Kula ɗa Njeka̰ykulaje 8
8
1Be ɓa Sɔl njigi gə je go ꞌtɔl gə tɔl Etiyɛn le.
Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari. 2Dəwje gə d-ila kuji dɔ ne gə lə Luba ꞌdubu yo Etiyɛn ngaɓa ꞌtəl d-uwa ndoo tor-e gə to ɓəəl ya̰ be. 3Ngaa Sɔl ɗaa sangə ɗəw mba tuji Mbo̰ naa lə njetakagəje, n-aw gə ta kəy kəy, n-tuwa jingawje gə jeneje n-aw n-um-je kəy kula gə.
4Nje gə ꞌja̰rɛ̰ naa le d-aw gə lo-lo d-ila mbərə Tar gə May.
MBO̰ NAA LƏ NJETAKAGƏ GƏ JUDE, SAMARI GƏ SIRI
Diyakərə Pilibi aw Samari, tar lə Simo gə njembɛ̰
5Pilibi aw mə ɓebo gə Samari kara be ila mbərə Tar gə May lə Kirisi. 6Bula bo dəwje d-um mə-je naa gə kara baa njigi go tar gə Pilibi pa le, ngaɓa d-o nemisije gə n-ɗa gə mbi-je gə kəm-je. 7Mba dəwje bula gə njilje gə kṵra̰y ɗa ɓe mə-je, njilje nee le ꞌce gə ꞌkuwi gə boy ta-je gə nəm ngaɓa dəwje bula gə dəbə rɔ-je uy gə nje nja məndəje kara d-aji nəm tɔ. 8Be ɓa rɔləl gə boy ja to mə ɓebo gə nee le.
9Dəw kara ri-a na Simo, ga̰ mə ɓebo gə nee le kede nam, n-ɗa mbɛ̰ n-ar lo tar igi ne dəw mə ɓeje gə Samari sɛl, n-pa na n-to dəw gə to ɓəəl ya̰. 10Tɔ̰y ja, un kud-e dɔ nje gə na gə ce ne dɔ nje gə tɔgə gə ja d-um mə-je dɔ tar gə lə-a ɗaa ꞌpa na: ꞌNe ja n-to singamongə lə Luba, ye gə ꞌɓar-ɛ singamongə gə boy. 11D-um mə-je dɔ tar gə lə-a mba ləw baa ja lo tar igi-je sɛl dɔ neɗa mbɛ̰je gə lə-a. 12Ngaa logə ꞌtaje kagə Pilibi gə ila mbərə Tar gə May gə ɔji dɔ ɓeko̰ lə Luba gə ri Jeju Kirisi ar-je ɗaa, jingawje gə jeneje d-ar ꞌɗa-je batɛm. 13Simo le ja kara ta kagə tɔ, go batɛm gə ꞌɗ-ɛ ɗaa n-ciya̰ go Pilibi gə, ngaɓa n-unda kəm-e n-o netɔjije gə nemisije gə boy-boy gə aw ce ɗaa lo tar igi-e sɛl.
14Logə njeka̰ykulaje gə d-isi Jerujalɛm d-o tar lə dəwje gə Samari gə ꞌta tar lə Luba ɗaa d-ula Piyɛr je gə Ja̰ ɓə lə-je. 15ꞌJeeje nee le, d-aw ɓə lə-je, ꞌdəji Luba mba je kar d-inga ne Njil Njerɔsangə. 16Mba n-ɗe dɔ dəw gə kara horo-je gə ang ɓi, ꞌɗa-je batɛm gə ri Mbayɓe Jeju baa ɓi. 17Be ɓa Piyɛr je gə Ja̰ d-ila ji-je dɔ-je gə ɗaa Njil Njerɔsangə ɗe dɔ-je gə.
18Logə Simo o to gə gə go kila ji dɔ gə lə njeka̰ykulaje ɓa d-ar ne Njil ɗaa, ɗe gə lar ar-je ngaɓa pa na: 19Ar-mje singa gə nee le tɔ mba kar dəw gə m-a kila ji-m dɔ-ɛ gə nama inga ne Njil Njerɔsangə. 20Ngaa Piyɛr pa ar-ɛ na: May kar-i ꞌdugulu gə lar lə-i naa gə, mba əji mba ndogo nekarə baa lə Luba gə lar. 21ꞌI le, dəbə ne lə-i godo nəm ɓa ne kara kara ɔji dɔ-i mə kula gə nee ang mba mə-i to gadə-gadə no Luba gə ang. 22ꞌTuru kəji lə-i dɔ kəji gə kṵra̰y gə to mə-i gə ɓo ꞌdəji Mbayɓe mba kar ɗəw to nama ɔr tar ne gə ꞌgɔl mə-i gə le dɔ-i gə. 23Mba m-o to gə məkadə gə ɓo neje oso ur-i ngaɓa neɗa gə dɔ buguru uba-i gə kula. 24Simo təl ila kəne na: Sisəy ja ꞌdəjije Mbayɓe mba-m mba kar neje gə ꞌpaje nee le ce dɔ-m gə ang.
25ꞌPa tar naji gə d-ila mbərə tar lə Mbayɓe d-ar dəwje bula mə ngan ɓeje gə Samari nam ɓa ꞌtəl d-aw Jerujalɛm ɓi.
Diyakərə Pilibi je gə ꞌmbakudu gə Etiyopi
26Anji lə Mbayɓe kara pa tar ar Pilibi na: Uba nangə ḭ ɓo aw dɔ-i gə dɔ ji kɔl, ɗəw gə ḭ Jerujalɛm aw gə gə Gaja, gə dəw godo kəne. N-ḭ n-aw 27Ɗaa n-inga ngon njeɓe gə Etiyopi kara to ꞌmbakudu, gə to ngon njekula gə boy, lə Kandas mbay jene gə Etiyopi. N-to njengom nekingaje lə mbay le, ɗaa n-ɗe Jerujalɛm mba polo Luba#8.27 Kandas le to ri mbay to to gə Parawo̰ be tɔ, be ɓa ꞌɓar ne dəwje gə gəl mbay gə., 28ngaɓa n-ḭ kəne n-aw n-təl gugu ɗaa n-isi mə pusu kunda gə lə-a n-aw n-tura mbede lə pajambərə Ejay. 29Njil pa ar Pilibi na: Aw gə kede mbɔr pusu kunda gə kən. 30Logə Pilibi a̰y aw ɗaa o ndu dəw gə Etiyopi le aw tura mbede lə pajambərə Ejay. Ɗaa n-dəj-e na: ꞌGərə mə mbede gə aw tura nee ja wa? 31Dəw le ila kəne na: Dəw ɔr m-e ar-m ang ngaa m-a kasə gərə to gə ban wa? Be ɓa n-ɓar Pilibi n-ar-ɛ al isi sə-a mə pusu kunda gə le.
32Tar gə mə mbede gə n-tura le ɓa nee:
D-aw sə-a to to gə badəm gə d-aw sə-a gə lo tɔl daje gə be;
Ngaɓa to to gə ngon badəm gə ar t-ɛ munduru no njekunja bḭ-e gə be,
N-pa tar ang.
33N-ula dɔ-ɛ ngulum ja ngaa ꞌgangə tar lə-a gə dɔ gɔl-ɛ ang,
Na ɓa a pa tar gə ɔji dɔ gəl kuji lə-a wa?
Mba ꞌtuji təbə lə-a dɔ nangə nee gə gugu.
34Be ɓa ꞌmbakudu le un tar pa ar Pilibi na: M-ɗa-i kɔgərɔ, tar gə pajambərə pa nee le ɔji dɔ na wa? N-pa ɔji dɔ darɔ-ɛ ꞌne ja ose ɔji dɔ dəw gə ɗangə wa? 35Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.
36Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa? 37Pilibi pa na: To gə ɓo ꞌta kagə gə dɔ ɓəngər-i tɔ̰y tɔgərɔ nama ɗəw to ja. ꞌMbakudu le ila kəne na: M-ta kagə to gə Jeju Kirisi to gə ngon lə Luba ja. 38N-un ɗəw n-ar njekuwa ta pusu kunda lə-a ar nangə ngaɓa ꞌJejee joo kɛm d-uru mə man gə, Pilibi nəm ɓa ꞌmbakudu le nəm ɗaa n-ɗ-ɛ batɛm. 39Logə d-osə lo man ꞌce ɗaga ɗaa Njil Mbayɓe ɔr Pilibi ɔdə sə-a ar ꞌmbakudu o-e ang magə ngaa ɔdə un ɗəw lə-a gə rɔləl dɔ-ɛ gə kede. 40Ngaa Pilibi ɗaa, aw ce Ajod, cibi ngaɓa ila mbərə Tar gə May le gə mə ɓeboje tɔ̰y gə n-nday kəne saar ce ne Sejare.
Currently Selected:
Kula ɗa Njeka̰ykulaje 8: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Kula ɗa Njeka̰ykulaje 8
8
1Be ɓa Sɔl njigi gə je go ꞌtɔl gə tɔl Etiyɛn le.
Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari. 2Dəwje gə d-ila kuji dɔ ne gə lə Luba ꞌdubu yo Etiyɛn ngaɓa ꞌtəl d-uwa ndoo tor-e gə to ɓəəl ya̰ be. 3Ngaa Sɔl ɗaa sangə ɗəw mba tuji Mbo̰ naa lə njetakagəje, n-aw gə ta kəy kəy, n-tuwa jingawje gə jeneje n-aw n-um-je kəy kula gə.
4Nje gə ꞌja̰rɛ̰ naa le d-aw gə lo-lo d-ila mbərə Tar gə May.
MBO̰ NAA LƏ NJETAKAGƏ GƏ JUDE, SAMARI GƏ SIRI
Diyakərə Pilibi aw Samari, tar lə Simo gə njembɛ̰
5Pilibi aw mə ɓebo gə Samari kara be ila mbərə Tar gə May lə Kirisi. 6Bula bo dəwje d-um mə-je naa gə kara baa njigi go tar gə Pilibi pa le, ngaɓa d-o nemisije gə n-ɗa gə mbi-je gə kəm-je. 7Mba dəwje bula gə njilje gə kṵra̰y ɗa ɓe mə-je, njilje nee le ꞌce gə ꞌkuwi gə boy ta-je gə nəm ngaɓa dəwje bula gə dəbə rɔ-je uy gə nje nja məndəje kara d-aji nəm tɔ. 8Be ɓa rɔləl gə boy ja to mə ɓebo gə nee le.
9Dəw kara ri-a na Simo, ga̰ mə ɓebo gə nee le kede nam, n-ɗa mbɛ̰ n-ar lo tar igi ne dəw mə ɓeje gə Samari sɛl, n-pa na n-to dəw gə to ɓəəl ya̰. 10Tɔ̰y ja, un kud-e dɔ nje gə na gə ce ne dɔ nje gə tɔgə gə ja d-um mə-je dɔ tar gə lə-a ɗaa ꞌpa na: ꞌNe ja n-to singamongə lə Luba, ye gə ꞌɓar-ɛ singamongə gə boy. 11D-um mə-je dɔ tar gə lə-a mba ləw baa ja lo tar igi-je sɛl dɔ neɗa mbɛ̰je gə lə-a. 12Ngaa logə ꞌtaje kagə Pilibi gə ila mbərə Tar gə May gə ɔji dɔ ɓeko̰ lə Luba gə ri Jeju Kirisi ar-je ɗaa, jingawje gə jeneje d-ar ꞌɗa-je batɛm. 13Simo le ja kara ta kagə tɔ, go batɛm gə ꞌɗ-ɛ ɗaa n-ciya̰ go Pilibi gə, ngaɓa n-unda kəm-e n-o netɔjije gə nemisije gə boy-boy gə aw ce ɗaa lo tar igi-e sɛl.
14Logə njeka̰ykulaje gə d-isi Jerujalɛm d-o tar lə dəwje gə Samari gə ꞌta tar lə Luba ɗaa d-ula Piyɛr je gə Ja̰ ɓə lə-je. 15ꞌJeeje nee le, d-aw ɓə lə-je, ꞌdəji Luba mba je kar d-inga ne Njil Njerɔsangə. 16Mba n-ɗe dɔ dəw gə kara horo-je gə ang ɓi, ꞌɗa-je batɛm gə ri Mbayɓe Jeju baa ɓi. 17Be ɓa Piyɛr je gə Ja̰ d-ila ji-je dɔ-je gə ɗaa Njil Njerɔsangə ɗe dɔ-je gə.
18Logə Simo o to gə gə go kila ji dɔ gə lə njeka̰ykulaje ɓa d-ar ne Njil ɗaa, ɗe gə lar ar-je ngaɓa pa na: 19Ar-mje singa gə nee le tɔ mba kar dəw gə m-a kila ji-m dɔ-ɛ gə nama inga ne Njil Njerɔsangə. 20Ngaa Piyɛr pa ar-ɛ na: May kar-i ꞌdugulu gə lar lə-i naa gə, mba əji mba ndogo nekarə baa lə Luba gə lar. 21ꞌI le, dəbə ne lə-i godo nəm ɓa ne kara kara ɔji dɔ-i mə kula gə nee ang mba mə-i to gadə-gadə no Luba gə ang. 22ꞌTuru kəji lə-i dɔ kəji gə kṵra̰y gə to mə-i gə ɓo ꞌdəji Mbayɓe mba kar ɗəw to nama ɔr tar ne gə ꞌgɔl mə-i gə le dɔ-i gə. 23Mba m-o to gə məkadə gə ɓo neje oso ur-i ngaɓa neɗa gə dɔ buguru uba-i gə kula. 24Simo təl ila kəne na: Sisəy ja ꞌdəjije Mbayɓe mba-m mba kar neje gə ꞌpaje nee le ce dɔ-m gə ang.
25ꞌPa tar naji gə d-ila mbərə tar lə Mbayɓe d-ar dəwje bula mə ngan ɓeje gə Samari nam ɓa ꞌtəl d-aw Jerujalɛm ɓi.
Diyakərə Pilibi je gə ꞌmbakudu gə Etiyopi
26Anji lə Mbayɓe kara pa tar ar Pilibi na: Uba nangə ḭ ɓo aw dɔ-i gə dɔ ji kɔl, ɗəw gə ḭ Jerujalɛm aw gə gə Gaja, gə dəw godo kəne. N-ḭ n-aw 27Ɗaa n-inga ngon njeɓe gə Etiyopi kara to ꞌmbakudu, gə to ngon njekula gə boy, lə Kandas mbay jene gə Etiyopi. N-to njengom nekingaje lə mbay le, ɗaa n-ɗe Jerujalɛm mba polo Luba#8.27 Kandas le to ri mbay to to gə Parawo̰ be tɔ, be ɓa ꞌɓar ne dəwje gə gəl mbay gə., 28ngaɓa n-ḭ kəne n-aw n-təl gugu ɗaa n-isi mə pusu kunda gə lə-a n-aw n-tura mbede lə pajambərə Ejay. 29Njil pa ar Pilibi na: Aw gə kede mbɔr pusu kunda gə kən. 30Logə Pilibi a̰y aw ɗaa o ndu dəw gə Etiyopi le aw tura mbede lə pajambərə Ejay. Ɗaa n-dəj-e na: ꞌGərə mə mbede gə aw tura nee ja wa? 31Dəw le ila kəne na: Dəw ɔr m-e ar-m ang ngaa m-a kasə gərə to gə ban wa? Be ɓa n-ɓar Pilibi n-ar-ɛ al isi sə-a mə pusu kunda gə le.
32Tar gə mə mbede gə n-tura le ɓa nee:
D-aw sə-a to to gə badəm gə d-aw sə-a gə lo tɔl daje gə be;
Ngaɓa to to gə ngon badəm gə ar t-ɛ munduru no njekunja bḭ-e gə be,
N-pa tar ang.
33N-ula dɔ-ɛ ngulum ja ngaa ꞌgangə tar lə-a gə dɔ gɔl-ɛ ang,
Na ɓa a pa tar gə ɔji dɔ gəl kuji lə-a wa?
Mba ꞌtuji təbə lə-a dɔ nangə nee gə gugu.
34Be ɓa ꞌmbakudu le un tar pa ar Pilibi na: M-ɗa-i kɔgərɔ, tar gə pajambərə pa nee le ɔji dɔ na wa? N-pa ɔji dɔ darɔ-ɛ ꞌne ja ose ɔji dɔ dəw gə ɗangə wa? 35Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.
36Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa? 37Pilibi pa na: To gə ɓo ꞌta kagə gə dɔ ɓəngər-i tɔ̰y tɔgərɔ nama ɗəw to ja. ꞌMbakudu le ila kəne na: M-ta kagə to gə Jeju Kirisi to gə ngon lə Luba ja. 38N-un ɗəw n-ar njekuwa ta pusu kunda lə-a ar nangə ngaɓa ꞌJejee joo kɛm d-uru mə man gə, Pilibi nəm ɓa ꞌmbakudu le nəm ɗaa n-ɗ-ɛ batɛm. 39Logə d-osə lo man ꞌce ɗaga ɗaa Njil Mbayɓe ɔr Pilibi ɔdə sə-a ar ꞌmbakudu o-e ang magə ngaa ɔdə un ɗəw lə-a gə rɔləl dɔ-ɛ gə kede. 40Ngaa Pilibi ɗaa, aw ce Ajod, cibi ngaɓa ila mbərə Tar gə May le gə mə ɓeboje tɔ̰y gə n-nday kəne saar ce ne Sejare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved