ZAŊ 21
21
Yeesu veɗe kusru dər kaa gə guudu seeɗa
1Adoro hiti laki, Yeesu haraŋ bə veɗe kusru wəra a *kaa gə guuduŋ ku kan kəmtəŋ gə Tiberiyadiŋa haa bə kəyaŋ ana: 2anə Simoŋ Piyer, də Tomasi bə minti yə məntu Kəmkun, də Nataniyel bə Kaana bə giidə seŋka də Galileŋ, də karmə Zebedeŋ, də kaa gə gud Yeesu gaalaŋ ada ɓasi, a jəŋ gə tapə-tepe ciiri. 3Kəya Simoŋ Piyer wəətənəy minti: «Ten koore a tope aska.» Yə hərnu kel minti: «Are koore guuduma gəm.»
Kəya yə kooroŋ bə ɗe a li giidə turtiŋa faɗi. Səma yə doŋ aska anə məna dər duugŋ taŋa ba. 4Bə minti koŋ wəlaŋ wəra kəyaŋ, Yeesu máŋ gil ku kana, səma kaa gə guuduŋ asaŋ minti kəna tó ba. 5Wə əsəŋ bə wəətiya koloŋ minti: «Karmanti, aŋ topoŋ aska nuutu mo?» Yə minti: «Paapa!» 6Kəya wə minti: «Aŋ vaa amaayaŋ la kaasaŋ kemer, aŋ fele aska yaŋ.» Yə vaana a ko toŋa faɗi, amaayaŋ liiniy máŋ bay teɗe warda kas minti askaŋ wəra də ɗosə-ɗose giidə perle'iŋ. 7Kəya hulum bə minti Yeesu bəluŋ waataŋ Piyer minti: «Kəna Barkaŋ!»
Simoŋ Piyer əskəŋ anəkay minti kəna Barkaŋ, wə haraŋ bə dere dəməəmə nuutuŋa faɗi, gud maa mo wə a pəŋ daŋge də wəra a kəkəy bə ji vora, kəya wə gaŋ kusru dər kana faɗi. 8Kaayaŋ gə gud Yeesu haraŋ da də turtiŋ bə taɗte amaaya da warda də ɗosə-ɗose də askaŋ. Yə paapa tooto sar doŋdoŋa ba, aduubə di də doŋdoŋ ji wəra karman bə saama məna bagŋ. 9Bə minti yə luŋ warda giidə turtiŋ daŋ, yə asaŋ cəwa də kil ta'i də aska dərə, mappa ada gəm. 10Yeesu wəətənəy minti: «Aska də minti aŋ topna daŋ, aŋ bəəda də sərdəŋ kaasaŋ da.» 11Kəya Simoŋ Piyer luŋ giidə turtiŋa, wə təɗaŋ amaayaŋ warda ku keeŋe da, də aska kəmtəŋ giidə kəsi də hor-hor wiiɗiw cəərə soope. Askaŋ a nuutu gila keɗeŋ, amaayaŋ caaraŋ ba anə ceki. 12Yeesu minti: «Aŋ bəəda a hame.» Hulum anə məna gud kaa gə guuduŋa doŋ kusru bə law ku minti wə haa mindi moŋ ba, gud maa mo wəra də diri minti kəna Barkaŋ. 13Yeesu zeŋ ku cəwaŋa kəyaŋ, wə haŋ mappaŋ, wə əynəy di də aska ada gəm. 14Haa kəya kampa bə soope bə minti Yeesu vaɗtaŋ kusru wəra dər kaa gə guuduŋa bə minti wə a haraŋ wəra dədərgə adordə meŋaŋ.
Yeesu nele də Piyer
15Adordə hameŋa, Yeesu laŋ ku Simoŋ Piyer minti: «Simoŋ, kormə Zaŋ, tam bəlan dəŋaŋ kaa kaayaŋ teŋ nuutu mo?» Wə minti: «Ãã Barkaŋ, wəra də dərəm minti ten bəlam.» Yeesu minti: «Jən gud karmə kaamaŋ katən la.»
16Kəya wə haraŋ bə law ku pa minti: «Simoŋ, kormə Zaŋ, tam bəlan nuutu mo?» Wə minti: «Ãã Barkaŋ, wəra də dərəm minti ten bəlam.» Wə minti: «Kaaman katən, golon ciiri la.»
17Kəya wə haraŋ bə law ku kampa bə soope pa minti: «Simoŋ, kormə Zaŋ, tam bəlan nuutu mo?» Kəya, laawe doŋ Piyer gud kel gə minti Yeesu ləənu ku ciiri kampa bə soope minti: «Tam bəlan nuutu mo?» Wə hərnu kel minti: «Barkaŋ, kel wəra də dərəm keɗe, də dərəm minti ten bəlam.» Wə minti: «Jən gud kaamaŋ katən la. 18Gəəzi, gəəzi, ten waatam, bə minti tam a jəŋ kəm puranul, tam a bə ɗampe dəməəmə də sarəma haa tam də kusrum faɗi, tam a bə ɗeete a koŋa damdi giidim bəlaŋ ana. Səma, tam koloŋ ne wəra dəma pəərəŋkiŋ, tam geŋe kaasam yaŋ wəra#21.18 Piyer me yaŋ wəra dər lasiŋa ablaw, səma wə tokɗe Pepeŋ yaŋ guudu. Sərdə kaa ɗiki minti, bə minti yə waataŋ sam geŋe bə kasi Piyer, haa minti yə ɓəlu wəra a kəbaŋ gə largaŋa gəm., hulum baalaŋ ɗampam dəməəməŋ, yə ɗe dəərəm yaŋ a ko bə minti tam a paapa də caadə ɗe ada na baŋ.» 19Yeesu waataŋ bədoona bə ge dər minti Piyer bə me haa naanaanə mo bə aye tokɗeŋ a Pepeŋ. Kəya wə waataŋ Piyer minti: «Tapə la guudəna.»
20Piyer perteŋ duru kəyaŋ, wə asaŋ *hulum bə minti Yeesu bəluŋ guudi da. Hulum toŋ haa hulum bə minti a cokoŋ cuuru sar Yeesu a ko bə hameŋa daana wə a wəətunu minti: «Barkaŋ, hulum bə ji akolokiŋ cəərəmaŋ haa mindi mo#21.20 Zaŋ 13.25?» 21Bə minti Piyer asaŋ hulum bə minti Yeesu bəluŋ, wə waataŋ Yeesu minti: «Barkaŋ, hulum toŋ ha'aŋ, kel maa bə bi cuuru gəm mo?» 22Yeesu minti: «Ten bəlaŋ ne minti wə jəə la caw hãã də bə minti ten hare daŋ, kel nəmti maa ada mo? Nəmtiŋ ha'aŋ, tapə la guudəna.» 23Haa gud kel kə waate teŋa minti kel duusuŋ warna aduubə də kaa kə doo-deŋ na minti hulum toŋ me ba. Anaaŋa Yeesu a waataŋ paapa bədoona ba, wə a waataŋ haa minti: «Ten bəlaŋ ne minti wə jəə la caw hãã də bə minti ten hare daŋ, kel nəmti maa ada mo?»
24Jəŋ bar kəkəy wəra cəərə kel teŋa daana jiiriniy wəra jeeraŋ haa hulum toŋ toki. Wəra də dər are minti bərdə kəkəy nuutuŋ a kuɗuŋa.
25Yeesu jəŋ kar gaalaŋ-gaalaŋ ablaw pa. Yə a tupuy bəlam di la wəra də jeereŋ məna-məna keɗeŋ, cəərəna minti cəərə seŋkaŋ neŋneŋ keɗe sə a kerpe bə ve kefter bə jeertə-jeerte toŋ.
Currently Selected:
ZAŊ 21: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
ZAŊ 21
21
Yeesu veɗe kusru dər kaa gə guudu seeɗa
1Adoro hiti laki, Yeesu haraŋ bə veɗe kusru wəra a *kaa gə guuduŋ ku kan kəmtəŋ gə Tiberiyadiŋa haa bə kəyaŋ ana: 2anə Simoŋ Piyer, də Tomasi bə minti yə məntu Kəmkun, də Nataniyel bə Kaana bə giidə seŋka də Galileŋ, də karmə Zebedeŋ, də kaa gə gud Yeesu gaalaŋ ada ɓasi, a jəŋ gə tapə-tepe ciiri. 3Kəya Simoŋ Piyer wəətənəy minti: «Ten koore a tope aska.» Yə hərnu kel minti: «Are koore guuduma gəm.»
Kəya yə kooroŋ bə ɗe a li giidə turtiŋa faɗi. Səma yə doŋ aska anə məna dər duugŋ taŋa ba. 4Bə minti koŋ wəlaŋ wəra kəyaŋ, Yeesu máŋ gil ku kana, səma kaa gə guuduŋ asaŋ minti kəna tó ba. 5Wə əsəŋ bə wəətiya koloŋ minti: «Karmanti, aŋ topoŋ aska nuutu mo?» Yə minti: «Paapa!» 6Kəya wə minti: «Aŋ vaa amaayaŋ la kaasaŋ kemer, aŋ fele aska yaŋ.» Yə vaana a ko toŋa faɗi, amaayaŋ liiniy máŋ bay teɗe warda kas minti askaŋ wəra də ɗosə-ɗose giidə perle'iŋ. 7Kəya hulum bə minti Yeesu bəluŋ waataŋ Piyer minti: «Kəna Barkaŋ!»
Simoŋ Piyer əskəŋ anəkay minti kəna Barkaŋ, wə haraŋ bə dere dəməəmə nuutuŋa faɗi, gud maa mo wə a pəŋ daŋge də wəra a kəkəy bə ji vora, kəya wə gaŋ kusru dər kana faɗi. 8Kaayaŋ gə gud Yeesu haraŋ da də turtiŋ bə taɗte amaaya da warda də ɗosə-ɗose də askaŋ. Yə paapa tooto sar doŋdoŋa ba, aduubə di də doŋdoŋ ji wəra karman bə saama məna bagŋ. 9Bə minti yə luŋ warda giidə turtiŋ daŋ, yə asaŋ cəwa də kil ta'i də aska dərə, mappa ada gəm. 10Yeesu wəətənəy minti: «Aska də minti aŋ topna daŋ, aŋ bəəda də sərdəŋ kaasaŋ da.» 11Kəya Simoŋ Piyer luŋ giidə turtiŋa, wə təɗaŋ amaayaŋ warda ku keeŋe da, də aska kəmtəŋ giidə kəsi də hor-hor wiiɗiw cəərə soope. Askaŋ a nuutu gila keɗeŋ, amaayaŋ caaraŋ ba anə ceki. 12Yeesu minti: «Aŋ bəəda a hame.» Hulum anə məna gud kaa gə guuduŋa doŋ kusru bə law ku minti wə haa mindi moŋ ba, gud maa mo wəra də diri minti kəna Barkaŋ. 13Yeesu zeŋ ku cəwaŋa kəyaŋ, wə haŋ mappaŋ, wə əynəy di də aska ada gəm. 14Haa kəya kampa bə soope bə minti Yeesu vaɗtaŋ kusru wəra dər kaa gə guuduŋa bə minti wə a haraŋ wəra dədərgə adordə meŋaŋ.
Yeesu nele də Piyer
15Adordə hameŋa, Yeesu laŋ ku Simoŋ Piyer minti: «Simoŋ, kormə Zaŋ, tam bəlan dəŋaŋ kaa kaayaŋ teŋ nuutu mo?» Wə minti: «Ãã Barkaŋ, wəra də dərəm minti ten bəlam.» Yeesu minti: «Jən gud karmə kaamaŋ katən la.»
16Kəya wə haraŋ bə law ku pa minti: «Simoŋ, kormə Zaŋ, tam bəlan nuutu mo?» Wə minti: «Ãã Barkaŋ, wəra də dərəm minti ten bəlam.» Wə minti: «Kaaman katən, golon ciiri la.»
17Kəya wə haraŋ bə law ku kampa bə soope pa minti: «Simoŋ, kormə Zaŋ, tam bəlan nuutu mo?» Kəya, laawe doŋ Piyer gud kel gə minti Yeesu ləənu ku ciiri kampa bə soope minti: «Tam bəlan nuutu mo?» Wə hərnu kel minti: «Barkaŋ, kel wəra də dərəm keɗe, də dərəm minti ten bəlam.» Wə minti: «Jən gud kaamaŋ katən la. 18Gəəzi, gəəzi, ten waatam, bə minti tam a jəŋ kəm puranul, tam a bə ɗampe dəməəmə də sarəma haa tam də kusrum faɗi, tam a bə ɗeete a koŋa damdi giidim bəlaŋ ana. Səma, tam koloŋ ne wəra dəma pəərəŋkiŋ, tam geŋe kaasam yaŋ wəra#21.18 Piyer me yaŋ wəra dər lasiŋa ablaw, səma wə tokɗe Pepeŋ yaŋ guudu. Sərdə kaa ɗiki minti, bə minti yə waataŋ sam geŋe bə kasi Piyer, haa minti yə ɓəlu wəra a kəbaŋ gə largaŋa gəm., hulum baalaŋ ɗampam dəməəməŋ, yə ɗe dəərəm yaŋ a ko bə minti tam a paapa də caadə ɗe ada na baŋ.» 19Yeesu waataŋ bədoona bə ge dər minti Piyer bə me haa naanaanə mo bə aye tokɗeŋ a Pepeŋ. Kəya wə waataŋ Piyer minti: «Tapə la guudəna.»
20Piyer perteŋ duru kəyaŋ, wə asaŋ *hulum bə minti Yeesu bəluŋ guudi da. Hulum toŋ haa hulum bə minti a cokoŋ cuuru sar Yeesu a ko bə hameŋa daana wə a wəətunu minti: «Barkaŋ, hulum bə ji akolokiŋ cəərəmaŋ haa mindi mo#21.20 Zaŋ 13.25?» 21Bə minti Piyer asaŋ hulum bə minti Yeesu bəluŋ, wə waataŋ Yeesu minti: «Barkaŋ, hulum toŋ ha'aŋ, kel maa bə bi cuuru gəm mo?» 22Yeesu minti: «Ten bəlaŋ ne minti wə jəə la caw hãã də bə minti ten hare daŋ, kel nəmti maa ada mo? Nəmtiŋ ha'aŋ, tapə la guudəna.» 23Haa gud kel kə waate teŋa minti kel duusuŋ warna aduubə də kaa kə doo-deŋ na minti hulum toŋ me ba. Anaaŋa Yeesu a waataŋ paapa bədoona ba, wə a waataŋ haa minti: «Ten bəlaŋ ne minti wə jəə la caw hãã də bə minti ten hare daŋ, kel nəmti maa ada mo?»
24Jəŋ bar kəkəy wəra cəərə kel teŋa daana jiiriniy wəra jeeraŋ haa hulum toŋ toki. Wəra də dər are minti bərdə kəkəy nuutuŋ a kuɗuŋa.
25Yeesu jəŋ kar gaalaŋ-gaalaŋ ablaw pa. Yə a tupuy bəlam di la wəra də jeereŋ məna-məna keɗeŋ, cəərəna minti cəərə seŋkaŋ neŋneŋ keɗe sə a kerpe bə ve kefter bə jeertə-jeerte toŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.