Génesis 26
26
Isaac Gerárpe
1Upéi ou peteĩ ñembyahýi ndetuicháva pe tetãme, ojehu haguéicha Abraham árape; ha Isaac oho Abimelec, pe Filisteaygua retã ruvicha rendápe, Gerárpe.
2Ha Ñanderuete ojehechauka ichupe ha he’i: Aníke reguejy Egíptope; eiko pe yvy che ha’étavape ndéve.
3Eiko tetã ambueygua ramo ko tetãme, Che aĩta nendive ha rohovasáta; ndéve ha ne ñemoñarenguérape katuete ame’ẽta ko yvy tuichakue ha amoañetéta pe ñe’ẽ ha’eva’ekue nde ru Abrahámpe.
4Amboheta hetavéta ne ñemoñarenguéra mbyjakuéra árare oĩ háicha, ha ne ñemoñarenguérape ame’ẽmbaitéta ko yvy kóva; ha mayma tetã yvy ariguáva ojehovasava’erã ne ñemoñarenguéra rupi,
5Abraham ohendu ha ojapo haguére che ñe’ẽ, che rembiapoukapy, che rekombo’e ha che rembipota.
6Upéramo Isaac oiko Gerárpe.
7Ha umi kuimba’e upepeguáva oporandu ichupe hembireko rehe; ha’e he’i ichupekuéra: Che reindy; okyhyjégui he’i hag̃ua: Che rembireko; omoingégui ipy’apýpe umi kuimba’e upepeguáva ikatuha ojuka ichupe Rebéca rehehápe, Rebéca iporã itereígui.
8Ha ojehu heta ára ha’e oiko rire upépe, Abimelec, umi Filisteaygua retã ruvicha, oma’ẽvo hovetã rupi, ohecha Isaácpe ohavi’u jave hína hembireko Rebécape.
9Ha Abimelec ohenoiuka Isaácpe, ha he’i ichupe: E’a, péina ne rembireko ra’e. Ha mba’éicha piko erera’e: Ne reindyha. Ha Isaac he’i ichupe: Che aimo’ãgui: Ikatuha pechejuka hesehápe.
10Ha Abimelec he’i: Mba’érehe piko rejapo orerehe ko’ã mba’e. Oimeraẽ tetãygua okekuaava’erãmo’ã ne rembireko ndive, ha ogueruva’erãmo’ã oreári mba’evaietéva.
11Upéramo Abimelec he’i hetãyguakuérape: Upe opokóva ko kuimba’e térã hembireko rehe, añetehápe ojejukava’erã.
12Ha Isaac oñemitỹ ikokuépe, ha pe áño pévape ha’e omono’õ isemílla ra’ỹinguéragui 100 jevyve, Ñanderuete ohovasaitégui ichupe.
13Upévare Isaácgui oiko mba’eta rerekoha; oñakãrapu’ã ha oñembotuicha tuvichave ohóvo, ituicharasaite peve.
14Isaac oguereko ovecha ha vaka atykuéra, ha heta tembiguái; ha upévare Filisteayguakuéra ipy’arasy.
15Ha itúva Abraham oikove jave gueteri hembiguaikuéra ojo’ova’ekue ykuakuéra, umía katu Filisteayguakuéra ombohypa ha ojatypa yvýpe.
16Upéramo Abimelec he’i Isaácpe: Tereho ore yvýgui, rejúgui nde nembarete itereive orehegui.
17Ha Isaac oho upégui, ha opyta Gerar cérro pa’ũme ha oiko upérupi.
18Ha Isaac ojo’o jevy umi ykua, ojejo’omava’ekue itúva Abraham rekovépe, ha Filisteayguakuéra ombohypava’ekue Abraham omano rire, ha ombohéra jevy umi ykua, itúva ombohéra haguéicha.
19Isaac rembiguaikuéra ojo’o umi cérro pa’ũme, ha ojohu upépe peteĩ yvu hi’y porãva,
20umi Gerargua rymba rerekua oñorãirõ umi Isaac rymba rerekua ndive, he’ívo: Pe y ore mba’e. Upéicha rupi Isaac ombohéra pe yvu Esec, oñoñe’ẽ’api haguére hese.
21Ha mombyryve ojo’o jevy hikuái ambue ykua, ha oñorãirõ jevy hese ha ombohéra Sítna.
22Ha oñemboykénte upégui, ojo’ove ambue yvykua, ha noñorãirõvéi hikuái péva rehe, ha ombohéra Rehobot ha he’i: Ko’ág̃a ae Ñanderuete ñanembopy’aguapy ha ñañeakãrapu’ãta ko yvýpe.
23Ha upégui oho Beersébape.
24Ha Ñanderuete ojehechauka ichupe pe pyharépe ha he’i: Che ningo, nde ru Abraham Jára, aníke rekyhyje, Che aĩgui nendive, Che rohovasáta ha amboheta hetavéta ne ñemoñare che rembiguái Abraham rayhupápe.
25Ha Isaac omopu’ã upépe peteĩ kuave’ẽmby renda ha ohenói Ñanderuete réra, ha omopu’ã upépe hóga mymba pirekueguiguáva ha hembiguaikuéra ojo’o upépe ambue ykua.
26Ha Gerar guive Abimelec ou hendápe, ogueru hendive Ahuzat, iñamígo, ha Ficol, isoldádo aty ruvicha.
27Ha Isaac he’i ichupekuéra: Ma’erãpa peju che rendápe, peẽ cherayhu’ỹva, pechemosẽva’ekue pende apytégui.
28Ha he’i ichupe hikuái: Rohechakuaa Jahve (yvága atykuéra Jára) oĩha nendive; ha ro’e: Ko’ág̃a roñoñe’ẽme’ẽ Jahve renondépe, nde ha ore, ñañombopy’apeteĩtaha,
29ani hag̃ua rejapo orerehe ivaíva, ore ndoropokói haguéicha nderehe, iporãvante rojapova’ekue nderehe, ha roheja reho py’aguapýpe; Ñanderuete nderovasa porãma ko’ág̃a.
30Upéramo Isaac ojapo ichupekuéra karuguasu, ha okaru ha hoy’u hikuái.
31Ha opu’ã hikuái ko’ẽtĩ jave, ha oñoñe’ẽme’ẽ Ñanderuete renondépe ha oñomomaitei paha rire oho hikuái py’aguapýpe.
32Ha pe árape og̃uahẽ Isaac rembiguaikuéra ha he’i ichupe: Pe ykua rojo’oroínagui osẽma y.
33Ha Isaac ombohéra pe ykua Séba; ha upéicharupi upe táva héra Beerséba (ykua oñoñe’ẽme’ẽ haguépe) ko ára kóva peve.
34Ha Esau oguereko ramo 40 áño omenda Judit, Beeri rajy rehe, ha Basemat, Elon rajy rehe, Hetgua meme hikuái.
35Ha péva omoñeko’õi asy Isaac ha Rebéca angapy.
Currently Selected:
Génesis 26: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 26
26
Isaac Gerárpe
1Upéi ou peteĩ ñembyahýi ndetuicháva pe tetãme, ojehu haguéicha Abraham árape; ha Isaac oho Abimelec, pe Filisteaygua retã ruvicha rendápe, Gerárpe.
2Ha Ñanderuete ojehechauka ichupe ha he’i: Aníke reguejy Egíptope; eiko pe yvy che ha’étavape ndéve.
3Eiko tetã ambueygua ramo ko tetãme, Che aĩta nendive ha rohovasáta; ndéve ha ne ñemoñarenguérape katuete ame’ẽta ko yvy tuichakue ha amoañetéta pe ñe’ẽ ha’eva’ekue nde ru Abrahámpe.
4Amboheta hetavéta ne ñemoñarenguéra mbyjakuéra árare oĩ háicha, ha ne ñemoñarenguérape ame’ẽmbaitéta ko yvy kóva; ha mayma tetã yvy ariguáva ojehovasava’erã ne ñemoñarenguéra rupi,
5Abraham ohendu ha ojapo haguére che ñe’ẽ, che rembiapoukapy, che rekombo’e ha che rembipota.
6Upéramo Isaac oiko Gerárpe.
7Ha umi kuimba’e upepeguáva oporandu ichupe hembireko rehe; ha’e he’i ichupekuéra: Che reindy; okyhyjégui he’i hag̃ua: Che rembireko; omoingégui ipy’apýpe umi kuimba’e upepeguáva ikatuha ojuka ichupe Rebéca rehehápe, Rebéca iporã itereígui.
8Ha ojehu heta ára ha’e oiko rire upépe, Abimelec, umi Filisteaygua retã ruvicha, oma’ẽvo hovetã rupi, ohecha Isaácpe ohavi’u jave hína hembireko Rebécape.
9Ha Abimelec ohenoiuka Isaácpe, ha he’i ichupe: E’a, péina ne rembireko ra’e. Ha mba’éicha piko erera’e: Ne reindyha. Ha Isaac he’i ichupe: Che aimo’ãgui: Ikatuha pechejuka hesehápe.
10Ha Abimelec he’i: Mba’érehe piko rejapo orerehe ko’ã mba’e. Oimeraẽ tetãygua okekuaava’erãmo’ã ne rembireko ndive, ha ogueruva’erãmo’ã oreári mba’evaietéva.
11Upéramo Abimelec he’i hetãyguakuérape: Upe opokóva ko kuimba’e térã hembireko rehe, añetehápe ojejukava’erã.
12Ha Isaac oñemitỹ ikokuépe, ha pe áño pévape ha’e omono’õ isemílla ra’ỹinguéragui 100 jevyve, Ñanderuete ohovasaitégui ichupe.
13Upévare Isaácgui oiko mba’eta rerekoha; oñakãrapu’ã ha oñembotuicha tuvichave ohóvo, ituicharasaite peve.
14Isaac oguereko ovecha ha vaka atykuéra, ha heta tembiguái; ha upévare Filisteayguakuéra ipy’arasy.
15Ha itúva Abraham oikove jave gueteri hembiguaikuéra ojo’ova’ekue ykuakuéra, umía katu Filisteayguakuéra ombohypa ha ojatypa yvýpe.
16Upéramo Abimelec he’i Isaácpe: Tereho ore yvýgui, rejúgui nde nembarete itereive orehegui.
17Ha Isaac oho upégui, ha opyta Gerar cérro pa’ũme ha oiko upérupi.
18Ha Isaac ojo’o jevy umi ykua, ojejo’omava’ekue itúva Abraham rekovépe, ha Filisteayguakuéra ombohypava’ekue Abraham omano rire, ha ombohéra jevy umi ykua, itúva ombohéra haguéicha.
19Isaac rembiguaikuéra ojo’o umi cérro pa’ũme, ha ojohu upépe peteĩ yvu hi’y porãva,
20umi Gerargua rymba rerekua oñorãirõ umi Isaac rymba rerekua ndive, he’ívo: Pe y ore mba’e. Upéicha rupi Isaac ombohéra pe yvu Esec, oñoñe’ẽ’api haguére hese.
21Ha mombyryve ojo’o jevy hikuái ambue ykua, ha oñorãirõ jevy hese ha ombohéra Sítna.
22Ha oñemboykénte upégui, ojo’ove ambue yvykua, ha noñorãirõvéi hikuái péva rehe, ha ombohéra Rehobot ha he’i: Ko’ág̃a ae Ñanderuete ñanembopy’aguapy ha ñañeakãrapu’ãta ko yvýpe.
23Ha upégui oho Beersébape.
24Ha Ñanderuete ojehechauka ichupe pe pyharépe ha he’i: Che ningo, nde ru Abraham Jára, aníke rekyhyje, Che aĩgui nendive, Che rohovasáta ha amboheta hetavéta ne ñemoñare che rembiguái Abraham rayhupápe.
25Ha Isaac omopu’ã upépe peteĩ kuave’ẽmby renda ha ohenói Ñanderuete réra, ha omopu’ã upépe hóga mymba pirekueguiguáva ha hembiguaikuéra ojo’o upépe ambue ykua.
26Ha Gerar guive Abimelec ou hendápe, ogueru hendive Ahuzat, iñamígo, ha Ficol, isoldádo aty ruvicha.
27Ha Isaac he’i ichupekuéra: Ma’erãpa peju che rendápe, peẽ cherayhu’ỹva, pechemosẽva’ekue pende apytégui.
28Ha he’i ichupe hikuái: Rohechakuaa Jahve (yvága atykuéra Jára) oĩha nendive; ha ro’e: Ko’ág̃a roñoñe’ẽme’ẽ Jahve renondépe, nde ha ore, ñañombopy’apeteĩtaha,
29ani hag̃ua rejapo orerehe ivaíva, ore ndoropokói haguéicha nderehe, iporãvante rojapova’ekue nderehe, ha roheja reho py’aguapýpe; Ñanderuete nderovasa porãma ko’ág̃a.
30Upéramo Isaac ojapo ichupekuéra karuguasu, ha okaru ha hoy’u hikuái.
31Ha opu’ã hikuái ko’ẽtĩ jave, ha oñoñe’ẽme’ẽ Ñanderuete renondépe ha oñomomaitei paha rire oho hikuái py’aguapýpe.
32Ha pe árape og̃uahẽ Isaac rembiguaikuéra ha he’i ichupe: Pe ykua rojo’oroínagui osẽma y.
33Ha Isaac ombohéra pe ykua Séba; ha upéicharupi upe táva héra Beerséba (ykua oñoñe’ẽme’ẽ haguépe) ko ára kóva peve.
34Ha Esau oguereko ramo 40 áño omenda Judit, Beeri rajy rehe, ha Basemat, Elon rajy rehe, Hetgua meme hikuái.
35Ha péva omoñeko’õi asy Isaac ha Rebéca angapy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.