JOŊRE 2
2
Bi də Tiiru Cetcetaŋ
1Də ko bə minti kəɗwəy gə Pantəkoti#2.1 Pantəkoti ha'aŋ kəɗwəy kə kaanə Ziwifiŋ gə minti yə jəy bə ji suuse a Pepeŋ adordə kaasaw gə cemeŋa. Kəɗwəy teŋ ɗe a ji haa *Paki wəra bə jəə-ji hiti hor-hor wiiɗiw. tuukuŋ, kaa kə doo-deŋ a gə tapə-tepe ciiri a ko bə məna. 2Ɗeŋ a gole kəna, karman sawyaŋ apəy da anə həə'a, damdi kaŋkaw kəmtəŋ kəman haŋ da ana. Kaa gə minti a jəŋ gə əsə-isi aləwa gila keɗeŋ, əskəŋ naakte bə kosoŋ toŋ wəra keɗe. 3Kəya karman damdi kəsəlɗə cəwa ana vəɗaŋ diri. Karman toŋ ɓarsaŋ duru wəra, wə ɗeŋ a əsti cəərə kaŋa wəra məna-məna keɗe. 4A ko toŋa kəya, Tiiru Cetcetaŋ kaltaŋ giidi, a ɗustiniy wəra keɗe. Kəya yə əsəŋ bə waate ku kaa gaalaŋa, damdi Tiiru Cetcetaŋ a waataŋ hulum toŋ ne minti wə waatə ku kaa té la kəya anaŋ.
5A jəŋ Zeruzalema haa kaanə Ziwifi gə minti ɗe haa də ku Pepeŋ. Yə pətəŋ warda giidə seŋka məntə məntə də mo hal-hal keɗe. 6Bə minti yə əskəŋ naakte kosoŋ kəyaŋ, yə kooroŋ bə ɗe a tepe wəra cəərə kumsi həzi gil a ko toŋa faɗi. Yə bəsaŋ kuy máŋ bə ha'tə-ha'te laki, gud bə minti mindi mindi mo bə iski kel gə minti kaa kə doo-de bə wəətiya wəra də ku kəmnu məna-məna keɗe'i. 7Də ko toŋ ha'aŋ, yə ŋələŋ ablaw, tərməyi le máŋ haa le a kəkəy bə goleŋa. Kəya yə əsəŋ bə waate minti: «Kaa gə minti laki bə waate kelaŋ yə kaanə Galile keɗe tə kəm, 8bə jəŋ haa naanaanə minti kel gə minti yə bə wəətiya ha'aŋ, mindi mindi mo bə iskiya wəra də ku kəmnu faɗiŋ mo? 9Gud bə minti bəŋa áŋ laki kənaŋ, sərdə áŋ gə Partə, kaayaŋ kəna ada gə Meedi, gə Elam, gə Mesopotami, gə Zude, gə Kapadosi, gə Ponti, gə Azi, 10-11gə Firiji, gə Pamfili, gə Eziptə, gə Libi maŋ sar seŋka də Sirena, daana gə Rom gəm. Kaa gə minti waŋ wəra kəmniy gə Ziwifiŋ daana kaayaŋ gə minti koloŋ kusri wəra gə Ziwifi koleŋ, yaŋ kəna gəm. Kaanə Kereti daana kaanə Arabi ada gəm. Ana doloy paŋ áŋ neŋneŋ keɗe, áŋ bə əski kel gə minti yə bə wəətiya cəərə kel kəmtəŋ gə minti Pepeŋ jiiniy wəra də ku kamnə áŋ faɗi!» 12Gud teŋa ta, yə máŋ laki gə ŋələ-ŋili. Bəlam də kel gə minti yə ɗəkə la anəkay paapa də diri pəda gəm tə pə moŋ, yə əsəŋ bə waate kumsi minti: «Kel teŋ, guudiŋ haa minti harmə harmə mo?» 13Səma sirdi vaŋ hin cəərə kaa kə doo-deŋa. Yə əsəŋ bə waate ciiri minti: «Yə laki sar áŋa wəra gə markə-markeŋ dəra!»
