Éxodo 24
24
Moises ha Israel ruvichakuéra ome’ẽ iñe’ẽ Sinai cérrope
1Ñanderuete he’i Moiséspe: Pejupi pende Ruete rendápe, nde, Aaron, Nadab, Abiu ha 70 Israel karai ancianokuéra; ha mombyry guive pejeitýta yvýre.
2Ha Moises añónte oñembojaitéta che rendápe; ha ambuekuéra ani oñembojátei, ha aníke ojupítei hendive ambue tetãyguakuéra.
3Ha Moises ou ha omombe’u hetãyguakuérape opaite Ñanderuete ñe’ẽ ha hembiapoukapy; ha maymaite tetãygua peteĩ ñe’ẽme ombohovái, ha he’i hikuái: Rojapopaitéta Ñanderuete ñe’ẽ he’iva’ekue guive ndéve.
4Ha Moises ohai opaite Ñanderuete ñe’ẽ peteĩ kuatiañe’ẽme ha opu’ãvo pyharevete omopu’ã peteĩ kuave’ẽmby renda pe cérro rembe’ýpe, 12 itaguasu reheve, oĩgui 12 Israel tríbu.
5Ha omondo mitãrusu Israel ñemoñarenguéragui ogueru hag̃ua, tóro ra’yrusu oikuave’ẽ hag̃ua kuave’ẽmby ojehapypáva ha py’aguapy reheguáva Ñanderuetépe g̃uarã.
6Ha Moises ojapyhy huguykuégui pe mbytere ha omoĩ peteĩ ña’ẽmbeguasúpe ha pe tuguy hembýva oñohẽmba kuave’ẽmby renda jerekuévo.
7Ha ojapyhy pe ñe’ẽme’ẽ rehegua kuatiañe’ẽ ryru ha omoñe’ẽ hetãyguakuéra apysápe, ha he’i hikuái: Rojapóta opaite mba’e Ñanderuete he’íva guive ha oreñe’ẽrendúta ichupe.
8Upéramo Moises ojapyhy pe tuguy ha ohypýi hetãyguakuéra ári, ha he’i: Peikuaa porãke kóva ningo pe ñe’ẽme’ẽ ruguy Ñanderuete oñembopy’apeteĩ haguére penendive opaite ko’ã ñe’ẽ rupi.
9Ha ojupi Moises, Aaron, Nadab, Abiu ha 70 Israel Karai ancianokuéra.
10Ha ohecha hikuái Israel Járape; ha Ñanderuete opyrũháme oĩ ita vera hovyũvaicha, ojoguáva yvága mimbi potĩ porãitépe.
11Ñanderuete ndoipysói ipo ko’ã Israel ñemoñare ruvicha ári; ha’ekuéra ohechakuaa katu Ñanderuetépe, upéi okaru ha hoy’u hikuái.
12Upéramo Ñanderuete he’i Moiséspe: Ejupi che rendápe ko cérro ru’ãme, ha epyta upépe ame’ẽ hag̃ua ndéve ita ipéva, oĩháme umi tembiapoukapy ha mbo’epy ahaiva’ekue rehekombo’e hag̃ua ichupekuéra.
13Ha opu’ã Moises, hembijokuái Josue ndive, ha ojupi hikuái Ñanderuete cérro ru’ãme (Sinaípe).
14Ha Moises he’i umi ancianokuérape: Peẽ chera’ãrõ ko’ápe aju jevy peve pene rendápe; ha péina Aaron ha Hur opytáta penendive; ha ojehu ramo peẽme oimeraẽ mba’e ivaíva tapeho hendapekuéra.
15Upéramo Moises ojupi cérro ru’ãme, ha peteĩ arai omo’ã pe cérro.
16Ha Ñanderuete reko jajaipa oguejy Sinai cérro ári ha pe arai omo’ã 6 ára pukukue pe cérro; ha pe ára 7-hápe ohenói Moiséspe pe arai pa’ũ guive.
17Ha Ñanderuete reko jajaipa ojogua peteĩ tata rendyguasúpe pe cérro ru’ãme Israel ñemoñarenguéra resa renondépe.
18Ha Moises oike pe arai pa’ũme ha ojupi pe cérrope; ha Moises hi’are pe cérro ru’ãme 40 ára ha 40 pyhare pukukue.
Currently Selected:
Éxodo 24: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 24
24
Moises ha Israel ruvichakuéra ome’ẽ iñe’ẽ Sinai cérrope
1Ñanderuete he’i Moiséspe: Pejupi pende Ruete rendápe, nde, Aaron, Nadab, Abiu ha 70 Israel karai ancianokuéra; ha mombyry guive pejeitýta yvýre.
2Ha Moises añónte oñembojaitéta che rendápe; ha ambuekuéra ani oñembojátei, ha aníke ojupítei hendive ambue tetãyguakuéra.
3Ha Moises ou ha omombe’u hetãyguakuérape opaite Ñanderuete ñe’ẽ ha hembiapoukapy; ha maymaite tetãygua peteĩ ñe’ẽme ombohovái, ha he’i hikuái: Rojapopaitéta Ñanderuete ñe’ẽ he’iva’ekue guive ndéve.
4Ha Moises ohai opaite Ñanderuete ñe’ẽ peteĩ kuatiañe’ẽme ha opu’ãvo pyharevete omopu’ã peteĩ kuave’ẽmby renda pe cérro rembe’ýpe, 12 itaguasu reheve, oĩgui 12 Israel tríbu.
5Ha omondo mitãrusu Israel ñemoñarenguéragui ogueru hag̃ua, tóro ra’yrusu oikuave’ẽ hag̃ua kuave’ẽmby ojehapypáva ha py’aguapy reheguáva Ñanderuetépe g̃uarã.
6Ha Moises ojapyhy huguykuégui pe mbytere ha omoĩ peteĩ ña’ẽmbeguasúpe ha pe tuguy hembýva oñohẽmba kuave’ẽmby renda jerekuévo.
7Ha ojapyhy pe ñe’ẽme’ẽ rehegua kuatiañe’ẽ ryru ha omoñe’ẽ hetãyguakuéra apysápe, ha he’i hikuái: Rojapóta opaite mba’e Ñanderuete he’íva guive ha oreñe’ẽrendúta ichupe.
8Upéramo Moises ojapyhy pe tuguy ha ohypýi hetãyguakuéra ári, ha he’i: Peikuaa porãke kóva ningo pe ñe’ẽme’ẽ ruguy Ñanderuete oñembopy’apeteĩ haguére penendive opaite ko’ã ñe’ẽ rupi.
9Ha ojupi Moises, Aaron, Nadab, Abiu ha 70 Israel Karai ancianokuéra.
10Ha ohecha hikuái Israel Járape; ha Ñanderuete opyrũháme oĩ ita vera hovyũvaicha, ojoguáva yvága mimbi potĩ porãitépe.
11Ñanderuete ndoipysói ipo ko’ã Israel ñemoñare ruvicha ári; ha’ekuéra ohechakuaa katu Ñanderuetépe, upéi okaru ha hoy’u hikuái.
12Upéramo Ñanderuete he’i Moiséspe: Ejupi che rendápe ko cérro ru’ãme, ha epyta upépe ame’ẽ hag̃ua ndéve ita ipéva, oĩháme umi tembiapoukapy ha mbo’epy ahaiva’ekue rehekombo’e hag̃ua ichupekuéra.
13Ha opu’ã Moises, hembijokuái Josue ndive, ha ojupi hikuái Ñanderuete cérro ru’ãme (Sinaípe).
14Ha Moises he’i umi ancianokuérape: Peẽ chera’ãrõ ko’ápe aju jevy peve pene rendápe; ha péina Aaron ha Hur opytáta penendive; ha ojehu ramo peẽme oimeraẽ mba’e ivaíva tapeho hendapekuéra.
15Upéramo Moises ojupi cérro ru’ãme, ha peteĩ arai omo’ã pe cérro.
16Ha Ñanderuete reko jajaipa oguejy Sinai cérro ári ha pe arai omo’ã 6 ára pukukue pe cérro; ha pe ára 7-hápe ohenói Moiséspe pe arai pa’ũ guive.
17Ha Ñanderuete reko jajaipa ojogua peteĩ tata rendyguasúpe pe cérro ru’ãme Israel ñemoñarenguéra resa renondépe.
18Ha Moises oike pe arai pa’ũme ha ojupi pe cérrope; ha Moises hi’are pe cérro ru’ãme 40 ára ha 40 pyhare pukukue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.