Génesis 44
44
Jose váso ojejohu Benjamin vosápe
1Upéi Jose he’i hóga ñangarekohárape: Emyenyhẽ ko’ã kuimba’e vosa trígogui, oguerahakuaa hag̃uáicha ha emoĩ jevy ipirapire peteĩteĩva vosa jurúpe.
2Ha emoĩ che váso óro morotĩguiguáva pe imitãvéva vosa jurúpe, itrígo repykue reheve. Ha ha’e ojapopa Jose he’i hagueichaite ichupe.
3Ha og̃uahẽvo ambue pyharevete, omomaiteipa umi kuimba’épe ha oho iburrokuéra reheve.
4Ha osẽvo hikuái pe távagui, ne’ĩra gueteri oñemomombyryete, Jose he’i hóga ñangarekohárape: Epu’ã ha tereho umi kuimba’e rapykuéri; ha rehupitývo ichupekuéra eréta: Mba’érehe piko pemyengovia mba’eporã mba’evaíre. Mba’upépa pemonda che jára váso óro morotĩguiguáva,
5ko váso kóva che jára oiporu ho’u ha oñe’ẽ hag̃ua umi mba’e ojehútava henonderãme. Ivaieterei pene rembiapo.
6Ha ohupitývo he’i ichupekuéra ko’ã ñe’ẽ.
7Ha’ekuéra katu ombohovái ichupe: Mba’érehe piko ore jára he’i ko mba’e orerehe. Araka’eve ne rembiguaikuéra ndojapói ko’ã mba’e.
8Ema’ẽ porã, pe pirapire rojohuva’ekue ore vosakuéra jurúpe, rogueru jevýkuri ndéve, Canaan retã guive; ha mba’éicha piko romondáta nde jára rógagui óro térã iváso óro morotĩguiguáva.
9Ne rembiguái oguerekóva nde jára váso tomano, ha ore oñondivepa roikóta hembiguái ramo.
10Upéi ha’e he’i: Toiko peje háicha; upe oguerekóvante che jára váso oikóta che jára rembiguái ramo, ambuekuéra katu ohokuaa.
11Upéramo peteĩteĩ pya’e oipe’a ivosa oheka hag̃ua pe váso.
12Ha’e oñepyrũ oheka hag̃ua itujavévagui imitãvéva peve; ha pe váso ojejohu Benjamin vosápe.
13Upémarõ omondoro hikuái ijaokuéra, ha ohupi ivosakuéra ibúrro ári ha ojevypa hikuái pe távape.
14Juda ha ityvyrakuéra oñondivepa ou Jose rógape, ha’e oĩ gueteri upépe ha yvy rehe oñakãity hikuái henondépe.
15Ha Jose he’i ichupekuéra: Mba’éiko pejapo. Ndapeikuaái piko peteĩ kuimba’e cheichagua ndohechamo’ãiha umi mba’e ojehumava’ekue térã ojehutavahína.
16Upéramo Juda he’i: Mba’éiko ro’éta ore járape. Mba’épa ro’ekuaa, térã mba’éichapa ore rohechaukáta ndaoréi hague. Ñanderuete ojohu ne rembiguaikuéra rembiapo vai, péina ápe, ropytapáta ne rembiguái ramo, ojejohu haguére nde váso ore pópe.
17Jose he’i ichupekuéra: Ndaupéichai. Pe kuimba’e ojejohuva’ekue pópe che váso, pévante opytáta che rembiguairã ha peẽ ambuekuéra pehokuaa py’aguapýpe pende ru rendápe.
Juda oñe’ẽ Benjamin rehe
18Upémaramo Juda oñemboja hendápe, ha he’i: Che jára, ajerure ndéve reheja hag̃ua ne rembiguáipe toñe’ẽ che jára apysápe, ha ani ndepochyeterei ne rembiguái ndive, nde voi ningo faraónicha.
19Che jára voi oporandu hembiguaikuérape, he’ívo: Oikove piko pende ru ha oĩvépa pende ryvy.
20Ha ore ro’e ore járape: Roguereko ore ru itujámava ha peteĩ tyvýra imitãvéva gueteri onaceva’ekue ichupe ha’e ituja riréma; ha peteĩ ityke’ýra omanóma, ha ha’eñóntema hemby isy membýgui; ha itúva ohayhu ichupe.
21Ha nde ere ne rembiguaikuérape: Pegueru chéve, tahecha ichupe.
22Ha ore ro’e che járape: Pe mitãrusu ndaikatúi oheja itúvape, ỹrõ itúva omanova’erã.
23Ha nde ere ne rembiguaikuérape: Pende ryvy imitãvéva ndoúi ramo penendive che rendápe, ndapehechamo’ãvéima che rova.
24Ha rog̃uahẽvo ore ru rendápe, romombe’upa ichupe che jára he’iva’ekue guive oréve.
25Ha ore ru he’i: Tapeho jevy pejoguave ñane rembi’urã.
26Ha ore ro’e ichupe: Ndaikatumo’ãi roho; ore ryvy ndohói ramo avei orendive; ndaikatumo’ãigui rohecha jevy pe kuimba’e rova, noĩri ramo orendive ore ryvy imitãvéva.
27Upéramo ne rembiguái, ore ru, he’i oréve: Peẽ peikuaa porã voi che rembireko chembota’ýra hague mokõinte.
28Ha peteĩ osẽkuri che ypýgui, ha hi’ã chéve oñemondyryrypava’ekue, ha ko’ág̃a peve ndahechavéi ichupe.
29Ha peẽ pegueraha ramo avei kóvape chehegui, ha ojehu ramo ichupe oimeraẽ mba’evai, peẽ pemboguejýta ñembyasypópe che atĩnguéra umi omanomava’ekue retãme.
30Ha ág̃a che, ne rembiguái, ag̃uahẽ jevy ramo che ru rendápe, ko mitãrusu’ỹre,
31katuete ha’e omanova’erã ndohechái ramo ichupe, che ru rekove oñeñapytĩgui ko mitã rekovére ha ne rembiguaikuéra omboguejyva’erã katuete ne rembiguáipe, ore ru, ñembyasypópe umi omanomava’ekue retãme.
32Ha che, ne rembiguái, apytáma pe mitãrusu ñangarekoha ramo che ru ndive g̃uarã, ha che ha’ékuri ichupe: Ndagueruvéi ramo ndéve pe mitãrusu, upéicharamo che aikóta tekove vai ramo ne renondépe opaite árape.
33Upévare ajerure ndéve, tapyta che ko’ág̃a ne rembiguái ramo, ko mitãrusu rendaguépe, ha ha’e toho ityke’yrakuéra ndive (che ru rendápe).
34Mba’éicha piko che aha jevýta che ru rendápe pe mitãrusu’ỹre. Ndahechaséi mba’evai ojehútava che rúpe.
Currently Selected:
Génesis 44: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 44
44
Jose váso ojejohu Benjamin vosápe
1Upéi Jose he’i hóga ñangarekohárape: Emyenyhẽ ko’ã kuimba’e vosa trígogui, oguerahakuaa hag̃uáicha ha emoĩ jevy ipirapire peteĩteĩva vosa jurúpe.
2Ha emoĩ che váso óro morotĩguiguáva pe imitãvéva vosa jurúpe, itrígo repykue reheve. Ha ha’e ojapopa Jose he’i hagueichaite ichupe.
3Ha og̃uahẽvo ambue pyharevete, omomaiteipa umi kuimba’épe ha oho iburrokuéra reheve.
4Ha osẽvo hikuái pe távagui, ne’ĩra gueteri oñemomombyryete, Jose he’i hóga ñangarekohárape: Epu’ã ha tereho umi kuimba’e rapykuéri; ha rehupitývo ichupekuéra eréta: Mba’érehe piko pemyengovia mba’eporã mba’evaíre. Mba’upépa pemonda che jára váso óro morotĩguiguáva,
5ko váso kóva che jára oiporu ho’u ha oñe’ẽ hag̃ua umi mba’e ojehútava henonderãme. Ivaieterei pene rembiapo.
6Ha ohupitývo he’i ichupekuéra ko’ã ñe’ẽ.
7Ha’ekuéra katu ombohovái ichupe: Mba’érehe piko ore jára he’i ko mba’e orerehe. Araka’eve ne rembiguaikuéra ndojapói ko’ã mba’e.
8Ema’ẽ porã, pe pirapire rojohuva’ekue ore vosakuéra jurúpe, rogueru jevýkuri ndéve, Canaan retã guive; ha mba’éicha piko romondáta nde jára rógagui óro térã iváso óro morotĩguiguáva.
9Ne rembiguái oguerekóva nde jára váso tomano, ha ore oñondivepa roikóta hembiguái ramo.
10Upéi ha’e he’i: Toiko peje háicha; upe oguerekóvante che jára váso oikóta che jára rembiguái ramo, ambuekuéra katu ohokuaa.
11Upéramo peteĩteĩ pya’e oipe’a ivosa oheka hag̃ua pe váso.
12Ha’e oñepyrũ oheka hag̃ua itujavévagui imitãvéva peve; ha pe váso ojejohu Benjamin vosápe.
13Upémarõ omondoro hikuái ijaokuéra, ha ohupi ivosakuéra ibúrro ári ha ojevypa hikuái pe távape.
14Juda ha ityvyrakuéra oñondivepa ou Jose rógape, ha’e oĩ gueteri upépe ha yvy rehe oñakãity hikuái henondépe.
15Ha Jose he’i ichupekuéra: Mba’éiko pejapo. Ndapeikuaái piko peteĩ kuimba’e cheichagua ndohechamo’ãiha umi mba’e ojehumava’ekue térã ojehutavahína.
16Upéramo Juda he’i: Mba’éiko ro’éta ore járape. Mba’épa ro’ekuaa, térã mba’éichapa ore rohechaukáta ndaoréi hague. Ñanderuete ojohu ne rembiguaikuéra rembiapo vai, péina ápe, ropytapáta ne rembiguái ramo, ojejohu haguére nde váso ore pópe.
17Jose he’i ichupekuéra: Ndaupéichai. Pe kuimba’e ojejohuva’ekue pópe che váso, pévante opytáta che rembiguairã ha peẽ ambuekuéra pehokuaa py’aguapýpe pende ru rendápe.
Juda oñe’ẽ Benjamin rehe
18Upémaramo Juda oñemboja hendápe, ha he’i: Che jára, ajerure ndéve reheja hag̃ua ne rembiguáipe toñe’ẽ che jára apysápe, ha ani ndepochyeterei ne rembiguái ndive, nde voi ningo faraónicha.
19Che jára voi oporandu hembiguaikuérape, he’ívo: Oikove piko pende ru ha oĩvépa pende ryvy.
20Ha ore ro’e ore járape: Roguereko ore ru itujámava ha peteĩ tyvýra imitãvéva gueteri onaceva’ekue ichupe ha’e ituja riréma; ha peteĩ ityke’ýra omanóma, ha ha’eñóntema hemby isy membýgui; ha itúva ohayhu ichupe.
21Ha nde ere ne rembiguaikuérape: Pegueru chéve, tahecha ichupe.
22Ha ore ro’e che járape: Pe mitãrusu ndaikatúi oheja itúvape, ỹrõ itúva omanova’erã.
23Ha nde ere ne rembiguaikuérape: Pende ryvy imitãvéva ndoúi ramo penendive che rendápe, ndapehechamo’ãvéima che rova.
24Ha rog̃uahẽvo ore ru rendápe, romombe’upa ichupe che jára he’iva’ekue guive oréve.
25Ha ore ru he’i: Tapeho jevy pejoguave ñane rembi’urã.
26Ha ore ro’e ichupe: Ndaikatumo’ãi roho; ore ryvy ndohói ramo avei orendive; ndaikatumo’ãigui rohecha jevy pe kuimba’e rova, noĩri ramo orendive ore ryvy imitãvéva.
27Upéramo ne rembiguái, ore ru, he’i oréve: Peẽ peikuaa porã voi che rembireko chembota’ýra hague mokõinte.
28Ha peteĩ osẽkuri che ypýgui, ha hi’ã chéve oñemondyryrypava’ekue, ha ko’ág̃a peve ndahechavéi ichupe.
29Ha peẽ pegueraha ramo avei kóvape chehegui, ha ojehu ramo ichupe oimeraẽ mba’evai, peẽ pemboguejýta ñembyasypópe che atĩnguéra umi omanomava’ekue retãme.
30Ha ág̃a che, ne rembiguái, ag̃uahẽ jevy ramo che ru rendápe, ko mitãrusu’ỹre,
31katuete ha’e omanova’erã ndohechái ramo ichupe, che ru rekove oñeñapytĩgui ko mitã rekovére ha ne rembiguaikuéra omboguejyva’erã katuete ne rembiguáipe, ore ru, ñembyasypópe umi omanomava’ekue retãme.
32Ha che, ne rembiguái, apytáma pe mitãrusu ñangarekoha ramo che ru ndive g̃uarã, ha che ha’ékuri ichupe: Ndagueruvéi ramo ndéve pe mitãrusu, upéicharamo che aikóta tekove vai ramo ne renondépe opaite árape.
33Upévare ajerure ndéve, tapyta che ko’ág̃a ne rembiguái ramo, ko mitãrusu rendaguépe, ha ha’e toho ityke’yrakuéra ndive (che ru rendápe).
34Mba’éicha piko che aha jevýta che ru rendápe pe mitãrusu’ỹre. Ndahechaséi mba’evai ojehútava che rúpe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.