Kel kə waate kə Piyer
14Kəya Piyer də *kaa kaayaŋ gə vaa-ve hor ciiri məna'iŋ pətəŋ apəya. Wə əsəŋ bə waate kela wəra a kaŋ anə koloŋ-koloŋ minti: «Aŋ kaanə Ziwifiŋ, daana aŋ kaa gə minti də kuliŋ kəna Zeruzalemaŋ gəm, aŋ holkə kosnoŋ la wəra pisi bə iski gud kel gə minti aŋ a əsnəy hebkəna daŋ. 15Kaa teŋ laka paapa gə markə-marke damdi ɗiki dəŋ bə waataŋa ha'aŋ ana ba, gud bə minti cəwaŋ kəm gara haa cəwa də ve kəccəŋ faɗi#2.15 Piyer waataŋ sam cəwa də ve kəccəŋ ha'aŋ, gud bə minti kaanə Ziwifiŋ ɗele kar kə hameŋ daana gə seŋ ha'aŋ, adordə tooseŋa bə minti yə jəw haa də cəwa taŋ derra. Jəəne bədoona, yə bə jəŋ gə markə-marke haa naanaanə mo?. 16Kel gə minti aŋ a əsnəy hebkəna daŋ, haa kel gə minti Zowel, *hulum bə jogte ku mini kə Pepeŋ, a waataŋ wəra ciiri dayday hãã minti:
17‹Pepeŋ waataŋ minti:
Gila haa kar gə minti ten bə ɗe a jəy yaŋ dər hiti bə adoroŋ na:
Ten ge Tiirən yaŋ cəərə kaŋ da keɗe.
Kəya karməyaŋ kaŋkar də kəmar kəram kiɗi yaŋ bə jogte ku mini kətan wəra a kaŋ.
Ten waate kel nin yaŋ a kəmar kaalay nəətiŋ
a kəkəy bə vəɗtəy kara diriŋ,
daana a kaa kəpaaraŋkaw nəətiŋ
a kəkəy bə minti ten əytəy sooneŋ gəm.
18Gəəzi, dər hiti bə adoroŋa, ten ge Tiirən yaŋ
cəərə kaa kə joŋre nin da, kaŋkar də kəram keɗe gəm.
Də ko toŋ ateŋa ha'aŋ, yə jogte ku mini kətan yaŋ wəra a kaŋ.
19Ten bə jəəti kar gə məɗ-miɗi yaŋ apəy da tarmə pepeŋ da,
adawra kəna gəm.
Kar kə celte tarmə kaŋ bə jəəti yaŋ bə gay diri wəra minti kel bə ɗe jəəti yaŋ ajew na.
Kel teŋ bə ji ha'aŋ: kor, anə cəwa də do'e hərhəraŋ, keseŋ bə əntə-ənti tinil-nil-niliŋ.
20Cəwaŋ ge giziɓi yaŋ wəra,
daana kitir kole yaŋ wəra kəəli damdi kor ana.
Kel teŋ gila keɗe ji wəra ha'aŋ, ajew də Hi boblo kə Barkaŋa.
