Génesis 36
36
Esau ñemoñarenguéra
1Ko’ãva hína Esau ñemoñarenguéra, péva ha’ehína Edom:
2Esau omenda ko’ã Canaan rajykuéra rehe: Ada, Elon pe Hetgua rajy rehe, ha Aholibama, Ana rajy, pe Zibeon Hevgua ra’yre,
3ha Basemat, Ismael rajy, Nebaiot reindy rehe.
4Ada ou imemby Elifaz; ha Basemat ou imemby Reuel;
5ha Aholibama ou imemby Jeus, Jaalam ha Core; ko’ãva hína Esau ra’y, onaceva’ekue Canaánpe.
6Upéi Esau ogueraha hembirekokuéra, ita’yrakuéra, itajyrakuéra, mayma hogayguakuérape, hymbakuéra, ha opaite mba’e ohupityva’ekue Canaan retãme, ha oho tetã ambuépe, ojei hag̃ua ityvýra Jacóbo ypýgui.
7Heta itereíma imba’erepy upévare ndaikatuvéima oiko oñondive, ha pe yvy oikoha rupi ndaikatuvéima omongaru mokõivéva hymbakuéra hetaitereígui.
8Esau oho oiko hag̃ua Seir cérrope, Esau réra avei Edom.
9Ko’ãva hína Esau ñemoñarenguéra, Edomguakuéra ru, oikóva Seir cérrope.
10Ko’ãvahína Esau ra’y réra: Elifaz, Esau rembireko Ada memby; Reuel, Esau rembireko Basemat memby.
11Ha Elifaz ra’ykuéra: Teman, Omar, Sefo, Gatam ha Quenaz.
12Ha Timna, Elifaz kuña, imemby ichupe Amalec; ko’ãva Ada membykuéra, Esau rembireko.
13Reuel ra’kuéra Nahat, Zera, Sama ha Miza; ko’ãva Esau rembireko Basemat membykuéra.
14Ko’ãva Esau rembireko Aholibama membykuéra, péva hína Ana rajy, Zibeon ra’y. Ha’e imemby Jeus, Jalam ha Core, Esaúpe g̃uarã.
15Ko’ãva umi mburuvicha Esau ra’ykuéra apytépe: Esau ra’y ypykue, Elifaz ra’ykuéra: Umi mburuvicha Teman, Omar, Sefo, Quenaz,
16Core, Gatam ha Amalec; ko’ãva hína mburuvichakuéra Edom retãme; ko’ãva Ada membykuéra ha Elifaz ra’ykuéra.
17Ha ko’ãva hína Esau ra’y Reuel ra’ykuéra: Mburuvichakuéra Nahat, Zera, Sama ha Miza, ko’ãva hína mburuvichakuéra Edom retãme; Reuel ra’ykuéra ko’ãvahína, Esau rembireko Basemat membykuéra.
18Ko’ãvahína Esau rembireko Aholibáma membykuéra: Mburuvicha Jeus, Jalam ha Core; ko’ã mburuvichakuéra osẽva’ekue Esau rembireko Aholibamagui, péva Ana rajy.
19Ko’ãvahína Esau ra’ykuéra, oikóva mburuvicha ramo Edom retãme.
20Ko’ãvahína Seir, Horgua ra’ykuéra, oikóva pe tetãme: Lotan, Sobal, Zibeon, Ana.
21Dison, Ezer ha Disan, ko’ãvahína umi Horgua ruvichakuéra, Seir ra’ykuéra, Edom retãme.
22Lotan ra’ykuéra: Hori ha Hemam; ha Timna, Lotan reindy.
23Sobal ra’ykuéra: Alvan, Manáhat, Ebal, Sefo ha Onam.
24Ha Zibeon ra’ykuéra: Aja ha Ana. Ko Ana ojohuva’ekue yvueta pe desiértope oñangareko jave itúva Zibeon burrokuéra rehe.
25Ana ra’y Dison, ha Ana rajy Aholibama.
26Ko’ãva Dison ra’ykuéra: Hemdan, Esban, Itran ha Queran.
27Ko’ãva Ezer ra’ykuéra: Bilhan, Zaavan ha Acan.
28Ko’ãva Disan ra’ykuéra: Uz ha Aran.
29Ha ko’ãva umi Horgua ruvichakuéra: Lotan, Sobal, Zibeon, Ana,
30Dison, Ezer ha Disan; ko’ãva Horgua ruvichakuéra, oikóva Seir retãme.
31Ha ko’ã mburuvicha oisãmbyhy Edom retãme, Israel oguereko mboyve hetã ruvichateéva:
32Bela, Beor ra’y, oisãmbyhy Edómpe; ha itáva réra Dinaba.
33Bela omano rire, oisãmbyhy hekovia Jobab, Zera ra’y, peteĩ Bosraygua.
34Joab omano rire, oisãmbyhy hekovia Husam, peteĩ Temangua.
35Husan omano rire, oisãmbyhy hekovia Hadad, Bedad ra’y, ipu’akava’ekue ñorãirõháme Madianguakuéra rehe Moab ñúme; ha itáva réra Avit.
36Hadad omano rire, oisãmbyhy hekovia Samla, Masrecaygua.
37Samla omano rire, oisãmbyhy hekovia Saul, Rehobotgua, Éufrates ypy pegua.
38Saul omano rire, hekovia oisãmbyhy Baal-hanan, Acbor ra’y.
39Ha omano rire Baal-hanan, Acbor ra’y, oisãmbyhy hekovia Hadar; Pau, itáva réra, ha hembireko réra katu Mehetabel, Matred memby, Mesaab remiaryrõ (niéta).
40Ko’ãva hína Esau reheguáva ruvicha réra oikova’ekue hetãme ha oisãmbyhyva’ekue hogaguasukuéra: Timna, Alva, Jetet,
41Aholibama, Ela, Pinon,
42Quenaz, Teman, Mibsar,
43Magdiel ha Iram. Ko’ãva oiko mburuvicha ramo Edom retãme. Edom oñembohéra avei Esau; ha Esau Edomguakuéra ru.
Currently Selected:
Génesis 36: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
