Matthew 23
23
Da Mimistulun Ni Lintog Ya Da Pharisee
(Mrk. 12:38-39; Luk. 11:43, 46; 20:45-46)
1Pun ḵanan Jesus atta disipuluna ya da adu we tagu, 2“Da mimistulun ni lintog ya da Pharisee, anna ḵaḻabbongandae angipaḵaawat atte lintoge innatod Apudyus ḵan Moses. 3Pun ḵasapuḻane tuttuwaonyu ḵan unudonyu da losane ituttududa, yaḵon adiyu ḵoon da ḵoḵoḵḵonda te adidapun ḵoone mismu ḵan unudon da ituttududa. 4Ipabuḵudda'tta tagu andagsone mabuḵud yaḵon adidapun pione bumadang ḵan dida taḵon ay aḵit. 5Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda.#23:5 Deuteronomy 6:8. Ḵad piondae alliḵliḵwose ansisillup atta langgoyod. 6-7Ampilida'tta ḵabaḻuwane tutuḵduwan atta sinagoga#23:6-7 Sinagoga - ilanyu'tte 4:23. ya pionda bose mapatganda'tta ampakumusta ḵan dida'tta andaḵdaḵngan da adu we tagu. Ḵad pipionda midayawda nu awad gayagaya. Ḵad piondae maawaganda'ḵ ‘Mistulu.’
8“Yaḵon ḵan diḵayu, adiyu iyunude awagan diḵayu'ḵ ‘Mistulu’ te ansusunud ḵayu si pammati ya os-ossaan mistuluyu. 9Ḵad ḵasapuḻane adiyu awagan aḵ ‘Ama,’ osae tagu'tte annae luta te abuse ossaan Amayu we awad ad langit. 10Adiyu bos iyunude maawagan ḵayu'ḵ ‘Apu’ te aḵ Kristu os-ossaane Apuyu. 11Ḵad sa ḵangatuwan ḵan diḵayu, ḵasapuḻane siya anserbi'tta buḻunna. 12Ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”
Sa Nanuppaḵan Jesus Atta Pharisee Ya Da Mimistulun Ni Lintog
(Mrk. 12:40; Luk. 11:39-42, 44, 47-52; 20:47)
13Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.
14“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.#23:14 Sa annae verse ippun atta ḵaaduwane manuscript atte Greek.
15“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.
16“Ḵaddagu ḵayu! Iissuyu naḵuḻape tagu we angipuyut atta udum. Te ituttuduyu we nu ansapata osae tagu ya usarona templo aḵ anaḵdoḻ ḵan siya, daḵampun aḵ basuḻ nu lisalisona da inkarina. Yaḵon nu siya isapatana buḻawan si templo, ḵasapuḻane ituttuwana inkarina. 17Ḵaddagu ḵayu! Tuttuwa pagaye nadongdong-ogan ḵayu we naḵuḻap! Aaddi ye amo ampatog templo nu sa buḻawan te sa buḻawane awad si templo mitotoḵḵone mausar si anserbiyan ḵan Apudyus. 18Ḵad ḵananyu bose nu isapatana altar, daḵampun aḵ basuḻ nu lisalisona inkarina. Yaḵon nu isapatana nidatun si altar, ḵasapuḻane ituttuwana inkarina. 19Tuttuwae naḵuḻap ḵayu! Aaddi ye amo ampatog altar nu sa datun te sa datune awad si altar mitotoḵḵone mausar si anserbiyan ḵan Apudyus. 20Pun nu isapatana altar, indogana insapata da ngaimane nidatun. 21Ḵad nu ansapata osae tagu ya usarona templo we ansapata, indogana insapata'ḵ Apudyus we iinggaw si templo. 22Ḵad nu isapatan ni tagu'd langit, indogana bos insapata tronon Apudyus ya aḵ Apudyus we pangat.
23“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum. 24Siya iissuyu naḵuḻape tagu we angipuyut atta udum. Isuyu bos tagu we sagatona inumona ta naippun iloḵ aḵ midoga yaḵon sillukmusna camel!
25“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu. 26Diḵayu we naḵuḻape Pharisee! Ḵasapuḻane umunae ḵiwasanyu'd daḻom si tasayu ḵan palatuyu ta pumoḻḵas ya pumoḻḵas os labawna.