21Bədoona ta, mindi mindi mo haraŋ mante nuutuŋ ne sar Barkaŋaŋ,
wə siiru yaŋ wəra#2.21 Joel 3.1-5.›»
22Kəya Piyer haraŋ bə waate kaŋa minti: «Aŋ kaanə *Israyel, aŋ əskə kel gə minti ten bə waataŋ dəŋa la pisi: aŋ wəra gə asə-ase gəm minti Yeesu bə Nazaretiŋ jəŋ kar gə məɗ-miɗi, kar kə ŋili kaŋ daana kar gə ke dər kaŋ minti kel bə ɗe a ji yaŋ na. Wə jiiniy haa adəwaldəŋa kəna də səɓaki kə Pepeŋ. Aŋ asaŋ a ko toŋa minti usnu a joŋre toŋa haa Pepeŋ. 23Wə haa hulum bə minti Pepeŋ aynaŋ dəŋ kaasəŋa gud bə minti ɗiki də Pepeŋ a warda bə malə-mele minti kel teŋ bə ɗe a ji yaŋ anəkay, daana wə kəənəy gədəəgi di da haa tó. Aŋ kaanə Israyel, aŋ əwnu haa aŋ, gud bə minti aŋ əynu warna kasi kaa gə minti Pepeŋ paapa də diri baŋ#2.23 Kaa teŋ, yə haa kaanə Rom, yə paapa kaanə Ziwifi baŋ.; yə ɓəlnu wəra a kəbaŋ gə largaŋa. 24Səma Pepeŋ hərnu wəra dədərgə adordə meŋa. Wə budnu warda kasi me da, gud bə minti səɓaki də meŋ nəkaŋ kir jeme waŋ duuru ba. 25Gud maa mo *Davidi a waataŋ wəra cuuru minti:
‹Ten ase Barkaŋ tiinəna saksaki,
wə sarəna maŋ kir minti ten halye ba.
26Gud teŋa ta, tarməyan wəra fənay-fənay de waale;
ten waate kel máŋ wəra haa holoŋ-holoŋ.
Kusuki dən də kusru isi yaŋ dər faakeŋa
gud bə minti ɗiki dən wəra bə malə-mele cəərəma, Pepeŋ.
27Gud maa mo tam yaakan a ko kə kaa kə mee-meŋ na ba;
tam bə yaake hulum bə joŋre nəmti *cetcetiŋ
bə cimi a tələŋkəŋa bə gəm.
28Tam gaanan dərən wəra a kəkəy bə minti
ten bə ɗe a ji yaŋ caw dədərgəŋ.
Tarman wəra də ɗosə-ɗose də waale
gud bə minti tam sarəna maŋ#2.28 Ps. 16.8-11.›»
29Kəya Piyer raawaŋ bə waate kaŋa minti: «Kəsaananti, ten waataŋ wəra pasyak-pasyaki cəərə moomo də áŋ Davidi bə daydaya minti: wə meŋ, yə gəənu a tələŋkə, teɗker du yaŋ sar áŋa kəna hãã hebkəna. 30Wə a jəŋ hulum bə jogte ku mini kə Pepeŋ səm moŋ, wə asaŋ wəra minti Pepeŋ kəlaŋ ku a nuunu minti: ‹Ten ɗe a kole hõy a koɗoma a jaaŋa də kumnaŋa, haa hulum bə minti a kaasaw dəma.› 31Davidi a asaŋ kel gə minti bə ɗe a ji yaŋ warda. Gud teŋa ta, bə minti wə waataŋ minti: ‹Wə yəəkunu a ko kə kaa kə mee-me na ba daana kusuki du cimiŋ giidə tələŋkə na ba›, wə waataŋ doloy haa cəərə hare bə dədərgəŋa wəra adordə me kə *Hulum bə minti Pepeŋ ŋəmnuŋ. 32Yeesu tó bə minti ten bə waataŋ səmu ha'aŋ, Pepeŋ hərnu warda dədərgə adordə meŋa. Are neŋneŋ keɗe kəmnə də kəkəy də kel teŋ. 33Pepeŋ həənu warna suru na, wə usnu a kəəsu kemera. Wə fəlaŋ Tiiru Cetcetaŋ də minti Buru a wəətunu minti tó bə əydu yaŋ gəm. Wə gaana cəərə are. Kel gə minti aŋ bə əsəya daana bə jiɓriya hebkəna, haa joŋre naata. 34Davidi ɗeŋ nuutu kəm də kusru apəy na ba, səma wə waataŋ minti:
‹Pep Barkaŋ waataŋ Barkaŋ katən minti:
əsə la cin a kaasən kemera
35hãã bə minti ten kolə kaa kə acukur nəmtiŋ la wəra kəm kar gə minti tam təytəy wəra kuuri#2.35 Ps. 110.1.›
36Aŋ kaanə Israyel keɗe, aŋ doŋ kir ase kel teŋ wəra kəya cəərəŋa kaŋkaŋ: Yeesu bə minti aŋ ɓəlnu wəra a kəbaŋ gə largaŋa ha'aŋ, Pepeŋ usnu hebkəna Barkaŋ daana Hulum bə minti wə ŋəmnu wəra haa tó.»
