Éxodo 15
15
Moises ha Míriam purahéi
1Upéramo Moises ha Israel ñemoñarenguéra opurahéi Ñanderuetépe, ha he’i hikuái: Che apurahéita amomba’eguasu hag̃ua Ñanderuetépe; Ha’e oitypa yguasúpe ikavaju ha hi’ariguakuérape.
2Ñanderuete chemombarete ha chembopurahéi, chesalvaháre. Kóva voi ningo che Jára, ha che rukuéra Jára, che amomba’eguasu ha ambotuichaite ichupe.
3Ñanderuete ningo oñorãirõkuaa; Jahve héra.
4Ha’e oity faraon carrokuéra, isoldádo aty reheve yguasúpe; ha huvichakuéra iporavopyréva ho’yguypa Yguasu Pytãme ha omanomba.
5Y ipochýva oñu’ã ichupekuéra; ho’a hikuái y ipypukuvehápe itáicha.
6Jahve, nde po akatúa, ohechauka ipu’aka; nde po akatúa reheve rejapo sarambiguasu umi oñemoĩvare nderehe.
7Ha nde pu’akaguasu rupi reity yvýre umi nderehe opu’ãvape. Remondo nde pochy; ha ombokusuguepa ichupekuéra yvyra rogue pirukuéicha.
8Reipeju nde Pytu Porãitépe oñembyaty hag̃ua ykuéra; oñembyaty ysyrykuéra peteĩ aty peguáicha; umi yvykua hugua’ỹva ou hypa yguasu mbytépe.
9Pe oñemoĩva nderehe he’i ipy’apýpe: Amuñáta ha ajapyhýta imba’e repyeta che ánga hyg̃uatã meve ichuguikuéra; ahekýita che kyse puku che po ojuka hag̃ua ichupekuéra.
10Reipejúvo nde yvytu rupi pe yguasu oñu’ã ichupekuéra; itáicha ho’yguy hikuái y pochýpe.
11Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.
12Reipyso nde akatúa; ha pe yvy omokõ ichupekuéra.
13Nde poriahuvereko rupi reisãmbyhy umi tetãygua resalvava’ekuépe; regueraha nde pu’akapa rupi nde rekoha porãite peve.
14Tetãnguéra nerendu ha oryryipa; Filisteayguakuéra retãme oñemosarambíta ñemondyiguasu.
15Edom ruvicha iñangekõiva’erã; Moab ipy’aguasúva oryryipava’erã; mayma Canaangua okyhyjeva’erã.
16To’a hi’arikuéra kyhyje ha ñemondýi; nde pyapy mbaretépe emoñe’ẽngupa itáicha; ohasa peve ne retãyguakuéra, Nde voi rejoguava’ekue Israelguakuérape ne mba’erã ramo.
17Nde remoinge ha remohendáta ichupekuéra pe cérrope Nde reikohápe; Nde, che Ruete, embosako’i pe yvyty porãite nde po ojapova’ekue.
18Ñanderuete tapia oisãmbyhypava’erã.
19Faraon icarroita ha ikavaju ariguakuéra oike yguasúpe; ha Ñanderuete oñu’ã ichupekuéra yguasúpe, Israel ñemoñarenguéra katu ohasa yguasu ikãha rupi.
20Ha Míriam, pe profetísa, Aaron reindy, ojapyhy ipópe peteĩ mba’epu pararã, ha mayma kuña osẽ ojeroky hag̃ua hapykuéri imba’epu pararã reheve.
21Ha Míriam ombohovái jepi kuimba’ekuérape: Pegueropurahéi Ñanderuetépe, toñemomba’eguasu ichupe; Ha’e oitýgui yguasúpe kavaju ha hi’ariguakuérape.
Y iróva Mára pegua
22Ha Moises ogueraha Israel ñemoñarenguérape yguasu rembe’ýgui oho hag̃ua Shur desiérto gotýo; ha oiko hikuái mbohapy ára pukukue ojohu’ỹre y.
23Ha og̃uahẽvo hikuái Márape ndaikatúi hoy’u Mára pegua y, irógui; ha upévagui ombohéra hikuái pe yvy Mára (iro).
24Upéramo Israelguakuéra oñe’ẽguyguy Moises rehe ha he’i: Mba’épa jay’úta.
25Ha Moises omba’ejerure asy Ñanderuetépe ha Ha’e ohechauka ichupe peteĩ yvyrarakã; péva ha’e oity ýpe ha pe y oñemohe’ẽ. Upépe Ñanderuete ome’ẽ ichupekuéra hekombo’e ha hembiapoukapy ha Ñanderuete oha’ã (ipy’apýpe) ojehechauka hag̃ua mba’épa oĩ ipype;
26ha he’i: Pehendu porã ramo pende Ruete, pende Jára ñe’ẽ ha pejapopa ramo hekoitépe hesa renondépe, ha pejapysaka ramo hekombo’e rehe, ha pejapo ramo mayma hembiapoukapy, mba’eveichagua mba’asy ambouva’ekue Egiptoyguakuérape, namboumo’ãi peẽme; Che ha’égui pende Ruete, penemongueráva.
27Ha og̃uahẽ hikuái Elímpe, oĩháme 12 yvu, ha 70 mbokaja; ha opyta hikuái y rembe’ýpe.
Currently Selected:
Éxodo 15: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 15
15
Moises ha Míriam purahéi
1Upéramo Moises ha Israel ñemoñarenguéra opurahéi Ñanderuetépe, ha he’i hikuái: Che apurahéita amomba’eguasu hag̃ua Ñanderuetépe; Ha’e oitypa yguasúpe ikavaju ha hi’ariguakuérape.
2Ñanderuete chemombarete ha chembopurahéi, chesalvaháre. Kóva voi ningo che Jára, ha che rukuéra Jára, che amomba’eguasu ha ambotuichaite ichupe.
3Ñanderuete ningo oñorãirõkuaa; Jahve héra.
4Ha’e oity faraon carrokuéra, isoldádo aty reheve yguasúpe; ha huvichakuéra iporavopyréva ho’yguypa Yguasu Pytãme ha omanomba.
5Y ipochýva oñu’ã ichupekuéra; ho’a hikuái y ipypukuvehápe itáicha.
6Jahve, nde po akatúa, ohechauka ipu’aka; nde po akatúa reheve rejapo sarambiguasu umi oñemoĩvare nderehe.
7Ha nde pu’akaguasu rupi reity yvýre umi nderehe opu’ãvape. Remondo nde pochy; ha ombokusuguepa ichupekuéra yvyra rogue pirukuéicha.
8Reipeju nde Pytu Porãitépe oñembyaty hag̃ua ykuéra; oñembyaty ysyrykuéra peteĩ aty peguáicha; umi yvykua hugua’ỹva ou hypa yguasu mbytépe.
9Pe oñemoĩva nderehe he’i ipy’apýpe: Amuñáta ha ajapyhýta imba’e repyeta che ánga hyg̃uatã meve ichuguikuéra; ahekýita che kyse puku che po ojuka hag̃ua ichupekuéra.
10Reipejúvo nde yvytu rupi pe yguasu oñu’ã ichupekuéra; itáicha ho’yguy hikuái y pochýpe.
11Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.
12Reipyso nde akatúa; ha pe yvy omokõ ichupekuéra.
13Nde poriahuvereko rupi reisãmbyhy umi tetãygua resalvava’ekuépe; regueraha nde pu’akapa rupi nde rekoha porãite peve.
14Tetãnguéra nerendu ha oryryipa; Filisteayguakuéra retãme oñemosarambíta ñemondyiguasu.
15Edom ruvicha iñangekõiva’erã; Moab ipy’aguasúva oryryipava’erã; mayma Canaangua okyhyjeva’erã.
16To’a hi’arikuéra kyhyje ha ñemondýi; nde pyapy mbaretépe emoñe’ẽngupa itáicha; ohasa peve ne retãyguakuéra, Nde voi rejoguava’ekue Israelguakuérape ne mba’erã ramo.
17Nde remoinge ha remohendáta ichupekuéra pe cérrope Nde reikohápe; Nde, che Ruete, embosako’i pe yvyty porãite nde po ojapova’ekue.
18Ñanderuete tapia oisãmbyhypava’erã.
19Faraon icarroita ha ikavaju ariguakuéra oike yguasúpe; ha Ñanderuete oñu’ã ichupekuéra yguasúpe, Israel ñemoñarenguéra katu ohasa yguasu ikãha rupi.
20Ha Míriam, pe profetísa, Aaron reindy, ojapyhy ipópe peteĩ mba’epu pararã, ha mayma kuña osẽ ojeroky hag̃ua hapykuéri imba’epu pararã reheve.
21Ha Míriam ombohovái jepi kuimba’ekuérape: Pegueropurahéi Ñanderuetépe, toñemomba’eguasu ichupe; Ha’e oitýgui yguasúpe kavaju ha hi’ariguakuérape.
Y iróva Mára pegua
22Ha Moises ogueraha Israel ñemoñarenguérape yguasu rembe’ýgui oho hag̃ua Shur desiérto gotýo; ha oiko hikuái mbohapy ára pukukue ojohu’ỹre y.
23Ha og̃uahẽvo hikuái Márape ndaikatúi hoy’u Mára pegua y, irógui; ha upévagui ombohéra hikuái pe yvy Mára (iro).
24Upéramo Israelguakuéra oñe’ẽguyguy Moises rehe ha he’i: Mba’épa jay’úta.
25Ha Moises omba’ejerure asy Ñanderuetépe ha Ha’e ohechauka ichupe peteĩ yvyrarakã; péva ha’e oity ýpe ha pe y oñemohe’ẽ. Upépe Ñanderuete ome’ẽ ichupekuéra hekombo’e ha hembiapoukapy ha Ñanderuete oha’ã (ipy’apýpe) ojehechauka hag̃ua mba’épa oĩ ipype;
26ha he’i: Pehendu porã ramo pende Ruete, pende Jára ñe’ẽ ha pejapopa ramo hekoitépe hesa renondépe, ha pejapysaka ramo hekombo’e rehe, ha pejapo ramo mayma hembiapoukapy, mba’eveichagua mba’asy ambouva’ekue Egiptoyguakuérape, namboumo’ãi peẽme; Che ha’égui pende Ruete, penemongueráva.
27Ha og̃uahẽ hikuái Elímpe, oĩháme 12 yvu, ha 70 mbokaja; ha opyta hikuái y rembe’ýpe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.