Matthew 24
24
Sa Mipanggob Si Madadailan Ni Templo
(Mrk. 13:1-2; Luk. 21:5-6)
1Lummawa ḵad aḵ Jesus si paway ni templo, ḵummatam da disipuluna ḵan siya woḵ intududa ḵan siya ḵinabaḻun ni templo ya da udume boboḻoy atte nampaliḵwos. 2Ḵanan Jesus, “Ilanyu sinsadi da losane ḵinabaḻun da sana. Yaḵon ibagaḵ ḵan diḵayu ḵatuttuwaan, sa umali ye aḻgaw, maamin miḵisob da sanat ya miwalis ya naippun mabun-an taḵon ay ossaane batu si igawna.”
Sa Ampaḵaḻaman Atte Umali Ye Aḻgaw
(Mrk. 13:3-13; Luk. 21:7-19)
3Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”
4Ḵanan Jesus we summongbat, “Ummanyu ta adi ḵayu maallelaw. 5Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’#24:5 Kristu - sa piona ugudon siya pinilin Apudyus aḵ Anagu ya An-ari. ḵad adu da tagu we allelawonda. 6Ḵad nu dongngonyu we awad gubat atta adani ḵan adayu we ili, adi ḵayu umogyat te ḵasapuḻane maḵwa da sana. Yaḵon daampun yan anungus ni lubung. 7Te anggugubat yan da adu we ili ya da adu we gubilnu. Ḵad awad os da lunig ḵan inggi'tta adu we ili. 8Yaḵon losan atta sana, isun ni misaḻdan ni bubai ye anggumute ampaḵaḻam.
9“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon. 10Sa sadi ye timpu, adu da an-awidanda da pammatida ḵan saḵon. Ḵad an-asituyuḵda ya sasangngaanda da buḻunda. 11Adu da sinan profeta we ampaila ḵad adu da allelawonda. 12Ḵad gapu'tte umaduadu da adipun tumuttuwa'tta pinion Apudyus atte annae lubung, ḵummuya an-aayat da adu we tagu. 13Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana. 14Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”
Sa Madadailana'd Jerusalem
(Mrk. 13:14-23; Luk. 21:20-24)
15Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe.#24:15 Daniel 9:27; 11:31; 12:11. Maawatan oḵyan da ambasa. 16Pun da inggaw atte probinsiya'd Judea, umawidda oḵyan atta bebbeleg. 17Sa tagu we awad si otop ni boḻoyna, umawid oḵyane dagus ta mataguwana ya adi mataḵtaḵe lumogsade umoy angaḻa'tta ḵuḵuwana. 18Sa awad atte pappayaw, ḵasapuḻane adi oḵyan mataḵtaḵe mipauli si boboḻoye umoy angaḻa'tta silupna. 19Sa sadi ye aḻgaw, ḵaddagu da mabugi ya da antagibi. 20Pun iluwaḻuyu ḵan Apudyus we adi oḵyan maḵwa si ageled baḵon nu sa umillongan. 21Te sa sadi ye timpu umamdan ampaḵaḻaman, naippun paat miyisuwana inggan ni naḵwaan ni lubung inggana sinsana, ḵad naippun os miyisuwana'tte umali ye aḻgaw. 22Ḵad nu adin Apudyus simsimmoḵe paabobbaon sanate timpu, naippun tagu'ḵ matagu. Yaḵon gapu'tte ḵadaguna'tta pinilinae taguna, pinaabobbana sadi ye timpu.
23“Pun sa sadi ye timpu, nu awad ḵanana ḵan diḵayu, ‘Ilanyu ḵad, annaya'ḵ Kristu,’ baḵon nu ‘andiya,’ adiyu patiyon. 24Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa. 25Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.
26“Pun nu ḵananda ḵan diḵayu we, ‘Ilanyu! Andiya'ḵ Kristu si bumbummaaw,’ adiḵayu umoy. Ḵad nu ḵanandae, ‘Annayae nantataḻu si kuwartu,’ adiyu bos patiyon. 27Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana. 28Sa mipauliyan ni Abeng Di Tagu mipaigammu'tta losane isun ni annae uuggudone ḵanana, ‘Dinumane igaw da natoy, siya bos andaḵdaḵngan da gayange angan atta ladag.’ ”
Sa Umaliyan Ni Abeng Di Tagu
(Mrk. 13:24-27; Luk. 21:25-28)
29Pinagatupan Jesus woḵ ḵanana, “Nu magangput da ampaḵaḻaman si sadi ye timpu, gumiḵbot init ya adipun allangḻang soḻag. Maamin maottag da bituwon ya miyugayug da losane awad ad langit.#24:29 Isaiah 13:9-13, 24:21-23; 34:4; Ezekiel 32:7-8; Joel 2:10, 31; 3:15; Amos 8:9. 30Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.#24:30 Daniel 7:13-14. 31Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”
Sa Maadaḻ Atte Ḵayu We Fig
(Mrk. 13:28-31; Luk. 21:29-33)
32Pun ḵanan os Jesus, “Annaya somsomḵonyu mipanggob atte ḵayu we fig ta an-adaḻanyu. Nu ilanyu we alloḻota da pangada ya summimitda, igammuyu we madam-an dagun. 33Ḵad nu ilanyu bose maḵwa da losane imbagaḵ, igammuyu we madam-an mipauliyaḵ. 34Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu. 35Amungtu losan da awad ad langit ya sina'd luta yaḵon adipun amungtu ugudḵu.”
Sa Dumaḵngan Ni Abeng Di Tagu
(Mrk. 13:32-37; Luk. 17:26-30, 34-36)
36Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama. 37Sa ugalin da tagu si timpu we mipauliyaḵe Abeng Di Tagu, isun ni ugalin da tagu si timpun Noah si awe. 38Te sa sadi ye timpu'tte daan ni lubung malitapan, abus aḵ ḵooḵoonda anggangganas, angaangan ḵan uminuinum ya an-as-asawa inggana'tte nillumnoḵan da Noah si bapur. 39Naippun nangigammuwanda'tte ḵaog-ogyate maḵwa ḵan dida, inggana'ḵ dinnumtong litap woḵ naaminda naumbuḻ.#24:37-39 Genesis da chapter 6-9. Ḵatti bos iissun ni maḵwa nu mipauliyaḵe Abeng Di Tagu. 40Sa sadi ye timpu, nu anḵewaaḻ da duwae tagu si pappayaw, maaḻa osa ya natenan osa. 41Isun os da duwae bubai ye anggiligiling atte binayu, maaḻa osa ya natenan osa. 42Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.
43“Annaya sosomḵonyu, nu igammun ni simboḻoy oras si labi ye dumaḵngan ni aḵḵawan, adipun masuyop yaḵon pasigna guwaḻdaan ta adin ni aḵḵawan lonḵon. 44Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”
Sa Mataḻgodan Ḵan Adipun Mataḻgodane Sammilu
(Luk. 12:41-48)
45Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu. 46Pian sadi ye sammilu nu odasan ni apunae annae ḵoona da losane imbilinna. 47Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana. 48Yaḵon nu ḵanan ni sadi ye sammilu si long-agnae, ‘Adipun masapae dumatong apuḵ.’ 49Insaḻadnae allamboḵ atta doganae sammilu, ḵan maḵaḵan ya maḵain-inum atta bartekero. 50Madanatong ḵad apun ni sadi ye sammilu si aḻgawe adinapun namnamaon ya orase adinapun igammu, 51dusaonae ustu ya idogana si igaw da ḵapappailae igaw da umibiibil ya ngumalitod babada.”
Currently Selected:
Matthew 24: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Matthew 24
24
Sa Mipanggob Si Madadailan Ni Templo
(Mrk. 13:1-2; Luk. 21:5-6)
1Lummawa ḵad aḵ Jesus si paway ni templo, ḵummatam da disipuluna ḵan siya woḵ intududa ḵan siya ḵinabaḻun ni templo ya da udume boboḻoy atte nampaliḵwos. 2Ḵanan Jesus, “Ilanyu sinsadi da losane ḵinabaḻun da sana. Yaḵon ibagaḵ ḵan diḵayu ḵatuttuwaan, sa umali ye aḻgaw, maamin miḵisob da sanat ya miwalis ya naippun mabun-an taḵon ay ossaane batu si igawna.”
Sa Ampaḵaḻaman Atte Umali Ye Aḻgaw
(Mrk. 13:3-13; Luk. 21:7-19)
3Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”
4Ḵanan Jesus we summongbat, “Ummanyu ta adi ḵayu maallelaw. 5Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu, gapu si ḵanandae ‘Saḵon Kristu,’#24:5 Kristu - sa piona ugudon siya pinilin Apudyus aḵ Anagu ya An-ari. ḵad adu da tagu we allelawonda. 6Ḵad nu dongngonyu we awad gubat atta adani ḵan adayu we ili, adi ḵayu umogyat te ḵasapuḻane maḵwa da sana. Yaḵon daampun yan anungus ni lubung. 7Te anggugubat yan da adu we ili ya da adu we gubilnu. Ḵad awad os da lunig ḵan inggi'tta adu we ili. 8Yaḵon losan atta sana, isun ni misaḻdan ni bubai ye anggumute ampaḵaḻam.
9“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon. 10Sa sadi ye timpu, adu da an-awidanda da pammatida ḵan saḵon. Ḵad an-asituyuḵda ya sasangngaanda da buḻunda. 11Adu da sinan profeta we ampaila ḵad adu da allelawonda. 12Ḵad gapu'tte umaduadu da adipun tumuttuwa'tta pinion Apudyus atte annae lubung, ḵummuya an-aayat da adu we tagu. 13Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana. 14Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”
Sa Madadailana'd Jerusalem
(Mrk. 13:14-23; Luk. 21:20-24)
15Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe.#24:15 Daniel 9:27; 11:31; 12:11. Maawatan oḵyan da ambasa. 16Pun da inggaw atte probinsiya'd Judea, umawidda oḵyan atta bebbeleg. 17Sa tagu we awad si otop ni boḻoyna, umawid oḵyane dagus ta mataguwana ya adi mataḵtaḵe lumogsade umoy angaḻa'tta ḵuḵuwana. 18Sa awad atte pappayaw, ḵasapuḻane adi oḵyan mataḵtaḵe mipauli si boboḻoye umoy angaḻa'tta silupna. 19Sa sadi ye aḻgaw, ḵaddagu da mabugi ya da antagibi. 20Pun iluwaḻuyu ḵan Apudyus we adi oḵyan maḵwa si ageled baḵon nu sa umillongan. 21Te sa sadi ye timpu umamdan ampaḵaḻaman, naippun paat miyisuwana inggan ni naḵwaan ni lubung inggana sinsana, ḵad naippun os miyisuwana'tte umali ye aḻgaw. 22Ḵad nu adin Apudyus simsimmoḵe paabobbaon sanate timpu, naippun tagu'ḵ matagu. Yaḵon gapu'tte ḵadaguna'tta pinilinae taguna, pinaabobbana sadi ye timpu.
23“Pun sa sadi ye timpu, nu awad ḵanana ḵan diḵayu, ‘Ilanyu ḵad, annaya'ḵ Kristu,’ baḵon nu ‘andiya,’ adiyu patiyon. 24Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa. 25Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.
26“Pun nu ḵananda ḵan diḵayu we, ‘Ilanyu! Andiya'ḵ Kristu si bumbummaaw,’ adiḵayu umoy. Ḵad nu ḵanandae, ‘Annayae nantataḻu si kuwartu,’ adiyu bos patiyon. 27Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana. 28Sa mipauliyan ni Abeng Di Tagu mipaigammu'tta losane isun ni annae uuggudone ḵanana, ‘Dinumane igaw da natoy, siya bos andaḵdaḵngan da gayange angan atta ladag.’ ”
Sa Umaliyan Ni Abeng Di Tagu
(Mrk. 13:24-27; Luk. 21:25-28)
29Pinagatupan Jesus woḵ ḵanana, “Nu magangput da ampaḵaḻaman si sadi ye timpu, gumiḵbot init ya adipun allangḻang soḻag. Maamin maottag da bituwon ya miyugayug da losane awad ad langit.#24:29 Isaiah 13:9-13, 24:21-23; 34:4; Ezekiel 32:7-8; Joel 2:10, 31; 3:15; Amos 8:9. 30Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.#24:30 Daniel 7:13-14. 31Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”
Sa Maadaḻ Atte Ḵayu We Fig
(Mrk. 13:28-31; Luk. 21:29-33)
32Pun ḵanan os Jesus, “Annaya somsomḵonyu mipanggob atte ḵayu we fig ta an-adaḻanyu. Nu ilanyu we alloḻota da pangada ya summimitda, igammuyu we madam-an dagun. 33Ḵad nu ilanyu bose maḵwa da losane imbagaḵ, igammuyu we madam-an mipauliyaḵ. 34Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu. 35Amungtu losan da awad ad langit ya sina'd luta yaḵon adipun amungtu ugudḵu.”
Sa Dumaḵngan Ni Abeng Di Tagu
(Mrk. 13:32-37; Luk. 17:26-30, 34-36)
36Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus, ippun os igammuḵ. Te ippun udum aḵ angigammu, abus aḵ Apudyus we Ama. 37Sa ugalin da tagu si timpu we mipauliyaḵe Abeng Di Tagu, isun ni ugalin da tagu si timpun Noah si awe. 38Te sa sadi ye timpu'tte daan ni lubung malitapan, abus aḵ ḵooḵoonda anggangganas, angaangan ḵan uminuinum ya an-as-asawa inggana'tte nillumnoḵan da Noah si bapur. 39Naippun nangigammuwanda'tte ḵaog-ogyate maḵwa ḵan dida, inggana'ḵ dinnumtong litap woḵ naaminda naumbuḻ.#24:37-39 Genesis da chapter 6-9. Ḵatti bos iissun ni maḵwa nu mipauliyaḵe Abeng Di Tagu. 40Sa sadi ye timpu, nu anḵewaaḻ da duwae tagu si pappayaw, maaḻa osa ya natenan osa. 41Isun os da duwae bubai ye anggiligiling atte binayu, maaḻa osa ya natenan osa. 42Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.
43“Annaya sosomḵonyu, nu igammun ni simboḻoy oras si labi ye dumaḵngan ni aḵḵawan, adipun masuyop yaḵon pasigna guwaḻdaan ta adin ni aḵḵawan lonḵon. 44Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”
Sa Mataḻgodan Ḵan Adipun Mataḻgodane Sammilu
(Luk. 12:41-48)
45Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu. 46Pian sadi ye sammilu nu odasan ni apunae annae ḵoona da losane imbilinna. 47Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana. 48Yaḵon nu ḵanan ni sadi ye sammilu si long-agnae, ‘Adipun masapae dumatong apuḵ.’ 49Insaḻadnae allamboḵ atta doganae sammilu, ḵan maḵaḵan ya maḵain-inum atta bartekero. 50Madanatong ḵad apun ni sadi ye sammilu si aḻgawe adinapun namnamaon ya orase adinapun igammu, 51dusaonae ustu ya idogana si igaw da ḵapappailae igaw da umibiibil ya ngumalitod babada.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.