Marəke 10
10
Cḭ naa lə jingaw je gə jene
Mat 19.1-9
1Jeju oso ɗəw boo mba kaw gə dɔ nangə gə Jude, tura man Jurədɛ̰ gə. Bula dəwje mbo̰ naa mbɔr-ɛ gə, n-təl n-tɔji-je ne gɔl kara ja cibi, to gə n-aw n-ɗa ne kede-kede. 2Parijiyɛ̰je ꞌɗe dəji-e tar mba n-ɛ ne na: To kəm kar jingaw tɔbə jene lə-a wa? 3N-ila-je kəne na: Ndu gə ban ɓa Moyiji un ar-si wa? 4D-ila kəne na, Moyiji un ɗəw kar ꞌɗa mbede cḭ naa ɓa tɔbə ne jene lə-i ɓi. 5Ɗaa Jeju pa ar-je na: Mba məkədərə lə-si ɓa Moyiji un ne ndu gə kən ar-si. 6Ngaa un kud-e lo kunda neje gə le, Luba ɗa jene je gə jingaw; 7Gəl-e gə nee ɓa jingaw a kuba bɔ-ɛje je gə ko̰-ɛje kḭya̰-je, ɗaa a kum naa gə gə jene lə-a, 8ɗaa jeje joo kɛm d-a təl to gə darɔ gə kara baa. Be ɓa, d-a to darɔ gə kara baa ɓo dəwje joo ang ngaa. 9May kar ne gə Luba tɔ naa gə le dəw tudu ang. 10Logə d-aw d-isi kəy ɗaa, ngan njenendoje təl dəji-e tar to gə ɗangə dɔ tar gə əng le ja cibi. 11Jeju pa ar-je na: Dəw gə tɔbə jene lə-a ngaɓa təl ta ye gə ɗangə nama to nje ɓogo lo to no jene gə dɔngɔr gə, 12to gə ɓo jene mbadə ngab-ɛje ɓa təl aw ta ngaw gə ɗangə nama ɓogo lo to.
Nganje gə njɛ̰-njɛ̰
Mat 19.13-15; Lug 18.15-17
13Dəwje ꞌɗe gə nganje gə njɛ̰-njɛ̰ mba kar Jeju ila ji-a dɔ-je gə, ngaa ngan njenendoje d-ḭ gə je. 14Logə Jeju o be ɗaa rɔ-ɛ ləl-e ang, ngaɓa pa ar-je na: Ḭya̰je nganje ar-je ꞌɗe rɔ-m gə ɓo ɔgəje-je ang; mba ɓeko̰ lə Luba le to mba nje gə ꞌto to gə nganje be. 15Tar gə tɔgərɔ ja m-pa m-ar-si, dəw gə ɓo uwa Luba gə rɔ-ɛ gə gə Mbay lə-a to gə ngon gə njɛ̰ be ang nama a kandə ɓeko̰ lə-a ang magə. 16Cibi, n-uwa-je n-to mbi-je pu-pu ngaɓa n-ila ji-a dɔ-je gə, n-tɔr ne ndu dɔ-je gə.
Ngon basa̰ gə njenekinga
Mat 19.16-30; Lug 18.18-30
17Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa? 18Jeju pa ar-ɛ na: Mba ɗi ɓa ꞌɓar-m dəw gə may wa? Dəw gə may kara be kara godo, ngaa Luba ja gə kar-ɛ baa. 19ꞌGərə toronduje gə ne gə maj-ɛ wa: ꞌTɔl dəw ang; ꞌɓogo lo to ang; ꞌɓogo ang; ꞌgangə tar unda ta dəw gə ang; ərə dəw ang; ila ngon kuji dɔ bɔ-ije je gə ko̰-ije gə. 20Ngon basa̰ le təl ila Jeju kəne na: Njenetɔji, toronduje gə tɔ̰y nee le, m-ila kuji kəne gə kasə-m baa ja. 21Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m. 22Ngaa logə ngon basa̰ le o tarje gə nee ɗaa rɔ-ɛ uy njururu ar-ɛ ɔdə gə rɔləl ang, mba nekingaje lə-a bula ya̰. 23Be ɓa Jeju a lo be ɗaa, pa ar ngan njenendoje lə-a na: To ngangə ya̰ kar dəwje gə njenekingaje d-andə mə ɓeko̰ gə lə Luba! 24Tarje gə nee le cɛdə singa ngan njenendoje. Ɗaa Jeju təl un tar pa ar-je na: Ngan-m, to ngangə ya̰ kar dəw andə mə ɓeko̰ gə lə Luba. 25A to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə lə Luba le ngangə ya̰ ja cibi. 26Tar le cɛdə singa ngan njenendoje gə kede ja cibi ɗaa ꞌpa tar d-ar naa gə yo gə nee na: Be nama na ɓa a kasə kinga kaji wa? 27Jeju aje ɗaa pa na: To ne gə dum dɔ dəwje, ɓo dum dɔ Luba ang, mba Luba le ne dum dɔ-ɛ ang.
