Matthew 22
22
Sa Pani Atte Daḵoḻe Gayagayan Ni Kasar
(Luk. 14:15-24)
1Pun ḵanan os Jesus ḵan didae nangipani, 2“Mipani ampangatan Apudyus atte ari ye isagsaganana kasar ni babaḻu we abengna. 3Naganggangput ḵade insaganana, nambuun atta sammiluna'ḵ ummoy nan-ayag atta ummunae naayagan. Yaḵon adidapun ummali. 4Pun nambuun os ḵasin atta udume sammilu woḵ ḵanana, ‘Inḵayu ibaga'tta naayagan: Ilanyu ḵad, naḵasagana da maḵan si annae kasar. Insidani da antatabae baḵa ya naḵasagana losan.’ 5Yaḵon adipun os dumngoḻ da sadi ye naayagan. Awad ay osa ya ipapuutna ḵoona. Sa osa ummoy atte payawna. Sa osa bos ummoy nallaḵu. 6Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton. 7Dingngoḻ ḵad ay ni Ari sadi ye naḵwa'tta sammiluna, amoamod de sangana woḵ ibuunna da suḻdaduna ta umoyda gongaton da nangongat ḵan dida ya singgobda siyudadda. 8Pun ḵanan ni Ari atta udume sammiluna, ‘Insagsaganaḵ da losane ḵasapuḻan si annae kasar yaḵon gapu ta adipun ummali da tagu we inayagaḵ, adidapun oḵyan miyunude umali si gayagaya. 9Inḵayu'tta ḵaḻsa ya ayaganyu da losane tagu we odasanyu.’ 10Pun ummoy da sammiluna woḵ inayaganda da losane indasanda, lawweng man ḵan ambaḻu. Pun napnu'tta naayagan aḻwaaḻwae kasaran.
11“Yaḵon ummoy ḵad ni Ari innila da naayagan, innilana osae tagu we adipun nansilup si miyapote silup da umoy maḵakasar. 12Pun ḵanan ni Ari ḵan siyae nangimus, ‘Buḻbuḻun, ngaipaḵa anna sinae adipun nansilup atte miyapot si annae kasar?’ Yaḵon gummiginnoḵ. 13Pun ḵanan ni Ari atta sammiluna, ‘Baḻudonyu da imana ya da suḵina ya idawatyu'k lasin si anggiḵbot ta sidi ye umibiibil ḵan ngumalitod da babana te ampaḵapaḵaḻam.’ ” 14Pun ḵanan Jesus we nangiyanungus, “Adu da tagu we naayagan yaḵon aḵit da napili.”
Sa Mipanggob Atte Bugis
(Mrk. 12:13-17; Luk. 20:20-26)
15Pune sadi ḵesan da Pharisee woḵ ummoyda nantutuḻag si inondae anoḵma ḵan Jesus gapu'tta inugudna. 16Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu. 17Pun ibagam ud nu ngai ḵasomsomḵam si anna. Lisalison taḵu ḵamman lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”
18Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan? 19Angipaila ḵayu ḵan saḵon atte ossaane palatae ambayadyu si bugisyu.” Pun innatodda ḵan siya osae palata. 20Ḵanan Jesus we nan-imus ḵan dida, “Ngai simbosaḻ ḵan singngadan si anna?”
21Ḵananda, “Sa Emperor.”
Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana, ḵad ittonyu bos ḵan Apudyus da ḵuwan Apudyus.”
22Dingngoḻda ḵad insongbatna, nataagda pun tinenanda woḵ mabuḵaḻda.
