Génesis 28
28
1Upéramo Isaac ohenói Jacóbope, ha ohovasa ichupe, ha he’i: Ani remenda Canaan rajykuéra rehe.
2Epu’ã katu ha tereho Padan-arámpe, Betuel rógape, nde sy ru rógape, ha emenda Laban rajy rehe, nde sy kyvy rajy rehe.
3Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.
4Ñanderuete tanderovasa ndéve ha ne ñemoñarenguérape ohovasa haguéicha Abrahámpe, reguereko hag̃ua ne mba’e tee ramo pe yvy reikohápe, Ñanderuete ome’ẽva’ekue Abrahámpe.
5Upéicha Isaac omondo Jacóbope, Padan-arámpe, Laban, Betuel ra’y rendápe, ha péva Rebéca kyvy, Jacóbo ha Esau sy.
6Ha Esau ohechávo mba’éichapa Isaac ohovasa Jacóbope, ha omondo ichupe Padan-arámpe, oheka hag̃ua upépe hembirekorã; ha ohovasávo he’i hague ichupe: Aníke remenda Canaangua rajy rehe;
7ha Jacóbo ojapo itúva ha isy ñe’ẽngue, ha oho Padan-arámpe.
8Ha Esau ohechakuaágui umi Canaan rajykuéra ndo’aiporãha itúva Isaac resa renondépe,
9ha’e oho Ismael rendápe, ha omenda avei Mahalat, Abraham ra’y Ismael rajy rehe, ha’e Nebaiot reindy.
Ñanderuete ojehechauka Jacóbope Betélpe
10Upéi Jacóbo osẽ Beersébagui, ha oho Haránpe.
11Jacóbo og̃uahẽvo peteĩ tendápe, oikéma pe kuarahy, ha ha’e opyta upépe oke hag̃ua. Ha’e ojapyhy peteĩ ita upérupigua ha omoĩ iñakã guýpe, ha oñeno oke hag̃ua.
12Ha iképe ohecha: Peteĩ escaléra (jupiha) opu’ãva yvýgui ha ijapýra ojáva yvága rehe; ha péina ápe Ñanderuete yvága rembiguaikuéra ojupi ha oguejy joa upe escalérare.
13Ha Ñanderuete oĩhína amo hi’ariete, ha he’i ichupe: Che ningo pende Ruete, nde ru Abraham ha Isaac Jára; pe yvy reñenoháme ame’ẽta ndéve ha ne ñemoñarenguérape.
14Ha ne ñemoñare hetáta ku yvy timbóicha, ha reñemyasãita kuarahyreike ha kuarahyresẽ gotýo, yvatévo ha yvy gotýo; ha yvy ape ariguakuéra ojehovasáta ne ñemoñarenguéra rupi.
15Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.
16Ha Jacóbo opáy, ha he’i: Añetehápe Ñanderuete oĩ ko’ápe, ha che ndaikuaái.
17Ha’e okyhyje, ha he’i: Mba’eguasuete ningo ko yvy kóva, Ñanderuete róga voi, ha pe yvága rokẽ.
18Ha opu’ãvo Jacóbo pe pyharevete ojapyhy pe ita omoĩmava’ekue iñakã guýpe, ha omopu’ã ichugui techaukaha ramo, ha oñohẽ hi’ári acéite.
19Ha ombohéra pe yvy péva Betel, Luz herava’ekue pe táva.
20Ha Jacóbo ome’ẽ iñe’ẽ Ñanderuetépe ha he’i: Nde chemoirũ ramo ha reñangareko ramo cherehe mamo ahaha rupi, ha reme’ẽ ramo chéve che rembi’urã, che aorã amonde hag̃ua,
21ha py’aguapy reheve aju jevy ramo che ru rógape, Nde reikóta che Jára, ha che Ruete ramo.
22Ha ko ita amopu’ãva techaukaha ramo opytáta Ñanderuete ñemomba’eguasu rendag̃ua ramo; ha opaite mba’e reme’ẽvagui chéve, amboykéta ndéve g̃uarã pe diézmo.
Currently Selected:
Génesis 28: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 28
28
1Upéramo Isaac ohenói Jacóbope, ha ohovasa ichupe, ha he’i: Ani remenda Canaan rajykuéra rehe.
2Epu’ã katu ha tereho Padan-arámpe, Betuel rógape, nde sy ru rógape, ha emenda Laban rajy rehe, nde sy kyvy rajy rehe.
3Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.
4Ñanderuete tanderovasa ndéve ha ne ñemoñarenguérape ohovasa haguéicha Abrahámpe, reguereko hag̃ua ne mba’e tee ramo pe yvy reikohápe, Ñanderuete ome’ẽva’ekue Abrahámpe.
5Upéicha Isaac omondo Jacóbope, Padan-arámpe, Laban, Betuel ra’y rendápe, ha péva Rebéca kyvy, Jacóbo ha Esau sy.
6Ha Esau ohechávo mba’éichapa Isaac ohovasa Jacóbope, ha omondo ichupe Padan-arámpe, oheka hag̃ua upépe hembirekorã; ha ohovasávo he’i hague ichupe: Aníke remenda Canaangua rajy rehe;
7ha Jacóbo ojapo itúva ha isy ñe’ẽngue, ha oho Padan-arámpe.
8Ha Esau ohechakuaágui umi Canaan rajykuéra ndo’aiporãha itúva Isaac resa renondépe,
9ha’e oho Ismael rendápe, ha omenda avei Mahalat, Abraham ra’y Ismael rajy rehe, ha’e Nebaiot reindy.
Ñanderuete ojehechauka Jacóbope Betélpe
10Upéi Jacóbo osẽ Beersébagui, ha oho Haránpe.
11Jacóbo og̃uahẽvo peteĩ tendápe, oikéma pe kuarahy, ha ha’e opyta upépe oke hag̃ua. Ha’e ojapyhy peteĩ ita upérupigua ha omoĩ iñakã guýpe, ha oñeno oke hag̃ua.
12Ha iképe ohecha: Peteĩ escaléra (jupiha) opu’ãva yvýgui ha ijapýra ojáva yvága rehe; ha péina ápe Ñanderuete yvága rembiguaikuéra ojupi ha oguejy joa upe escalérare.
13Ha Ñanderuete oĩhína amo hi’ariete, ha he’i ichupe: Che ningo pende Ruete, nde ru Abraham ha Isaac Jára; pe yvy reñenoháme ame’ẽta ndéve ha ne ñemoñarenguérape.
14Ha ne ñemoñare hetáta ku yvy timbóicha, ha reñemyasãita kuarahyreike ha kuarahyresẽ gotýo, yvatévo ha yvy gotýo; ha yvy ape ariguakuéra ojehovasáta ne ñemoñarenguéra rupi.
15Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.
16Ha Jacóbo opáy, ha he’i: Añetehápe Ñanderuete oĩ ko’ápe, ha che ndaikuaái.
17Ha’e okyhyje, ha he’i: Mba’eguasuete ningo ko yvy kóva, Ñanderuete róga voi, ha pe yvága rokẽ.
18Ha opu’ãvo Jacóbo pe pyharevete ojapyhy pe ita omoĩmava’ekue iñakã guýpe, ha omopu’ã ichugui techaukaha ramo, ha oñohẽ hi’ári acéite.
19Ha ombohéra pe yvy péva Betel, Luz herava’ekue pe táva.
20Ha Jacóbo ome’ẽ iñe’ẽ Ñanderuetépe ha he’i: Nde chemoirũ ramo ha reñangareko ramo cherehe mamo ahaha rupi, ha reme’ẽ ramo chéve che rembi’urã, che aorã amonde hag̃ua,
21ha py’aguapy reheve aju jevy ramo che ru rógape, Nde reikóta che Jára, ha che Ruete ramo.
22Ha ko ita amopu’ãva techaukaha ramo opytáta Ñanderuete ñemomba’eguasu rendag̃ua ramo; ha opaite mba’e reme’ẽvagui chéve, amboykéta ndéve g̃uarã pe diézmo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.