37Də ko bə minti yə əskəŋ kel teŋ kəyaŋ, yə ləŋaŋ wəra ablaw. Yə əsəŋ bə waate Piyera də kaa kə vaa-ve kaayaŋ teŋ minti: «Kəsaanə areŋ, are jəə la haa naanaanə tə mo?» 38Kəya Piyer hərnəy kel minti: «Aŋ kolə kerkeŋ la a baymele nəətiŋ. Mindi mindi mo ayə kusru la kir minti yə jəw batem la wəra də sam Yeesu Kristu, kir minti Pepeŋ vəəgə giidu la wəra cəərə baymele nəətiŋa. Bədoona ana, Pepeŋ ayaŋ karman yaŋ boobo, haa Tiiru Cetcetaŋ. 39Gud maa mo, Pepeŋ a waataŋ wəra kaŋkaŋ minti tó aya yaŋ wəra a nəənəŋ, a karməyaŋ, a kaa gə minti nuutu paapa sarəŋa kəna maŋ baŋ keɗe; gə minti Barkaŋ Pep náŋ bə məntəy yaŋ keɗe gəm.»
40Piyer haraŋ bə wəətəy kel gaalaŋa ada ablaw. Wə tupnuy də kel daana wə əsəŋ bə tiŋiy diri minti: «Aŋ doo seereŋ la! Aŋ haa giidiŋ la wəra tooto sar kaa kə hebkəna gə minti bə ji haa kel kə gul-gulaŋ.» 41Kaayaŋ gə minti doŋ gud kel kə Piyera, yə jiiniy batem wəra. Dər hi toŋa ateŋa, kaa gə minti doŋ guudu, yə ɗe kampar guɓ-guɓi soope. Yə vəənəy ku kaa kə doo-deŋa ada.
Kaa kə doo-deŋ tepe kuy
42Kaa kə doo-deŋ ayaŋ kusri də səɓaki bə jeɓre hate bə minti *kaa gə vaa-veŋ bə hətuŋ, bə tapte də kumsiŋ, bə hame so neeteŋa tapi, bə toose gəm. 43Kaŋ keɗe wəra də walka gud bə minti kaa gə vaa-veŋ bə jəəti kar kə ŋili kaŋa, də kar gə məɗ-miɗi ablaw. 44Kaa kə doo-deŋ neŋneŋ keɗe doŋ ku kumsi wəra məna daana kar gə minti kəəsiŋ, yə ɓərsəy adəwaldə kumsi. 45Kəya, yə gustiti anə aka neeteŋ wəra, də kar neeteŋ kaayaŋ gə kəəsiŋ. Yə hare bə ɓarse soloya a kumsi jet-jeti cəərə gəəli bə minti fəlaŋ mindi mindi ne mo keɗe. 46Dər hitiŋa keɗeŋ, ɗiki di wəra ɗaaməna tə pə moŋ, yə ɗeete a tapte ciiri giidə *Kuli kə Pepeŋa. Yə hamte so neeteŋ də kumsi tapi keɗe girdi da aker da daana yə həmu ha'aŋ bə waale laki də talma pəsaŋ. 47Yə tokɗete Pepeŋ, daana kaŋ keɗe əŋkəy minti yə kaa pəsaŋ. Kəya, dər hitiŋa saksaki, Barkaŋ fəkaŋ kaa gə minti apaŋ seereŋ wəra ku Tapi neeteŋa ada gəm.
Currently Selected:
JOŊRE 2: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
JOŊRE 2
2
Bi də Tiiru Cetcetaŋ
1Də ko bə minti kəɗwəy gə Pantəkoti#2.1 Pantəkoti ha'aŋ kəɗwəy kə kaanə Ziwifiŋ gə minti yə jəy bə ji suuse a Pepeŋ adordə kaasaw gə cemeŋa. Kəɗwəy teŋ ɗe a ji haa *Paki wəra bə jəə-ji hiti hor-hor wiiɗiw. tuukuŋ, kaa kə doo-deŋ a gə tapə-tepe ciiri a ko bə məna. 2Ɗeŋ a gole kəna, karman sawyaŋ apəy da anə həə'a, damdi kaŋkaw kəmtəŋ kəman haŋ da ana. Kaa gə minti a jəŋ gə əsə-isi aləwa gila keɗeŋ, əskəŋ naakte bə kosoŋ toŋ wəra keɗe. 3Kəya karman damdi kəsəlɗə cəwa ana vəɗaŋ diri. Karman toŋ ɓarsaŋ duru wəra, wə ɗeŋ a əsti cəərə kaŋa wəra məna-məna keɗe. 4A ko toŋa kəya, Tiiru Cetcetaŋ kaltaŋ giidi, a ɗustiniy wəra keɗe. Kəya yə əsəŋ bə waate ku kaa gaalaŋa, damdi Tiiru Cetcetaŋ a waataŋ hulum toŋ ne minti wə waatə ku kaa té la kəya anaŋ.
5A jəŋ Zeruzalema haa kaanə Ziwifi gə minti ɗe haa də ku Pepeŋ. Yə pətəŋ warda giidə seŋka məntə məntə də mo hal-hal keɗe. 6Bə minti yə əskəŋ naakte kosoŋ kəyaŋ, yə kooroŋ bə ɗe a tepe wəra cəərə kumsi həzi gil a ko toŋa faɗi. Yə bəsaŋ kuy máŋ bə ha'tə-ha'te laki, gud bə minti mindi mindi mo bə iski kel gə minti kaa kə doo-de bə wəətiya wəra də ku kəmnu məna-məna keɗe'i. 7Də ko toŋ ha'aŋ, yə ŋələŋ ablaw, tərməyi le máŋ haa le a kəkəy bə goleŋa. Kəya yə əsəŋ bə waate minti: «Kaa gə minti laki bə waate kelaŋ yə kaanə Galile keɗe tə kəm, 8bə jəŋ haa naanaanə minti kel gə minti yə bə wəətiya ha'aŋ, mindi mindi mo bə iskiya wəra də ku kəmnu faɗiŋ mo? 9Gud bə minti bəŋa áŋ laki kənaŋ, sərdə áŋ gə Partə, kaayaŋ kəna ada gə Meedi, gə Elam, gə Mesopotami, gə Zude, gə Kapadosi, gə Ponti, gə Azi, 10-11gə Firiji, gə Pamfili, gə Eziptə, gə Libi maŋ sar seŋka də Sirena, daana gə Rom gəm. Kaa gə minti waŋ wəra kəmniy gə Ziwifiŋ daana kaayaŋ gə minti koloŋ kusri wəra gə Ziwifi koleŋ, yaŋ kəna gəm. Kaanə Kereti daana kaanə Arabi ada gəm. Ana doloy paŋ áŋ neŋneŋ keɗe, áŋ bə əski kel gə minti yə bə wəətiya cəərə kel kəmtəŋ gə minti Pepeŋ jiiniy wəra də ku kamnə áŋ faɗi!» 12Gud teŋa ta, yə máŋ laki gə ŋələ-ŋili. Bəlam də kel gə minti yə ɗəkə la anəkay paapa də diri pəda gəm tə pə moŋ, yə əsəŋ bə waate kumsi minti: «Kel teŋ, guudiŋ haa minti harmə harmə mo?» 13Səma sirdi vaŋ hin cəərə kaa kə doo-deŋa. Yə əsəŋ bə waate ciiri minti: «Yə laki sar áŋa wəra gə markə-markeŋ dəra!»
