Luka 18
18
E pilda le krisînitoresti bičeačeo.
1O Isus phendea lengă khă pilda, kaste sîkavel lengă kă trăbun te rudin pe biatărdimahko, thai te na mekăn pe.#Cap. 11.15; 21.36. Rom. 2.12. Efes. 6.18. Kol. 4.2. 1Tes. 5.17.
2O phendea lengă: „Ande khă četatea sas khă krisînitorii, kai le Devllestar či daralas thai le manušendar či lajealas.
3Ande četatea kodea sas i khă phiwli, kai avelas butivar leste, thai phenelas lehkă: „Kărmangă čeačimos ande xoli kai sîm mîŕî pîrîtoresa.”
4But čiro či kamblea te kărăl lakă čeačimos.Ta mai palal, phendea pehkă: „Barem kă le Devllestar či darau, thai le manušendar či lajeavau,
5orta, anda e phiwli kadea kă sa dilearăl ma, kăraua lakă čeačimos, kaste na sa avel te marăl muŕo šero.”#Cap. 11.8.
6O Rai mai phendea: „Ašunen so phenel o krisînitorii o bičečio?
7Thai o Dell či kărăla čeačimos Pehkă alosardengă, kai den mui des thai reat karing Leste, barem kă mai bešel angla lende?#Sîk. 6.10.
8Phenau tumengă kă kărăla lengă čeačimos iekhatar. Ta kana avela o Šeau le manušehko mai arakhăla O pateimos pe phuw?#Evr. 10.37. 2Pet. 3.8, 9.
E pilda le tiditoresti thai le Fariseosti.
9Mai phendea i e pilda kadea anda iekh kai pateanas pe ande peste orta kă sî bibezexale, thai či lenas în samă le kolavrăn.#Cap. 10.29; 16.15.
10„Dui manuši ankăste koa Templo te rudin pe; iekh sas Fariseo thai aver sas tiditorii.
11O Fariseo bešelas ande pînŕănde, thai lea te rudil pe ande peste kadea: „Devlla, Tukă naisarav kă či sîm sar le kolaver manuši, xanjuvale, bičečimahkă, preakurvarea or orta sar koakoa tiditorii.#Ps. 135.2. Is. 1.15; 58.2. Sîk. 3.17.
12Me postiu duvar po kurko, dau dešimos anda sa mîŕă avimata:”
13O tiditorii bešelas mai dureardo, thai na daštilas te vazdel či le iakha karing o čeri; thai marălas pe ando kolin, thai phenelas: „Devlla, avel tu mila mandar, kă sîm bezexalo!”
14Me phenau tumengă kă mai iekhatar o manuši kadoa ulisto khără dindo bibezexalo sar o kolaver. Kă orkon vazdel pe, avela perado; thai orkon mekăla pe tele, avela vazdino.”#Cap. 14.11. Iov 22.29. Mat. 23.12. Iak. 4.6. 1Pet. 5.5, 6.
Le šaoră.
15Andine Lehkă i varesar šaoră, kaste azbal le.Ta le jene, kana dikhline e buti kadea, xaline pe kodolença kai anenas le.#Mat. 19.13. Marko 10.13.
16O Isus akhardea Peste le šaorăn, thai phendea: „Mekăn le šaorăn te aven Mande, thai na atărdearăn le; kă o Thagarimos le Devllehko sî iekhăngo sar lende.#1Kor. 14.20. 1Pet. 2.2.
17Čeačes phenau tumengă kă, orkon či primila o Thagarimos le Devllehko sar khă šaoro, či khă tiposa či šola pe ande leste”#Marko 10.15.
O bravalo tărno.
18Khă baro pušlea le Isusos: „Lašea Sîkaitorina, so trăbul te kărau kaste avel ma e čivava e vešniko?#Mat. 19.16. Marko 10.17.
19„Anda soste phenes Mangă lašo?” dea les anglal o Isus. „Khonikh nai mai lašo dă sar Iekh korkoro: o Dell.
20Jeanes le mothodimata: „te na preakurvăris; te na mudarăs; te na čiorăs; te na phenes khă phendimos xoxamno; te des pativ te daddes thai tea deia.”#Exod. 20.12, 16. Deut. 5.16, 20. Rom. 13.9. Efes. 6.2. Kol. 3.20.
21„Sa kadala butea,” Phendea lehkă o, „arakhlem le anda muŕo tărnimos.”
22Kana ašundea o Isus kadala divanuri, phendea lehkă: „Sî te mai avel tu iekh buti: bitin sa so sî tu, xulau ka le čioŕă, thai avela tu khă mandin andel čeruri. Pala kodea, av pala Mande.”#Mat. 6.19, 20; 19.21. 1Tim. 6.19.
23Kana ašundea o kadala divanuri, tristosai'lo dă sa; kă sas but bravalo.
24O Isus dikhlea kă tristosai'lo dă sa, thai phendea: „Sode dă pharăs šona pe ando Thagarimos le Devllehko kola kai sî le bravalimata!#Pilde 11.28. Mat. 19.23. Marko 10.23.
25Anda kă mai lesne sî te nakhăl e kamila andoa kan la suveako, dă sar khă manuši bravalo ando Thagarimos le Devllehko.”
26Kola kai ašunenas Les, phendine: „Atunčeara kon dašti avel skăpime?”
27O Isus de anglal: „So sî bidaštimahko kal manuši, sî daštimasa koa Dell.”#Ier. 32.17.
28Atunčeara o Petro phendea: „Dikta kă ame mekleam sa, thai avileam pala Tute.”#Cap. 1.37. Zax. 8.6. Mat. 19.26; 27.
29Thai o Isus phendea lengă: „Čeačimasa phenau tumengă kă nai khonikh, kai te meklino pehko khăr, or la romnea, or le phralen, or le dadden, or le šeaven, ando Thagarimos le Devllehko,#Deut. 33.9.
30thai te na primil but mai but ando veako kadoa dă akanara, ta ando veako o kolaver, e čivava e vešniko.#Iov 42.10.
O Isus vestil o mudarimos thai Lehko juvindimos.
31O Isus lea Pesa kolen le dešudon, thai phendea lengă: „Dikta kă ankleas ando Ierusalimo, thai sa so sas ramome andal prooročea poa Šeau le manušehko, sî te pherdeola.#Ps. 22. Is. 53. Mat. 16.21; 17.22; 10.17. Marko 10.32.
32Kă avela dino ando vast le Neamurengo; marăna pehkă lajeau Lestar, dena Les armaia, čiungardena Les;#Cap. 23.1. Mat. 27.2. Ioan 18.23. Kărd. 3.13.
33thai, pala so marăna Les le ŕaiança, mudarăna Les, ta ando trito des uštela.”
34On či atearde khanči anda kadala butea: kă o divano kadoa sas garado anda lende, thai či atearănas so phenelas lengă o Isus.#Cap. 2.50; 9.45. Marko 9.32. Ioan 10.6; 12.16.
O sastearimos khă koŕăhko ando Ierixono.
35Ta kana pašolas o Isus ando Ierixono, khă koŕo bešelas paša o drom thai mangă las.#Mat. 20.29. Marko 10.46.
36Kana ašundea o norodo kă nakhăl, pušlea kon sî.
37Phendine lehkă: „Nakhăl o Isus andoa Nazareto:”
38Thai o çîpisardea: „Isuse, Šeau le Davidohko, avel tu mila mandar!”
39Kola kai jeanas anglal, xanaspe lesa te ašelmuto; ta o çîpilas i mai zurales: „Šeau le Davidohko, avel tu mila mandar!”
40O Isus atărdi'lo, thai mothodea te anen les Leste; thai, pala so paši'lo, pušlea les:
41„So kames te kărau tukă?” „Raia,” dea anglal o, „te lau muŕo dičimos.”
42Thai o Isus phendea lehkă: „Le teo dikhaimos. O pateaimos tiro skăpisardea tu.”#Cap. 17.19.
43Andakhdata, o koŕo lea pehko dikhlimos, thai gălo pala o Isus, slăvindoi le Devlles. Soa norodo, kana dikhlea kodola so sas, dea lăudimos le Devlles.#Cap. 5.26. Kărd. 4.21; 11.18.
Currently Selected:
Luka 18: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
