MARKƏ 8
8
Yeesu aye hame a kaa guɓ-guɓi waaɗe
(Mat. 15.32-39; Mar. 6.30)
1Dər hi toŋa ateŋaŋ, kaa ablaw a haraŋ bə tepe ciiri sar Yeesu pa. Karman bə hame a paapa kəəsi ba tə pə moŋ, Yeesu mantaŋ *kaa gə guuduŋ da, wə wəətənəy minti: 2«Kaa teŋ əsəŋ bə golona caaca, gud maa mo yə hətəŋ laki sarəna kənaŋ soope, kar kə hame paapa kəəsi pəda. 3Ten vəənəy ne də kuy, yə ɗe a geye wəra a kəkəya faɗi, gud maa mo sirdi yaŋ ada bəŋ warda tooto.» 4Yə hərnu kel minti: «A ko tó bə bay cuuru halaŋiŋa ta'i kənaŋ, áŋ neke bə fele mappa də nəkəy haa anə mo?» 5Wə ləənəy kuy minti: «Mappa kaasaŋa aniinə mo?» Yə hərnu kel minti: «Seeɗa».
6Kəya wə waataŋ kaa kə ablaw minti yə əsə la adawra. Wə humuŋ mappa seeɗa'aŋ, wə jəŋ suuse a Pepeŋ cəərə jəə, wə ɓarsəna dərə wəra, wə ayna a kaa gə guuduŋ minti yə ɓarsə la wəra a kaa kə ablaw. Yə jəŋ damdi wə a wəətənəy anaŋ faɗi. 7Karmə aska a jəŋ kəəsi ada gəm. Yeesu jəŋ suuse wəra cəərə jəə, wə ayna a kaa gə guuduŋ minti yə ɓarsə la wəra ada. 8Mindi mindi mo hamaŋ wəra a tay du. Yə ɗostoŋ titiki kəmtəŋ seeɗa də gud kar gə minti a yaakaŋ. 9Ana kaŋ a jəŋ haa guɓ-guɓi waaɗe. Adoro, Yeesu miiriniy wəra minti yə ɗee la akera. 10Wə əsəŋ a ko toŋa pəda, yə luŋ də kaa gə guuduŋ giidə turtiŋa bə koore giidə seŋka də Dalmanutaŋ faɗi.
Kaanə Farisiyeŋ waate Yeesu minti wə jəə miɗi la a té
(Mat. 12.38-39; 16.1-4; Liki 11.16-29; 12.54-56)
11Kəya kaanə *Farisiyeŋ kəman tuluŋ sar Yeesu, yə əsəŋ bə ce awəya duuru. Yə a goldoŋ haa minti té law kəmpuru. Yə əsəŋ bə wəətu minti wə jəə karman bə ge dər la minti səɓaki nuutuŋ bəŋ sar Pepeŋ da. 12Yeesu gaŋ maahe boblo wəra fəəh, wə minti: «Kaa kə dogoynaŋ mante karman bə ge dər kaasəna haa səm mo? Gəəzi ten waataŋ, koo karman bə ge dər bə anə məna ten jəy diy ba.» 13Kəya wə yəəkənəy faɗi, wə haraŋ bə li giidə turtiŋa bə cakɗe warna agal naytaŋ na.
Kaa gə gud Yeesuŋ paapa bə əski gud kela ba
(Mat. 16.5-12; Liki 12.1)
14Cəərə *kaa gə guuduŋ gaŋ bay humi mappa da, a kəəsi giidə turtiŋa haa məna faɗi. 15Kəya Yeesu gəənəy kusniy wəra minti: «Aŋ jeɓrə la wəra pisi! Aŋ amə kusrəŋ la pisi ku siipə kə kaanə *Farisiyeŋa, də kə *Erodiŋ gəm#8.15 Siipə kə kaanə Farisiyeŋ haa hate neete bə baymeleŋ. Nayta kə Erodiŋ haa kel gə minti wə ŋefe də Yeesu baŋ..» 16Kəya yə əsəŋ bə ce awəya aduubə də kumsi minti: «Wə waate bədoona haa gud bə minti mappa paapa kasi áŋa baŋ ɗe.» 17Yeesu asaŋ kel gə minti aduubə diŋ, wə wəətənəy minti: «Aŋ bə ce awəya minti mappa paapa kaasəŋa baŋ, haa səm mo? Aŋ paapa gə nakə-neke bə ase kel daana bə iskiy guudi kəm ba pə mo? Ku tarməyaŋ wəra də hẽŋə-hẽŋe mo? 18Dərəŋ ada haa bə gole kar, kosnoŋ ada haa bə əski kel. Də teŋ keɗe, kar gə minti aŋ bə əsəyaŋ daana kel gə minti aŋ bə jiɓriyaŋ, guudiy paapa bə əski kaasəŋa ba. Paapa cəərəŋa ada ɗəkə pəda mo, 19bə minti ten ɓarsaŋ mappa wiiɗiwaŋ a kaa kaŋkar guɓ-guɓi wiiɗiwiŋ, aŋ humuŋ kəlam bə ɗostə-ɗoste də guudə də minti a yaakaŋ aniinə mo?» Té hərnu kel minti: «Hor cuuru ɓasi.» 20Tó minti: «Bə minti ten ɓarsaŋ mappa seeɗa'aŋ a kaa guɓ-guɓi waaɗe'iŋ, aŋ humuŋ titiki kəmtəŋ də ɗostə-ɗoste də guudə də minti a yaakaŋ aniinə mo?» Té minti: «Seeɗa.» 21Kəya wə minti: «Aŋ kəm doloy paapa bə əski gud kel gə minti ten bə jiyaŋ ba!»
Yeesu seere hulum bə bəwə-bəwi wəra giidə wəlasi də Betsaydaŋa
22Anə Yeesu tuluŋ giidə wəlasi də Betsaydaŋa. Kaa kəman buunu da də hulum bə bəwə-bəwi, kəya yə əsəŋ bə jəw kamkama minti wə malə kəəsu la suru bə siiru wəra. 23Kəya Yeesu duunu kəəsu, wə kooroŋ warna duuru kerkə wəlasiŋ na. Wə de'eŋ kiɗiki du, wə məlnu du duru, wə məlaŋ kəəsu suru, wə ləənu ku minti: «Tam máŋ bə ase karmana mo?» 24Hulum haŋ duru, wə minti: «Ten bə ase kaŋa bubunbubun, yə gole dərəna haa damdi kəbaŋ kəman bə ɗe lam ana.» 25Yeesu haraŋ bə malte kəəsu duru ada pa, kəya hulum ɗeŋ a gole anəkay, duru asaŋ warna anə celel faɗi. Wə wəra bə seerə-seere daana wə bə ase kara máŋ wəra anə kaŋkaŋ keɗe. 26Kəya Yeesu wəətunu minti wə ɗee la akera, səma wə a kele giidə wəlasiŋ na ba.
Piyer ase Yeesu minti wə haa Hulum bə minti Pepeŋ ŋəmnu
(Mat. 16.13-20; Liki 9.18-21)
27Anə Yeesu də *kaa gə guuduŋ kooroŋ giidə anə wəlasi də agəjaŋ də ko bə Sezare kə Filipiŋ na. Bə minti yə kəm a kəkəy na lam, wə ləənəy kuy minti: «Kaŋ waate cəərəna minti ten haa mindi mo?» 28Yə hərnu kel minti: «Sərdə kaa minti tam haa Zaŋ Batisi; sərdə kaayaŋ minti tam haa *Eli bə dayday; kaayaŋ pa minti tam haa *hulum bə jogte ku mini kə Pepeŋ gud kaayaŋ gə daydaya.» 29Kəya wə ləənəy kuy gəm minti: «Aŋ gəm ta, aŋ waate cəərəna minti ten haa mindi mo?» Piyer hərnu kel minti: «Tam haa Kristu, *Hulum bə minti Pepeŋ ŋəmnuŋ.» 30Kəya wə wəətənəy wəra anə kaŋkaŋ minti yə a waate hulum cəərə tó bədoona ana ba.
Yeesu waate cəərə me du daana hare du wəra dədərgə
(Mat. 16.21-23; Liki 9.22)
31Kəya wə əsəŋ bə hətəya, wə minti: «Ten *Kormə Hulúm kir se gəəli ablaw. Kaa kəmtəŋ gə tiinə kaanə Ziwifiŋ, kəkamna kə *kaa kə keere Pepeŋ daana *kaa kə hate ku gili nuutuŋ bə məlan dərən yaŋ wəra, yə bə awan wəra gəm. Dər hi bə soopeŋa, ten hare yaŋ wəra dədərgə adordə meŋa.» 32Wə wəətənəy kel teŋ wəra haa anə pəɗaki faɗi. Kəya Piyer duunu wəra agəjaŋa, wə ɗeŋ a isi bə jəw gəbaŋa minti: «A waatete kel teŋ bədoona ba.» 33Səma Yeesu haraŋ duru anəkay, wə goloŋ *kaa gə guuduŋ, wə əsəŋ bə ji gəbaŋa anə kaŋkaŋ a Piyer minti: «*Sataŋ, kolə la wəra kerkəna! Gud maa mo, ɗiki nəmtiŋ paapa bə tapə-tepe də kə Pepeŋ ba, wə haa ɗiki kə kaa kəsarkaŋ anə taki faɗi.»
Hulum he bəlam də Yeesu haa naanaanə he mo?
(Mat. 16.24-28; Liki 9.23-27)
34Yeesu mantaŋ kaa kə ablaw suru da, də *kaa gə guuduŋ ada gəm. Wə əsəŋ bə wəətiya minti: «Hulum bə minti bəlaŋ ne minti tó han bəlam dən, wə ŋoryə kusru la wəra, wə haa kəbaŋ gə larga nuutu gə meŋ la, wə tapə la guudəna nuutu ta. 35Gud maa mo hulum bə minti bele anə ɗaaməna minti tó jəə la caw saksakiŋ, wə bese dədərgə du wəra haa bese ɗaw. Səma hulum bə minti bəsaŋ dədərgə du ne wəra gud kel dəna daana gud *Kel pəsaŋ kəmarwaŋa, wə seereŋ dədərgə du wəra haa seere faɗi. 36Yə ayə bege bə cəərə seŋkaŋ la wəra keɗe nuutu a hulum kəman ɗaw, wə kəyu a maa mo jəəne minti dədərgə du bese wəraŋ? 37Karman bə minti hulum neke bə miɗi dədərgə du duuruŋ, haa maa mo? 38Kaa kə dogoynaŋ, yə haa kaa kə bayməlaŋ daana gə minti isi gud Pepeŋ ɗeker baŋ. Hulum bə minti bə ji kese bay waate kel dən daana kel katən jew kese aduubə də kaa teŋa ha'aŋ, ten *Kormə Hulúm, bə ji kese yaŋ bay wəətu kel du gəm də bə minti ten hare da də *kaa kə digi cetceti kə Pepeŋ dər məyan kə Barən daŋ.»
Currently Selected:
MARKƏ 8: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
MARKƏ 8
8
Yeesu aye hame a kaa guɓ-guɓi waaɗe
(Mat. 15.32-39; Mar. 6.30)
1Dər hi toŋa ateŋaŋ, kaa ablaw a haraŋ bə tepe ciiri sar Yeesu pa. Karman bə hame a paapa kəəsi ba tə pə moŋ, Yeesu mantaŋ *kaa gə guuduŋ da, wə wəətənəy minti: 2«Kaa teŋ əsəŋ bə golona caaca, gud maa mo yə hətəŋ laki sarəna kənaŋ soope, kar kə hame paapa kəəsi pəda. 3Ten vəənəy ne də kuy, yə ɗe a geye wəra a kəkəya faɗi, gud maa mo sirdi yaŋ ada bəŋ warda tooto.» 4Yə hərnu kel minti: «A ko tó bə bay cuuru halaŋiŋa ta'i kənaŋ, áŋ neke bə fele mappa də nəkəy haa anə mo?» 5Wə ləənəy kuy minti: «Mappa kaasaŋa aniinə mo?» Yə hərnu kel minti: «Seeɗa».
6Kəya wə waataŋ kaa kə ablaw minti yə əsə la adawra. Wə humuŋ mappa seeɗa'aŋ, wə jəŋ suuse a Pepeŋ cəərə jəə, wə ɓarsəna dərə wəra, wə ayna a kaa gə guuduŋ minti yə ɓarsə la wəra a kaa kə ablaw. Yə jəŋ damdi wə a wəətənəy anaŋ faɗi. 7Karmə aska a jəŋ kəəsi ada gəm. Yeesu jəŋ suuse wəra cəərə jəə, wə ayna a kaa gə guuduŋ minti yə ɓarsə la wəra ada. 8Mindi mindi mo hamaŋ wəra a tay du. Yə ɗostoŋ titiki kəmtəŋ seeɗa də gud kar gə minti a yaakaŋ. 9Ana kaŋ a jəŋ haa guɓ-guɓi waaɗe. Adoro, Yeesu miiriniy wəra minti yə ɗee la akera. 10Wə əsəŋ a ko toŋa pəda, yə luŋ də kaa gə guuduŋ giidə turtiŋa bə koore giidə seŋka də Dalmanutaŋ faɗi.
Kaanə Farisiyeŋ waate Yeesu minti wə jəə miɗi la a té
(Mat. 12.38-39; 16.1-4; Liki 11.16-29; 12.54-56)
11Kəya kaanə *Farisiyeŋ kəman tuluŋ sar Yeesu, yə əsəŋ bə ce awəya duuru. Yə a goldoŋ haa minti té law kəmpuru. Yə əsəŋ bə wəətu minti wə jəə karman bə ge dər la minti səɓaki nuutuŋ bəŋ sar Pepeŋ da. 12Yeesu gaŋ maahe boblo wəra fəəh, wə minti: «Kaa kə dogoynaŋ mante karman bə ge dər kaasəna haa səm mo? Gəəzi ten waataŋ, koo karman bə ge dər bə anə məna ten jəy diy ba.» 13Kəya wə yəəkənəy faɗi, wə haraŋ bə li giidə turtiŋa bə cakɗe warna agal naytaŋ na.
Kaa gə gud Yeesuŋ paapa bə əski gud kela ba
(Mat. 16.5-12; Liki 12.1)
14Cəərə *kaa gə guuduŋ gaŋ bay humi mappa da, a kəəsi giidə turtiŋa haa məna faɗi. 15Kəya Yeesu gəənəy kusniy wəra minti: «Aŋ jeɓrə la wəra pisi! Aŋ amə kusrəŋ la pisi ku siipə kə kaanə *Farisiyeŋa, də kə *Erodiŋ gəm#8.15 Siipə kə kaanə Farisiyeŋ haa hate neete bə baymeleŋ. Nayta kə Erodiŋ haa kel gə minti wə ŋefe də Yeesu baŋ..» 16Kəya yə əsəŋ bə ce awəya aduubə də kumsi minti: «Wə waate bədoona haa gud bə minti mappa paapa kasi áŋa baŋ ɗe.» 17Yeesu asaŋ kel gə minti aduubə diŋ, wə wəətənəy minti: «Aŋ bə ce awəya minti mappa paapa kaasəŋa baŋ, haa səm mo? Aŋ paapa gə nakə-neke bə ase kel daana bə iskiy guudi kəm ba pə mo? Ku tarməyaŋ wəra də hẽŋə-hẽŋe mo? 18Dərəŋ ada haa bə gole kar, kosnoŋ ada haa bə əski kel. Də teŋ keɗe, kar gə minti aŋ bə əsəyaŋ daana kel gə minti aŋ bə jiɓriyaŋ, guudiy paapa bə əski kaasəŋa ba. Paapa cəərəŋa ada ɗəkə pəda mo, 19bə minti ten ɓarsaŋ mappa wiiɗiwaŋ a kaa kaŋkar guɓ-guɓi wiiɗiwiŋ, aŋ humuŋ kəlam bə ɗostə-ɗoste də guudə də minti a yaakaŋ aniinə mo?» Té hərnu kel minti: «Hor cuuru ɓasi.» 20Tó minti: «Bə minti ten ɓarsaŋ mappa seeɗa'aŋ a kaa guɓ-guɓi waaɗe'iŋ, aŋ humuŋ titiki kəmtəŋ də ɗostə-ɗoste də guudə də minti a yaakaŋ aniinə mo?» Té minti: «Seeɗa.» 21Kəya wə minti: «Aŋ kəm doloy paapa bə əski gud kel gə minti ten bə jiyaŋ ba!»
Yeesu seere hulum bə bəwə-bəwi wəra giidə wəlasi də Betsaydaŋa
22Anə Yeesu tuluŋ giidə wəlasi də Betsaydaŋa. Kaa kəman buunu da də hulum bə bəwə-bəwi, kəya yə əsəŋ bə jəw kamkama minti wə malə kəəsu la suru bə siiru wəra. 23Kəya Yeesu duunu kəəsu, wə kooroŋ warna duuru kerkə wəlasiŋ na. Wə de'eŋ kiɗiki du, wə məlnu du duru, wə məlaŋ kəəsu suru, wə ləənu ku minti: «Tam máŋ bə ase karmana mo?» 24Hulum haŋ duru, wə minti: «Ten bə ase kaŋa bubunbubun, yə gole dərəna haa damdi kəbaŋ kəman bə ɗe lam ana.» 25Yeesu haraŋ bə malte kəəsu duru ada pa, kəya hulum ɗeŋ a gole anəkay, duru asaŋ warna anə celel faɗi. Wə wəra bə seerə-seere daana wə bə ase kara máŋ wəra anə kaŋkaŋ keɗe. 26Kəya Yeesu wəətunu minti wə ɗee la akera, səma wə a kele giidə wəlasiŋ na ba.
Piyer ase Yeesu minti wə haa Hulum bə minti Pepeŋ ŋəmnu
(Mat. 16.13-20; Liki 9.18-21)
27Anə Yeesu də *kaa gə guuduŋ kooroŋ giidə anə wəlasi də agəjaŋ də ko bə Sezare kə Filipiŋ na. Bə minti yə kəm a kəkəy na lam, wə ləənəy kuy minti: «Kaŋ waate cəərəna minti ten haa mindi mo?» 28Yə hərnu kel minti: «Sərdə kaa minti tam haa Zaŋ Batisi; sərdə kaayaŋ minti tam haa *Eli bə dayday; kaayaŋ pa minti tam haa *hulum bə jogte ku mini kə Pepeŋ gud kaayaŋ gə daydaya.» 29Kəya wə ləənəy kuy gəm minti: «Aŋ gəm ta, aŋ waate cəərəna minti ten haa mindi mo?» Piyer hərnu kel minti: «Tam haa Kristu, *Hulum bə minti Pepeŋ ŋəmnuŋ.» 30Kəya wə wəətənəy wəra anə kaŋkaŋ minti yə a waate hulum cəərə tó bədoona ana ba.
Yeesu waate cəərə me du daana hare du wəra dədərgə
(Mat. 16.21-23; Liki 9.22)
31Kəya wə əsəŋ bə hətəya, wə minti: «Ten *Kormə Hulúm kir se gəəli ablaw. Kaa kəmtəŋ gə tiinə kaanə Ziwifiŋ, kəkamna kə *kaa kə keere Pepeŋ daana *kaa kə hate ku gili nuutuŋ bə məlan dərən yaŋ wəra, yə bə awan wəra gəm. Dər hi bə soopeŋa, ten hare yaŋ wəra dədərgə adordə meŋa.» 32Wə wəətənəy kel teŋ wəra haa anə pəɗaki faɗi. Kəya Piyer duunu wəra agəjaŋa, wə ɗeŋ a isi bə jəw gəbaŋa minti: «A waatete kel teŋ bədoona ba.» 33Səma Yeesu haraŋ duru anəkay, wə goloŋ *kaa gə guuduŋ, wə əsəŋ bə ji gəbaŋa anə kaŋkaŋ a Piyer minti: «*Sataŋ, kolə la wəra kerkəna! Gud maa mo, ɗiki nəmtiŋ paapa bə tapə-tepe də kə Pepeŋ ba, wə haa ɗiki kə kaa kəsarkaŋ anə taki faɗi.»
Hulum he bəlam də Yeesu haa naanaanə he mo?
(Mat. 16.24-28; Liki 9.23-27)
34Yeesu mantaŋ kaa kə ablaw suru da, də *kaa gə guuduŋ ada gəm. Wə əsəŋ bə wəətiya minti: «Hulum bə minti bəlaŋ ne minti tó han bəlam dən, wə ŋoryə kusru la wəra, wə haa kəbaŋ gə larga nuutu gə meŋ la, wə tapə la guudəna nuutu ta. 35Gud maa mo hulum bə minti bele anə ɗaaməna minti tó jəə la caw saksakiŋ, wə bese dədərgə du wəra haa bese ɗaw. Səma hulum bə minti bəsaŋ dədərgə du ne wəra gud kel dəna daana gud *Kel pəsaŋ kəmarwaŋa, wə seereŋ dədərgə du wəra haa seere faɗi. 36Yə ayə bege bə cəərə seŋkaŋ la wəra keɗe nuutu a hulum kəman ɗaw, wə kəyu a maa mo jəəne minti dədərgə du bese wəraŋ? 37Karman bə minti hulum neke bə miɗi dədərgə du duuruŋ, haa maa mo? 38Kaa kə dogoynaŋ, yə haa kaa kə bayməlaŋ daana gə minti isi gud Pepeŋ ɗeker baŋ. Hulum bə minti bə ji kese bay waate kel dən daana kel katən jew kese aduubə də kaa teŋa ha'aŋ, ten *Kormə Hulúm, bə ji kese yaŋ bay wəətu kel du gəm də bə minti ten hare da də *kaa kə digi cetceti kə Pepeŋ dər məyan kə Barən daŋ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.