Kula ɗa Njeka̰ykulaje 6
6
Kunda diyakərəje
1Dɔ ndɔ-ɛje gə əng le, ɗaa kɔr ngan njenendoje oso dɔ mar-ɛ gə ɗaa njetakagəje gə nje pa tar Gərɛgəje ꞌyṵrṵ tar ɔji dɔ Ebərəje mba d-aw kay ne gə ndɔ-ndɔ ngaa d-a ne lo gə dɔ jene ndubaje gə lə-je ang. 2Be ɓa nje gə dɔg gə gir-je gə joo le mbo̰ bula bo ngan njenendoje tɔ̰y ngaɓa pa d-ar-je na: Kar j-uba kula pa tar lə Luba j-iya̰ mba kay nekusa le to gə maj-ɛ ang. 3Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə. 4Be ɓa sijee ɗaa, j-a kore kəm-si dɔ dəji Luba gə, gə dɔ kula pa tar gə lə-a.
5Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi. 6Go-e gə ɗaa d-unda-je no njeka̰ykulaje gə d-ar d-o-je ɗaa ꞌdəji Luba ngaɓa ꞌtəl d-ila ji-je dɔ-je gə.
7Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.
D-uwa Etiyɛn
8Etiyɛn le mənuji gə singamongə ɗusu m-e ɗaa ɗa neje dang-dang gə kəm dəw o ndɔ kara ang gə netɔjije gə boy-boy horo dəw mə ɓeje gə. 9Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn. 10Ngaa singa-je asə ang mba n-pa tar le gə kəm karə ɗəw gə lə Njil. 11Be ɓa ꞌndogo dəwje gə lar d-ar ꞌpa na: N-pa tar taji ne Luba je gə Moyiji ɗaa, j-o gə mbi-si. 12D-ɔsə-je dəw mə ɓeje, gə buba ɓeje gə njekɔr gəl toronduje d-umje dɔ-ɛ gə d-ar d-uwa gə singa ngaɓa d-aw sə-a no ngɔ gangə tar gə lə Jiibije. 13ꞌƊe gə dəwje d-ar ꞌgangə tar d-unda t-ɛ gə na: Dəw gə ar nee le pa tar gə kṵra̰y dɔ lo gə to gə losang-ɛ gə jaga-jaga gə dɔ torondu Moyiji nəm tɔ. 14Mba j-o gə mbi-si to gə n-pa na Jeju gə Najarɛd a tuji lo gə nee le ngaɓa a mbəl nejiɓeje gə Moyiji ḭya̰ ar-si le.
15Dəwje tɔ̰y gə d-isi no ngɔ gangə tar gə lə Jiibjije le kəm-je nunga-a pal-pal ɗaa d-o ngo no-ɛ ta naa gə ngo no anji.
Currently Selected:
Kula ɗa Njeka̰ykulaje 6: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Kula ɗa Njeka̰ykulaje 6
6
Kunda diyakərəje
1Dɔ ndɔ-ɛje gə əng le, ɗaa kɔr ngan njenendoje oso dɔ mar-ɛ gə ɗaa njetakagəje gə nje pa tar Gərɛgəje ꞌyṵrṵ tar ɔji dɔ Ebərəje mba d-aw kay ne gə ndɔ-ndɔ ngaa d-a ne lo gə dɔ jene ndubaje gə lə-je ang. 2Be ɓa nje gə dɔg gə gir-je gə joo le mbo̰ bula bo ngan njenendoje tɔ̰y ngaɓa pa d-ar-je na: Kar j-uba kula pa tar lə Luba j-iya̰ mba kay nekusa le to gə maj-ɛ ang. 3Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə. 4Be ɓa sijee ɗaa, j-a kore kəm-si dɔ dəji Luba gə, gə dɔ kula pa tar gə lə-a.
5Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi. 6Go-e gə ɗaa d-unda-je no njeka̰ykulaje gə d-ar d-o-je ɗaa ꞌdəji Luba ngaɓa ꞌtəl d-ila ji-je dɔ-je gə.
7Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.
D-uwa Etiyɛn
8Etiyɛn le mənuji gə singamongə ɗusu m-e ɗaa ɗa neje dang-dang gə kəm dəw o ndɔ kara ang gə netɔjije gə boy-boy horo dəw mə ɓeje gə. 9Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn. 10Ngaa singa-je asə ang mba n-pa tar le gə kəm karə ɗəw gə lə Njil. 11Be ɓa ꞌndogo dəwje gə lar d-ar ꞌpa na: N-pa tar taji ne Luba je gə Moyiji ɗaa, j-o gə mbi-si. 12D-ɔsə-je dəw mə ɓeje, gə buba ɓeje gə njekɔr gəl toronduje d-umje dɔ-ɛ gə d-ar d-uwa gə singa ngaɓa d-aw sə-a no ngɔ gangə tar gə lə Jiibije. 13ꞌƊe gə dəwje d-ar ꞌgangə tar d-unda t-ɛ gə na: Dəw gə ar nee le pa tar gə kṵra̰y dɔ lo gə to gə losang-ɛ gə jaga-jaga gə dɔ torondu Moyiji nəm tɔ. 14Mba j-o gə mbi-si to gə n-pa na Jeju gə Najarɛd a tuji lo gə nee le ngaɓa a mbəl nejiɓeje gə Moyiji ḭya̰ ar-si le.
15Dəwje tɔ̰y gə d-isi no ngɔ gangə tar gə lə Jiibjije le kəm-je nunga-a pal-pal ɗaa d-o ngo no-ɛ ta naa gə ngo no anji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved