Éxodo 10
10
Jehavira tukueta rupi
1Ñanderuete he’i Moiséspe: Tereho faraon rendápe Che voi ambopy’ahatãma ichupe ha hembiguaikuérape avei ahechauka hag̃ua ijapytepekuéra ko’ã che milágro.
2Remombe’u hag̃ua nde ra’ykuérape ha nde ra’y reminenonguérape umi mba’e Che ajapova’ekue Egíptope, ha umi milágro ahechaukava’ekue ijapytepekuéra; peikuaa hag̃ua Che ha’eha Jahve (pende Ruete).
3Upéramo Moises ha Aaron oho faraon rendápe, ha he’i ichupe: Jahve, Israelguakuéra Jára, péicha he’i: Araka’e pevépa nereñemomirĩsemo’ãi che renondépe. Eheja che retãyguakuérape toho chemomba’eguasu hag̃ua.
4Ha nderehejái ramo oho, eikuaa porãke, ko’ẽ ramo Che aguerúta ne retãme tukueta,
5umi tuku atykuéra ojaho’íta ne retã ha ho’upáta umi ñemitỹ hembyva’ekue amandáugui, ha ho’úta avei mayma yvyrarogue hembýva gueteri.
6Ha omyenyhẽta nde róga, ne rembiguaikuéra róga, ha mayma Egiptoygua róga, ku araka’eve ojehecha’ỹ haguéicha gueteri nde rukuéra ni nde ypykuéra, ha’ekuéra oĩ ypy guive ko yvy apére ko ára kóva peve. Upéi ojere ha osẽ hikuái faraon rendágui.
7Upéramo faraon rembiguaikuéra he’i ichupe araka’e peve piko ko’ã kuimba’e oikóta ñandéve g̃uarã ñuhã ramo. Eheja toho ko’ã kuimba’e ha tomomba’eguasu hikuái Jahvépe, Ijárape. Ndereikuaái gueteri piko Egípto retã oñehundimaha ohóvo mbeguekatúpe.
8Ha Moises ha Aaron oñehenoiuka jevy faraon rendápe, ha ha’e he’i ichupekuéra: Tapeho ha pemomba’eguasu Jahve, pende Járape. Mávapa katu umi ohótava.
9Moises ombohovái: Ore rohopa manteva’erã, ore mitã ha ore tujakuéra ndive, ore ra’y ha ore rajykuéra ndive, ore ovecha ha ore vakakuéra reheve; péva ningo ore areteguasu Ñanderuetépe g̃uarã.
10Ha ha’e he’i ichupekuéra: Jahve toiko penendive, mba’éicha piko ahejáta peho pene mitãkuéra ndive, pema’ẽna, mba’evai oĩhína pende py’apýpe.
11Upévagui peẽ kuimba’énte tapeho pemomba’eguasu hag̃ua pende Járape, péicha voi ningo pejerure; ha omosẽ ichupekuéra henondégui.
12Upéramo Ñanderuete he’i Moiséspe: Eipyso nde po Egípto yvy ári ou hag̃ua tukueta Egípto retãme, ha to’upa amandáu ohejava’ekue.
13Ha Moises oipyso ijyvyra po’i Egípto retã rehe, ha Ñanderuete ombou pe yvytu kuarahyresẽguio pe ára ha pe pyhare pukukue; ha ko’ẽmbávo pe yvytu kuarahyresẽguio oúva ogueru tuku hetaitereirasa upe tetãpýpe.
14Ha ou tukueta Egípto retã tuichakuépe, hetaiterei oĩ’ỹ haguéicha ymave ha oĩ’ỹ hag̃uáicha uperire;
15ha oñuãmba opaite Egípto retã tuichakue omoypytũ meve pe yvy; ha ho’upa opaichagua ñemitỹ hembýva gueteri Egípto retãme, opaichagua yvyra’a, yvyrarogue ha kokue pegua pe amandáu ohejava’ekue.
16Upéramo faraon pya’e ohenói Moises ha Aarónpe, ha he’i: Añemboheko vaipa Jahve, pende Jára ndive ha penendive avei.
17Upévare ajerure peẽme cheperdona hag̃ua ko che rembiapo vaiete ha peñembo’e cherehe Jahve, pende Járape, Ha’e toipe’a chehegui ko jehavira oporojuka oúva.
18Ha Moises osẽ rire faraon rendágui, ha’e oñembo’e Ñanderuetépe.
19Upéramo Ñanderuete ogueru peteĩ yvytu’atã kuarahyreikéguio ha oipe’a umi tuku ha oitypa Yguasu Pytãme; ha ndopytavéi ni peteĩ tuku jepe opaite Egípto retãpy rehe.
20Ñanderuete katu ombopy’ahatã faraónpe ha ndohejái Israel ñemoñarenguérape osẽ hetãgui.
Jehavira oúva pytũ rupi
21Ñanderuete he’i Moiséspe: Eipyso nde po ára rehe, ta’iñypytũ Egípto retãme; ha iñypytũ anambusuetégui oimeraẽva ikatu opoko ojuehe.
22Ha Moises oipyso ipo ára rehe ha iñypytũ Egípto retãme, mbohapy ára pukukue.
23Avave ndohechái hapichápe ha avave nopu’ãi hendágui mbohapy ára pukukue; Israelguakuéra oikohápe katu oĩ tesape rendy.
24Upéramo faraon ohenoiuka Moiséspe, ha he’i: Tapeho pemomba’eguasu pende Járape; pende ovecha ha vakakuéra katu topyta; toho katu avei penendive pene mitãkuéra.
25Ha Moises he’i: Nde reme’ẽva’erã oréve kuave’ẽmby rojukava’erã ha rohapyva’erã Jahve, ore Járape g̃uarã.
26Ore rymbakuéra ohova’erã avei orendive, ndopytamo’ãi peteĩ ipysapẽnguénte jepe, ha ijapytégui roikuave’ẽva’erã romomba’eguasu hag̃ua Jahve, ore Járape; ndaupéichai ramo ndoroikuaái mba’épepa romomba’eguasuva’erã ore Járape, rog̃uahẽ vove upépe.
27Ñanderuete katu ombopy’ahatã faraónpe ha ndohejái ichupekuéra oho.
28Ha faraon he’i ichupe: Ejei che ypýgui; ha eñangarekóke anive hag̃ua rehecha che rova, upe ára rehecha jevývo che rova, remanova’erã.
29Ha Moises he’i ichupe: Ere porã, ndahechamo’ãveitaha nde rova.
Currently Selected:
Éxodo 10: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 10
10
Jehavira tukueta rupi
1Ñanderuete he’i Moiséspe: Tereho faraon rendápe Che voi ambopy’ahatãma ichupe ha hembiguaikuérape avei ahechauka hag̃ua ijapytepekuéra ko’ã che milágro.
2Remombe’u hag̃ua nde ra’ykuérape ha nde ra’y reminenonguérape umi mba’e Che ajapova’ekue Egíptope, ha umi milágro ahechaukava’ekue ijapytepekuéra; peikuaa hag̃ua Che ha’eha Jahve (pende Ruete).
3Upéramo Moises ha Aaron oho faraon rendápe, ha he’i ichupe: Jahve, Israelguakuéra Jára, péicha he’i: Araka’e pevépa nereñemomirĩsemo’ãi che renondépe. Eheja che retãyguakuérape toho chemomba’eguasu hag̃ua.
4Ha nderehejái ramo oho, eikuaa porãke, ko’ẽ ramo Che aguerúta ne retãme tukueta,
5umi tuku atykuéra ojaho’íta ne retã ha ho’upáta umi ñemitỹ hembyva’ekue amandáugui, ha ho’úta avei mayma yvyrarogue hembýva gueteri.
6Ha omyenyhẽta nde róga, ne rembiguaikuéra róga, ha mayma Egiptoygua róga, ku araka’eve ojehecha’ỹ haguéicha gueteri nde rukuéra ni nde ypykuéra, ha’ekuéra oĩ ypy guive ko yvy apére ko ára kóva peve. Upéi ojere ha osẽ hikuái faraon rendágui.
7Upéramo faraon rembiguaikuéra he’i ichupe araka’e peve piko ko’ã kuimba’e oikóta ñandéve g̃uarã ñuhã ramo. Eheja toho ko’ã kuimba’e ha tomomba’eguasu hikuái Jahvépe, Ijárape. Ndereikuaái gueteri piko Egípto retã oñehundimaha ohóvo mbeguekatúpe.
8Ha Moises ha Aaron oñehenoiuka jevy faraon rendápe, ha ha’e he’i ichupekuéra: Tapeho ha pemomba’eguasu Jahve, pende Járape. Mávapa katu umi ohótava.
9Moises ombohovái: Ore rohopa manteva’erã, ore mitã ha ore tujakuéra ndive, ore ra’y ha ore rajykuéra ndive, ore ovecha ha ore vakakuéra reheve; péva ningo ore areteguasu Ñanderuetépe g̃uarã.
10Ha ha’e he’i ichupekuéra: Jahve toiko penendive, mba’éicha piko ahejáta peho pene mitãkuéra ndive, pema’ẽna, mba’evai oĩhína pende py’apýpe.
11Upévagui peẽ kuimba’énte tapeho pemomba’eguasu hag̃ua pende Járape, péicha voi ningo pejerure; ha omosẽ ichupekuéra henondégui.
12Upéramo Ñanderuete he’i Moiséspe: Eipyso nde po Egípto yvy ári ou hag̃ua tukueta Egípto retãme, ha to’upa amandáu ohejava’ekue.
13Ha Moises oipyso ijyvyra po’i Egípto retã rehe, ha Ñanderuete ombou pe yvytu kuarahyresẽguio pe ára ha pe pyhare pukukue; ha ko’ẽmbávo pe yvytu kuarahyresẽguio oúva ogueru tuku hetaitereirasa upe tetãpýpe.
14Ha ou tukueta Egípto retã tuichakuépe, hetaiterei oĩ’ỹ haguéicha ymave ha oĩ’ỹ hag̃uáicha uperire;
15ha oñuãmba opaite Egípto retã tuichakue omoypytũ meve pe yvy; ha ho’upa opaichagua ñemitỹ hembýva gueteri Egípto retãme, opaichagua yvyra’a, yvyrarogue ha kokue pegua pe amandáu ohejava’ekue.
16Upéramo faraon pya’e ohenói Moises ha Aarónpe, ha he’i: Añemboheko vaipa Jahve, pende Jára ndive ha penendive avei.
17Upévare ajerure peẽme cheperdona hag̃ua ko che rembiapo vaiete ha peñembo’e cherehe Jahve, pende Járape, Ha’e toipe’a chehegui ko jehavira oporojuka oúva.
18Ha Moises osẽ rire faraon rendágui, ha’e oñembo’e Ñanderuetépe.
19Upéramo Ñanderuete ogueru peteĩ yvytu’atã kuarahyreikéguio ha oipe’a umi tuku ha oitypa Yguasu Pytãme; ha ndopytavéi ni peteĩ tuku jepe opaite Egípto retãpy rehe.
20Ñanderuete katu ombopy’ahatã faraónpe ha ndohejái Israel ñemoñarenguérape osẽ hetãgui.
Jehavira oúva pytũ rupi
21Ñanderuete he’i Moiséspe: Eipyso nde po ára rehe, ta’iñypytũ Egípto retãme; ha iñypytũ anambusuetégui oimeraẽva ikatu opoko ojuehe.
22Ha Moises oipyso ipo ára rehe ha iñypytũ Egípto retãme, mbohapy ára pukukue.
23Avave ndohechái hapichápe ha avave nopu’ãi hendágui mbohapy ára pukukue; Israelguakuéra oikohápe katu oĩ tesape rendy.
24Upéramo faraon ohenoiuka Moiséspe, ha he’i: Tapeho pemomba’eguasu pende Járape; pende ovecha ha vakakuéra katu topyta; toho katu avei penendive pene mitãkuéra.
25Ha Moises he’i: Nde reme’ẽva’erã oréve kuave’ẽmby rojukava’erã ha rohapyva’erã Jahve, ore Járape g̃uarã.
26Ore rymbakuéra ohova’erã avei orendive, ndopytamo’ãi peteĩ ipysapẽnguénte jepe, ha ijapytégui roikuave’ẽva’erã romomba’eguasu hag̃ua Jahve, ore Járape; ndaupéichai ramo ndoroikuaái mba’épepa romomba’eguasuva’erã ore Járape, rog̃uahẽ vove upépe.
27Ñanderuete katu ombopy’ahatã faraónpe ha ndohejái ichupekuéra oho.
28Ha faraon he’i ichupe: Ejei che ypýgui; ha eñangarekóke anive hag̃ua rehecha che rova, upe ára rehecha jevývo che rova, remanova’erã.
29Ha Moises he’i ichupe: Ere porã, ndahechamo’ãveitaha nde rova.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.