. 5.17. 1Tim. 1.13.
Iag andoa čeri.
49Me avilem te šudau iag pe phuw. Thai so kamau te avel astardi orta akana!#Vers. 51.
50Sî ma khă boldimos savesa trăbul te avau boldo, thai sode dă but kamau te pherdeol!#Mat. 20.22. Marko 10.38.
51Patean kă avilem te anau pačea pe phuw? Me phenau tumengă: či; ta mai iekhatar pharaimos.#Vers. 49. Mika 7.6. Mat. 10.34. Ioan 7.43; 9.16; 10.19.
52Kă, dă akanara angle, anda panji kai avena ande khă khăr, trin avena xoleariči pa dui, thai dui pa trin.#Mat. 10.35.
53O dadd avela xoleariko po šeau, thoa šeau po dadd; e dei pai šei, thai šei pai dei; e sastri pa e bori, thai e bori pa e sastri.”
Le semnuri le čirohkă.
54O mai phendea le noroadengă: „Kana dikhăn khă noro kă vazdel pe karing perăl o kham, iekhatar phene: „Avel o brîšind.” Thai kadea i avel.#Mat. 16.2.
55Thai kana dikhăn kă phurdel e bravall katar avelodes, phenen: „Sî te avel nădušala.” Thai kadea sî te avel.
56Athaditoreana, o mui la phuweako thai le čerehko jeanen te alosarăn les: o čiro kadoa sar ta či alosarăn les?
57Thai anda soste na krisînin i tume korkoŕo so sî čeačio?
58Kana jeas te pîrîtoresa angloa krisînitori, po drom rode te skăpis tu lestar, ta na varesar te çîrdel tu angloa krisînitorii, o krisînitorii te del tu po vaste le phandadehko, thai o phandaitori te šdel tu ando beči.#Ps. 32.6. Pilde 25.8. Is. 55.6. Mat. 5.25.
59Phenau tukă kă či anklesa oçal ji kana či potinesa i mai palal o bišariç.”
Currently Selected:
Luka 12: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
