Génesis 27
27
Jacóbo oñemomba’e Isaac taýra ypykue reko rehe
1Ha ojehu Isaac itujáma ramo, ha iñypytũvo ichugui hesakuéra ou ndohechavéi, upévare ohenói ita’ýra ypykue Esaúpe, ha he’i ichupe: Nde che ra’y. Ha ha’e he’i ichupe: Na’ápe aĩ, che ru.
2Ha Isaac he’i ichupe: Ema’ẽ, chetujáma, ha ndaikuaái che ára paha.
3Ejapyhýna nde hu’ykuéra ryru ha nde guyrapa, ha tereho ñu rehe, ha egueru chéve mymba saite ro’okue ndete rejapiva’ekue,
4ha ejapo chéve pe tembi’u che ha’use haichaite, ha egueru chéve ta’u che rohovasa hag̃ua amano mboyve.
5Ha Rebéca ojapysaka Isaac oñe’ẽ ramoguare ita’ýra Esaúpe; ha Esau oho rire ñúre ojapi hag̃ua peteĩ mymba saite,
6Rebéca oñe’ẽ imemby Jacóbope, ha he’i: Ejesape’a porãke, che ahendu oñe’ẽ ramoguare nde ru nde ryke’y Esau ndive, he’ívo ichupe:
7Egueru chéve mymba saite ro’o ha ejapo chéve ichugui tembi’u ha’u hag̃ua, ha upéi rohovasa hag̃ua Ñanderuete renondépe, amano mboyve.
8Ha ko’ág̃a nde che memby, ejapókena ko ha’étava ndéve.
9Pya’e tereho ñane rymba oĩháme ha egueru chéve mokõi kavarara’y iporãvéva, ha ajapóta ichuguikuéra tembi’u nde rúpe g̃uarã, ha’e ho’use haichaite;
10ha nde regueraháta nde rúpe, ha ho’u rire, ha’e nderovasáta, omano mboyve.
11Ha Jacóbo he’i isy Rebécape: Che ryke’y Esau ningo kuimba’e haguepáva, ha che katu cheperõva.
12Che ru opokóntemo che pire rehe, ohechakuaáta katuete che ambotavyseha ichupe, ha aguerúta che ári maldicion, jehovasa rãngue.
13Ha isy he’i ichupe, tou che ári pe maldicion, nde katu che memby ejapopa che ha’éva guive ndéve ha tereho egueru chéve (mokõi kavarara’y).
14Upéramo ha’e oho ha ogueru isýpe umi kavarara’y ha isy ojapo ichuguikuéra tembi’u, itúva ho’use haichaite.
15Ha Rebéca ojapyhy imemby ypykue Esau ao, umi iporãvéva ha’e oguerekóva hógape, ha omonde imemby imitãvéva, Jacóbo rehe.
16Ha oñu’ã ijyva ha ijajúra ndahagueihápe, umi kavara ra’y pirekuépe.
17Ha omoĩ pe tembi’u pan reheve ombosako’iva’ekue imemby Jacóbo pópe.
18Uperire ha’e oho itúva rendápe ha he’i: Che ru ápe aĩ. Ha Isaac oporandu, máva piko nde, che ra’y.
19Ha Jacóbo he’i itúvape: Che ha’e Esau nde ra’y ypykue; ajapopáma nde ere haguéicha chéve: Epu’ãna, eguapy ha he’u ko so’o, cherovasa hag̃ua.
20Upéramo Isaac he’i ita’ýrape: Mba’éicha piko rejohu pya’etéra’e peteĩ mymba saite, che ra’y. Ha ha’e he’i ichupe: Ñanderuete, nde Jára, chemboguata ajohu pya’e hag̃ua.
21Ha Isaac he’i Jacóbope: Eñemboja cherehe apoko hag̃ua nderehe, aikuaa hag̃ua ndépa hína che ra’y Esau térãpa nahániri.
22Ha Jacóbo oñemboja itúva Isaac rehe, ha ha’e opoko hese, he’ívo: Ne ñe’ẽ Jacóbo ñe’ẽ, nde jyvakuéra katu Esau mba’e.
23Ha ha’e ndoikuaái ichupe, haguepágui ijyva Esau jyváicha; ha ohovasa mboyve ichupe,
24oporandu jevy: Ndépa che ra’y Esau. Ha Jacóbo he’i chupe: Che ha’e.
25Ha he’i avei: Eñemoag̃ui cherehe, ta’u che ra’y jeporekakuégui, rohovasa hag̃ua; ha Jacóbo oñemoag̃ui hese, ha Isaac ho’u; ha ogueru avei ichupe víno ha ho’u.
26Upéi Isaac, itúva, he’i ichupe: Eñembojána ko’ág̃a, cheretũ hag̃ua, che ra’y.
27Ha Jacóbo oñemboja itúva rendápe ohetũ hag̃ua ichupe; upérõ Isaac ohetũ avei ijao ryakuã, ha ohovasa ichupe, he’ívo: Ema’ẽ, che ra’y hyakuã, ku ñu Ñanderuete ohovasava’ekue ryakuãicha;
28Ñanderuete tome’ẽ ndéve pe yvága ysapy, yvy heñói porãva, heta trígo ha yva rykuere.
29Heta tetã toiko ne rembiguái ramo, ha tetãnguéra ta’itĩndy ne renondépe; ha tereiko nde ryvykuéra jára ramo, ha nde sy membykuéra toñakãity ne renondépe. Toñehundi upe nderovasase’ỹva ha taheko potĩ umi nderovasáva.
30Ha ojehu, Isaac ohovasapa rire Jacóbope, ha ha’e osẽ riremínte itúva Isaac kotýgui, ityke’ýra Esau og̃uahẽ avei ñúgui mymba saite ro’o reheve.
31Ha ombosako’ipa rire pe tembi’u, ogueru itúvape, ha he’i ichupe: Epu’ã che ru, ha he’u nde ra’y jeporekakuégui, cherovasa hag̃ua.
32Upéramo itúva Isaac he’i ichupe: Máva piko nde. Ha ha’e he’i: Che ningo nde ra’y ypykue, Esau.
33Ha Isaac tuicha ipy’andýi, ha he’i: Máva piko upe ouva’ekue ko’ápe ha ogueru mymba saite ro’o, ha che ha’úma umi mba’e ogueruva’ekuégui nde reju mboyve. Ha uperire che ahovasáma ichupe, ha pe jehovasa hendivémante opytava’erã.
34Ha Esau ohendúvo itúva ñe’ẽ, hatãiterei osapukái py’a ñembyasy asypópe, ha he’i itúvape: Cherovasána avei chéve, che ru.
35Ha ha’e he’i ichupe: Japu reheve ou nde ryvy, ha ogueraha pe jehovasa imba’eteerã ramo.
36Ha Esau he’i ichupe: Hekoitépe oñembohérara’e ichupe Jacóbo (he’iséva pe oporombotavýva), mokõi jevýma chembotavy: Oñemomba’éma pe ta’ýra ypykue reko rehe, ha péina ko’ág̃a ojapyhy avei pe jehovasa, che mba’éva avei. Ha Esau oporandu: Neremohembýipa chéve g̃uarã jehovasami jepe.
37Ha Isaac he’i Esaúpe: Ema’ẽ porãke amoĩma ichupe nde jára ramo, ha opaite ityvýra oikova’erã hembiguairã ramo; ame’ẽ ichupe trígo ha víno; ha mba’épa ajapóta ko’ág̃a nderehe che ra’y.
38Ha Esau he’i itúvape: Ndereguerekovéimapa peteĩmínte jepe jehovasarã, nde, che ru. Cherovasána avei chéve, che ru. Ha Esau osapukái, ha ojahe’o soro.
39Upémaramo itúva Isaac oñe’ẽ ha he’i ichupe: Eikuaa porãke, mombyry reikova’erã yvy heñói porãva ha ára ysapýgui.
40Ha reikovéta nde kyse puku rupi, ha reikóta nde ryvy rembiguái ramo; eñeha’ãmba katu ha eñemombarete ha reitýta pe cangálla nde ati’ýgui.
Jacóbo okañy Esaúgui
41Ha Esau ipochyete Jacóbo ndive, itúva ohovasa haguére ichupe, ha he’i ipy’apýpe: Ág̃ante og̃uahẽne che ru omanoha ára, uperire ajukava’erã che ryvy Jacóbope.
42Ha oje’e Rebécape imemby ypykue ñe’ẽngue; ha ha’e ohenoiuka imemby imitãvévape ha he’i ichupe: Eikuaa porãke, nde ryke’y Esau ojepy’amongeta nderehe ndejuka hag̃ua.
43Upévare nde che memby, ehendúke che ñe’ẽ; epu’ã ha tereho Haránpe, che kyvy Laban rógape, ekañy upépe,
44ha aremi peve eiko hendive, nde ryke’y pochy rendy ojera peve.
45Ha nde ryke’y ndaipochyvéi ramo nendive, ha hesarái ramo pe mba’e rejapova’ekuégui hese; che amondóta nde piarigua, ha rogueru jevýta amoitégui. Mba’érehe piko apytáta mokõive’ỹ rehe peteĩ árape.
46Ha Rebéca he’i Isaácpe: Che ndavy’aiete ko’ã Het rajykuéra ndive. Jacóbo omenda ramo avei Het rajykuéra rehe, ma’erãpa aikoseve.
Currently Selected:
Génesis 27: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 27
27
Jacóbo oñemomba’e Isaac taýra ypykue reko rehe
1Ha ojehu Isaac itujáma ramo, ha iñypytũvo ichugui hesakuéra ou ndohechavéi, upévare ohenói ita’ýra ypykue Esaúpe, ha he’i ichupe: Nde che ra’y. Ha ha’e he’i ichupe: Na’ápe aĩ, che ru.
2Ha Isaac he’i ichupe: Ema’ẽ, chetujáma, ha ndaikuaái che ára paha.
3Ejapyhýna nde hu’ykuéra ryru ha nde guyrapa, ha tereho ñu rehe, ha egueru chéve mymba saite ro’okue ndete rejapiva’ekue,
4ha ejapo chéve pe tembi’u che ha’use haichaite, ha egueru chéve ta’u che rohovasa hag̃ua amano mboyve.
5Ha Rebéca ojapysaka Isaac oñe’ẽ ramoguare ita’ýra Esaúpe; ha Esau oho rire ñúre ojapi hag̃ua peteĩ mymba saite,
6Rebéca oñe’ẽ imemby Jacóbope, ha he’i: Ejesape’a porãke, che ahendu oñe’ẽ ramoguare nde ru nde ryke’y Esau ndive, he’ívo ichupe:
7Egueru chéve mymba saite ro’o ha ejapo chéve ichugui tembi’u ha’u hag̃ua, ha upéi rohovasa hag̃ua Ñanderuete renondépe, amano mboyve.
8Ha ko’ág̃a nde che memby, ejapókena ko ha’étava ndéve.
9Pya’e tereho ñane rymba oĩháme ha egueru chéve mokõi kavarara’y iporãvéva, ha ajapóta ichuguikuéra tembi’u nde rúpe g̃uarã, ha’e ho’use haichaite;
10ha nde regueraháta nde rúpe, ha ho’u rire, ha’e nderovasáta, omano mboyve.
11Ha Jacóbo he’i isy Rebécape: Che ryke’y Esau ningo kuimba’e haguepáva, ha che katu cheperõva.
12Che ru opokóntemo che pire rehe, ohechakuaáta katuete che ambotavyseha ichupe, ha aguerúta che ári maldicion, jehovasa rãngue.
13Ha isy he’i ichupe, tou che ári pe maldicion, nde katu che memby ejapopa che ha’éva guive ndéve ha tereho egueru chéve (mokõi kavarara’y).
14Upéramo ha’e oho ha ogueru isýpe umi kavarara’y ha isy ojapo ichuguikuéra tembi’u, itúva ho’use haichaite.
15Ha Rebéca ojapyhy imemby ypykue Esau ao, umi iporãvéva ha’e oguerekóva hógape, ha omonde imemby imitãvéva, Jacóbo rehe.
16Ha oñu’ã ijyva ha ijajúra ndahagueihápe, umi kavara ra’y pirekuépe.
17Ha omoĩ pe tembi’u pan reheve ombosako’iva’ekue imemby Jacóbo pópe.
18Uperire ha’e oho itúva rendápe ha he’i: Che ru ápe aĩ. Ha Isaac oporandu, máva piko nde, che ra’y.
19Ha Jacóbo he’i itúvape: Che ha’e Esau nde ra’y ypykue; ajapopáma nde ere haguéicha chéve: Epu’ãna, eguapy ha he’u ko so’o, cherovasa hag̃ua.
20Upéramo Isaac he’i ita’ýrape: Mba’éicha piko rejohu pya’etéra’e peteĩ mymba saite, che ra’y. Ha ha’e he’i ichupe: Ñanderuete, nde Jára, chemboguata ajohu pya’e hag̃ua.
21Ha Isaac he’i Jacóbope: Eñemboja cherehe apoko hag̃ua nderehe, aikuaa hag̃ua ndépa hína che ra’y Esau térãpa nahániri.
22Ha Jacóbo oñemboja itúva Isaac rehe, ha ha’e opoko hese, he’ívo: Ne ñe’ẽ Jacóbo ñe’ẽ, nde jyvakuéra katu Esau mba’e.
23Ha ha’e ndoikuaái ichupe, haguepágui ijyva Esau jyváicha; ha ohovasa mboyve ichupe,
24oporandu jevy: Ndépa che ra’y Esau. Ha Jacóbo he’i chupe: Che ha’e.
25Ha he’i avei: Eñemoag̃ui cherehe, ta’u che ra’y jeporekakuégui, rohovasa hag̃ua; ha Jacóbo oñemoag̃ui hese, ha Isaac ho’u; ha ogueru avei ichupe víno ha ho’u.
26Upéi Isaac, itúva, he’i ichupe: Eñembojána ko’ág̃a, cheretũ hag̃ua, che ra’y.
27Ha Jacóbo oñemboja itúva rendápe ohetũ hag̃ua ichupe; upérõ Isaac ohetũ avei ijao ryakuã, ha ohovasa ichupe, he’ívo: Ema’ẽ, che ra’y hyakuã, ku ñu Ñanderuete ohovasava’ekue ryakuãicha;
28Ñanderuete tome’ẽ ndéve pe yvága ysapy, yvy heñói porãva, heta trígo ha yva rykuere.
29Heta tetã toiko ne rembiguái ramo, ha tetãnguéra ta’itĩndy ne renondépe; ha tereiko nde ryvykuéra jára ramo, ha nde sy membykuéra toñakãity ne renondépe. Toñehundi upe nderovasase’ỹva ha taheko potĩ umi nderovasáva.
30Ha ojehu, Isaac ohovasapa rire Jacóbope, ha ha’e osẽ riremínte itúva Isaac kotýgui, ityke’ýra Esau og̃uahẽ avei ñúgui mymba saite ro’o reheve.
31Ha ombosako’ipa rire pe tembi’u, ogueru itúvape, ha he’i ichupe: Epu’ã che ru, ha he’u nde ra’y jeporekakuégui, cherovasa hag̃ua.
32Upéramo itúva Isaac he’i ichupe: Máva piko nde. Ha ha’e he’i: Che ningo nde ra’y ypykue, Esau.
33Ha Isaac tuicha ipy’andýi, ha he’i: Máva piko upe ouva’ekue ko’ápe ha ogueru mymba saite ro’o, ha che ha’úma umi mba’e ogueruva’ekuégui nde reju mboyve. Ha uperire che ahovasáma ichupe, ha pe jehovasa hendivémante opytava’erã.
34Ha Esau ohendúvo itúva ñe’ẽ, hatãiterei osapukái py’a ñembyasy asypópe, ha he’i itúvape: Cherovasána avei chéve, che ru.
35Ha ha’e he’i ichupe: Japu reheve ou nde ryvy, ha ogueraha pe jehovasa imba’eteerã ramo.
36Ha Esau he’i ichupe: Hekoitépe oñembohérara’e ichupe Jacóbo (he’iséva pe oporombotavýva), mokõi jevýma chembotavy: Oñemomba’éma pe ta’ýra ypykue reko rehe, ha péina ko’ág̃a ojapyhy avei pe jehovasa, che mba’éva avei. Ha Esau oporandu: Neremohembýipa chéve g̃uarã jehovasami jepe.
37Ha Isaac he’i Esaúpe: Ema’ẽ porãke amoĩma ichupe nde jára ramo, ha opaite ityvýra oikova’erã hembiguairã ramo; ame’ẽ ichupe trígo ha víno; ha mba’épa ajapóta ko’ág̃a nderehe che ra’y.
38Ha Esau he’i itúvape: Ndereguerekovéimapa peteĩmínte jepe jehovasarã, nde, che ru. Cherovasána avei chéve, che ru. Ha Esau osapukái, ha ojahe’o soro.
39Upémaramo itúva Isaac oñe’ẽ ha he’i ichupe: Eikuaa porãke, mombyry reikova’erã yvy heñói porãva ha ára ysapýgui.
40Ha reikovéta nde kyse puku rupi, ha reikóta nde ryvy rembiguái ramo; eñeha’ãmba katu ha eñemombarete ha reitýta pe cangálla nde ati’ýgui.
Jacóbo okañy Esaúgui
41Ha Esau ipochyete Jacóbo ndive, itúva ohovasa haguére ichupe, ha he’i ipy’apýpe: Ág̃ante og̃uahẽne che ru omanoha ára, uperire ajukava’erã che ryvy Jacóbope.
42Ha oje’e Rebécape imemby ypykue ñe’ẽngue; ha ha’e ohenoiuka imemby imitãvévape ha he’i ichupe: Eikuaa porãke, nde ryke’y Esau ojepy’amongeta nderehe ndejuka hag̃ua.
43Upévare nde che memby, ehendúke che ñe’ẽ; epu’ã ha tereho Haránpe, che kyvy Laban rógape, ekañy upépe,
44ha aremi peve eiko hendive, nde ryke’y pochy rendy ojera peve.
45Ha nde ryke’y ndaipochyvéi ramo nendive, ha hesarái ramo pe mba’e rejapova’ekuégui hese; che amondóta nde piarigua, ha rogueru jevýta amoitégui. Mba’érehe piko apytáta mokõive’ỹ rehe peteĩ árape.
46Ha Rebéca he’i Isaácpe: Che ndavy’aiete ko’ã Het rajykuéra ndive. Jacóbo omenda ramo avei Het rajykuéra rehe, ma’erãpa aikoseve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.