28Be ɓa Piyɛr təl pa ar Jeju na: A o, sijee gə j-uba neje tɔ̰y j-ḭya̰ ɓa j-uwa go-i nee le. 29Jeju ila kəne na: Tar gə tɔgərɔ ja, m-pa m-ar-si, to gə ɓo dəw ḭya̰ kəy lə-a, gə ngan ko̰-ɛje, gə ko̰ nan-ɛje, gə ko̰-ɛje, gə bɔ-ɛje, gə ngan-ɛ ose ndɔje mba-m ꞌma gə mba Tar gə May, 30nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara. 31Be ɓa, nje gə dɔngɔr bula d-a təl to nje gə dɔ gugu ngaɓa nje gə dɔ gugu d-a təl to nje gə dɔngɔr.
Jeju pa tar kuy lə-a gə tar ndol lə-a
Mat 20.17-19; Lug 18.31-34
32D-un ɗəw mba kaw gə Jerujalɛm, ɗaa Jeju aw no-je gə kede. Njil ngan njenendoje ce ngaɓa nje gə d-uwa go-je kara ꞌɓəəl ya̰ tɔ. Jeju təl ɓar ngan njenendoje gə dɔg gə gir-je gə joo le to gə ɗangə ja cibi, ngaɓa ar ɔr gəl neje gə a ce dɔ-ɛ gə le ar-je na: 33Oje: J-awje gə Jerujalɛm, ɗaa d-a kila ꞌma gə Ngon lə dəw mə ji buba njekapoloje gə ji njekɔr gəl toronduje gə. D-a gangə tar yo dɔ-m gə, ngaɓa d-a kila-m mə ji dəwje gə ꞌgərə Luba ang gə, 34kar d-a kogo-m, d-a cibi yoro dɔ-m gə, d-a labə-m gə ndəy abəlay ngaɓa d-a tɔl-m; ɗa ndɔ munda go-e gə ɗaa m-a ndol.
Ne dəji lə ngan lə Jebede
Mat 20.20-28
35Ngan lə Jebede gə joo, Jagə je gə Ja̰, ꞌɗe d-inga Jeju dəji-e na: Njenetɔji, ne gə j-a kaw dəj-i nee le j-a njigi kar-i ꞌɗa ar-si. 36Jeju təl dəji-je na: Ɗi ɓa ꞌnjigi-je kar-m m-ɗa m-ar-si wa? 37D-ila-a kəne na: J-a njigi kar ndɔ gə a ko̰ ɓe dan rɔnduba gə lə-i nama ar dəw kara isi dɔ ji kɔl-i gə, ngaɓa dəw gə kara isi dɔ ji gəl-i gə tɔ. 38Jeju pa ar-je na: ꞌGərəje ne gə ꞌdəjije le ang. Ne kay ꞌməsərə gə m-a kay le a kasə kay-je ja tɔ wa? Ose batɛm ko ꞌməsərə gə d-a ɗa-m le d-a ɗa sisəy ja tɔ wa? D-ila-a kəne na: J-a kasə ja. 39Jeju ila-je kəne na: Tɔgərɔ ja, a kasə mba kayje ne kay ꞌməsərə gə m-a kay, ngaɓa d-a ɗa si batɛm gə d-a ɗa-m ja. 40Ngaa tar gə ɔji dɔ kisi dɔ ji kɔl-m gə ose dɔ ji gəl-m gə le to tar lə-m ꞌma ang baa, ngaa to mba nje gə ꞌgɔl ɔji dɔ-je. 41Ngan njenendoje gə dɔg gə d-o tar gə nee le, mə-je o̰-je dɔ Jagə je gə Ja̰ gə. 42Jeju ɓar-je ngaɓa pa ar-je na: ꞌGərəje gə maj-ɛ to gə, dəwje gə d-o-je gə mbayje le d-o̰ dɔ dəw mə ɓeje gə singa, ngaɓa dəwje gə bo-bo d-ula kəm dəwje ndoo. 43A to to gə be horo-sisəy gə ang. Ngaa dəw gə njigi to ɓəəl horo-si gə nama, may kar to ngon njekula lə-si ɓa; 44ngaɓa dəw gə njigi kar no-si gə kede nama, a to ngon njekula lə-si tɔ̰y ɓa. 45Mba ꞌma gə Ngon lə dəw m-ɗe mba kar ꞌɗa kula d-ar-m ang, ngaa m-ɗe mba to ngon njekula, gə kun təbə lə-m gə nekuga dɔ dəwje bula.
Nje kəm tɔ gə Jeriko
Mat 20.29-34; Lug 18.35-43
46ꞌƊe ꞌce Jeriko. Ɗaa logə Jeju ce gə ngan njenendoje lə-a ngaɓa bula dəwje nəm ɗaa, nje kəm tɔ kara, gə ri-a na Barətime, gə to ngon lə Time, isi mbɔr ɗəw boo aw kuway ne. 47N-o to gə to Jeju gə Najarɛd ɓa aw nday ɗaa n-uru ꞌkuwi na: Jeju, ngon ka Mbay Dabidi, kɔgərɔ ja o kəmtondoo lə-m! 48Bula dəwje d-ḭ sə-a mba kar n-əw rɔ-ɛ; ngaa n-uru ꞌkuwi le gə dɔ mar-ɛ gə ja cibi: Ngon ka Dabidi, o kəmtondoo lə-m! 49Jeju təl ar nangə ɗaa, pa na: ꞌƁar-ɛje! Be ɓa ꞌɓarje nje kəm tɔ le ꞌpa d-ar-ɛ na: Unda singa-i dɔ rɔ-i gə, ɓo ḭ taar, n-aw n-ɓar-i. 50Nje kəm tɔ le bḭ kubu kul lə-a ila nangə, uba nangə rad ḭ, aw inga Jeju. 51Jeju un tar pa ar-ɛ na: Ɗi ɓa ꞌnjigi kar-m m-ɗa m-ar-i wa? Nje kəm tɔ le ila-a kəne na: Njenetɔji, m-njigi ko lo. 52Be ɓa Jeju pa ar-ɛ na: Aw, takagə lə-i aji-i. Ɗaa ji naa gə nee ja n-o lo ɗaa n-ɔdə n-uwa go Jeju loje gə aw gə kəne.
Currently Selected:
Marəke 10: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Marəke 10
10
Cḭ naa lə jingaw je gə jene
Mat 19.1-9
1Jeju oso ɗəw boo mba kaw gə dɔ nangə gə Jude, tura man Jurədɛ̰ gə. Bula dəwje mbo̰ naa mbɔr-ɛ gə, n-təl n-tɔji-je ne gɔl kara ja cibi, to gə n-aw n-ɗa ne kede-kede. 2Parijiyɛ̰je ꞌɗe dəji-e tar mba n-ɛ ne na: To kəm kar jingaw tɔbə jene lə-a wa? 3N-ila-je kəne na: Ndu gə ban ɓa Moyiji un ar-si wa? 4D-ila kəne na, Moyiji un ɗəw kar ꞌɗa mbede cḭ naa ɓa tɔbə ne jene lə-i ɓi. 5Ɗaa Jeju pa ar-je na: Mba məkədərə lə-si ɓa Moyiji un ne ndu gə kən ar-si. 6Ngaa un kud-e lo kunda neje gə le, Luba ɗa jene je gə jingaw; 7Gəl-e gə nee ɓa jingaw a kuba bɔ-ɛje je gə ko̰-ɛje kḭya̰-je, ɗaa a kum naa gə gə jene lə-a, 8ɗaa jeje joo kɛm d-a təl to gə darɔ gə kara baa. Be ɓa, d-a to darɔ gə kara baa ɓo dəwje joo ang ngaa. 9May kar ne gə Luba tɔ naa gə le dəw tudu ang. 10Logə d-aw d-isi kəy ɗaa, ngan njenendoje təl dəji-e tar to gə ɗangə dɔ tar gə əng le ja cibi. 11Jeju pa ar-je na: Dəw gə tɔbə jene lə-a ngaɓa təl ta ye gə ɗangə nama to nje ɓogo lo to no jene gə dɔngɔr gə, 12to gə ɓo jene mbadə ngab-ɛje ɓa təl aw ta ngaw gə ɗangə nama ɓogo lo to.
Nganje gə njɛ̰-njɛ̰
Mat 19.13-15; Lug 18.15-17
13Dəwje ꞌɗe gə nganje gə njɛ̰-njɛ̰ mba kar Jeju ila ji-a dɔ-je gə, ngaa ngan njenendoje d-ḭ gə je. 14Logə Jeju o be ɗaa rɔ-ɛ ləl-e ang, ngaɓa pa ar-je na: Ḭya̰je nganje ar-je ꞌɗe rɔ-m gə ɓo ɔgəje-je ang; mba ɓeko̰ lə Luba le to mba nje gə ꞌto to gə nganje be. 15Tar gə tɔgərɔ ja m-pa m-ar-si, dəw gə ɓo uwa Luba gə rɔ-ɛ gə gə Mbay lə-a to gə ngon gə njɛ̰ be ang nama a kandə ɓeko̰ lə-a ang magə. 16Cibi, n-uwa-je n-to mbi-je pu-pu ngaɓa n-ila ji-a dɔ-je gə, n-tɔr ne ndu dɔ-je gə.
Ngon basa̰ gə njenekinga
Mat 19.16-30; Lug 18.18-30
17Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa? 18Jeju pa ar-ɛ na: Mba ɗi ɓa ꞌɓar-m dəw gə may wa? Dəw gə may kara be kara godo, ngaa Luba ja gə kar-ɛ baa. 19ꞌGərə toronduje gə ne gə maj-ɛ wa: ꞌTɔl dəw ang; ꞌɓogo lo to ang; ꞌɓogo ang; ꞌgangə tar unda ta dəw gə ang; ərə dəw ang; ila ngon kuji dɔ bɔ-ije je gə ko̰-ije gə. 20Ngon basa̰ le təl ila Jeju kəne na: Njenetɔji, toronduje gə tɔ̰y nee le, m-ila kuji kəne gə kasə-m baa ja. 21Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m. 22Ngaa logə ngon basa̰ le o tarje gə nee ɗaa rɔ-ɛ uy njururu ar-ɛ ɔdə gə rɔləl ang, mba nekingaje lə-a bula ya̰. 23Be ɓa Jeju a lo be ɗaa, pa ar ngan njenendoje lə-a na: To ngangə ya̰ kar dəwje gə njenekingaje d-andə mə ɓeko̰ gə lə Luba! 24Tarje gə nee le cɛdə singa ngan njenendoje. Ɗaa Jeju təl un tar pa ar-je na: Ngan-m, to ngangə ya̰ kar dəw andə mə ɓeko̰ gə lə Luba. 25A to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə lə Luba le ngangə ya̰ ja cibi. 26Tar le cɛdə singa ngan njenendoje gə kede ja cibi ɗaa ꞌpa tar d-ar naa gə yo gə nee na: Be nama na ɓa a kasə kinga kaji wa? 27Jeju aje ɗaa pa na: To ne gə dum dɔ dəwje, ɓo dum dɔ Luba ang, mba Luba le ne dum dɔ-ɛ ang.
28Be ɓa Piyɛr təl pa ar Jeju na: A o, sijee gə j-uba neje tɔ̰y j-ḭya̰ ɓa j-uwa go-i nee le. 29Jeju ila kəne na: Tar gə tɔgərɔ ja, m-pa m-ar-si, to gə ɓo dəw ḭya̰ kəy lə-a, gə ngan ko̰-ɛje, gə ko̰ nan-ɛje, gə ko̰-ɛje, gə bɔ-ɛje, gə ngan-ɛ ose ndɔje mba-m ꞌma gə mba Tar gə May, 30nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara. 31Be ɓa, nje gə dɔngɔr bula d-a təl to nje gə dɔ gugu ngaɓa nje gə dɔ gugu d-a təl to nje gə dɔngɔr.
Jeju pa tar kuy lə-a gə tar ndol lə-a
Mat 20.17-19; Lug 18.31-34
32D-un ɗəw mba kaw gə Jerujalɛm, ɗaa Jeju aw no-je gə kede. Njil ngan njenendoje ce ngaɓa nje gə d-uwa go-je kara ꞌɓəəl ya̰ tɔ. Jeju təl ɓar ngan njenendoje gə dɔg gə gir-je gə joo le to gə ɗangə ja cibi, ngaɓa ar ɔr gəl neje gə a ce dɔ-ɛ gə le ar-je na: 33Oje: J-awje gə Jerujalɛm, ɗaa d-a kila ꞌma gə Ngon lə dəw mə ji buba njekapoloje gə ji njekɔr gəl toronduje gə. D-a gangə tar yo dɔ-m gə, ngaɓa d-a kila-m mə ji dəwje gə ꞌgərə Luba ang gə, 34kar d-a kogo-m, d-a cibi yoro dɔ-m gə, d-a labə-m gə ndəy abəlay ngaɓa d-a tɔl-m; ɗa ndɔ munda go-e gə ɗaa m-a ndol.
Ne dəji lə ngan lə Jebede
Mat 20.20-28
35Ngan lə Jebede gə joo, Jagə je gə Ja̰, ꞌɗe d-inga Jeju dəji-e na: Njenetɔji, ne gə j-a kaw dəj-i nee le j-a njigi kar-i ꞌɗa ar-si. 36Jeju təl dəji-je na: Ɗi ɓa ꞌnjigi-je kar-m m-ɗa m-ar-si wa? 37D-ila-a kəne na: J-a njigi kar ndɔ gə a ko̰ ɓe dan rɔnduba gə lə-i nama ar dəw kara isi dɔ ji kɔl-i gə, ngaɓa dəw gə kara isi dɔ ji gəl-i gə tɔ. 38Jeju pa ar-je na: ꞌGərəje ne gə ꞌdəjije le ang. Ne kay ꞌməsərə gə m-a kay le a kasə kay-je ja tɔ wa? Ose batɛm ko ꞌməsərə gə d-a ɗa-m le d-a ɗa sisəy ja tɔ wa? D-ila-a kəne na: J-a kasə ja. 39Jeju ila-je kəne na: Tɔgərɔ ja, a kasə mba kayje ne kay ꞌməsərə gə m-a kay, ngaɓa d-a ɗa si batɛm gə d-a ɗa-m ja. 40Ngaa tar gə ɔji dɔ kisi dɔ ji kɔl-m gə ose dɔ ji gəl-m gə le to tar lə-m ꞌma ang baa, ngaa to mba nje gə ꞌgɔl ɔji dɔ-je. 41Ngan njenendoje gə dɔg gə d-o tar gə nee le, mə-je o̰-je dɔ Jagə je gə Ja̰ gə. 42Jeju ɓar-je ngaɓa pa ar-je na: ꞌGərəje gə maj-ɛ to gə, dəwje gə d-o-je gə mbayje le d-o̰ dɔ dəw mə ɓeje gə singa, ngaɓa dəwje gə bo-bo d-ula kəm dəwje ndoo. 43A to to gə be horo-sisəy gə ang. Ngaa dəw gə njigi to ɓəəl horo-si gə nama, may kar to ngon njekula lə-si ɓa; 44ngaɓa dəw gə njigi kar no-si gə kede nama, a to ngon njekula lə-si tɔ̰y ɓa. 45Mba ꞌma gə Ngon lə dəw m-ɗe mba kar ꞌɗa kula d-ar-m ang, ngaa m-ɗe mba to ngon njekula, gə kun təbə lə-m gə nekuga dɔ dəwje bula.
Nje kəm tɔ gə Jeriko
Mat 20.29-34; Lug 18.35-43
46ꞌƊe ꞌce Jeriko. Ɗaa logə Jeju ce gə ngan njenendoje lə-a ngaɓa bula dəwje nəm ɗaa, nje kəm tɔ kara, gə ri-a na Barətime, gə to ngon lə Time, isi mbɔr ɗəw boo aw kuway ne. 47N-o to gə to Jeju gə Najarɛd ɓa aw nday ɗaa n-uru ꞌkuwi na: Jeju, ngon ka Mbay Dabidi, kɔgərɔ ja o kəmtondoo lə-m! 48Bula dəwje d-ḭ sə-a mba kar n-əw rɔ-ɛ; ngaa n-uru ꞌkuwi le gə dɔ mar-ɛ gə ja cibi: Ngon ka Dabidi, o kəmtondoo lə-m! 49Jeju təl ar nangə ɗaa, pa na: ꞌƁar-ɛje! Be ɓa ꞌɓarje nje kəm tɔ le ꞌpa d-ar-ɛ na: Unda singa-i dɔ rɔ-i gə, ɓo ḭ taar, n-aw n-ɓar-i. 50Nje kəm tɔ le bḭ kubu kul lə-a ila nangə, uba nangə rad ḭ, aw inga Jeju. 51Jeju un tar pa ar-ɛ na: Ɗi ɓa ꞌnjigi kar-m m-ɗa m-ar-i wa? Nje kəm tɔ le ila-a kəne na: Njenetɔji, m-njigi ko lo. 52Be ɓa Jeju pa ar-ɛ na: Aw, takagə lə-i aji-i. Ɗaa ji naa gə nee ja n-o lo ɗaa n-ɔdə n-uwa go Jeju loje gə aw gə kəne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved