Éxodo 14
14
Israelguakuéra ohasa Yguasu Pytã rupi
1Ñanderuete oñe’ẽ Moiséspe ha he’i:
2Ere Israel ñemoñarenguérape tojere ha topyta hikuái Pihahirot renondépe, Migdol ha yguasu pa’ũme, Baal-Sefon rovái; ha pepyta yguasu rembe’ýpe.
3Faraon he’íta Israel ñemoñarenguéra rehe: Okañyháme oiko hikuái ha pe desiérto omongora ichupekuéra.
4Che katu amohatãta faraon py’apy ou hag̃ua pende rapykuéri penemuña hag̃ua, upémaramo Che añembotuicháta faraon ha mayma isoldádo aty rupi, ha umi Egiptoygua oikuaáta Che Jahveha, Israel Jára. Ha ha’ekuéra ojapopa péicha.
5Ha oñemombe’u Egípto retã ruvichápe, Israelguakuéra osẽ haguéma; ha faraon ha hembiguaikuéra opu’ã jevy Israel rehe, ha he’i hikuái: Mba’éguipa japoi rei Israelguakuéragui, anive hag̃ua oiko ñane rembiguái ramo.
6Ha faraon ojokua icárro heta, ha ogueraha hendive isoldádo atyguasu.
7Ha oiporavo 600 cárro iporãvéva ha opavave Egípto pegua cárro imboguata ha isoldadokuéra ndive.
8Ha Ñanderuete omohatã faraon, Egípto retã ruvicha py’apy, oho hag̃ua pya’e Israel ñemoñarenguéra rapykuéri; Israel ñemoñarenguéra osẽkuri pyapy mbaretépe.
9Umi Egiptoygua oho hapykuéri mayma kavaju arigua reheve ha faraon carroita reheve, ha mayma isoldádo aty reheve, ha ohupity ichupekuéra pe yguasu rembe’ýpe, Pihahirot ypýpe, Baal-Sefon rovái.
10Ha faraon oñemoag̃uívo, Israel ñemoñarenguéra ojesaupi ha ohechávo umi Egiptoygua ouvahína hapykuéri, okyhyjeiterei ha osapukái Ñanderuetépe.
11Ha he’i hikuái Moiséspe: Ndaipóri piko yvy oreñotỹ hag̃ua Egípto retãme, romano hag̃ua ko desiérto kóvape. Mba’érehepa péicha rejapo orerehe, oreguenohẽvo Egípto retãgui.
12Ndaha’éi piko ko’ã mba’e rehe roñe’ẽva’ekue ndéve Egíptope, ro’évo: Orerejána toroiko Egiptoygua rembiguái ramo. Iporãveva’erãmo’ã roikórõ Egiptoygua rembiguái ramo, romanomba rãngue ko desiérto kóvape.
13Ha Moises he’i hetãyguakuérape: Anítei peñemokangy ha ani pekyhyje, ko ára kóvape pehecháta Ñanderuete pu’aka Ha’e pendesalvávo, ko’ã Egiptoyguágui, ndapehechamo’ãvéima araka’eve ichupekuéra.
14Ñanderuete oñorãirõta ñanderehehápe ha peẽ peiméta py’aguapýpe.
15Upéramo Ñanderuete he’i Moiséspe: Mba’upépa resapukái rei chéve. Ere Israel ñemoñarenguérape toguata hapére.
16Ha nde emopu’ã nde yvyra’i ha eipyso nde po yguasu ári, ha emboja’o pe y, ha Israel ñemoñarenguéra toike pe yguasu pa’ũ ikãha rupi.
17Ha peikuaa porãke, Che amohatãtaha Egiptoyguakuéra py’apy oho hag̃ua pende rapykuéri; ha Che añembotuicháta faraon ha mayma isoldádo aty rupi, icarrokuéra ha ikavaju ariguakuéra rupi.
18Ha Egiptoyguakuéra oikuaáta Che Jahveha, pende Ruete, añemoherakuã porãta faraon rupi, icarrokuéra ha ikavaju arigua rupi.
19Ha Ñanderuete yvága rembiguái ohóva Israel aty renonderãme, ojei henondégui ha oho hag̃ua hapykuerikuéra; péicha avei pe arai oñembo’ýva oho henonderãme, ova Israelguakuéra rapykuéri,
20opyta hag̃ua umi Egiptoygua ha Israelgua pa’ũme; Egiptoyguápe g̃uarã iñypytũetégui ndaikatúi ohupity pe pyhare pukukue Israelguakuérape, Israelguakuéra ykére katu ohesape porã.
21Ha Moises oipyso ipo yguasu ári ha Ñanderuete omopa’ũ pe y ojuehegui yvytu’atã rupi, oipejúva pe pyhare pukukue aja kuarahyresẽguio ha omboja’óva pe yguasu imbyte rupi, ikã meve pe yvy.
22Upémaramo Israel ñemoñarenguéra oike pe yguasu pa’ũme ikãháme ha yeta opyta tápia yvatéicha ijakatúa ha ijasu gotýo.
23Ha Egiptoyguakuéra ha faraon kavajukuéra, icárro ha ikavaju ariguakuéra oike avei ha oho Israelguakuéra rapykuéri yguasu mbyte peve.
24Ha ko’ẽtĩmbávo, Ñanderuete oma’ẽ hata rendy ha hi’arai guive Egípto atyguasu rehe ha ojapo sarambiguasu ijapytepekuéra,
25ohekýivo icárro ruedakuéra. Upémaramo Egiptoyguakuéra he’i: Ñakañy Israel renonderãgui, Ijára oñorãirõ hesehapekuéra ha oñemoĩ ñanderehe.
26Ha Ñanderuete he’i Moiséspe: Eipyso nde po yguasu ári, pe yeta ojaho’i hag̃ua Egiptoyguakuérape, icarrokuéra ha ikavaju ariguakuérape.
27Upéramo Moises oipyso ipo yguasu ári ha ko’ẽmbávo pe yguasu ojevy imbaretekue reheve ha umi Egiptoygua okañýva oñembota yguasu tápia rehe; upéicha Ñanderuete ohundi Egiptoyguakuérape yguasu mbytépe.
28Ha pe y oñu’ãmba icarrokuéra, ikavaju ariguakuérape ha mayma faraon soldádo atýpe oikeva’ekue guive hapykuerikuéra; Egiptoyguakuéragui avave nahembýi.
29Ha Israel ñemoñarenguéra oho pe yguasu pa’ũ ikãha rupi, ha opyta pe y tápia yvatéicha ijakatúva ha ijasu gotýo.
30Péicha Ñanderuete osalva pe ára pévape Israélpe Egiptoyguakuéra poguýgui; ha Israel ohecha Egiptoygua re’õnguekuéra yguasu rembe’ýpe.
31Ha Israel ohecha Ñanderuete oñemoĩ hague Egiptoyguakuéra rehe ohundipávo ichupekuéra; upéramo Israelguakuéra okyhyje Ñanderuetégui ha ojerovia Ñanderuetére ha oguerovia hembiguái Moiséspe.
Currently Selected:
Éxodo 14: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 14
14
Israelguakuéra ohasa Yguasu Pytã rupi
1Ñanderuete oñe’ẽ Moiséspe ha he’i:
2Ere Israel ñemoñarenguérape tojere ha topyta hikuái Pihahirot renondépe, Migdol ha yguasu pa’ũme, Baal-Sefon rovái; ha pepyta yguasu rembe’ýpe.
3Faraon he’íta Israel ñemoñarenguéra rehe: Okañyháme oiko hikuái ha pe desiérto omongora ichupekuéra.
4Che katu amohatãta faraon py’apy ou hag̃ua pende rapykuéri penemuña hag̃ua, upémaramo Che añembotuicháta faraon ha mayma isoldádo aty rupi, ha umi Egiptoygua oikuaáta Che Jahveha, Israel Jára. Ha ha’ekuéra ojapopa péicha.
5Ha oñemombe’u Egípto retã ruvichápe, Israelguakuéra osẽ haguéma; ha faraon ha hembiguaikuéra opu’ã jevy Israel rehe, ha he’i hikuái: Mba’éguipa japoi rei Israelguakuéragui, anive hag̃ua oiko ñane rembiguái ramo.
6Ha faraon ojokua icárro heta, ha ogueraha hendive isoldádo atyguasu.
7Ha oiporavo 600 cárro iporãvéva ha opavave Egípto pegua cárro imboguata ha isoldadokuéra ndive.
8Ha Ñanderuete omohatã faraon, Egípto retã ruvicha py’apy, oho hag̃ua pya’e Israel ñemoñarenguéra rapykuéri; Israel ñemoñarenguéra osẽkuri pyapy mbaretépe.
9Umi Egiptoygua oho hapykuéri mayma kavaju arigua reheve ha faraon carroita reheve, ha mayma isoldádo aty reheve, ha ohupity ichupekuéra pe yguasu rembe’ýpe, Pihahirot ypýpe, Baal-Sefon rovái.
10Ha faraon oñemoag̃uívo, Israel ñemoñarenguéra ojesaupi ha ohechávo umi Egiptoygua ouvahína hapykuéri, okyhyjeiterei ha osapukái Ñanderuetépe.
11Ha he’i hikuái Moiséspe: Ndaipóri piko yvy oreñotỹ hag̃ua Egípto retãme, romano hag̃ua ko desiérto kóvape. Mba’érehepa péicha rejapo orerehe, oreguenohẽvo Egípto retãgui.
12Ndaha’éi piko ko’ã mba’e rehe roñe’ẽva’ekue ndéve Egíptope, ro’évo: Orerejána toroiko Egiptoygua rembiguái ramo. Iporãveva’erãmo’ã roikórõ Egiptoygua rembiguái ramo, romanomba rãngue ko desiérto kóvape.
13Ha Moises he’i hetãyguakuérape: Anítei peñemokangy ha ani pekyhyje, ko ára kóvape pehecháta Ñanderuete pu’aka Ha’e pendesalvávo, ko’ã Egiptoyguágui, ndapehechamo’ãvéima araka’eve ichupekuéra.
14Ñanderuete oñorãirõta ñanderehehápe ha peẽ peiméta py’aguapýpe.
15Upéramo Ñanderuete he’i Moiséspe: Mba’upépa resapukái rei chéve. Ere Israel ñemoñarenguérape toguata hapére.
16Ha nde emopu’ã nde yvyra’i ha eipyso nde po yguasu ári, ha emboja’o pe y, ha Israel ñemoñarenguéra toike pe yguasu pa’ũ ikãha rupi.
17Ha peikuaa porãke, Che amohatãtaha Egiptoyguakuéra py’apy oho hag̃ua pende rapykuéri; ha Che añembotuicháta faraon ha mayma isoldádo aty rupi, icarrokuéra ha ikavaju ariguakuéra rupi.
18Ha Egiptoyguakuéra oikuaáta Che Jahveha, pende Ruete, añemoherakuã porãta faraon rupi, icarrokuéra ha ikavaju arigua rupi.
19Ha Ñanderuete yvága rembiguái ohóva Israel aty renonderãme, ojei henondégui ha oho hag̃ua hapykuerikuéra; péicha avei pe arai oñembo’ýva oho henonderãme, ova Israelguakuéra rapykuéri,
20opyta hag̃ua umi Egiptoygua ha Israelgua pa’ũme; Egiptoyguápe g̃uarã iñypytũetégui ndaikatúi ohupity pe pyhare pukukue Israelguakuérape, Israelguakuéra ykére katu ohesape porã.
21Ha Moises oipyso ipo yguasu ári ha Ñanderuete omopa’ũ pe y ojuehegui yvytu’atã rupi, oipejúva pe pyhare pukukue aja kuarahyresẽguio ha omboja’óva pe yguasu imbyte rupi, ikã meve pe yvy.
22Upémaramo Israel ñemoñarenguéra oike pe yguasu pa’ũme ikãháme ha yeta opyta tápia yvatéicha ijakatúa ha ijasu gotýo.
23Ha Egiptoyguakuéra ha faraon kavajukuéra, icárro ha ikavaju ariguakuéra oike avei ha oho Israelguakuéra rapykuéri yguasu mbyte peve.
24Ha ko’ẽtĩmbávo, Ñanderuete oma’ẽ hata rendy ha hi’arai guive Egípto atyguasu rehe ha ojapo sarambiguasu ijapytepekuéra,
25ohekýivo icárro ruedakuéra. Upémaramo Egiptoyguakuéra he’i: Ñakañy Israel renonderãgui, Ijára oñorãirõ hesehapekuéra ha oñemoĩ ñanderehe.
26Ha Ñanderuete he’i Moiséspe: Eipyso nde po yguasu ári, pe yeta ojaho’i hag̃ua Egiptoyguakuérape, icarrokuéra ha ikavaju ariguakuérape.
27Upéramo Moises oipyso ipo yguasu ári ha ko’ẽmbávo pe yguasu ojevy imbaretekue reheve ha umi Egiptoygua okañýva oñembota yguasu tápia rehe; upéicha Ñanderuete ohundi Egiptoyguakuérape yguasu mbytépe.
28Ha pe y oñu’ãmba icarrokuéra, ikavaju ariguakuérape ha mayma faraon soldádo atýpe oikeva’ekue guive hapykuerikuéra; Egiptoyguakuéragui avave nahembýi.
29Ha Israel ñemoñarenguéra oho pe yguasu pa’ũ ikãha rupi, ha opyta pe y tápia yvatéicha ijakatúva ha ijasu gotýo.
30Péicha Ñanderuete osalva pe ára pévape Israélpe Egiptoyguakuéra poguýgui; ha Israel ohecha Egiptoygua re’õnguekuéra yguasu rembe’ýpe.
31Ha Israel ohecha Ñanderuete oñemoĩ hague Egiptoyguakuéra rehe ohundipávo ichupekuéra; upéramo Israelguakuéra okyhyje Ñanderuetégui ha ojerovia Ñanderuetére ha oguerovia hembiguái Moiséspe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.