Marko 13
13
1Kana ankăsto o Isus andoa Templo, iekh anda Lehkă jene phendea lehkă: „Sîkaitorina, dikta so baŕ thai sar sî vazdine!”#Mat. 24.1. Luka 21.1.
2O Isus dea les anglal: „Dikhăs tu kadala bară vazdimata? Či ašela koče baŕ pe baŕăste, te na avel perado.”#Luka 19.44.
3Pala kodea bešlo po baŕbaro le Tetinengo angloa Templo. Thai o Petro, o Iakovo, o Ioano thai o Andrei, pušle Les rigate:
4„Phen amengă kana avena sa kadala butea, thai sao avela o sămno kana kărdeona pe sa kadala butea?”#Mat. 24.3. Luka 21.7.
5O Isus lea atunčeara te mothol lengă: „Len mišto sama te na athavel tume varekon.#Ier. 29.8. Efes. 5.6. 1Tes. 2.3.
6Anda kă avena but ande Muŕo Anau, thai phenena: „Me sîm o Kristoso!” Thai athavena buten.
7Kana ašunena pal mardimata thai vestiuri pal mardimata, te na dran, kă kadala butea trăbun te kărdeon pe. Ta dăsar či avela o isprăvimos.
8Khă neamo uštela pa aver neamo, thai khă thagarimos pa aver thagarimos; pelthana avena isdraimata phuweakă, bokh thai biujimata. Kadala butea avena o anglaimos le dukhăngo.#Mat. 24.8.
9Len sama orta tumende. Sî te den tume po vast le tidimatăngo le krisăngo, thai avena marde andel khăngărea; andai doši Mîŕî avena nigărde anglal guvernatorea thai anglal thagarimata, anda te kandenle sar phendimahko.#Mat. 10.17, 18; 24.9. Sîk. 2.10.
10Mai anglal trăbul ka e LašiVestea te avel diniduma sa le neamurengă.#Mat. 24.14.
11Kana nigărăna tume te den tume ande lengă vast, te na îngîndurin tume mai anglal dičimasa so dena duma, ta te den duma so dela pe tumengă te den duma ando čeaso kodoa, kă na tume dena duma, ta o sfînto Duxo.#Mat. 10.19. Luka 12.11; 21.14. Kărd. 2.4; 4.8, 31.
12O phral dela koa mullimos pehkă phrales, thai o dadd pehkă šaves; le šave uštena pa pehkă dadda, thai mudarăna le.#Mika 7.6. Mat. 10.21; 24.10. Luka 21.16.
13Sî te aven bidikhline saoŕăndar anda Muŕo Anau; ta kon răbdila ji koa gor, avela skăpi me.#Dan. 12.12. Mat. 10.22; 24.9, 13. Luka 21.17. Sîk. 2.10.
Phendimos koa dičimos.
14Kana avela te dikhăn „e pîngania le pustiimasti” bešlindoi oče kai či trăbul te avel, – kon drabarăl te atearăl – atunči kola kai avena ande Iudea, te našen andel baŕbară.#Dan. 9.27. Mat. 24.15. Luka 21.21.
15Kon avela opră po khăr, te na mai ulel, te šol pe ando khăr, te lel pehkă vareso anda leste.
16Kon avela po kîmpo, te na mai amboldel pe parpale kaste lel pesti raxami.
17Au anda le juwlea kai avena pharea, thai anda kukola kai dena čiuči ande le des kodola!#Luka 21.23; 23.29.
18Rudin tume ta kadala butea te na kărdeon pe iwende.
19Anda kă ande le des kodola avela khă năkazo kadea dă baro, sar či sas dă kana kărdili e lumea, kai kărdea la o Dell, ji adesara, thai čina či mai avela vokhdata.#Dan. 9.26; 12.1. Ioel 2.2. Mat. 24.21.
20Thai kana nahkă çîknearăl o Rai le des kodola, khonikh či skăpila; ta çîkneardea le anda e doši kolengo le alosardengo.
21Te phenela tumengă varekon atunčea: „Dikta, o Kristoso sî koče” or: „Dikta, Lo kote”, te na patean les.#Mat. 24.23. Luka 17.23; 21.8.
22Kă uštena but Kristošea xoxamne thai proročea xoxamne. On kărăna sămnuri thai minunea, kaste athaven, te avela daštimasa, i kukolen le alosarden.
23Arakhăn tume; dikta kă phendem tumengă le mai dă anglal.#2Pet. 3.17.
24Ta, ande le des kodola, pala o năkazo kadoa, o kham kaleola, o šonuto či mai străfeala pehko luminimos,#Dan. 7.10. Çef. 1.15. Mat. 24.29, etc. Luka 21.25.
25le čeraia perăna andoa čeri, thai le zora kai sî andel čeruri avena mištisarde.
26Atunči dičiola pe o Šeau le manušehko avindoi pel norea barea zorasa thai slavasa.#Cap. 14.62. Dan. 7.13, 14. Mat. 16.27; 24.30. Kărd. 1.11. 1Tes. 4.16. 2Tes. 1.7, 10. Sîk. 1.7.
27Atunčeara tradela Pehkă înjeren, thai tidela kolen le alosarden anda le kola štar bravallea, katoa gor la phuweako ji kai rig le čeresti.
28Len sîkaimos kata o smoitino anda lesti pilda. Kana e ŕaiorî lesti iwandil thai împătril, jeanen kă o milai sî paše.#Mat. 24.32. Luka 21.29, etc.
29Sa kadea, kana dikhăna kadala butea kă kărdeona pe, te jeanen kă o Šeau le manušehko sî paše, sî orta kal udara.
30Čeačes phenau tumengă, kă či nakhăla o neamo kadoa ji kana pherdeona sa kadala butea.
31O čeri thai e phuw nakhăna, ta le divanuri Mîŕă či nakhăna.#Is. 40.8.
32Sode poa des kodoa, or o čeaso kodoa, či jeanel khonikh, či le înjerea andoa čeri, či o Šeau, ta dăsar o Dadd.
33Len sama, bešen ušteade thai rudin tume; kă či jeanen kana avela o čiro kodoa.#Mat. 24.42; 25.13. Luka 12.40; 21.34. Rom. 13.11. 1Tes. 5.6.
34Kărdeola pe sar i khă manušeasa kai teleardea ande aver čem, kai mekăl pehko khăr, del le roben lehkărăn zor, sikavel saoŕăhkă sao sî lehko unjilimos te kărăl, thai mothol le udarehkă te lel sama.#Mat. 24.45; 25.14.
35Ta bešen ušteade, anda kă či jeanen kana avela o stăpîno le khărăhko: or reate, or koa maškar la reateako, or koa dilabaimos le bašnengo, or dădroboitu.#Mat. 24.42, 44.
36Daran, ta na varesar, avindoi bi vesteako, te arakhăl tume soindoi.
37So phenau tumengă, phenau saoŕăngă: Bešen ušteade!”
Currently Selected:
Marko 13: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
