JOŊRE Kel gə minti áŋ fələy giidə kefter toŋaŋ
Kel gə minti áŋ fələy giidə kefter toŋaŋ
Joŋre kə Kaa kə Vaa-veŋ haa kefter bə ɓasi bə minti Liki jiirunuŋ. Giidə kefter nuutu bə ajew bə minti yə məntu minti Kel pəsaŋ kəmarwaŋ, wə jeereŋ haa kel gə dər ko bə minti Yeesu a jəŋ kəm caw cəərə seŋkaŋa təwa. Bə minti Yeesu kooroŋ apəya (1.1-11), tepe nuutuŋ də kaa gə guuduŋ koloŋ hal, gud bə minti yə əsu də diri də goleŋ pəda. Bədoona ta, jeere kə Joŋre bə waate sam ko bə minti Tapiŋ məlaŋ guudə duru minti: Yeesu sar kaa gə guuduŋa a Tiiru, wə bə əsə-isi giidi bə ji joŋreŋa diiriŋ.
Kel gə minti giidə kefter toŋa kəyaŋ, yə awam kin ba. Aŋ fele kel gə minti Tapi kə kaa kə doo-deŋ məlaŋ guudə aduubə də kaanə Ziwifiŋa də Piyer Zeruzalema naanaanə mele mo, daana ger kaa gə minti paapa gə Ziwifiŋ ba, damdi giidə seŋka də Antiyosiŋa, də Koreŋtəŋa, kumundu ba də Filipiŋa ana naanaanə moŋ. Aŋ fele sam gəryi bə minti Pol, hulum bə gaa-geŋ, gəryunu wəra bə ɗe a waate Kel pəsaŋ kəmarwaŋ a kaŋ. Aŋ fele ada gəm minti gidiirə gəəliŋ jəŋ cəərə kaa kə Tapi kəmarwaŋa, daana hel də minti Tiiru kə Barkaŋ əynəy di bə təwtuŋ.
Gud kel gə minti Liki guldiniy bə jeere kefter bə Joŋreŋ ha'aŋ, kefter nuutu yaŋ məna, yə məntunu kefter nuutu. Wə jeereŋ kel giidu a kəkəy bə gəryi nuutuŋa gud Polaŋ. Aŋ ase bədoona ha'aŋ, gud bə minti a ko kəmana giidə kefter kə Joŋreŋ, Liki ɗəlaŋ jeerteŋ ha'aŋ, wə məltu guudu minti «are». Wə jeereŋ bədoona haa bə minti wə topoŋ bəlam də gəryiŋ lam kənaŋ:
– gəryi bə Tərowasiŋ bə ɗe Filipiŋ («…‹are› goldoŋ kəkəy bə raawe…» 16.10-40),
– bə minti yə kooroŋ Zeruzalem, daana kaŋ koloŋ bə de Pol da adaŋ (20.5—21.18),
– gəryi bə Sezare bə ɗe Rom. Pol məŋ ada na laate ɓasi ajew də bə minti yə jəmu kəəti duŋ (27, 28).
Aŋ fele ajew anəkay giidə kefter kə Likiŋa haa gədəəgi də kel gə minti wə a kəənəy wəra. Liki
kaŋ gədəəgi də kel gə minti giidə kefter kə Joŋreŋ naŋ wəra giidə 1.8 minti:
– Adordə minti Yeesu kooroŋ apəya, Tapi də ajew məlaŋ guudə haa Zeruzalema faɗi (1.1—8.3),
– Kel pəsaŋ kəmarwaŋ duusuŋ wəra giidə seŋka kə kaanə Ziwifiŋa (8.4—12.25),
– yə duusuŋ warna ger kaa gə minti paapa gə Ziwifi baŋ na, hãã warna Rom na. Rom haa vil mooto də Romeŋ (13.1—28.31).
Kel pəsaŋ kəmarwaŋ gə minti duusuŋ wəra a koŋa keɗe ha'aŋ, yə wəra giidə kel gə minti kaa kə vaa-veŋ wəətənəy giidə kefter kə Joŋreŋ. Aŋ fele Yeesu bə minti yə ge dər kaanə Ziwifi daana kaa gə minti teŋ paapa gə Ziwifi baŋ keɗe cuuruŋ, haa Yeesu tó bə minti a jəŋ Palestina toki. Tiiru Cetcetaŋ hare ɗiki də kaa gə gud Yeesu saksaki cuuru, cəərə kel gə minti wə wəətənəy daana joŋre bə minti wə juunuŋ gəm.
Kel gə minti jəətəŋ giidə kefter kə Joŋreŋ ge dər kaa kə Tapiŋ gə dər ko muntu muntu mo cəərə joŋre bə minti yə a kir jəw: waatə Kel pəsaŋ kəmarwaŋ gə cəərə Yeesu Kristuŋ la wəra a kaa kəsarkaŋ keɗe, hãã warna a nobe də seŋkaŋa na.
Currently Selected:
JOŊRE Kel gə minti áŋ fələy giidə kefter toŋaŋ: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
JOŊRE Kel gə minti áŋ fələy giidə kefter toŋaŋ
Kel gə minti áŋ fələy giidə kefter toŋaŋ
Joŋre kə Kaa kə Vaa-veŋ haa kefter bə ɓasi bə minti Liki jiirunuŋ. Giidə kefter nuutu bə ajew bə minti yə məntu minti Kel pəsaŋ kəmarwaŋ, wə jeereŋ haa kel gə dər ko bə minti Yeesu a jəŋ kəm caw cəərə seŋkaŋa təwa. Bə minti Yeesu kooroŋ apəya (1.1-11), tepe nuutuŋ də kaa gə guuduŋ koloŋ hal, gud bə minti yə əsu də diri də goleŋ pəda. Bədoona ta, jeere kə Joŋre bə waate sam ko bə minti Tapiŋ məlaŋ guudə duru minti: Yeesu sar kaa gə guuduŋa a Tiiru, wə bə əsə-isi giidi bə ji joŋreŋa diiriŋ.
Kel gə minti giidə kefter toŋa kəyaŋ, yə awam kin ba. Aŋ fele kel gə minti Tapi kə kaa kə doo-deŋ məlaŋ guudə aduubə də kaanə Ziwifiŋa də Piyer Zeruzalema naanaanə mele mo, daana ger kaa gə minti paapa gə Ziwifiŋ ba, damdi giidə seŋka də Antiyosiŋa, də Koreŋtəŋa, kumundu ba də Filipiŋa ana naanaanə moŋ. Aŋ fele sam gəryi bə minti Pol, hulum bə gaa-geŋ, gəryunu wəra bə ɗe a waate Kel pəsaŋ kəmarwaŋ a kaŋ. Aŋ fele ada gəm minti gidiirə gəəliŋ jəŋ cəərə kaa kə Tapi kəmarwaŋa, daana hel də minti Tiiru kə Barkaŋ əynəy di bə təwtuŋ.
Gud kel gə minti Liki guldiniy bə jeere kefter bə Joŋreŋ ha'aŋ, kefter nuutu yaŋ məna, yə məntunu kefter nuutu. Wə jeereŋ kel giidu a kəkəy bə gəryi nuutuŋa gud Polaŋ. Aŋ ase bədoona ha'aŋ, gud bə minti a ko kəmana giidə kefter kə Joŋreŋ, Liki ɗəlaŋ jeerteŋ ha'aŋ, wə məltu guudu minti «are». Wə jeereŋ bədoona haa bə minti wə topoŋ bəlam də gəryiŋ lam kənaŋ:
– gəryi bə Tərowasiŋ bə ɗe Filipiŋ («…‹are› goldoŋ kəkəy bə raawe…» 16.10-40),
– bə minti yə kooroŋ Zeruzalem, daana kaŋ koloŋ bə de Pol da adaŋ (20.5—21.18),
– gəryi bə Sezare bə ɗe Rom. Pol məŋ ada na laate ɓasi ajew də bə minti yə jəmu kəəti duŋ (27, 28).
Aŋ fele ajew anəkay giidə kefter kə Likiŋa haa gədəəgi də kel gə minti wə a kəənəy wəra. Liki
kaŋ gədəəgi də kel gə minti giidə kefter kə Joŋreŋ naŋ wəra giidə 1.8 minti:
– Adordə minti Yeesu kooroŋ apəya, Tapi də ajew məlaŋ guudə haa Zeruzalema faɗi (1.1—8.3),
– Kel pəsaŋ kəmarwaŋ duusuŋ wəra giidə seŋka kə kaanə Ziwifiŋa (8.4—12.25),
– yə duusuŋ warna ger kaa gə minti paapa gə Ziwifi baŋ na, hãã warna Rom na. Rom haa vil mooto də Romeŋ (13.1—28.31).
Kel pəsaŋ kəmarwaŋ gə minti duusuŋ wəra a koŋa keɗe ha'aŋ, yə wəra giidə kel gə minti kaa kə vaa-veŋ wəətənəy giidə kefter kə Joŋreŋ. Aŋ fele Yeesu bə minti yə ge dər kaanə Ziwifi daana kaa gə minti teŋ paapa gə Ziwifi baŋ keɗe cuuruŋ, haa Yeesu tó bə minti a jəŋ Palestina toki. Tiiru Cetcetaŋ hare ɗiki də kaa gə gud Yeesu saksaki cuuru, cəərə kel gə minti wə wəətənəy daana joŋre bə minti wə juunuŋ gəm.
Kel gə minti jəətəŋ giidə kefter kə Joŋreŋ ge dər kaa kə Tapiŋ gə dər ko muntu muntu mo cəərə joŋre bə minti yə a kir jəw: waatə Kel pəsaŋ kəmarwaŋ gə cəərə Yeesu Kristuŋ la wəra a kaa kəsarkaŋ keɗe, hãã warna a nobe də seŋkaŋa na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.