Génesis 45
45
Jose ojekuaauka ityke’yrakuérape
1Ha Jose ndaikatuvéima ojejoko hembiguaikuéra renondépe, osapukái: Pesẽ (Egiptoygua) che ypýgui, ha osẽmba rire hikuái, Jose ojekuaauka ityke’yrakuérape.
2Ha oñemoĩ sapukaipópe ojahe’o soro ha ohendupa umi Egiptoyguakuéra, ha faraon róga peve oñehendu avei ijahe’o soro.
3Ha Jose he’i ityke’yrakuérape: Che ningo Jose; oikove gueteri piko che ru. Ha ityke’yrakuéra ndaikatúi ombohovái ichupe, oñemondýi tuichaitereígui henondépe.
4Upéramo Jose he’i ityke’yrakuérape: Peñemboja ko’ág̃a che ypýpe. Ha oñemboja hese hikuái. Ha ha’e he’i: Che ha’e pende ryvy Jose, peẽ pevendeva’ekue Egíptope.
5Ha ko’ág̃a ani peñembyasy, ani peñembyasyve peẽ cheme’ẽ haguére ko’ápe; Ñanderuete chembou pene renonderãme peikove hag̃ua.
6Mokõi áño ñembyahýi ohasaramónte ko yvy apére ha hemby gueteri 5 áñove, noñeñotỹmo’ãi mba’eve ni noñemono’õmo’ãi mba’eve.
7Ha Ñanderuete chembou pene renonderãme, oñeñongatu hag̃ua pene ñemoñarenguéra ko yvy apére, ha pomoingove hag̃ua ipytyvõ tuichaite rupi.
8Napeẽi chembouva’ekue ko’ápe, Ñanderueténte chemoĩva’ekue faraon ru ramo ha hetãyguakuéra jára ramo, ha apyta Egípto retã tuichakue sãmbyhyhára ramo.
9Peñembopya’e peho hag̃ua che ru rendápe ha peje ichupe: Péicha he’i nde ra’y Jose: Ñanderuete chemoĩ Egípto tuichakue jára ramo; eju che rendápe, ani repytavétei.
10Reikóta Gósen yvýpe, ha reiméta ag̃uiete chehegui, nde, nde ra’ykuéra ha ne remimenonguéra (nietokuéra) ndive, ha opaite tymba michĩ ha tuicháva reguerekóva guive.
11Ha upépe romongarúta, ko ñembyahýi kóva hi’arevéta gueteri 5 áño, ani hag̃ua pemano ñembyahýigui nde ha nde rogayguakuéra, ha opaite tymba reguerekóva guive.
12Eikuaa porã, che ryke’ykuéra resa ohechapa, ha che ryvy Benjamin resa avei, che juru oñe’ẽha pe añetegua.
13Peikuaaukáta che rúpe Egiptoyguakuéra chembotuichaite hague ha pemombe’u ichupe opaite mba’e pehechava’ekue guive; ha peñembopya’éke, pegueru hag̃ua che rúpe che rendápe.
14Ha Jose ojeity ityvýra Benjamin ajurakuápe ha ojahe’o; ha Benjamin ojahe’o avei ijajurakuápe hendive.
15Ha ohetũ mayma ityke’yrakuérape, ha ojahe’o hesehapekuéra; ha uperire ae ityke’yrakuéra ikatu oñe’ẽ jevy hendive.
16Ha oñehendu umi mba’e faraon rógape, ha he’i: Ou Jose ryke’ykuéra. Ha péva ombohory faraónpe, hembiguaikuéra resa renondépe.
17Ha faraon he’i Josépe, ere nde ryke’ykuérape: Ohupi hag̃ua ivosakuéra hymbakuéra ári, ha toho Canaan retãme;
18ogueru hag̃ua nde ru ha nde rogayguakuérape ha peju jevy che rendápe, che ame’ẽta peẽme Egípto pegua yvy iporãvéva, ha pekarúta ko yvy kyrakuégui.
19Ha péicha ejapouka: Eraha Egípto retãgui cárro pene mitãkuéra ha hembirekokuérape g̃uarã, ha pehupi nde rúpe ha pejupaite.
20Ha ani pejepy’apýtei pene mba’e rehe, Egípto yvy porãvéva pene mba’erã voínte.
21Ha Israel ra’ykuéra ojapo péicha; ha Jose ome’ẽ ichupekuéra carrokuéra, faraon he’i haguéicha, ha ome’ẽ ichupekuéra tembi’u tapére g̃uarã.
22Ha peteĩteĩme ome’ẽ ao pyahu ha Benjamínpe ome’ẽ 300 óro morotĩ pehẽngue ha 5 ao pyahu.
23Ha itúvape oguerahauka: 10 búrro ári heta mba’e porãva Egípto peguare, ha 10 búrro kuña trígo reheve, pan itúvape g̃uarã, pan ha tembi’u tapére g̃uarã.
24Jose omomaitei paha ityke’yrakuérape ha osẽvo hikuái, ha’e he’i ichupekuéra: Aníke peñorãirõ oñondivekuéra tapére.
25Ha osẽ hikuái Egíptogui, ha ojupi og̃uahẽ hag̃ua Canaan retãme, Jacóbo rendápe.
26Ha’ekuéra omombe’upa ichupe he’ívo: Jose oikove gueteri ha ha’e oiko Egípto retã tuichakue jára ramo, Jacóbo katu ojepy’apy ha ndogueroviaséi umi mba’e ha’ekuéra he’íva ichupe.
27Ha’ekuéra omombe’upa Jacóbope ita’ýra Jose he’iva’ekue ichupekuéra; ha Jacóbo ohechávo umi cárro Jose ombouva’ekue ogueraha hag̃ua ichupe, ipytu oñemombarete jevy.
28Upéi Israel he’i: Iporãite, oikovégui gueteri che ra’y Jose, aháta ahecha hag̃ua ichupe amano mboyve.
Currently Selected:
Génesis 45: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 45
45
Jose ojekuaauka ityke’yrakuérape
1Ha Jose ndaikatuvéima ojejoko hembiguaikuéra renondépe, osapukái: Pesẽ (Egiptoygua) che ypýgui, ha osẽmba rire hikuái, Jose ojekuaauka ityke’yrakuérape.
2Ha oñemoĩ sapukaipópe ojahe’o soro ha ohendupa umi Egiptoyguakuéra, ha faraon róga peve oñehendu avei ijahe’o soro.
3Ha Jose he’i ityke’yrakuérape: Che ningo Jose; oikove gueteri piko che ru. Ha ityke’yrakuéra ndaikatúi ombohovái ichupe, oñemondýi tuichaitereígui henondépe.
4Upéramo Jose he’i ityke’yrakuérape: Peñemboja ko’ág̃a che ypýpe. Ha oñemboja hese hikuái. Ha ha’e he’i: Che ha’e pende ryvy Jose, peẽ pevendeva’ekue Egíptope.
5Ha ko’ág̃a ani peñembyasy, ani peñembyasyve peẽ cheme’ẽ haguére ko’ápe; Ñanderuete chembou pene renonderãme peikove hag̃ua.
6Mokõi áño ñembyahýi ohasaramónte ko yvy apére ha hemby gueteri 5 áñove, noñeñotỹmo’ãi mba’eve ni noñemono’õmo’ãi mba’eve.
7Ha Ñanderuete chembou pene renonderãme, oñeñongatu hag̃ua pene ñemoñarenguéra ko yvy apére, ha pomoingove hag̃ua ipytyvõ tuichaite rupi.
8Napeẽi chembouva’ekue ko’ápe, Ñanderueténte chemoĩva’ekue faraon ru ramo ha hetãyguakuéra jára ramo, ha apyta Egípto retã tuichakue sãmbyhyhára ramo.
9Peñembopya’e peho hag̃ua che ru rendápe ha peje ichupe: Péicha he’i nde ra’y Jose: Ñanderuete chemoĩ Egípto tuichakue jára ramo; eju che rendápe, ani repytavétei.
10Reikóta Gósen yvýpe, ha reiméta ag̃uiete chehegui, nde, nde ra’ykuéra ha ne remimenonguéra (nietokuéra) ndive, ha opaite tymba michĩ ha tuicháva reguerekóva guive.
11Ha upépe romongarúta, ko ñembyahýi kóva hi’arevéta gueteri 5 áño, ani hag̃ua pemano ñembyahýigui nde ha nde rogayguakuéra, ha opaite tymba reguerekóva guive.
12Eikuaa porã, che ryke’ykuéra resa ohechapa, ha che ryvy Benjamin resa avei, che juru oñe’ẽha pe añetegua.
13Peikuaaukáta che rúpe Egiptoyguakuéra chembotuichaite hague ha pemombe’u ichupe opaite mba’e pehechava’ekue guive; ha peñembopya’éke, pegueru hag̃ua che rúpe che rendápe.
14Ha Jose ojeity ityvýra Benjamin ajurakuápe ha ojahe’o; ha Benjamin ojahe’o avei ijajurakuápe hendive.
15Ha ohetũ mayma ityke’yrakuérape, ha ojahe’o hesehapekuéra; ha uperire ae ityke’yrakuéra ikatu oñe’ẽ jevy hendive.
16Ha oñehendu umi mba’e faraon rógape, ha he’i: Ou Jose ryke’ykuéra. Ha péva ombohory faraónpe, hembiguaikuéra resa renondépe.
17Ha faraon he’i Josépe, ere nde ryke’ykuérape: Ohupi hag̃ua ivosakuéra hymbakuéra ári, ha toho Canaan retãme;
18ogueru hag̃ua nde ru ha nde rogayguakuérape ha peju jevy che rendápe, che ame’ẽta peẽme Egípto pegua yvy iporãvéva, ha pekarúta ko yvy kyrakuégui.
19Ha péicha ejapouka: Eraha Egípto retãgui cárro pene mitãkuéra ha hembirekokuérape g̃uarã, ha pehupi nde rúpe ha pejupaite.
20Ha ani pejepy’apýtei pene mba’e rehe, Egípto yvy porãvéva pene mba’erã voínte.
21Ha Israel ra’ykuéra ojapo péicha; ha Jose ome’ẽ ichupekuéra carrokuéra, faraon he’i haguéicha, ha ome’ẽ ichupekuéra tembi’u tapére g̃uarã.
22Ha peteĩteĩme ome’ẽ ao pyahu ha Benjamínpe ome’ẽ 300 óro morotĩ pehẽngue ha 5 ao pyahu.
23Ha itúvape oguerahauka: 10 búrro ári heta mba’e porãva Egípto peguare, ha 10 búrro kuña trígo reheve, pan itúvape g̃uarã, pan ha tembi’u tapére g̃uarã.
24Jose omomaitei paha ityke’yrakuérape ha osẽvo hikuái, ha’e he’i ichupekuéra: Aníke peñorãirõ oñondivekuéra tapére.
25Ha osẽ hikuái Egíptogui, ha ojupi og̃uahẽ hag̃ua Canaan retãme, Jacóbo rendápe.
26Ha’ekuéra omombe’upa ichupe he’ívo: Jose oikove gueteri ha ha’e oiko Egípto retã tuichakue jára ramo, Jacóbo katu ojepy’apy ha ndogueroviaséi umi mba’e ha’ekuéra he’íva ichupe.
27Ha’ekuéra omombe’upa Jacóbope ita’ýra Jose he’iva’ekue ichupekuéra; ha Jacóbo ohechávo umi cárro Jose ombouva’ekue ogueraha hag̃ua ichupe, ipytu oñemombarete jevy.
28Upéi Israel he’i: Iporãite, oikovégui gueteri che ra’y Jose, aháta ahecha hag̃ua ichupe amano mboyve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.