27“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan. 28Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”
29“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te nangwa ḵayu'ḵ libon da profeta si awe ya inam-ammaanyu bos da libon da naun-unane tagu. 30Ḵad ḵananyu we, ‘Nu siya oḵyan nabiyaganni timpun da danaḵḵoḻni, adiḵanipun oḵyan naḵaḵḵaila ḵan didae nanggongat atta profeta.’ 31Yaḵon gapu ta imbagayu ḵaḵnat, naawatane diḵayu da ganaḵ da tagu we nanggongat atta profeta si awe.#23:31 Sa somsomoḵ da Judyu sa abeng awatona amana. Pun da ganaḵ da tagu we pumappatoy, piona ugudon miḵamada bos ḵan dida. 32Dowwot, igangputyu illus da danaḵḵoḻyu insaḻad! 33Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu! 34Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida. 35Pun madusa ḵayu gapu'tte nagongatan da naun-unane tagu misaḻad atte nangongatanda ḵan Abel#23:35 Sa mipanggob ḵan Abel si nangongatan Cain we mismu we sunudna. Genesis 4:8 ya sa mipanggob ḵan Zachariah we nagongat 2 Chronicles 24:20-22. we ambaḻu inggana'tte nangongatanda ḵan Zechariah we abeng Barachiah we gingngat da danaḵḵoḻyu si nambootan ni altar ya sa templo. 36Ibagaḵ ḵan diḵayu ḵatuttuwaan, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.”
Sa Ayat Jesus Atta IJerusalem
(Luk. 13:34-35)
37Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion. 38Pun diḵayu mabaḻaw te tenan Apudyus diḵayu ya mabaawan temployu. 39Te ibagaḵ ḵan diḵayu we inggana sinsadi, ippun ogon ilanyu ḵan saḵon inggana'ḵ dumatong timpu we asiyu ḵanan, ‘Madaydayaw oḵyan umali ye imbuun Apudyus!’ ”#23:39 Psalm 118:26.
Currently Selected:
Matthew 23: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Matthew 23
23
Da Mimistulun Ni Lintog Ya Da Pharisee
(Mrk. 12:38-39; Luk. 11:43, 46; 20:45-46)
1Pun ḵanan Jesus atta disipuluna ya da adu we tagu, 2“Da mimistulun ni lintog ya da Pharisee, anna ḵaḻabbongandae angipaḵaawat atte lintoge innatod Apudyus ḵan Moses. 3Pun ḵasapuḻane tuttuwaonyu ḵan unudonyu da losane ituttududa, yaḵon adiyu ḵoon da ḵoḵoḵḵonda te adidapun ḵoone mismu ḵan unudon da ituttududa. 4Ipabuḵudda'tta tagu andagsone mabuḵud yaḵon adidapun pione bumadang ḵan dida taḵon ay aḵit. 5Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda.#23:5 Deuteronomy 6:8. Ḵad piondae alliḵliḵwose ansisillup atta langgoyod. 6-7Ampilida'tta ḵabaḻuwane tutuḵduwan atta sinagoga#23:6-7 Sinagoga - ilanyu'tte 4:23. ya pionda bose mapatganda'tta ampakumusta ḵan dida'tta andaḵdaḵngan da adu we tagu. Ḵad pipionda midayawda nu awad gayagaya. Ḵad piondae maawaganda'ḵ ‘Mistulu.’
8“Yaḵon ḵan diḵayu, adiyu iyunude awagan diḵayu'ḵ ‘Mistulu’ te ansusunud ḵayu si pammati ya os-ossaan mistuluyu. 9Ḵad ḵasapuḻane adiyu awagan aḵ ‘Ama,’ osae tagu'tte annae luta te abuse ossaan Amayu we awad ad langit. 10Adiyu bos iyunude maawagan ḵayu'ḵ ‘Apu’ te aḵ Kristu os-ossaane Apuyu. 11Ḵad sa ḵangatuwan ḵan diḵayu, ḵasapuḻane siya anserbi'tta buḻunna. 12Ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”
Sa Nanuppaḵan Jesus Atta Pharisee Ya Da Mimistulun Ni Lintog
(Mrk. 12:40; Luk. 11:39-42, 44, 47-52; 20:47)
13Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.
14“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.#23:14 Sa annae verse ippun atta ḵaaduwane manuscript atte Greek.
15“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.
16“Ḵaddagu ḵayu! Iissuyu naḵuḻape tagu we angipuyut atta udum. Te ituttuduyu we nu ansapata osae tagu ya usarona templo aḵ anaḵdoḻ ḵan siya, daḵampun aḵ basuḻ nu lisalisona da inkarina. Yaḵon nu siya isapatana buḻawan si templo, ḵasapuḻane ituttuwana inkarina. 17Ḵaddagu ḵayu! Tuttuwa pagaye nadongdong-ogan ḵayu we naḵuḻap! Aaddi ye amo ampatog templo nu sa buḻawan te sa buḻawane awad si templo mitotoḵḵone mausar si anserbiyan ḵan Apudyus. 18Ḵad ḵananyu bose nu isapatana altar, daḵampun aḵ basuḻ nu lisalisona inkarina. Yaḵon nu isapatana nidatun si altar, ḵasapuḻane ituttuwana inkarina. 19Tuttuwae naḵuḻap ḵayu! Aaddi ye amo ampatog altar nu sa datun te sa datune awad si altar mitotoḵḵone mausar si anserbiyan ḵan Apudyus. 20Pun nu isapatana altar, indogana insapata da ngaimane nidatun. 21Ḵad nu ansapata osae tagu ya usarona templo we ansapata, indogana insapata'ḵ Apudyus we iinggaw si templo. 22Ḵad nu isapatan ni tagu'd langit, indogana bos insapata tronon Apudyus ya aḵ Apudyus we pangat.
23“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum. 24Siya iissuyu naḵuḻape tagu we angipuyut atta udum. Isuyu bos tagu we sagatona inumona ta naippun iloḵ aḵ midoga yaḵon sillukmusna camel!
25“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu. 26Diḵayu we naḵuḻape Pharisee! Ḵasapuḻane umunae ḵiwasanyu'd daḻom si tasayu ḵan palatuyu ta pumoḻḵas ya pumoḻḵas os labawna.
27“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan. 28Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”
29“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te nangwa ḵayu'ḵ libon da profeta si awe ya inam-ammaanyu bos da libon da naun-unane tagu. 30Ḵad ḵananyu we, ‘Nu siya oḵyan nabiyaganni timpun da danaḵḵoḻni, adiḵanipun oḵyan naḵaḵḵaila ḵan didae nanggongat atta profeta.’ 31Yaḵon gapu ta imbagayu ḵaḵnat, naawatane diḵayu da ganaḵ da tagu we nanggongat atta profeta si awe.#23:31 Sa somsomoḵ da Judyu sa abeng awatona amana. Pun da ganaḵ da tagu we pumappatoy, piona ugudon miḵamada bos ḵan dida. 32Dowwot, igangputyu illus da danaḵḵoḻyu insaḻad! 33Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu! 34Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida. 35Pun madusa ḵayu gapu'tte nagongatan da naun-unane tagu misaḻad atte nangongatanda ḵan Abel#23:35 Sa mipanggob ḵan Abel si nangongatan Cain we mismu we sunudna. Genesis 4:8 ya sa mipanggob ḵan Zachariah we nagongat 2 Chronicles 24:20-22. we ambaḻu inggana'tte nangongatanda ḵan Zechariah we abeng Barachiah we gingngat da danaḵḵoḻyu si nambootan ni altar ya sa templo. 36Ibagaḵ ḵan diḵayu ḵatuttuwaan, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.”
Sa Ayat Jesus Atta IJerusalem
(Luk. 13:34-35)
37Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion. 38Pun diḵayu mabaḻaw te tenan Apudyus diḵayu ya mabaawan temployu. 39Te ibagaḵ ḵan diḵayu we inggana sinsadi, ippun ogon ilanyu ḵan saḵon inggana'ḵ dumatong timpu we asiyu ḵanan, ‘Madaydayaw oḵyan umali ye imbuun Apudyus!’ ”#23:39 Psalm 118:26.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.