JOŊRE 1
1
Mele bə gud kel
1Giidə kefter bə ajew bə minti ten jeerenem dəm naŋ Tewfil, ten topnom bəlam də kel wəra cəərə Yeesu. Ten jeerenem naŋ haa cəərə kel gə minti Yeesu jiiniy daana hətnəy a mele bə guudi daŋ keɗe, 2hãã bə minti Pepeŋ həənu warna apəy na. Bə minti wə kəm caw cəərə seŋkaŋa kənaŋ, wə ŋamtaŋ sərdə kaa minti yə jəə la *kaa kə vaa-ve kə tó. Kəya, də səɓaki kə Tiiru Cetcetaŋ, wə gəənəy diri cəərə kel gə minti yə jəy laŋ. 3Gud maa mo, adordə me duŋ, dər hiti hor-hor waaɗe, wə vaɗtaŋ kusru wəra a niini kampa ablaw. Bədoona ana, wə jəŋ gidiirə hel ablaw bə gay diri wəra kəkər minti tó haraŋ ne wəra dədərgə adordə meŋa gəəzi. Wə wəətənəy kel cəərə *Kumna kə Pepeŋa minti wə jəw yaŋ cəərə kaŋa. 4Ɗeŋ a deye hõy, bə minti Yeesu bə hame soŋa diiriŋ, wə əsəŋ bə wəətiya wəra kaŋkaŋ minti: «Aŋ əskəŋ kuna minti Barən wáatáŋ minti tó ayaŋ karman yaŋ da. Aŋ əsə la kəm kəna Zeruzalema bə mi karman toŋa, aŋ a koore warna kəm a ko baalaŋ na ba. 5Gud maa mo Zaŋ jəŋ batem a kaŋ də kan. Səma, dər hiti kəna maki, Pepeŋ jəŋ batem yaŋ də Tiiru Cetcetaŋ.»
Yeesu koore apəy na tarmə pepeŋ na
6Də ko bə minti Yeesu də *kaa kə vaa-veŋ kəm gə tapə-tepe ciiriŋ, yə əsəŋ bə law ku minti: «Barkaŋ, haa də ko bə hebkəna minti tam hare kumnaŋ kə kaanə *Israyela kəəsi mo?»
7Yeesu hərnəy kel minti: «Ko toŋ daana hiti toŋ, jəmnu warda haa Barən ŋel məna. Kel teŋ ase kaasəŋa ba, yə paapa kel nəətiŋ ba. 8Səma, Tiiru Cetcetaŋ bi yaŋ cəərəŋa, aŋ fele səɓaki yaŋ. Kəya aŋ kole yaŋ kaa gə minti waatan səman yaŋ wəra giidə vil də Zeruzalema, giidə seŋka də Zudeŋa wəra keɗe daana Samari, hãã warna a nobe bə seŋkaŋ na.»
9A ko bə minti wə təwaŋ kel kə waate teŋ wəra kəyaŋ, Pepeŋ həənu warna apəy na. Yə məlaŋ diri ɗeket-keti bə gulu, hãã bə minti wə lenteŋ warna diri na adəwaldə kamraŋ na.
10Yə yaakaŋ máŋ laki bə gole ko bə minti Yeesu kəlaŋ apəy na ada naŋ. Ɗeŋ a gole kənaŋ, kaa kaŋkar kəman ɓasi kəna siri laki də dəməəmə bərwa. 11Kaa teŋ əsəŋ bə wəətiya minti: «Aŋ gə Galileŋ, aŋ gole apəy na haa maa mo? Aŋ asaŋ ne, Yeesu tó bə minti Pepeŋ həənu aduubə dəŋa bə koore duuru tarmə pepeŋ na ha'aŋ, wə hare da hõy ha'aŋ akas bə minti aŋ a əsnu bə koore tarmə pepeŋ naŋ ana pa.»
Hulum bə minti kole a koɗ Zudasi
12Adordə kel teŋa kəyaŋ, *kaa kə vaa-veŋ sorkoŋ warda adawra da cəərə *pərki bə minti yə məntu minti Oliviyeŋ da. Kəya yə haraŋ Zeruzalem na. Aduubə də Zeruzalem də pərki toŋ ha'aŋ, dər saama hor cəərə ɓasi#1.12 Saama hor cəərə ɓasi, haa damdi kelewmeeter məna'i ana.. Də ko bə minti yə tuukuŋ Zeruzalemaŋ, 13yə ɗeŋ a ve aləwa giidə kuli kəmana bə minti yə a hursunu cəərə kumsu na apəy na. Haa kuli cekeɗi bə minti yə a hataŋ bə tapte ciiri ada. Kaa gə minti vaŋ giidə kuliŋa ateŋa ha'aŋ, anə Piyer, Zaŋ, Zaki daana Andere, Filipi daana Tomasi, Bartelemi daana Matiye, Zaki kormə Alfeŋ, Simoŋ bə minti bele seŋka nuutuŋ#1.13 Yə waataŋ minti wə bele seŋka nuutuŋ ha'aŋ, gud bə minti wə a jəŋ aduubə də kaa gə minti bə bandə-bande cəərə seŋka neeteŋa bə ɓədə wəra kasi kaanə Rom., daana Zudə kormə Zakiŋ. 14Yə keɗe tə pə moŋ, yə saksaki bə tapte ciiri bə tooste Pepeŋa wəra də ɗiki di soki məna'i. Sərdə kəram kəman, daana Mari nər Yeesu də kəsəənu, taptaŋ diiri bə toose gəm.
15Dəyaŋ hõy məna gud hiti toŋ da gil daŋ, də ko bə minti kaa kə doo-deŋ gə tapə-tepe ciiri gil kampar kəsi də hor-hor ɓasiŋ, Piyer faŋ apəya aduubə di, wə əsəŋ bə wəətiya minti: 16«Kəsaananti, kel gə minti a wəra gə jeerə-jeere giidə Kefter kə Pepeŋaŋ, yə kir de kuy wəra. Haa kel gə minti Tiiru Cetcetaŋ gaŋ *Davidi bə wəətiya wəra də ku hãã acekjewa cəərə Zudasi, minti wə ɗe a kole hõy hulum bə ɗe a mele kaŋ cəərə Yeesu minti yə daw laŋ haa tó. 17Zudasi a jəŋ haa hulum bə minti áŋ a jəŋ duuru keɗe. A joŋre kə Pepeŋa, wə a jəŋ də joŋre nuutuŋ ada gəm.
18Baymele bə minti wə a juunuŋ, yə əynu soloy cuuru. Də soloy toŋ kəya, wə gusuŋ aka duuru. Giidə aka taŋa kəyaŋ, wə awaŋ kulnuɓ, kəya giidu naakaŋ wəra faɗi, karmə giidu vaŋ wəra adawra. 19Kaanə Zeruzalem keɗe əskəŋ kel teŋ wəra. Gud teŋa ta, yə məlaŋ sam akaŋ də kuy minti ‹Hakeldama›, haa minti ‹aka də kor›.
20Anaaŋa, kel wəra gə jeerə-jeere giidə Gudul kə Davidiŋa minti:
‹Aŋ yəəku kuli nuutuŋ la warna,
hulum a isi ada ba#1.20 Ps. 69.26.›
Yə wəra gə jeerə-jeere pa minti:
‹Hulum baalaŋ kolə la a kuɗu a joŋre bə minti wə a bə jəwaŋ.›»
21-22Kəya Piyer raawaŋ bə wəətiya minti: «Gud teŋa ta, áŋ goldə hulum la minti wə tapə la də áŋ bə waate sam hare bə dədərgə kə Barkaŋ Yeesu wəra adordə meŋa a kaŋ. Wə jəə la haa hulum bə minti a jəŋ gud áŋa də ko bə minti Yeesu gəryəŋ giidə seŋka lama keɗe'iŋ. Wə a jəə da də áŋ də hi bə minti Zaŋ juunu batem wəra hãã də hi bə minti Pepeŋ həənu warna apəy na sar áŋ na kannaŋ.»
23Kəya kaa kə doo-deŋ humuŋ kaa ɓasiŋ: məna'iŋ, səmu minti Zosefi, yə məntu Barsabasi pa, yə tukɗu minti Zustisi. Sam naytoŋ bə ɓasi minti Matiyasi. 24Bədoona ta, yə əsəŋ bə toose minti: «Barkaŋ Pepeŋ, ase ku tarmə kaŋ keɗe haa tam. Gud teŋa ta, gaa dər are la cəərə hulum bə minti tam a wəra bə ŋamə-ŋeme duuru gud kaa ɓasiŋa laka 25minti wə jəə joŋre kə hulum bə gaa-ge kə Yeesu la a koɗ Zudasi. Gud maa mo Zudasi yaakaŋ joŋre kə hulum bə gaa-ge wəra bə ɗe a ko bə minti wə fəlu gud baymele bə minti wə a juunu wardaŋ.» 26Kəya yə jəŋ kooya bə siisi. Kooya bə siisiŋ awaŋ cəərə Matiyasi. Kəya yə gəənu ku kaa kə vaa-ve kə Yeesu gə minti a yaakaŋ hor ciiri məna'iŋa.
Currently Selected:
JOŊRE 1: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
JOŊRE 1
1
Mele bə gud kel
1Giidə kefter bə ajew bə minti ten jeerenem dəm naŋ Tewfil, ten topnom bəlam də kel wəra cəərə Yeesu. Ten jeerenem naŋ haa cəərə kel gə minti Yeesu jiiniy daana hətnəy a mele bə guudi daŋ keɗe, 2hãã bə minti Pepeŋ həənu warna apəy na. Bə minti wə kəm caw cəərə seŋkaŋa kənaŋ, wə ŋamtaŋ sərdə kaa minti yə jəə la *kaa kə vaa-ve kə tó. Kəya, də səɓaki kə Tiiru Cetcetaŋ, wə gəənəy diri cəərə kel gə minti yə jəy laŋ. 3Gud maa mo, adordə me duŋ, dər hiti hor-hor waaɗe, wə vaɗtaŋ kusru wəra a niini kampa ablaw. Bədoona ana, wə jəŋ gidiirə hel ablaw bə gay diri wəra kəkər minti tó haraŋ ne wəra dədərgə adordə meŋa gəəzi. Wə wəətənəy kel cəərə *Kumna kə Pepeŋa minti wə jəw yaŋ cəərə kaŋa. 4Ɗeŋ a deye hõy, bə minti Yeesu bə hame soŋa diiriŋ, wə əsəŋ bə wəətiya wəra kaŋkaŋ minti: «Aŋ əskəŋ kuna minti Barən wáatáŋ minti tó ayaŋ karman yaŋ da. Aŋ əsə la kəm kəna Zeruzalema bə mi karman toŋa, aŋ a koore warna kəm a ko baalaŋ na ba. 5Gud maa mo Zaŋ jəŋ batem a kaŋ də kan. Səma, dər hiti kəna maki, Pepeŋ jəŋ batem yaŋ də Tiiru Cetcetaŋ.»
Yeesu koore apəy na tarmə pepeŋ na
6Də ko bə minti Yeesu də *kaa kə vaa-veŋ kəm gə tapə-tepe ciiriŋ, yə əsəŋ bə law ku minti: «Barkaŋ, haa də ko bə hebkəna minti tam hare kumnaŋ kə kaanə *Israyela kəəsi mo?»
7Yeesu hərnəy kel minti: «Ko toŋ daana hiti toŋ, jəmnu warda haa Barən ŋel məna. Kel teŋ ase kaasəŋa ba, yə paapa kel nəətiŋ ba. 8Səma, Tiiru Cetcetaŋ bi yaŋ cəərəŋa, aŋ fele səɓaki yaŋ. Kəya aŋ kole yaŋ kaa gə minti waatan səman yaŋ wəra giidə vil də Zeruzalema, giidə seŋka də Zudeŋa wəra keɗe daana Samari, hãã warna a nobe bə seŋkaŋ na.»
9A ko bə minti wə təwaŋ kel kə waate teŋ wəra kəyaŋ, Pepeŋ həənu warna apəy na. Yə məlaŋ diri ɗeket-keti bə gulu, hãã bə minti wə lenteŋ warna diri na adəwaldə kamraŋ na.
10Yə yaakaŋ máŋ laki bə gole ko bə minti Yeesu kəlaŋ apəy na ada naŋ. Ɗeŋ a gole kənaŋ, kaa kaŋkar kəman ɓasi kəna siri laki də dəməəmə bərwa. 11Kaa teŋ əsəŋ bə wəətiya minti: «Aŋ gə Galileŋ, aŋ gole apəy na haa maa mo? Aŋ asaŋ ne, Yeesu tó bə minti Pepeŋ həənu aduubə dəŋa bə koore duuru tarmə pepeŋ na ha'aŋ, wə hare da hõy ha'aŋ akas bə minti aŋ a əsnu bə koore tarmə pepeŋ naŋ ana pa.»
Hulum bə minti kole a koɗ Zudasi
12Adordə kel teŋa kəyaŋ, *kaa kə vaa-veŋ sorkoŋ warda adawra da cəərə *pərki bə minti yə məntu minti Oliviyeŋ da. Kəya yə haraŋ Zeruzalem na. Aduubə də Zeruzalem də pərki toŋ ha'aŋ, dər saama hor cəərə ɓasi#1.12 Saama hor cəərə ɓasi, haa damdi kelewmeeter məna'i ana.. Də ko bə minti yə tuukuŋ Zeruzalemaŋ, 13yə ɗeŋ a ve aləwa giidə kuli kəmana bə minti yə a hursunu cəərə kumsu na apəy na. Haa kuli cekeɗi bə minti yə a hataŋ bə tapte ciiri ada. Kaa gə minti vaŋ giidə kuliŋa ateŋa ha'aŋ, anə Piyer, Zaŋ, Zaki daana Andere, Filipi daana Tomasi, Bartelemi daana Matiye, Zaki kormə Alfeŋ, Simoŋ bə minti bele seŋka nuutuŋ#1.13 Yə waataŋ minti wə bele seŋka nuutuŋ ha'aŋ, gud bə minti wə a jəŋ aduubə də kaa gə minti bə bandə-bande cəərə seŋka neeteŋa bə ɓədə wəra kasi kaanə Rom., daana Zudə kormə Zakiŋ. 14Yə keɗe tə pə moŋ, yə saksaki bə tapte ciiri bə tooste Pepeŋa wəra də ɗiki di soki məna'i. Sərdə kəram kəman, daana Mari nər Yeesu də kəsəənu, taptaŋ diiri bə toose gəm.
15Dəyaŋ hõy məna gud hiti toŋ da gil daŋ, də ko bə minti kaa kə doo-deŋ gə tapə-tepe ciiri gil kampar kəsi də hor-hor ɓasiŋ, Piyer faŋ apəya aduubə di, wə əsəŋ bə wəətiya minti: 16«Kəsaananti, kel gə minti a wəra gə jeerə-jeere giidə Kefter kə Pepeŋaŋ, yə kir de kuy wəra. Haa kel gə minti Tiiru Cetcetaŋ gaŋ *Davidi bə wəətiya wəra də ku hãã acekjewa cəərə Zudasi, minti wə ɗe a kole hõy hulum bə ɗe a mele kaŋ cəərə Yeesu minti yə daw laŋ haa tó. 17Zudasi a jəŋ haa hulum bə minti áŋ a jəŋ duuru keɗe. A joŋre kə Pepeŋa, wə a jəŋ də joŋre nuutuŋ ada gəm.
18Baymele bə minti wə a juunuŋ, yə əynu soloy cuuru. Də soloy toŋ kəya, wə gusuŋ aka duuru. Giidə aka taŋa kəyaŋ, wə awaŋ kulnuɓ, kəya giidu naakaŋ wəra faɗi, karmə giidu vaŋ wəra adawra. 19Kaanə Zeruzalem keɗe əskəŋ kel teŋ wəra. Gud teŋa ta, yə məlaŋ sam akaŋ də kuy minti ‹Hakeldama›, haa minti ‹aka də kor›.
20Anaaŋa, kel wəra gə jeerə-jeere giidə Gudul kə Davidiŋa minti:
‹Aŋ yəəku kuli nuutuŋ la warna,
hulum a isi ada ba#1.20 Ps. 69.26.›
Yə wəra gə jeerə-jeere pa minti:
‹Hulum baalaŋ kolə la a kuɗu a joŋre bə minti wə a bə jəwaŋ.›»
21-22Kəya Piyer raawaŋ bə wəətiya minti: «Gud teŋa ta, áŋ goldə hulum la minti wə tapə la də áŋ bə waate sam hare bə dədərgə kə Barkaŋ Yeesu wəra adordə meŋa a kaŋ. Wə jəə la haa hulum bə minti a jəŋ gud áŋa də ko bə minti Yeesu gəryəŋ giidə seŋka lama keɗe'iŋ. Wə a jəə da də áŋ də hi bə minti Zaŋ juunu batem wəra hãã də hi bə minti Pepeŋ həənu warna apəy na sar áŋ na kannaŋ.»
23Kəya kaa kə doo-deŋ humuŋ kaa ɓasiŋ: məna'iŋ, səmu minti Zosefi, yə məntu Barsabasi pa, yə tukɗu minti Zustisi. Sam naytoŋ bə ɓasi minti Matiyasi. 24Bədoona ta, yə əsəŋ bə toose minti: «Barkaŋ Pepeŋ, ase ku tarmə kaŋ keɗe haa tam. Gud teŋa ta, gaa dər are la cəərə hulum bə minti tam a wəra bə ŋamə-ŋeme duuru gud kaa ɓasiŋa laka 25minti wə jəə joŋre kə hulum bə gaa-ge kə Yeesu la a koɗ Zudasi. Gud maa mo Zudasi yaakaŋ joŋre kə hulum bə gaa-ge wəra bə ɗe a ko bə minti wə fəlu gud baymele bə minti wə a juunu wardaŋ.» 26Kəya yə jəŋ kooya bə siisi. Kooya bə siisiŋ awaŋ cəərə Matiyasi. Kəya yə gəənu ku kaa kə vaa-ve kə Yeesu gə minti a yaakaŋ hor ciiri məna'iŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.