Éxodo 9
9
Jehavira tymbakuéra rehe
1Upéramo Ñanderuete he’i Moiséspe: Tereho faraon rendápe, ha ere ichupe: Jahve, Israelguakuéra Jára, péicha he’i: Eheja che retãyguakuéra toho, chemomba’eguasu hag̃ua.
2Ha nderehejaséi ramo ore roho, ha orejoko jevy ramo,
3eikuaa porãke, upéicharamo ore Ruete po oĩta ne rymbakuéra ñu megua ári; mba’asy vai oñemyasãita pende kavaju, búrro, caméllo, vaka, ovecha ha kavarakuéra apytépe.
4Ñanderuete katu omboykéta Israel rymbakuéragui ko mba’asy kóva, ani hag̃ua omanótei Israelgua rymbakuéra.
5Ha Ñanderuete he’i: Ko’ẽ ramo oikóta ko’ã mba’e ko tetã kóvape.
6Ambue ko’ẽme Ñanderuete ojapo umi mba’e, ha omanomba Egiptoygua rymba atykuéra; ha Israelguakuéra rymba nomanói peteĩnte jepe.
7Upéramo faraon omondo hembiguáipe oikuaa hag̃ua mba’éichapa Israelgua rymba ohasa ha péina ápe nomanói peteĩnte jepe. Faraon katu omohatã jevy ipy’apy ha ndohejái Israelguakuérape oho mamove.
Jehavira kuru vai rupi
8Ha Ñanderuete he’i Moises ha Aarónpe: Pejapyhy tanimbu peteĩ tatakuágui, pende po renyhẽngue, Moises omosarambi hag̃ua yvytu rehe faraon renondépe.
9Ha otimbóta opaite Egípto retãpýre, ha aguenohẽta kuru vai hetãyguakuéra ha hymbakuéra rehe.
10Ha ojapyhy rire hikuái tanimbu tatakuágui, ha oñembo’y joa hikuái faraon renondépe, Moises omosarambi pe tanimbu yvytu rehe; ha Egiptoyguakuéra ha mymbakuéra henyhẽ kuru vaietágui.
11Ha umi paje apoha ndaikatúi og̃uahẽ Moises renondépe ikuru vaipágui, ha hendivekuéra opaite Egiptoyguakuéra ohupity avei ko mba’asy kóva.
12Ñanderuete katu ombopy’a hatã faraónpe ha naiñe’ẽrendúigui; Ha’e he’i haguéicha Moiséspe.
Jehavira amandaueta rupi.
13Upéramo Ñanderuete he’i Moiséspe: Epu’ã pyhareve ha tereho faraon rendápe, ha ere ichupe: Jahve, Israelguakuéra Jára, he’i péicha: Eheja che retãyguakuéra toho, chemomba’eguasu hag̃ua.
14Ko’ág̃a Che añemoĩta nderehe, ne rembiguái ha ne retãyguakuéra mayma rehe che plagakuéra rupi, rehechakuaa porã hag̃ua ndaiporiha ambue Jára cheichagua opaite yvy apére.
15Che aipyso rire che po poinupã hag̃ua ndéve ha ne retãyguakuérape péste rupi, Che poipe’ava’erãmo’ã ko yvy ape árigui.
16Añetehápe Che aipota nde rekove rupi ojehechauka che pu’akapaha, ha péicha oñemyasãi hag̃ua che réra opaite yvy tuichakue javeve.
17Nde reñemoĩgui che retã rehe, ha nderehejáigui osẽ che retãyguakuéra
18reikuaa porãta ko’ẽramo, ko hórape Che amongýta amandáu ipohyirasáva, araka’eve ndouiva’ekue Egíptope, oñepyrũha ára guive ko ára kóva peve.
19Emondo ha embyatyuka ne rymba hembýva guive ñúme; mayma ne retãygua ha tymbakuéra pemoinge óga guýpe, ỹrõ pe amandáu ho’áta hi’ári ha ojukapáta.
20Umi faraon rembiguaikuéra, okyhyjéva Ñanderuete ñe’ẽgui omoinge hogaygua ha hymbakuéra hogakuéra ryepýpe;
21ha umi omoĩ’ỹva’ekue Ñanderuete ñe’ẽ ipy’apýpe, oheja hogaygua ha hymbakuéra ñúme.
22Ha Ñanderuete he’i Moiséspe: Eipyso nde po ára rehe ou hag̃ua amandáu mayma Egípto retãpy rehe hetãyguakuéra, hymbakuéra ha opaichagua ñemitỹ Egípto pegua kokue ári.
23Ha Moises oipyso ijyvyra po’i ára rehe, ha Ñanderuete omosunu ha ombou amandáu Egípto retã ári.
24Ha ho’a pe amandáu, ha aratiri ojehe’áva amandáu tuichaitereíva reheve araka’eve ndouiva’ekue Egípto retãpýpe, ojeikoha ára guive ipype.
25Ha pe amandáu ombyaipa oĩva guive Egípto pegua ñúme, taha’e hetãyguakuéra térã hymbakuéra; ha opaichagua ñemitỹ oĩva guive ikokuépe, ha ohakã’omba yvyra rakãnguéra jepe.
26Ha Gosen yvýpe, Israel ñemoñarenguéra oikohápe, ndo’ái amandáu.
27Upéramo faraon ohenoiuka Moises ha Aarónpe, ha he’i ichupekuéra: Che añemohembiapo vai jevy.
28Peñembo’e pende Ruetépe topi ore árigui pe arasunu ha pe amandáu, ha che ndapojokomo’ãvéima, apoíta uvei pendehegui.
29Ha Moises he’i ichupe: Asẽ rire ko távagui añembo’éta ore Ruetépe opi hag̃ua arasunueta ha amandáu; reikuaa hag̃ua ko yvy tuichakue ore Ruete mba’eha.
30Ha che katu aikuaa voi nde ha ne rembiguaikuéra ndapekyhyjemo’ãiha gueteri ore Ruete, ore ymaitégui.
31Pe líno ipotýva ha pe cebáda hi’átamava oñehundíkuri.
32Ha pe trígo ha pe centéno noñembyaíri gueteri, hokýgui kurive.
33Ha Moises osẽ rire faraon renda ha itávagui, oñembo’e Ñanderuetépe ha opi pe arasunu ha amandáu, ha ndokyvéi yvy apére.
34Ha faraon ohechávo opimaha ama, arasunu ha pe amandáu, ha’e ha hembiguaikuéra oñembopy’a hatãve ohóvo.
35Ha faraon oñembopy’a hatãvégui ndohejái Israel ñemoñarenguérape osẽ hetãgui, Ñanderuete he’i haguéicha Moises juru rupi.
Currently Selected:
Éxodo 9: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 9
9
Jehavira tymbakuéra rehe
1Upéramo Ñanderuete he’i Moiséspe: Tereho faraon rendápe, ha ere ichupe: Jahve, Israelguakuéra Jára, péicha he’i: Eheja che retãyguakuéra toho, chemomba’eguasu hag̃ua.
2Ha nderehejaséi ramo ore roho, ha orejoko jevy ramo,
3eikuaa porãke, upéicharamo ore Ruete po oĩta ne rymbakuéra ñu megua ári; mba’asy vai oñemyasãita pende kavaju, búrro, caméllo, vaka, ovecha ha kavarakuéra apytépe.
4Ñanderuete katu omboykéta Israel rymbakuéragui ko mba’asy kóva, ani hag̃ua omanótei Israelgua rymbakuéra.
5Ha Ñanderuete he’i: Ko’ẽ ramo oikóta ko’ã mba’e ko tetã kóvape.
6Ambue ko’ẽme Ñanderuete ojapo umi mba’e, ha omanomba Egiptoygua rymba atykuéra; ha Israelguakuéra rymba nomanói peteĩnte jepe.
7Upéramo faraon omondo hembiguáipe oikuaa hag̃ua mba’éichapa Israelgua rymba ohasa ha péina ápe nomanói peteĩnte jepe. Faraon katu omohatã jevy ipy’apy ha ndohejái Israelguakuérape oho mamove.
Jehavira kuru vai rupi
8Ha Ñanderuete he’i Moises ha Aarónpe: Pejapyhy tanimbu peteĩ tatakuágui, pende po renyhẽngue, Moises omosarambi hag̃ua yvytu rehe faraon renondépe.
9Ha otimbóta opaite Egípto retãpýre, ha aguenohẽta kuru vai hetãyguakuéra ha hymbakuéra rehe.
10Ha ojapyhy rire hikuái tanimbu tatakuágui, ha oñembo’y joa hikuái faraon renondépe, Moises omosarambi pe tanimbu yvytu rehe; ha Egiptoyguakuéra ha mymbakuéra henyhẽ kuru vaietágui.
11Ha umi paje apoha ndaikatúi og̃uahẽ Moises renondépe ikuru vaipágui, ha hendivekuéra opaite Egiptoyguakuéra ohupity avei ko mba’asy kóva.
12Ñanderuete katu ombopy’a hatã faraónpe ha naiñe’ẽrendúigui; Ha’e he’i haguéicha Moiséspe.
Jehavira amandaueta rupi.
13Upéramo Ñanderuete he’i Moiséspe: Epu’ã pyhareve ha tereho faraon rendápe, ha ere ichupe: Jahve, Israelguakuéra Jára, he’i péicha: Eheja che retãyguakuéra toho, chemomba’eguasu hag̃ua.
14Ko’ág̃a Che añemoĩta nderehe, ne rembiguái ha ne retãyguakuéra mayma rehe che plagakuéra rupi, rehechakuaa porã hag̃ua ndaiporiha ambue Jára cheichagua opaite yvy apére.
15Che aipyso rire che po poinupã hag̃ua ndéve ha ne retãyguakuérape péste rupi, Che poipe’ava’erãmo’ã ko yvy ape árigui.
16Añetehápe Che aipota nde rekove rupi ojehechauka che pu’akapaha, ha péicha oñemyasãi hag̃ua che réra opaite yvy tuichakue javeve.
17Nde reñemoĩgui che retã rehe, ha nderehejáigui osẽ che retãyguakuéra
18reikuaa porãta ko’ẽramo, ko hórape Che amongýta amandáu ipohyirasáva, araka’eve ndouiva’ekue Egíptope, oñepyrũha ára guive ko ára kóva peve.
19Emondo ha embyatyuka ne rymba hembýva guive ñúme; mayma ne retãygua ha tymbakuéra pemoinge óga guýpe, ỹrõ pe amandáu ho’áta hi’ári ha ojukapáta.
20Umi faraon rembiguaikuéra, okyhyjéva Ñanderuete ñe’ẽgui omoinge hogaygua ha hymbakuéra hogakuéra ryepýpe;
21ha umi omoĩ’ỹva’ekue Ñanderuete ñe’ẽ ipy’apýpe, oheja hogaygua ha hymbakuéra ñúme.
22Ha Ñanderuete he’i Moiséspe: Eipyso nde po ára rehe ou hag̃ua amandáu mayma Egípto retãpy rehe hetãyguakuéra, hymbakuéra ha opaichagua ñemitỹ Egípto pegua kokue ári.
23Ha Moises oipyso ijyvyra po’i ára rehe, ha Ñanderuete omosunu ha ombou amandáu Egípto retã ári.
24Ha ho’a pe amandáu, ha aratiri ojehe’áva amandáu tuichaitereíva reheve araka’eve ndouiva’ekue Egípto retãpýpe, ojeikoha ára guive ipype.
25Ha pe amandáu ombyaipa oĩva guive Egípto pegua ñúme, taha’e hetãyguakuéra térã hymbakuéra; ha opaichagua ñemitỹ oĩva guive ikokuépe, ha ohakã’omba yvyra rakãnguéra jepe.
26Ha Gosen yvýpe, Israel ñemoñarenguéra oikohápe, ndo’ái amandáu.
27Upéramo faraon ohenoiuka Moises ha Aarónpe, ha he’i ichupekuéra: Che añemohembiapo vai jevy.
28Peñembo’e pende Ruetépe topi ore árigui pe arasunu ha pe amandáu, ha che ndapojokomo’ãvéima, apoíta uvei pendehegui.
29Ha Moises he’i ichupe: Asẽ rire ko távagui añembo’éta ore Ruetépe opi hag̃ua arasunueta ha amandáu; reikuaa hag̃ua ko yvy tuichakue ore Ruete mba’eha.
30Ha che katu aikuaa voi nde ha ne rembiguaikuéra ndapekyhyjemo’ãiha gueteri ore Ruete, ore ymaitégui.
31Pe líno ipotýva ha pe cebáda hi’átamava oñehundíkuri.
32Ha pe trígo ha pe centéno noñembyaíri gueteri, hokýgui kurive.
33Ha Moises osẽ rire faraon renda ha itávagui, oñembo’e Ñanderuetépe ha opi pe arasunu ha amandáu, ha ndokyvéi yvy apére.
34Ha faraon ohechávo opimaha ama, arasunu ha pe amandáu, ha’e ha hembiguaikuéra oñembopy’a hatãve ohóvo.
35Ha faraon oñembopy’a hatãvégui ndohejái Israel ñemoñarenguérape osẽ hetãgui, Ñanderuete he’i haguéicha Moises juru rupi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.