Kel kə waate kə Piyer
14Kəya Piyer də *kaa kaayaŋ gə vaa-ve hor ciiri məna'iŋ pətəŋ apəya. Wə əsəŋ bə waate kela wəra a kaŋ anə koloŋ-koloŋ minti: «Aŋ kaanə Ziwifiŋ, daana aŋ kaa gə minti də kuliŋ kəna Zeruzalemaŋ gəm, aŋ holkə kosnoŋ la wəra pisi bə iski gud kel gə minti aŋ a əsnəy hebkəna daŋ. 15Kaa teŋ laka paapa gə markə-marke damdi ɗiki dəŋ bə waataŋa ha'aŋ ana ba, gud bə minti cəwaŋ kəm gara haa cəwa də ve kəccəŋ faɗi#2.15 Piyer waataŋ sam cəwa də ve kəccəŋ ha'aŋ, gud bə minti kaanə Ziwifiŋ ɗele kar kə hameŋ daana gə seŋ ha'aŋ, adordə tooseŋa bə minti yə jəw haa də cəwa taŋ derra. Jəəne bədoona, yə bə jəŋ gə markə-marke haa naanaanə mo?. 16Kel gə minti aŋ a əsnəy hebkəna daŋ, haa kel gə minti Zowel, *hulum bə jogte ku mini kə Pepeŋ, a waataŋ wəra ciiri dayday hãã minti:
17‹Pepeŋ waataŋ minti:
Gila haa kar gə minti ten bə ɗe a jəy yaŋ dər hiti bə adoroŋ na:
Ten ge Tiirən yaŋ cəərə kaŋ da keɗe.
Kəya karməyaŋ kaŋkar də kəmar kəram kiɗi yaŋ bə jogte ku mini kətan wəra a kaŋ.
Ten waate kel nin yaŋ a kəmar kaalay nəətiŋ
a kəkəy bə vəɗtəy kara diriŋ,
daana a kaa kəpaaraŋkaw nəətiŋ
a kəkəy bə minti ten əytəy sooneŋ gəm.
18Gəəzi, dər hiti bə adoroŋa, ten ge Tiirən yaŋ
cəərə kaa kə joŋre nin da, kaŋkar də kəram keɗe gəm.
Də ko toŋ ateŋa ha'aŋ, yə jogte ku mini kətan yaŋ wəra a kaŋ.
19Ten bə jəəti kar gə məɗ-miɗi yaŋ apəy da tarmə pepeŋ da,
adawra kəna gəm.
Kar kə celte tarmə kaŋ bə jəəti yaŋ bə gay diri wəra minti kel bə ɗe jəəti yaŋ ajew na.
Kel teŋ bə ji ha'aŋ: kor, anə cəwa də do'e hərhəraŋ, keseŋ bə əntə-ənti tinil-nil-niliŋ.
20Cəwaŋ ge giziɓi yaŋ wəra,
daana kitir kole yaŋ wəra kəəli damdi kor ana.
Kel teŋ gila keɗe ji wəra ha'aŋ, ajew də Hi boblo kə Barkaŋa.
21Bədoona ta, mindi mindi mo haraŋ mante nuutuŋ ne sar Barkaŋaŋ,
wə siiru yaŋ wəra#2.21 Joel 3.1-5.›»
22Kəya Piyer haraŋ bə waate kaŋa minti: «Aŋ kaanə *Israyel, aŋ əskə kel gə minti ten bə waataŋ dəŋa la pisi: aŋ wəra gə asə-ase gəm minti Yeesu bə Nazaretiŋ jəŋ kar gə məɗ-miɗi, kar kə ŋili kaŋ daana kar gə ke dər kaŋ minti kel bə ɗe a ji yaŋ na. Wə jiiniy haa adəwaldəŋa kəna də səɓaki kə Pepeŋ. Aŋ asaŋ a ko toŋa minti usnu a joŋre toŋa haa Pepeŋ. 23Wə haa hulum bə minti Pepeŋ aynaŋ dəŋ kaasəŋa gud bə minti ɗiki də Pepeŋ a warda bə malə-mele minti kel teŋ bə ɗe a ji yaŋ anəkay, daana wə kəənəy gədəəgi di da haa tó. Aŋ kaanə Israyel, aŋ əwnu haa aŋ, gud bə minti aŋ əynu warna kasi kaa gə minti Pepeŋ paapa də diri baŋ#2.23 Kaa teŋ, yə haa kaanə Rom, yə paapa kaanə Ziwifi baŋ.; yə ɓəlnu wəra a kəbaŋ gə largaŋa. 24Səma Pepeŋ hərnu wəra dədərgə adordə meŋa. Wə budnu warda kasi me da, gud bə minti səɓaki də meŋ nəkaŋ kir jeme waŋ duuru ba. 25Gud maa mo *Davidi a waataŋ wəra cuuru minti:
‹Ten ase Barkaŋ tiinəna saksaki,
wə sarəna maŋ kir minti ten halye ba.
26Gud teŋa ta, tarməyan wəra fənay-fənay de waale;
ten waate kel máŋ wəra haa holoŋ-holoŋ.
Kusuki dən də kusru isi yaŋ dər faakeŋa
gud bə minti ɗiki dən wəra bə malə-mele cəərəma, Pepeŋ.
27Gud maa mo tam yaakan a ko kə kaa kə mee-meŋ na ba;
tam bə yaake hulum bə joŋre nəmti *cetcetiŋ
bə cimi a tələŋkəŋa bə gəm.
28Tam gaanan dərən wəra a kəkəy bə minti
ten bə ɗe a ji yaŋ caw dədərgəŋ.
Tarman wəra də ɗosə-ɗose də waale
gud bə minti tam sarəna maŋ#2.28 Ps. 16.8-11.›»
29Kəya Piyer raawaŋ bə waate kaŋa minti: «Kəsaananti, ten waataŋ wəra pasyak-pasyaki cəərə moomo də áŋ Davidi bə daydaya minti: wə meŋ, yə gəənu a tələŋkə, teɗker du yaŋ sar áŋa kəna hãã hebkəna. 30Wə a jəŋ hulum bə jogte ku mini kə Pepeŋ səm moŋ, wə asaŋ wəra minti Pepeŋ kəlaŋ ku a nuunu minti: ‹Ten ɗe a kole hõy a koɗoma a jaaŋa də kumnaŋa, haa hulum bə minti a kaasaw dəma.› 31Davidi a asaŋ kel gə minti bə ɗe a ji yaŋ warda. Gud teŋa ta, bə minti wə waataŋ minti: ‹Wə yəəkunu a ko kə kaa kə mee-me na ba daana kusuki du cimiŋ giidə tələŋkə na ba›, wə waataŋ doloy haa cəərə hare bə dədərgəŋa wəra adordə me kə *Hulum bə minti Pepeŋ ŋəmnuŋ. 32Yeesu tó bə minti ten bə waataŋ səmu ha'aŋ, Pepeŋ hərnu warda dədərgə adordə meŋa. Are neŋneŋ keɗe kəmnə də kəkəy də kel teŋ. 33Pepeŋ həənu warna suru na, wə usnu a kəəsu kemera. Wə fəlaŋ Tiiru Cetcetaŋ də minti Buru a wəətunu minti tó bə əydu yaŋ gəm. Wə gaana cəərə are. Kel gə minti aŋ bə əsəya daana bə jiɓriya hebkəna, haa joŋre naata. 34Davidi ɗeŋ nuutu kəm də kusru apəy na ba, səma wə waataŋ minti:
‹Pep Barkaŋ waataŋ Barkaŋ katən minti:
əsə la cin a kaasən kemera
35hãã bə minti ten kolə kaa kə acukur nəmtiŋ la wəra kəm kar gə minti tam təytəy wəra kuuri#2.35 Ps. 110.1.›
36Aŋ kaanə Israyel keɗe, aŋ doŋ kir ase kel teŋ wəra kəya cəərəŋa kaŋkaŋ: Yeesu bə minti aŋ ɓəlnu wəra a kəbaŋ gə largaŋa ha'aŋ, Pepeŋ usnu hebkəna Barkaŋ daana Hulum bə minti wə ŋəmnu wəra haa tó.»
37Də ko bə minti yə əskəŋ kel teŋ kəyaŋ, yə ləŋaŋ wəra ablaw. Yə əsəŋ bə waate Piyera də kaa kə vaa-ve kaayaŋ teŋ minti: «Kəsaanə areŋ, are jəə la haa naanaanə tə mo?» 38Kəya Piyer hərnəy kel minti: «Aŋ kolə kerkeŋ la a baymele nəətiŋ. Mindi mindi mo ayə kusru la kir minti yə jəw batem la wəra də sam Yeesu Kristu, kir minti Pepeŋ vəəgə giidu la wəra cəərə baymele nəətiŋa. Bədoona ana, Pepeŋ ayaŋ karman yaŋ boobo, haa Tiiru Cetcetaŋ. 39Gud maa mo, Pepeŋ a waataŋ wəra kaŋkaŋ minti tó aya yaŋ wəra a nəənəŋ, a karməyaŋ, a kaa gə minti nuutu paapa sarəŋa kəna maŋ baŋ keɗe; gə minti Barkaŋ Pep náŋ bə məntəy yaŋ keɗe gəm.»
40Piyer haraŋ bə wəətəy kel gaalaŋa ada ablaw. Wə tupnuy də kel daana wə əsəŋ bə tiŋiy diri minti: «Aŋ doo seereŋ la! Aŋ haa giidiŋ la wəra tooto sar kaa kə hebkəna gə minti bə ji haa kel kə gul-gulaŋ.» 41Kaayaŋ gə minti doŋ gud kel kə Piyera, yə jiiniy batem wəra. Dər hi toŋa ateŋa, kaa gə minti doŋ guudu, yə ɗe kampar guɓ-guɓi soope. Yə vəənəy ku kaa kə doo-deŋa ada.
Kaa kə doo-deŋ tepe kuy
42Kaa kə doo-deŋ ayaŋ kusri də səɓaki bə jeɓre hate bə minti *kaa gə vaa-veŋ bə hətuŋ, bə tapte də kumsiŋ, bə hame so neeteŋa tapi, bə toose gəm. 43Kaŋ keɗe wəra də walka gud bə minti kaa gə vaa-veŋ bə jəəti kar kə ŋili kaŋa, də kar gə məɗ-miɗi ablaw. 44Kaa kə doo-deŋ neŋneŋ keɗe doŋ ku kumsi wəra məna daana kar gə minti kəəsiŋ, yə ɓərsəy adəwaldə kumsi. 45Kəya, yə gustiti anə aka neeteŋ wəra, də kar neeteŋ kaayaŋ gə kəəsiŋ. Yə hare bə ɓarse soloya a kumsi jet-jeti cəərə gəəli bə minti fəlaŋ mindi mindi ne mo keɗe. 46Dər hitiŋa keɗeŋ, ɗiki di wəra ɗaaməna tə pə moŋ, yə ɗeete a tapte ciiri giidə *Kuli kə Pepeŋa. Yə hamte so neeteŋ də kumsi tapi keɗe girdi da aker da daana yə həmu ha'aŋ bə waale laki də talma pəsaŋ. 47Yə tokɗete Pepeŋ, daana kaŋ keɗe əŋkəy minti yə kaa pəsaŋ. Kəya, dər hitiŋa saksaki, Barkaŋ fəkaŋ kaa gə minti apaŋ seereŋ wəra ku Tapi neeteŋa ada gəm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.