MARKƏ 5
5
Yeesu pəŋ kəwal gə cəərə hulum bə leele kəman wəra
(Mat. 8.28-34; Liki 8.26-39)
1Kəya yə tuluŋ warna agal nayta də kan kəmtəŋ na giidə seŋka kə kaanə Gerasəna. 2Yeesu vaŋ wəra giidə turtiŋa a ko toŋa ada. Kəya, hulum kəman də kəwal cuuru kəlaŋ warda aduubə də teɗker de ceɗtə-ceɗte giidə pərkiŋaŋ da, bə bi a ŋefe duuru. 3Wə həəti haa giidə teɗker taŋ na. Hulum nəkaŋ bə untu pəda, koo nuutu də gaalay. 4Gud maa mo, yə a kəənu agəyam saksaki kəmpuru, yə a untutunu də gaalay, səma wə camtaŋ gaalay wəra, wə tastaŋ agəyam taŋ wəra gəm, hulum nəkaŋ bə daw ba. 5Daaway də duugŋ wə bə ɗe haa ɗe saksaki adəwaldə teɗkera daana cəərə pərkiŋa bə naakte ku, bə ceme kusru toso də karmə pərkiŋ.
6Wə asaŋ Yeesu warda kəm hãã kəyaŋ, wə gədaŋ tara suru na faɗi, wə ɗeŋ a ve də guguuru tiinu, 7wə naakaŋ ku anə koloŋ minti: «Yeesu, Kormə Pep bə Daŋə-Deŋeŋ, kel nin haŋ maa sarəma mo? Ten bə jəm kamkama də sam Pepeŋ, a ləsan ba.» 8Gud maa mo Yeesu a wəətənəy ne ɗaw minti: «Aŋ kəwal, aŋ pəə la wəra cəərə hulum toŋa!» 9Kəya wə ləənu ku minti: «Səmam minti harmə mo?» Tó minti: «Səman minti ‹Kaa kə ablaw› gud bə minti are paapa kirka aŋke ba.» 10Kəya yə juunu kamkam wəra də ku tərməyəy keɗe minti wə a sarme té wəra giidə seŋka taŋa ba.
11Anə maŋŋa sar ko toŋaŋ, gaduuru a jəŋ ablaw anə gəd-gədi bə hame cəərə pərkiŋa. 12Kəya kəwal əsəŋ bə ji kamkama a Yeesu minti: «Yaakə are la bə ɗe a ve aduubə də gaduuruŋa bə ɗe a feke ciiri.» 13Wə əynəy kəkəy faɗi. Yə pəŋ wəra cəərə huluma, yə ɗeŋ a feke cəərə gaduuruŋa. Ɗe a gole kəyaŋ, gaduuru bə minti a jəŋ ablaw gəd-gədi gilaŋ, sorkoŋ warda də tara cəərə pərkiŋ da, yə vaŋ anə cuuwa dər kan kəmtəŋa, yə saŋ kan wəra, yə meŋ wəra ada cap-cap-capi. Gaduuru toŋ a jəŋ wəra kampar guɓ-guɓi ɓasi mo, bədoona.
14Kəya kaa gə minti a jəŋ bə əmuŋ rəyaŋ də tara, yə kooroŋ giidə vil daana giidə kuli bə agəjaŋ dəŋ bə ɗe a tope bəlam də kel teŋ a kaŋ. Kaŋ kooroŋ da bə bi a gole karman bə minti a jəŋ faɗi. 15Bə minti yə tuluŋ sar Yeesu, yə asaŋ hulum bə minti kəwal gə ablaw teŋ a jəŋ cuuru máŋ bə əsə-isi cin, wə bə tarə-tere dəməəmə suru, wə wəra anə kaŋkaŋ gəm. Kəya walka jəmnəy gud kel teŋa. 16Kaayaŋ gə minti a asaŋ kel teŋ bə ji sar huluma daana sar gaduuruŋaŋ əsəŋ bə tupuy bəlam di a niini. 17Kəya kaŋ əsəŋ bə ji kamkama a Yeesu minti wə koorə la wəra giidə seŋka kə teŋa.
18Bə minti Yeesu haraŋ bə li giidə turtiŋaŋ, hulum bə minti kəwal a jəŋ cuuru əsəŋ bə jəw kamkama minti wə yaakə tó la bə ɗe guudu gəm. 19Yeesu əynu kəkəy ba, səma wə wəətunu minti: «Ɗee la akera sar gə gerdem, tupuy bəlam də kel gə minti Barkaŋ jiiniy sarəma la keɗe daana minti wə jəŋ giidu pəsaŋ sarəma naanaanə moŋ.» 20Kəya wə kooroŋ faɗi, wə ɗeŋ a isi bə tope bəlam də kel gə minti Yeesu a jiiniy suru keɗe a kaŋ wəra giidə seŋka də Vil Horaŋ. Kəya kaŋ keɗe ŋələŋ gud kel teŋa.
Yeesu seere həlgə kəman daana wə hare tər tooka wəra dədərgə
(Mat. 9.18-26; Liki 8.40-56)
21Yeesu haraŋ bə cakɗe da warda cəərə kan kəmtəŋ da də turtiŋ. Kaa ablaw təpaŋ suru a ko bə minti wə a jəŋ ada ku kanaŋ. 22Kəya kumna kəman gud kaayaŋ gə cəərə *kuli bə toose kə kaanə Ziwifiŋa, yə məntu minti Zayrusi, tuluŋ ada faɗi. Bə minti wə asaŋ Yeesu kəyaŋ, wə haɓaŋ tiinu faɗi 23bə jəw kamkama minti: «Tərnən wəra anə cəkpəti golde ko bə me warda. Bəəda a mele kaasam sara kir minti a seerə la wəra, a a me wəra ba.» 24Kəya Yeesu təpaŋ guudu faɗi. Kaa kə ablaw kooroŋ guudu gəm yə golde ko bə nirɓu wəra.
25Doloy həlgə kəman yaŋ ada, tiirə laataŋ bə ɗəma hor cuuru ɓasi. 26A gəyaŋ geye bə ɗeete sar kə doktora ablaw, a ləsaŋ ablaw faɗi. A təwaŋ bege bə kaasaŋ wəra keɗe, koo a jəŋ hõy ɗawa anə weseka ba, ɗeme naataŋ zeedeŋ guudu máŋ sara zeeda ɗaw. 27Həlgə taŋ a əskəŋ sam Yeesu wəra bə waate. Dəwaldə kaa kə ablawa, a zeŋ kirku da anəkay, a ɗeŋ a ɗoote dəməəmə nuutu yəlaŋ 28də ɗikiŋ minti: «Ten ɗootoŋ dəməəmə nuutuŋ ne nuutu anəkay təwaŋ, ten seere yaŋ wəra.» 29Hebkən-hebkəna faɗi tiirə yaakəna wəra. Tá də kusrə asaŋ wəra gəm minti tá seereŋ ne wəra ku ɗeme toŋa. 30Də ko toŋ kəya, Yeesu asaŋ faɗi gəm minti səɓakiŋ kəlaŋ wəra sar tó. Wə haraŋ duru cəərə kaa kə ablaw na, wə ləənəy kuy minti: «Mindi ɗootonon dəməəmə katən ha'aŋ mo?» 31*Kaa gə guuduŋ hərnu kel minti: «Tam bə asə-ase kaa kə ablaw golde bə nerɓem wəra gila, tam bə le ku are minti: ‹Mindi ɗootonon moŋ› haa naanaanə mo?» 32Səma, wə raawaŋ nuutu bə ceme duru aduubə də kaa na bə ase hulum bə minti a jəŋ karman toŋ ha'aŋ. 33Kəya walka jəmaŋ həlgəŋ daana a əsəŋ bə miiri. A wəra də asə-ase karman bə minti a jəŋ saraŋ, a zeŋ suru da, a bəŋ a haɓe tiinu. Kəya a tupnu bəlam də gəəzi də kel kə saraŋ wəra keɗe. 34Yeesu waatəna minti: «Tərnənti, de niitiŋ siiriniy ne wəra. Ɗee la kəkaaɓa, jəə la warna də seerə-seere ku ɗeme niiti toŋ na.»
35Ku bay awe adawra cekiŋ, kaa kəman bəŋ ger Zayrusi da a wəətu minti: «Tərnəm bəsaŋ də ne warda. A geye hulum bə hateŋ pəda» 36Səma cəərə Yeesu jəŋ a kel teŋa ba, wə wəətunu minti: «Tarməyam a ceme wəra ba, doo la guudəna təwa faɗi!» 37Kəya wə mantaŋ Piyer, Zaki daana Zaŋ seenə Zakiŋ guudu, wə yaakaŋ hulum baalaŋ bə ɗe guudiy na pəda. 38Bə minti yə tuluŋ ger kumna naŋ, wə fəlaŋ naakte kuŋ nuutu gil bagŋ; kaŋ bə hage, kan kə diri ɗe sikiɓ-sikiɓi. 39Wə kəlaŋ aləw na kay naŋ, wə minti: «Naakte ku toŋ də hageŋ gila keɗeŋ, haa səm mo? Tər paapa də mee-me ba, a kəlaŋ kəna kin.» 40Kəya kaŋ əsəŋ bə dəfɗu faɗi. Kaa gə minti a jəŋ aləwa gila, wə vəənəy warda tiilim da keɗe. Wə humuŋ anə bar tər, də nərə, də kaa gə guudu soope'i teŋ, wə kəlaŋ diiri a ko bə minti tər də gaa-ge adaŋ. 41Wə haana kaasa, wə waatəna də kuy faɗi minti: «Talita kumi!» Gud kel teŋ haa minti: «Tər terewkaŋ, ten wəətəy, faa la apəya!» 42Ɗe a gole kəyaŋ, tər faŋ wəra anə kaɓəraw apəya, a əsəŋ bə ɗe faɗi. Laate də hor cuuru ɓasi mo, bədoona ana. Kaŋ bəsaŋ máŋ kuy ha'-ha'i gə ŋələ-ŋili. 43Yeesu hərnəy kel wəra anə kaŋkaŋ minti yə a tope gud miɗi toŋ kəya wəra a hulum ba. Kəya wə minti: «Aŋ aya hame la.»
Currently Selected:
MARKƏ 5: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
MARKƏ 5
5
Yeesu pəŋ kəwal gə cəərə hulum bə leele kəman wəra
(Mat. 8.28-34; Liki 8.26-39)
1Kəya yə tuluŋ warna agal nayta də kan kəmtəŋ na giidə seŋka kə kaanə Gerasəna. 2Yeesu vaŋ wəra giidə turtiŋa a ko toŋa ada. Kəya, hulum kəman də kəwal cuuru kəlaŋ warda aduubə də teɗker de ceɗtə-ceɗte giidə pərkiŋaŋ da, bə bi a ŋefe duuru. 3Wə həəti haa giidə teɗker taŋ na. Hulum nəkaŋ bə untu pəda, koo nuutu də gaalay. 4Gud maa mo, yə a kəənu agəyam saksaki kəmpuru, yə a untutunu də gaalay, səma wə camtaŋ gaalay wəra, wə tastaŋ agəyam taŋ wəra gəm, hulum nəkaŋ bə daw ba. 5Daaway də duugŋ wə bə ɗe haa ɗe saksaki adəwaldə teɗkera daana cəərə pərkiŋa bə naakte ku, bə ceme kusru toso də karmə pərkiŋ.
6Wə asaŋ Yeesu warda kəm hãã kəyaŋ, wə gədaŋ tara suru na faɗi, wə ɗeŋ a ve də guguuru tiinu, 7wə naakaŋ ku anə koloŋ minti: «Yeesu, Kormə Pep bə Daŋə-Deŋeŋ, kel nin haŋ maa sarəma mo? Ten bə jəm kamkama də sam Pepeŋ, a ləsan ba.» 8Gud maa mo Yeesu a wəətənəy ne ɗaw minti: «Aŋ kəwal, aŋ pəə la wəra cəərə hulum toŋa!» 9Kəya wə ləənu ku minti: «Səmam minti harmə mo?» Tó minti: «Səman minti ‹Kaa kə ablaw› gud bə minti are paapa kirka aŋke ba.» 10Kəya yə juunu kamkam wəra də ku tərməyəy keɗe minti wə a sarme té wəra giidə seŋka taŋa ba.
11Anə maŋŋa sar ko toŋaŋ, gaduuru a jəŋ ablaw anə gəd-gədi bə hame cəərə pərkiŋa. 12Kəya kəwal əsəŋ bə ji kamkama a Yeesu minti: «Yaakə are la bə ɗe a ve aduubə də gaduuruŋa bə ɗe a feke ciiri.» 13Wə əynəy kəkəy faɗi. Yə pəŋ wəra cəərə huluma, yə ɗeŋ a feke cəərə gaduuruŋa. Ɗe a gole kəyaŋ, gaduuru bə minti a jəŋ ablaw gəd-gədi gilaŋ, sorkoŋ warda də tara cəərə pərkiŋ da, yə vaŋ anə cuuwa dər kan kəmtəŋa, yə saŋ kan wəra, yə meŋ wəra ada cap-cap-capi. Gaduuru toŋ a jəŋ wəra kampar guɓ-guɓi ɓasi mo, bədoona.
14Kəya kaa gə minti a jəŋ bə əmuŋ rəyaŋ də tara, yə kooroŋ giidə vil daana giidə kuli bə agəjaŋ dəŋ bə ɗe a tope bəlam də kel teŋ a kaŋ. Kaŋ kooroŋ da bə bi a gole karman bə minti a jəŋ faɗi. 15Bə minti yə tuluŋ sar Yeesu, yə asaŋ hulum bə minti kəwal gə ablaw teŋ a jəŋ cuuru máŋ bə əsə-isi cin, wə bə tarə-tere dəməəmə suru, wə wəra anə kaŋkaŋ gəm. Kəya walka jəmnəy gud kel teŋa. 16Kaayaŋ gə minti a asaŋ kel teŋ bə ji sar huluma daana sar gaduuruŋaŋ əsəŋ bə tupuy bəlam di a niini. 17Kəya kaŋ əsəŋ bə ji kamkama a Yeesu minti wə koorə la wəra giidə seŋka kə teŋa.
18Bə minti Yeesu haraŋ bə li giidə turtiŋaŋ, hulum bə minti kəwal a jəŋ cuuru əsəŋ bə jəw kamkama minti wə yaakə tó la bə ɗe guudu gəm. 19Yeesu əynu kəkəy ba, səma wə wəətunu minti: «Ɗee la akera sar gə gerdem, tupuy bəlam də kel gə minti Barkaŋ jiiniy sarəma la keɗe daana minti wə jəŋ giidu pəsaŋ sarəma naanaanə moŋ.» 20Kəya wə kooroŋ faɗi, wə ɗeŋ a isi bə tope bəlam də kel gə minti Yeesu a jiiniy suru keɗe a kaŋ wəra giidə seŋka də Vil Horaŋ. Kəya kaŋ keɗe ŋələŋ gud kel teŋa.
Yeesu seere həlgə kəman daana wə hare tər tooka wəra dədərgə
(Mat. 9.18-26; Liki 8.40-56)
21Yeesu haraŋ bə cakɗe da warda cəərə kan kəmtəŋ da də turtiŋ. Kaa ablaw təpaŋ suru a ko bə minti wə a jəŋ ada ku kanaŋ. 22Kəya kumna kəman gud kaayaŋ gə cəərə *kuli bə toose kə kaanə Ziwifiŋa, yə məntu minti Zayrusi, tuluŋ ada faɗi. Bə minti wə asaŋ Yeesu kəyaŋ, wə haɓaŋ tiinu faɗi 23bə jəw kamkama minti: «Tərnən wəra anə cəkpəti golde ko bə me warda. Bəəda a mele kaasam sara kir minti a seerə la wəra, a a me wəra ba.» 24Kəya Yeesu təpaŋ guudu faɗi. Kaa kə ablaw kooroŋ guudu gəm yə golde ko bə nirɓu wəra.
25Doloy həlgə kəman yaŋ ada, tiirə laataŋ bə ɗəma hor cuuru ɓasi. 26A gəyaŋ geye bə ɗeete sar kə doktora ablaw, a ləsaŋ ablaw faɗi. A təwaŋ bege bə kaasaŋ wəra keɗe, koo a jəŋ hõy ɗawa anə weseka ba, ɗeme naataŋ zeedeŋ guudu máŋ sara zeeda ɗaw. 27Həlgə taŋ a əskəŋ sam Yeesu wəra bə waate. Dəwaldə kaa kə ablawa, a zeŋ kirku da anəkay, a ɗeŋ a ɗoote dəməəmə nuutu yəlaŋ 28də ɗikiŋ minti: «Ten ɗootoŋ dəməəmə nuutuŋ ne nuutu anəkay təwaŋ, ten seere yaŋ wəra.» 29Hebkən-hebkəna faɗi tiirə yaakəna wəra. Tá də kusrə asaŋ wəra gəm minti tá seereŋ ne wəra ku ɗeme toŋa. 30Də ko toŋ kəya, Yeesu asaŋ faɗi gəm minti səɓakiŋ kəlaŋ wəra sar tó. Wə haraŋ duru cəərə kaa kə ablaw na, wə ləənəy kuy minti: «Mindi ɗootonon dəməəmə katən ha'aŋ mo?» 31*Kaa gə guuduŋ hərnu kel minti: «Tam bə asə-ase kaa kə ablaw golde bə nerɓem wəra gila, tam bə le ku are minti: ‹Mindi ɗootonon moŋ› haa naanaanə mo?» 32Səma, wə raawaŋ nuutu bə ceme duru aduubə də kaa na bə ase hulum bə minti a jəŋ karman toŋ ha'aŋ. 33Kəya walka jəmaŋ həlgəŋ daana a əsəŋ bə miiri. A wəra də asə-ase karman bə minti a jəŋ saraŋ, a zeŋ suru da, a bəŋ a haɓe tiinu. Kəya a tupnu bəlam də gəəzi də kel kə saraŋ wəra keɗe. 34Yeesu waatəna minti: «Tərnənti, de niitiŋ siiriniy ne wəra. Ɗee la kəkaaɓa, jəə la warna də seerə-seere ku ɗeme niiti toŋ na.»
35Ku bay awe adawra cekiŋ, kaa kəman bəŋ ger Zayrusi da a wəətu minti: «Tərnəm bəsaŋ də ne warda. A geye hulum bə hateŋ pəda» 36Səma cəərə Yeesu jəŋ a kel teŋa ba, wə wəətunu minti: «Tarməyam a ceme wəra ba, doo la guudəna təwa faɗi!» 37Kəya wə mantaŋ Piyer, Zaki daana Zaŋ seenə Zakiŋ guudu, wə yaakaŋ hulum baalaŋ bə ɗe guudiy na pəda. 38Bə minti yə tuluŋ ger kumna naŋ, wə fəlaŋ naakte kuŋ nuutu gil bagŋ; kaŋ bə hage, kan kə diri ɗe sikiɓ-sikiɓi. 39Wə kəlaŋ aləw na kay naŋ, wə minti: «Naakte ku toŋ də hageŋ gila keɗeŋ, haa səm mo? Tər paapa də mee-me ba, a kəlaŋ kəna kin.» 40Kəya kaŋ əsəŋ bə dəfɗu faɗi. Kaa gə minti a jəŋ aləwa gila, wə vəənəy warda tiilim da keɗe. Wə humuŋ anə bar tər, də nərə, də kaa gə guudu soope'i teŋ, wə kəlaŋ diiri a ko bə minti tər də gaa-ge adaŋ. 41Wə haana kaasa, wə waatəna də kuy faɗi minti: «Talita kumi!» Gud kel teŋ haa minti: «Tər terewkaŋ, ten wəətəy, faa la apəya!» 42Ɗe a gole kəyaŋ, tər faŋ wəra anə kaɓəraw apəya, a əsəŋ bə ɗe faɗi. Laate də hor cuuru ɓasi mo, bədoona ana. Kaŋ bəsaŋ máŋ kuy ha'-ha'i gə ŋələ-ŋili. 43Yeesu hərnəy kel wəra anə kaŋkaŋ minti yə a tope gud miɗi toŋ kəya wəra a hulum ba. Kəya wə minti: «Aŋ aya hame la.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.