Marəke 11
11
MƏ ƁE GƏ JERUJALƐM. KUY GƏ NDOL LƏ JEJU
Jeju andə mə ɓe gə Jerujalɛm
Mat 21.1-11,14-17; Lug 19.20-44; Ja̰ 12.12-19
1Logə Jeju je gə ngan njenendoje lə-a d-unda dɔ ɓe gə Jerujalɛm dəb, əw ang gə ɓe gə Ɓɛdəpaje, gə ɓe gə Ɓetani əər gə dɔ wuri gə kagə Olibiyeje#11.1 Ɓemur ɓar dɔ ər to dɔ wuri, ngaɓa May ngaw ɓar dɔ wuri to dɔ ər. Dɔ wuri nee le to dɔ ər gə to lo ce gə lə kar lə ɓe Jerujalɛm. d-ar kəne, n-ula ngan njenendoje lə-a joo ɗaa n-pa n-ar-je na: 2Awje mə ɓe gə to no-si gə kən, logə a kandə-je mə ɓe gə le nama a kingaje ngon kororo gə dəw al-ɛ ang ɓi gə ꞌtɔ-ɛ nangə; ꞌtud-eje ɗaa ꞌɗe-je sə-a. 3To gə ɓo dəw dəji si na: Mba ɗi ɓa ꞌtud-eje ne wa? Ila-je kəne na: Mbayɓe ɓa aw ndoo-e, ɗaa d-a kḭya̰-a gə tɔg-ɛ baa kar-si ꞌɗeje sə-a. 4D-ɔdə d-aw ɗaa d-inga ngon kororo gə ꞌtɔ-ɛ nangə ɗaga ta kəy gə mbɔr ɗəw gə, ɗaa ꞌtud-eje. 5Nje gə kɛm gə d-ar kəne ꞌdəji na: Ɗi ɓa aw ɗaje be wa? Mba ɗi ɓa ꞌtuduje ngon kororo gə nee le wa? 6D-ila kəne to gə Jeju pa ar-je le, ɗaa d-ḭya̰-a d-ar d-aw sə-a. 7ꞌƊe gə ngon kororo le ɗaa, ꞌtɔrəje kubuje lə-je d-um dɔ-ɛ gə ngaɓa Jeju al isi dɔ-ɛ gə ɓi#11.7 Jak 9.9. 8Dəwje bula ꞌlabə kubuje lə-je nangə ɗəw boo, #11.8 2Mb 9.13 ngaɓa nje gə kɛm ꞌci kam kagəje gə mə ndɔ gə. 9Nje gə d-ɔr no-ɛ gə nje nja go-e gə ꞌnjil ta-je gə, ꞌta ji naa gə miya̰ pa̰y-pa̰y na: Ojana! Ndu tɔr to dɔ dəw gə ɗe gə ri Mbayɓe! 10Ndu tɔr lə Luba to dɔ ɓeko̰ gə lə ka-sijee Mbay Dabidi gə aw ɗe! Ojana gə mə sam dara gə#11.10 Paj 118.25-26.
Kagə tungu gə kugu uwa-a
Mat 21.12-13,18-19; Lug 19.45-48; Ja̰ 2.13-17; Lug 13.6-9
11Jeju andə mə ɓe gə Jerujalɛm, mə kəy gə lə Luba. Lo gə Jeju ila kəm-e o neje tɔ̰y ɗaa, n-o to gə kar nday ya̰, n-ɔdə n-aw mə ɓe gə Ɓetani gə nje gə dɔg gə gir-je gə joo. 12Ndɔ gə nje kɔr-e go-e, logə ꞌce mə gə Ɓetani gə ɗaga ɗaa, ɓo ɔr Jeju. 13Logə n-o kagə tungu kara əw, gə kam-ɛ to pɔ-pɔ ɗaa, n-aw n-tən n-o se n-a kinga kand-e kəne kusa wa? Ngaa logə n-ɗe kəne ɗaa, n-inga kam-ɛ le ja baa, mba to nay kandə lə-a ang. 14Be ɓa ne n-un tar n-pa na: Ndɔ gə ɗangə dəw a kusa kand-i ang gə dɔbo̰! Ɗaa ngan njenendoje lə-a d-o ndu-e.