Sa Im-imus Atte Umuliyan Da Matoy
(Mrk. 12:18-27; Luk. 20:27-40)
23Sa sadi ye aḻgaw, ummoy da udume Sadducee ḵan Jesus woḵ nan-imusda ḵan siya. Dida osae grupun da Judyu we adipun amati ye umuli da matoy. 24Ḵananda ḵan siya, “Mistulu, annaya intuttudun Moses si awe. Nu awad laḻaḵi'ḵ angasawa ya natoye ippun abengda, ḵasapuḻane asaw-on os ni sunudna baḻu. Ḵad nu awad abengda, mibelang aḵ abeng ni natoy.#22:24 Deuteronomy 25:5-6. 25Pun inninggaw da pitu we ansusunude lallaḻaḵi ye inninggaw ḵan ditaḵu sina. Nangasawa panguḻu yaḵon natoy atte daandapun maganaḵ. Pun inasawan ni ḵumagwae sunudna baḻu. 26Isuna bose natoye naippun abengda. Pun nipasani bos ḵumaḵlu yaḵon isuna bose naippun abengda inggana si ḵumapitu. 27Anungusna ḵad, natoy os bubai. 28Sa umali ye aḻgaw atte umuliyan da natoy, ngai ḵan dida ustu we sin-asawa'tte annae bubai te losanda inasawa?”
29Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana. 30Te nu magangput umuli da natoy, adidapun ogon angasawa te isuda da anghel ad langit. 31Nu mipanggob si umuliyan da natoy, iḵagasmoḵyu oḵyan binasayu we imbagan Apudyus ḵan diḵayu si ugudna. 32Ḵanana, ‘Saḵon aḵ Apudyus we Apudyus da Abraham, Isaac ya aḵ Jacob.’#22:32 Exodus 3:6, 15. Sa piona ugudon, siya Apudyus da matattagu, daḵampun aḵ Apudyus da natoy.” 33Da tagu we nandodongngoḻ nataagda'tta intuttuduna.
Sa Ḵapatogan Atta Bilin Apudyus
(Mrk. 12:28-34; Luk. 10:25-28)
34Dingngoḻ ḵad da Pharisee ye pinaginoḵ Jesus da Sadducee te nakakaskasdaaw da songbatna'tta im-imusda, nadagupda ḵasin woḵ ummoyda ḵan Jesus. 35Inninggaw osa ḵan didae nalainge mistulun ni lintoge nan-imus ḵan Jesus ta siḵapana. 36Ḵanana, “Mistulu, ngai ḵapatogane bilin Apudyus?”
37-38Ḵanan Jesus, “Annaya ḵapatogan ḵan umunae bilin Apudyus, ‘Ḵasapuḻane ayatom aḵ Apu we Apudyusnu atte amine pusum ya amine ḵalidodwam ya amine somsomoḵnu.’#22:37-38 Deuteronomy 6:5; Hosea 6:6. 39Sa ḵumagwae ḵapatogan isuna, ‘Ḵasapuḻane ayatom da asintatagume isun ni an-aayatnu si long-agnu.’#22:39 Leviticus 19:18. 40Da losane lintog Moses ya da inggilin da profeta, nibatayda'tta sanae duwae bilin Apudyus.”
Sa Mipanggob Ḵan Kristu
(Mrk. 12:35-37; Luk. 20:41-44)
41Nandatdatong ḵad da Pharisee, ḵanan Jesus we nan-imus ḵan dida, 42“Ngai ḵasomsomḵanyu mipanggob ḵan Kristu? Ngai singganaḵ ḵan siya?”
Pun ḵananda, “Ganaḵ Ari David.”
43Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,
44“ ‘Ḵanan Apudyus atte Apuḵ:
Tumuḵduḵa'tte madawinanḵu
inggana'ḵ oḻgoḵ da ḵabusuḻnu.’#22:44 Psalm 110:1.
45Pun nu ḵanan Ari David we aḵ Kristu Apuna, ngai inonae ganaḵna bos nu?” 46Naippun ossaan sidi'ḵ lamog angibaga'tte songbat ni inimus Jesus. Inggan ni nangibag-ana'tte sana, naippun ogon maḵaituḻode an-imus ḵan Jesus.
Currently Selected:
Matthew 22: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Matthew 22
22
Sa Pani Atte Daḵoḻe Gayagayan Ni Kasar
(Luk. 14:15-24)
1Pun ḵanan os Jesus ḵan didae nangipani, 2“Mipani ampangatan Apudyus atte ari ye isagsaganana kasar ni babaḻu we abengna. 3Naganggangput ḵade insaganana, nambuun atta sammiluna'ḵ ummoy nan-ayag atta ummunae naayagan. Yaḵon adidapun ummali. 4Pun nambuun os ḵasin atta udume sammilu woḵ ḵanana, ‘Inḵayu ibaga'tta naayagan: Ilanyu ḵad, naḵasagana da maḵan si annae kasar. Insidani da antatabae baḵa ya naḵasagana losan.’ 5Yaḵon adipun os dumngoḻ da sadi ye naayagan. Awad ay osa ya ipapuutna ḵoona. Sa osa ummoy atte payawna. Sa osa bos ummoy nallaḵu. 6Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton. 7Dingngoḻ ḵad ay ni Ari sadi ye naḵwa'tta sammiluna, amoamod de sangana woḵ ibuunna da suḻdaduna ta umoyda gongaton da nangongat ḵan dida ya singgobda siyudadda. 8Pun ḵanan ni Ari atta udume sammiluna, ‘Insagsaganaḵ da losane ḵasapuḻan si annae kasar yaḵon gapu ta adipun ummali da tagu we inayagaḵ, adidapun oḵyan miyunude umali si gayagaya. 9Inḵayu'tta ḵaḻsa ya ayaganyu da losane tagu we odasanyu.’ 10Pun ummoy da sammiluna woḵ inayaganda da losane indasanda, lawweng man ḵan ambaḻu. Pun napnu'tta naayagan aḻwaaḻwae kasaran.
11“Yaḵon ummoy ḵad ni Ari innila da naayagan, innilana osae tagu we adipun nansilup si miyapote silup da umoy maḵakasar. 12Pun ḵanan ni Ari ḵan siyae nangimus, ‘Buḻbuḻun, ngaipaḵa anna sinae adipun nansilup atte miyapot si annae kasar?’ Yaḵon gummiginnoḵ. 13Pun ḵanan ni Ari atta sammiluna, ‘Baḻudonyu da imana ya da suḵina ya idawatyu'k lasin si anggiḵbot ta sidi ye umibiibil ḵan ngumalitod da babana te ampaḵapaḵaḻam.’ ” 14Pun ḵanan Jesus we nangiyanungus, “Adu da tagu we naayagan yaḵon aḵit da napili.”
Sa Mipanggob Atte Bugis
(Mrk. 12:13-17; Luk. 20:20-26)
15Pune sadi ḵesan da Pharisee woḵ ummoyda nantutuḻag si inondae anoḵma ḵan Jesus gapu'tta inugudna. 16Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu. 17Pun ibagam ud nu ngai ḵasomsomḵam si anna. Lisalison taḵu ḵamman lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”
18Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan? 19Angipaila ḵayu ḵan saḵon atte ossaane palatae ambayadyu si bugisyu.” Pun innatodda ḵan siya osae palata. 20Ḵanan Jesus we nan-imus ḵan dida, “Ngai simbosaḻ ḵan singngadan si anna?”
21Ḵananda, “Sa Emperor.”
Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana, ḵad ittonyu bos ḵan Apudyus da ḵuwan Apudyus.”
22Dingngoḻda ḵad insongbatna, nataagda pun tinenanda woḵ mabuḵaḻda.
Sa Im-imus Atte Umuliyan Da Matoy
(Mrk. 12:18-27; Luk. 20:27-40)
23Sa sadi ye aḻgaw, ummoy da udume Sadducee ḵan Jesus woḵ nan-imusda ḵan siya. Dida osae grupun da Judyu we adipun amati ye umuli da matoy. 24Ḵananda ḵan siya, “Mistulu, annaya intuttudun Moses si awe. Nu awad laḻaḵi'ḵ angasawa ya natoye ippun abengda, ḵasapuḻane asaw-on os ni sunudna baḻu. Ḵad nu awad abengda, mibelang aḵ abeng ni natoy.#22:24 Deuteronomy 25:5-6. 25Pun inninggaw da pitu we ansusunude lallaḻaḵi ye inninggaw ḵan ditaḵu sina. Nangasawa panguḻu yaḵon natoy atte daandapun maganaḵ. Pun inasawan ni ḵumagwae sunudna baḻu. 26Isuna bose natoye naippun abengda. Pun nipasani bos ḵumaḵlu yaḵon isuna bose naippun abengda inggana si ḵumapitu. 27Anungusna ḵad, natoy os bubai. 28Sa umali ye aḻgaw atte umuliyan da natoy, ngai ḵan dida ustu we sin-asawa'tte annae bubai te losanda inasawa?”
29Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana. 30Te nu magangput umuli da natoy, adidapun ogon angasawa te isuda da anghel ad langit. 31Nu mipanggob si umuliyan da natoy, iḵagasmoḵyu oḵyan binasayu we imbagan Apudyus ḵan diḵayu si ugudna. 32Ḵanana, ‘Saḵon aḵ Apudyus we Apudyus da Abraham, Isaac ya aḵ Jacob.’#22:32 Exodus 3:6, 15. Sa piona ugudon, siya Apudyus da matattagu, daḵampun aḵ Apudyus da natoy.” 33Da tagu we nandodongngoḻ nataagda'tta intuttuduna.
Sa Ḵapatogan Atta Bilin Apudyus
(Mrk. 12:28-34; Luk. 10:25-28)
34Dingngoḻ ḵad da Pharisee ye pinaginoḵ Jesus da Sadducee te nakakaskasdaaw da songbatna'tta im-imusda, nadagupda ḵasin woḵ ummoyda ḵan Jesus. 35Inninggaw osa ḵan didae nalainge mistulun ni lintoge nan-imus ḵan Jesus ta siḵapana. 36Ḵanana, “Mistulu, ngai ḵapatogane bilin Apudyus?”
37-38Ḵanan Jesus, “Annaya ḵapatogan ḵan umunae bilin Apudyus, ‘Ḵasapuḻane ayatom aḵ Apu we Apudyusnu atte amine pusum ya amine ḵalidodwam ya amine somsomoḵnu.’#22:37-38 Deuteronomy 6:5; Hosea 6:6. 39Sa ḵumagwae ḵapatogan isuna, ‘Ḵasapuḻane ayatom da asintatagume isun ni an-aayatnu si long-agnu.’#22:39 Leviticus 19:18. 40Da losane lintog Moses ya da inggilin da profeta, nibatayda'tta sanae duwae bilin Apudyus.”
Sa Mipanggob Ḵan Kristu
(Mrk. 12:35-37; Luk. 20:41-44)
41Nandatdatong ḵad da Pharisee, ḵanan Jesus we nan-imus ḵan dida, 42“Ngai ḵasomsomḵanyu mipanggob ḵan Kristu? Ngai singganaḵ ḵan siya?”
Pun ḵananda, “Ganaḵ Ari David.”
43Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,
44“ ‘Ḵanan Apudyus atte Apuḵ:
Tumuḵduḵa'tte madawinanḵu
inggana'ḵ oḻgoḵ da ḵabusuḻnu.’#22:44 Psalm 110:1.
45Pun nu ḵanan Ari David we aḵ Kristu Apuna, ngai inonae ganaḵna bos nu?” 46Naippun ossaan sidi'ḵ lamog angibaga'tte songbat ni inimus Jesus. Inggan ni nangibag-ana'tte sana, naippun ogon maḵaituḻode an-imus ḵan Jesus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.