Éxodo 13
13
Ta’ýra ypykue
1Ñanderuete oñe’ẽ Moiséspe ha he’i ichupe:
2Emboyke chéve g̃uarã pende ra’y ypykue. Oimeraẽva ombohape ypyva’ekue isy membyryru rape Israel ñemoñarenguéra apytépe, taha’e kuimba’e térã tymba, upéva ningo che mba’eteéva.
3Ha Moises he’i Israel retãyguakuérape: Penemandu’áke ko ára kóva rehe pesẽ hague Egíptogui, tembiguái reko rógagui, Ñanderuete voi ningo penerenohẽ upégui, ani pe’u pan oñembovumbyréva,
4peẽ pesẽgui ko árape, Abril jasýpe (Egíptogui).
5Ñanderuete penemoingéta Canaangua, Hetgua, Amorgua, Hevgua ha Jebusgua retãme, Ha’e voi oñe’ẽme’ẽva’ekue pende rukuérape yvy osyryhápe kamby ha eíra, upévare pemboarete ko páscua, ko jasy kóvape.
6Pe’uva’erã pan oñembovupyre’ỹva 7 ára pukukue ha pe ára 7-hápe pemboaretéta Ñanderuetépe g̃uarã.
7Oje’uva’erã pan oñembovupyre’ỹva umi 7 ára pukukue, ha ndojehechaiva’erã pan oñembovumbyréva térã pan mása ilevadúra reheve (pende rógape).
8Ha pemombe’úta pende ra’ýpe upe ára upévape pejévo: Ojejapoha ko’ã mba’e Ñanderuetépe g̃uarã. Ha’e ñaneguenohẽ haguére Egípto retãgui.
9Ha oikóta peẽme g̃uarã techaukaha ramo ha peteĩ mandu’aha ramo pende resa renondépe, Ñanderuete rembiapoukapy oĩ hag̃ua pende jurúpe, Ha’e ñanerenohẽgui pu’aka mbaretépe Egíptogui.
10Upévagui pejapova’erã ko tembiapoukapy hi’araitépe, akói (cáda) áñope.
11Ha Ñanderuete penemoingévo Canaangua yvýpe, oñe’ẽme’ẽ haguéicha peẽme ha pende rukuérape,
12pemboykeva’erã Ñanderuetépe g̃uarã opavave ombohape ypyva’ekue isy membyryru rape ha upéicha avei mayma pene rymbakuéra ra’y ypykuéva, máchova guive, ko’ãva Ñanderuete mba’erãgui.
13Ha búrro ra’y ypykue pemyengoviáta peteĩ ovecha ra’yrusu rehe; ha ndaikatúi ramo pemyengovia, pejukáta pe búrro ra’y. Pemyengoviáta avei pende ra’ykuéra ijypykue rekove peteĩ pene rymba rekove rehe.
14Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;
15ha faraon oñemohatã haguére ndaorerejaséigui roho, Ñanderuete ojukauka Egípto retãme opaite ta’ýra ypykue guive hymbakuéra ypykue peve; upévare che aikuave’ẽ Ñanderuetépe g̃uarã ko mácho ijypykuéva, ha upéicha amyengoviava’erã che ra’y ypykue rekove.
16Péva peẽme g̃uarã peteĩ techaukaha ramo nde pópe, ha peteĩ mandu’aha ramo nde resa renondépe, Ñanderuete ñaneguenohẽ haguére Egíptogui pu’aka mbaretépe.
Ñanderuete omboguata Israelguakuérape
17Ha faraon oheja riréma Israelguakuéra oho, Ñanderuete ndoguerahái ichupekuéra Filisteayguakuéra rape rehe, pe tape péva hi’ag̃uieteve ramojepe, Ñanderuete he’ígui: Aníntemo oñembyasy ohechávo oikotaha ñorãirõ, ha ojevyse Egíptope.
18Ha Ñanderuete ombojere Israelguakuérape pe tape oĩva pe Yguasu Pytã rembe’ýpe, desiérto rupi. Ha Israel ñemoñarenguéra osẽ Egíptogui iñorãirõ rembiporu reheve.
19Moises ogueraha Jose kanguekue, Jose ojerurégui Israel ñemoñarenguérape ome’ẽ hag̃ua iñe’ẽ ha he’i ichupekuéra: Añetehápe Ñanderuete voi ouva’erã peneandúvo, upéramo peguerahava’erã ko’águi penendive che kanguekue.
20Ha osẽ hikuái Sucótgui opyta hag̃ua Etámpe, pe desiérto rembe’ýpe.
21Ha Ñanderuete oho hendivekuéra arakuépe peteĩ arai ñembo’yguata reheve ohechauka hag̃ua haperã, ha pyharekuépe omboguata ichupekuéra tatarendy ñembo’yguata reheve ikatu hag̃uáicha oguata hikuái ára térã pyharépe.
22Pe arai oñembo’ýva arakuépe ha pe tatarendy oñembo’ýva pyharekuépe henonderãnguéragui, araka’eve ndojeíri pe techaukaha Israelguakuéragui (og̃uahẽ meve Canaan retãme).
Currently Selected:
Éxodo 13: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 13
13
Ta’ýra ypykue
1Ñanderuete oñe’ẽ Moiséspe ha he’i ichupe:
2Emboyke chéve g̃uarã pende ra’y ypykue. Oimeraẽva ombohape ypyva’ekue isy membyryru rape Israel ñemoñarenguéra apytépe, taha’e kuimba’e térã tymba, upéva ningo che mba’eteéva.
3Ha Moises he’i Israel retãyguakuérape: Penemandu’áke ko ára kóva rehe pesẽ hague Egíptogui, tembiguái reko rógagui, Ñanderuete voi ningo penerenohẽ upégui, ani pe’u pan oñembovumbyréva,
4peẽ pesẽgui ko árape, Abril jasýpe (Egíptogui).
5Ñanderuete penemoingéta Canaangua, Hetgua, Amorgua, Hevgua ha Jebusgua retãme, Ha’e voi oñe’ẽme’ẽva’ekue pende rukuérape yvy osyryhápe kamby ha eíra, upévare pemboarete ko páscua, ko jasy kóvape.
6Pe’uva’erã pan oñembovupyre’ỹva 7 ára pukukue ha pe ára 7-hápe pemboaretéta Ñanderuetépe g̃uarã.
7Oje’uva’erã pan oñembovupyre’ỹva umi 7 ára pukukue, ha ndojehechaiva’erã pan oñembovumbyréva térã pan mása ilevadúra reheve (pende rógape).
8Ha pemombe’úta pende ra’ýpe upe ára upévape pejévo: Ojejapoha ko’ã mba’e Ñanderuetépe g̃uarã. Ha’e ñaneguenohẽ haguére Egípto retãgui.
9Ha oikóta peẽme g̃uarã techaukaha ramo ha peteĩ mandu’aha ramo pende resa renondépe, Ñanderuete rembiapoukapy oĩ hag̃ua pende jurúpe, Ha’e ñanerenohẽgui pu’aka mbaretépe Egíptogui.
10Upévagui pejapova’erã ko tembiapoukapy hi’araitépe, akói (cáda) áñope.
11Ha Ñanderuete penemoingévo Canaangua yvýpe, oñe’ẽme’ẽ haguéicha peẽme ha pende rukuérape,
12pemboykeva’erã Ñanderuetépe g̃uarã opavave ombohape ypyva’ekue isy membyryru rape ha upéicha avei mayma pene rymbakuéra ra’y ypykuéva, máchova guive, ko’ãva Ñanderuete mba’erãgui.
13Ha búrro ra’y ypykue pemyengoviáta peteĩ ovecha ra’yrusu rehe; ha ndaikatúi ramo pemyengovia, pejukáta pe búrro ra’y. Pemyengoviáta avei pende ra’ykuéra ijypykue rekove peteĩ pene rymba rekove rehe.
14Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;
15ha faraon oñemohatã haguére ndaorerejaséigui roho, Ñanderuete ojukauka Egípto retãme opaite ta’ýra ypykue guive hymbakuéra ypykue peve; upévare che aikuave’ẽ Ñanderuetépe g̃uarã ko mácho ijypykuéva, ha upéicha amyengoviava’erã che ra’y ypykue rekove.
16Péva peẽme g̃uarã peteĩ techaukaha ramo nde pópe, ha peteĩ mandu’aha ramo nde resa renondépe, Ñanderuete ñaneguenohẽ haguére Egíptogui pu’aka mbaretépe.
Ñanderuete omboguata Israelguakuérape
17Ha faraon oheja riréma Israelguakuéra oho, Ñanderuete ndoguerahái ichupekuéra Filisteayguakuéra rape rehe, pe tape péva hi’ag̃uieteve ramojepe, Ñanderuete he’ígui: Aníntemo oñembyasy ohechávo oikotaha ñorãirõ, ha ojevyse Egíptope.
18Ha Ñanderuete ombojere Israelguakuérape pe tape oĩva pe Yguasu Pytã rembe’ýpe, desiérto rupi. Ha Israel ñemoñarenguéra osẽ Egíptogui iñorãirõ rembiporu reheve.
19Moises ogueraha Jose kanguekue, Jose ojerurégui Israel ñemoñarenguérape ome’ẽ hag̃ua iñe’ẽ ha he’i ichupekuéra: Añetehápe Ñanderuete voi ouva’erã peneandúvo, upéramo peguerahava’erã ko’águi penendive che kanguekue.
20Ha osẽ hikuái Sucótgui opyta hag̃ua Etámpe, pe desiérto rembe’ýpe.
21Ha Ñanderuete oho hendivekuéra arakuépe peteĩ arai ñembo’yguata reheve ohechauka hag̃ua haperã, ha pyharekuépe omboguata ichupekuéra tatarendy ñembo’yguata reheve ikatu hag̃uáicha oguata hikuái ára térã pyharépe.
22Pe arai oñembo’ýva arakuépe ha pe tatarendy oñembo’ýva pyharekuépe henonderãnguéragui, araka’eve ndojeíri pe techaukaha Israelguakuéragui (og̃uahẽ meve Canaan retãme).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.