15Logə ꞌce Jerujalɛm ɗaa, Jeju andə mə kəy gə lə Luba. N-tɔbə njeɗabə neje gə nje ndogo neje lo-e gə nee#11.15 Lo gə to mə ndogo be. Logə Jiibije gə d-ḭ əw ꞌɗe mbəl lar lə-je kəne ɓa d-uga lar gədə ɓe ose ndogo nee nepolo.; n-kunda bəgərə lə njembəl larje gə dɔ nekisi lə nje ɗabə dərje n-tila. 16N-ḭya̰ dəw kara be kara n-ar nja gə ne mə kəy gə lə Luba ang. 17N-tɔji-je ne ngaɓa n-pa na: ꞌƊa mə mbede gə na: Kəy lə-m le d-a ɓar-ɛ kəy dəji Luba#11.17 Eja 56.7 ɔji dɔ gəl kuji dəwje tɔ̰y. Ngaa sisəy ꞌɗaje gə buja lə nje ɓogoje. 18Buba njekapoloje gə njekɔr gəl toronduje d-o ndu-e ɗaa, ꞌsangə ɗəw gə mba tɔl-ɛ; ngaa ꞌɓəəl mba netɔji lə-a dum dɔ bula dəwje. 19Kar kumatagə ɗaa Jeju gə ngan njenendoje lə-a d-ɔdə mə ɓebo gə.
20Lo gə d-aw nday gə ndɔɔ ɗaa, ngan njenendoje d-o kagə tungu gə uy wɔ ce ngira-a gə. 21Lo gə mə Piyɛr ole dɔ ne gə nday gə ɗaa, pa ar Jeju na: Njenetɔji, o kagə tungu gə ugu ne ar-ɛ le uy wɔ. 22Jeju un tar pa ar-je na: ꞌTaje kagə Luba. 23Tar gə tɔgərɔ ja, m-pa m-ar-si, to gə ɓo dəw pa ar dɔ ər gə nee na: Ɔdə lo gə nee gə aw oso mə babo gə, a to gə ɓo n-ma̰y tar dɔ ɓəngər-e gə ang, ngaa n-ta kagə to gə tar gə n-pa a ɗa ne nama, Luba a ɗa ne kar-ɛ. 24To gə be ɓa, m-pa m-ar-si: Ne tɔ̰y gə ꞌdəjije Luba le ꞌtaje kagə to gə ingaje nam ɗaa, Luba a ɗa kar-si. 25Logə ar-je taar gə mba dəji, ngaa ɓo ne kara tɔsə um-si naa gə gə dəw kara nama, ꞌɔrje tar dɔ-ɛ gə, mba kar Bɔ-sijee gə isi dara kara ɔr tar kal tar dɔ-si gə tɔ. 26Ngaa to gə ɓo ɔrəje tar dɔ-ɛ ang nama, Bɔ-sijee gə isi dara a kɔr tar kal tar dɔ-si gə ang tɔ.
Jiibije ꞌdəji Jeju na-na ɓa ar-ɛ ndu le wa?
Mat 21.23-27; Lug 20.1-8
27Jeju je gə ngan njenendoje lə-a ꞌtəl d-aw to gə ɗangə mə ɓe gə Jerujalɛm, logə Jeju aw nja mə kəy gə lə Luba bənəng ɗaa, buba njekapoloje, gə njekɔr gəl toronduje gə buba ɓeje ꞌɗe d-inga-a 28ꞌdəji-e na: Inga ndu nee ta na gə ɓa aw ꞌɗa ne ne gə nee le wa? Ose na ɓa ar-i ndu mba kar-i ꞌɗa ne wa? 29Jeju ila-je kəne na: M-a dəji si tar kara baa ja, ila-mje kəne ɗaa, m-a pa gəl singamongə lə-m kar-si. 30Batɛm gə Ja̰ ɗa le ḭ dara ose ḭ rɔ dəwje gə wa? Ila-mje kəne. 31Ngaa ꞌwɛdə tar horo naa gə na: To gə ɓo j-ila kəne na: Ḭ dara nama, n-a pa na: Mba ɗi ɓa sisəy ꞌtaje kag-ɛ ang wa? 32To gə ɓo j-ila kəne na: Ḭ rɔ dəwje gə nama, ꞌɓəəl dəw mə ɓeje, mba dəwje tɔ̰y ja ꞌgərə to gə Ja̰ to pajambərə gə tɔgərɔ. 33Be ɓa d-ila Jeju kəne na: J-a gərə ang. Ɗaa Jeju pa ar-je na: ꞌMa ja kara dəw gə ar-m ndu ɓa m-ɗa ne ne gə kən le, m-a pa kar-si ang tɔ.
Currently Selected:
Marəke 11: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Marəke 11
11
MƏ ƁE GƏ JERUJALƐM. KUY GƏ NDOL LƏ JEJU
Jeju andə mə ɓe gə Jerujalɛm
Mat 21.1-11,14-17; Lug 19.20-44; Ja̰ 12.12-19
1Logə Jeju je gə ngan njenendoje lə-a d-unda dɔ ɓe gə Jerujalɛm dəb, əw ang gə ɓe gə Ɓɛdəpaje, gə ɓe gə Ɓetani əər gə dɔ wuri gə kagə Olibiyeje#11.1 Ɓemur ɓar dɔ ər to dɔ wuri, ngaɓa May ngaw ɓar dɔ wuri to dɔ ər. Dɔ wuri nee le to dɔ ər gə to lo ce gə lə kar lə ɓe Jerujalɛm. d-ar kəne, n-ula ngan njenendoje lə-a joo ɗaa n-pa n-ar-je na: 2Awje mə ɓe gə to no-si gə kən, logə a kandə-je mə ɓe gə le nama a kingaje ngon kororo gə dəw al-ɛ ang ɓi gə ꞌtɔ-ɛ nangə; ꞌtud-eje ɗaa ꞌɗe-je sə-a. 3To gə ɓo dəw dəji si na: Mba ɗi ɓa ꞌtud-eje ne wa? Ila-je kəne na: Mbayɓe ɓa aw ndoo-e, ɗaa d-a kḭya̰-a gə tɔg-ɛ baa kar-si ꞌɗeje sə-a. 4D-ɔdə d-aw ɗaa d-inga ngon kororo gə ꞌtɔ-ɛ nangə ɗaga ta kəy gə mbɔr ɗəw gə, ɗaa ꞌtud-eje. 5Nje gə kɛm gə d-ar kəne ꞌdəji na: Ɗi ɓa aw ɗaje be wa? Mba ɗi ɓa ꞌtuduje ngon kororo gə nee le wa? 6D-ila kəne to gə Jeju pa ar-je le, ɗaa d-ḭya̰-a d-ar d-aw sə-a. 7ꞌƊe gə ngon kororo le ɗaa, ꞌtɔrəje kubuje lə-je d-um dɔ-ɛ gə ngaɓa Jeju al isi dɔ-ɛ gə ɓi#11.7 Jak 9.9. 8Dəwje bula ꞌlabə kubuje lə-je nangə ɗəw boo, #11.8 2Mb 9.13 ngaɓa nje gə kɛm ꞌci kam kagəje gə mə ndɔ gə. 9Nje gə d-ɔr no-ɛ gə nje nja go-e gə ꞌnjil ta-je gə, ꞌta ji naa gə miya̰ pa̰y-pa̰y na: Ojana! Ndu tɔr to dɔ dəw gə ɗe gə ri Mbayɓe! 10Ndu tɔr lə Luba to dɔ ɓeko̰ gə lə ka-sijee Mbay Dabidi gə aw ɗe! Ojana gə mə sam dara gə#11.10 Paj 118.25-26.
Kagə tungu gə kugu uwa-a
Mat 21.12-13,18-19; Lug 19.45-48; Ja̰ 2.13-17; Lug 13.6-9
11Jeju andə mə ɓe gə Jerujalɛm, mə kəy gə lə Luba. Lo gə Jeju ila kəm-e o neje tɔ̰y ɗaa, n-o to gə kar nday ya̰, n-ɔdə n-aw mə ɓe gə Ɓetani gə nje gə dɔg gə gir-je gə joo. 12Ndɔ gə nje kɔr-e go-e, logə ꞌce mə gə Ɓetani gə ɗaga ɗaa, ɓo ɔr Jeju. 13Logə n-o kagə tungu kara əw, gə kam-ɛ to pɔ-pɔ ɗaa, n-aw n-tən n-o se n-a kinga kand-e kəne kusa wa? Ngaa logə n-ɗe kəne ɗaa, n-inga kam-ɛ le ja baa, mba to nay kandə lə-a ang. 14Be ɓa ne n-un tar n-pa na: Ndɔ gə ɗangə dəw a kusa kand-i ang gə dɔbo̰! Ɗaa ngan njenendoje lə-a d-o ndu-e.
15Logə ꞌce Jerujalɛm ɗaa, Jeju andə mə kəy gə lə Luba. N-tɔbə njeɗabə neje gə nje ndogo neje lo-e gə nee#11.15 Lo gə to mə ndogo be. Logə Jiibije gə d-ḭ əw ꞌɗe mbəl lar lə-je kəne ɓa d-uga lar gədə ɓe ose ndogo nee nepolo.; n-kunda bəgərə lə njembəl larje gə dɔ nekisi lə nje ɗabə dərje n-tila. 16N-ḭya̰ dəw kara be kara n-ar nja gə ne mə kəy gə lə Luba ang. 17N-tɔji-je ne ngaɓa n-pa na: ꞌƊa mə mbede gə na: Kəy lə-m le d-a ɓar-ɛ kəy dəji Luba#11.17 Eja 56.7 ɔji dɔ gəl kuji dəwje tɔ̰y. Ngaa sisəy ꞌɗaje gə buja lə nje ɓogoje. 18Buba njekapoloje gə njekɔr gəl toronduje d-o ndu-e ɗaa, ꞌsangə ɗəw gə mba tɔl-ɛ; ngaa ꞌɓəəl mba netɔji lə-a dum dɔ bula dəwje. 19Kar kumatagə ɗaa Jeju gə ngan njenendoje lə-a d-ɔdə mə ɓebo gə.
20Lo gə d-aw nday gə ndɔɔ ɗaa, ngan njenendoje d-o kagə tungu gə uy wɔ ce ngira-a gə. 21Lo gə mə Piyɛr ole dɔ ne gə nday gə ɗaa, pa ar Jeju na: Njenetɔji, o kagə tungu gə ugu ne ar-ɛ le uy wɔ. 22Jeju un tar pa ar-je na: ꞌTaje kagə Luba. 23Tar gə tɔgərɔ ja, m-pa m-ar-si, to gə ɓo dəw pa ar dɔ ər gə nee na: Ɔdə lo gə nee gə aw oso mə babo gə, a to gə ɓo n-ma̰y tar dɔ ɓəngər-e gə ang, ngaa n-ta kagə to gə tar gə n-pa a ɗa ne nama, Luba a ɗa ne kar-ɛ. 24To gə be ɓa, m-pa m-ar-si: Ne tɔ̰y gə ꞌdəjije Luba le ꞌtaje kagə to gə ingaje nam ɗaa, Luba a ɗa kar-si. 25Logə ar-je taar gə mba dəji, ngaa ɓo ne kara tɔsə um-si naa gə gə dəw kara nama, ꞌɔrje tar dɔ-ɛ gə, mba kar Bɔ-sijee gə isi dara kara ɔr tar kal tar dɔ-si gə tɔ. 26Ngaa to gə ɓo ɔrəje tar dɔ-ɛ ang nama, Bɔ-sijee gə isi dara a kɔr tar kal tar dɔ-si gə ang tɔ.
Jiibije ꞌdəji Jeju na-na ɓa ar-ɛ ndu le wa?
Mat 21.23-27; Lug 20.1-8
27Jeju je gə ngan njenendoje lə-a ꞌtəl d-aw to gə ɗangə mə ɓe gə Jerujalɛm, logə Jeju aw nja mə kəy gə lə Luba bənəng ɗaa, buba njekapoloje, gə njekɔr gəl toronduje gə buba ɓeje ꞌɗe d-inga-a 28ꞌdəji-e na: Inga ndu nee ta na gə ɓa aw ꞌɗa ne ne gə nee le wa? Ose na ɓa ar-i ndu mba kar-i ꞌɗa ne wa? 29Jeju ila-je kəne na: M-a dəji si tar kara baa ja, ila-mje kəne ɗaa, m-a pa gəl singamongə lə-m kar-si. 30Batɛm gə Ja̰ ɗa le ḭ dara ose ḭ rɔ dəwje gə wa? Ila-mje kəne. 31Ngaa ꞌwɛdə tar horo naa gə na: To gə ɓo j-ila kəne na: Ḭ dara nama, n-a pa na: Mba ɗi ɓa sisəy ꞌtaje kag-ɛ ang wa? 32To gə ɓo j-ila kəne na: Ḭ rɔ dəwje gə nama, ꞌɓəəl dəw mə ɓeje, mba dəwje tɔ̰y ja ꞌgərə to gə Ja̰ to pajambərə gə tɔgərɔ. 33Be ɓa d-ila Jeju kəne na: J-a gərə ang. Ɗaa Jeju pa ar-je na: ꞌMa ja kara dəw gə ar-m ndu ɓa m-ɗa ne ne gə kən le, m-a pa kar-si ang tɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved