Marəke 12
12
Gusutar lə nje ɗa kula bḭyə̰
Mat 21.33-46; Lug 20.9-19
1Jeju un kudu pa tar kar dəwje gə gusutarje na: Ndɔ kara be, dəw kara maa kagə gə ri-a na bḭyə̰. N-ula kinga n-ay ne ngang-ɛje mbugu, n-uru buwa kar ndəy man bḭyə̰, cibi n-ɗa kəy lo t-ɛ gə; ngaɓa n-ḭya̰ ji njeɗa kula bḭyə̰je gə ɗaa n-ɔdə n-aw mba gə. 2Logə nay kunja kandə bḭyə̰ le asə ɗaa n-ula ngon njekula kara ɓə lə njeɗa kula bḭyə̰je gə mba kar ꞌta bḭyə̰ k-ɛ le ji-je gə. 3D-uwa-a, ꞌkunda-a ngaɓa tɔb-ɛ ji-a dɔrɔ baa. 4N-təl n-ula ngon njekula gə ɗangə ɓə lə-je ja cibi; ɗaa ꞌkunda dɔ-ɛ wɔg-wɔg ngaɓa ꞌtaj-ɛ. 5N-təl n-ula njekum gə munda ɗaa ꞌtɔl-ɛ; ngaɓa nje gə kɛm bula gə ꞌkunda-je ose ꞌtɔl-je. 6Ngon njigi lə-a gə nay kara baa ji-a gə ja n-ula-a ɓə lə-je gə bo̰ ɗaa n-əji m-e gə na: Ɓo to ngon-m nama d-a ɓəəl-e. 7Ngaa njeɗa kula bḭyə̰je nee le ꞌpa tar horo naa gə na: Nje kuwa nenduba le ja ɓa nee, ꞌɗeje ar-si j-a tɔl-ɛje, ɗaa nenduba le a to kar-si. 8Be ɓa d-uwa-a, ꞌndɔr-ɛ mə ndɔ bḭyə̰ gə d-aw sə-a gir kinga gə ɗaga ɗaa ꞌtɔl-ɛ d-ila-a kɔrɔ. 9Ɗi ɓa njendɔ le a ɗa wa? N-a ɗe kar ꞌtɔl nje ɗa kula mə ndɔ gə je, ɗaa n-a kun ndɔ bḭyə̰ le kar nje gə ɗangə. 10ꞌTuraje tar gə nee mə mbede gə ang wa:
Ər gə njekunda kəyje ꞌmbadə le
təl to ər gə mongə, gə kil kəy gə;
11 Ne nee le ḭ rɔ Mbayɓe gə,
ɗaa to ne gə to ɓəəl ya̰.
12ꞌJeje ꞌgərə to gə Jeju pa gusutar nee ɔji dɔ-je ɗaa, ꞌsangə ɗəw mba kuwa-a, ngaa ꞌɓəəl bula dəwje, ɗaa d-ḭya̰-a d-ɔdə d-aw.
Lar gədə ɓe lə Sejar
Mat 22.15-22; Lug 20.20-26
13D-ula Parijiyɛ̰je gə kɛm gə nje koso gəl Erɔdə gə je ɓə lə Jeju mba kar d-iya kula d-uba ne gə go tar paje lə-a. 14ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa? 15Jeju gərə tar mula lə-je som, ɗaa ila-je kəne na: Mba ɗi ɓa ꞌna-mje ne wa? ꞌƊeje gə sulay kara ar-mje m-o. 16ꞌƊe gə sulay kara; ɗaa Jeju dəji-je na: Se dɔ dəw, gə nekunja gə nee to kar na wa? D-ila-a kəne na, to kar Sejar. 17Be ɓa, Jeju pa ar-je na: Ne lə Sejar nama ar-je Sejar, a to gə ɓo ne lə Luba nama ar-je Luba, ɗaa lo tar igi-je sɛl.
Sadusiyɛ̰je gə tar gə ɔji dɔ ndol lə nje gə d-uy
Mat 22.23-33; Lug 20.27-40
18 Sadusiyɛ̰je ꞌpa na dəw uy ɓa ndol ang, ꞌɗe d-inga Jeju gə ꞌdəji-e na: 19Njenetɔji, o tar gə Moyiji pa ar-si ɓa nee: To gə ɓo dəw ta jene ɓa uji ne ang ɓa bo uy nama, ngon ko̰-ɛ a ta jene lə-a, ɗaa a kunda ne ko ngon ko̰-ɛ. 20To gə be ɓa, ngan ko̰ naaje d-ḭ siri ɗaa, dəw gə dɔngɔr ta jene lal kunda ne ko-e baa ja uy. 21Ye gə njekum gə joo ta jene nduba le ɗaa unda ne ko-e ang baa ja tɔ ɗaa uy. Njekum gə munda kara to gə bənəng nəm, 22ɗaa dəw kara ja kara horo nje gə siri nee le uji ngon ang magə. Go-je gə tɔ̰y ɗaa, jene le kara uy tɔ. 23Ngaa ndɔ gə dəwje gə d-uy d-a ndol le se, na ɓa horo ngan ko̰ naaje siri nee le n-a to jene lə-a wa? Mba ꞌt-ɛje gə ta ja gə kəm-je gə siri tɔ̰y. 24Jeju pa ar-je na: O-je gəl ne gə ꞌndəəmje ne le ɓa nee: ꞌGərəje Mbede lə Luba ang nəm, gə singamongə lə Luba ang nəm tɔ. 25Be ɓa, logə nje gə d-uy d-a ndol le, jingawje gə jeneje d-a ta naa ang, ngaa d-a kaw to gə anjije gə dara be. 26Tar gə ɔji dɔ nje gə d-uy gə d-a ndol, gə Luba pa ar Moyiji mə ko bul gə, gə to mə mbede gə le ꞌturaje ang wa? Luba pa ar Moyiji na: M-to Luba lə Abəraham, Luba lə Ijagə gə Luba lə Jakobo? 27Luba to Luba lə nje gə d-uy ang, ngaa n-to Luba lə dəwje gə d-isi kəm baa. Ndəəm-je igi-je paa.
Ndu gə al dɔ nduje tɔ̰y
Lug 10.25-37
28Dəw kara horo njekɔr gəl toronduje gə tuga mbi-a o ndu-je lo ma̰y tar gə ɗaa, o to gə Jeju ila Sadusiyɛ̰je kəne gə maj-ɛ ɗaa, n-gɛsə gə mbɔr Jeju gə ngaɓa dəji-e na: Ndu gə ɗa ɓa to ɓəəl unda mar-ɛje tɔ̰y wa? 29Jeju ila kəne na: Ye gə dɔngɔr ɓa nee: ꞌTuga mbi o, Ijirayɛl! Mbayɓe Luba lə-si to Mbayɓe gə kara baa ɗəgədə 30ɗaa ꞌi a njigi Mbayɓe, Luba lə-i, gə ngaw ur-i tɔ̰y, gə kəm lə-i tɔ̰y, gə kəji negərə lə-i tɔ̰y ngaɓa gə singa-i tɔ̰y. 31Njekum gə joo ɓa nee: A njigi njemar-i to to gə darɔ-i be. Ndu gə ɗangə gə to ɓəəl ya̰ unda nje gə nee le godo. 32Njekɔr gəl torondu le pa na: May boy, Njenetɔji, tar gə ꞌpa le to tar gə tɔgərɔ ja. Mbayɓe le to Luba gə kara baa ɗəgədə ngaɓa Ye gə nje kunda-a kəne gə ɗangə godo; 33ngaɓa njigi-e gə ngaw ur-i tɔ̰y, gə tar kənji lə-i tɔ̰y, gə singa-i tɔ̰y, ngaɓa njigi njemar-i to gə darɔ-i be le, neje nee le to ɓəəl unda nepoloje gə ꞌro gə pər d-ar Luba, gə nepoloje tɔ̰y. 34Logə Jeju o to gə n-ila kəne gə go negərə ɗaa, ila-a kəne na: ꞌI le nay əw ang baa gə Ɓeko̰ lə Luba, ɗaa dəw kara kara asə dəji-e tar ang ngaa.
Kirisi to ngon lə Dabidi wa?
Mat 22.41-45; Lug 20.41-44
35Jeju un tar pa aw tɔji ne mə kəy gə lə Luba. N-dəji-je na: Na ban ɓa njekɔr gəl toronduje ꞌpa na Kirisi to gə gəl kuji gə lə Dabidi ɓi wa? 36Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na:
Mbayɓe Luba pa ar Mbayɓe lə-m:
Isi dɔ ji kɔl-m gə,
Saar gə mba kar-m m-təl ne njeba̰a̰je lə-i mba kar ꞌnja dɔ-je gə.
37Dabidi gə darɔ-ɛ ja ɓar-ɛ Mbayɓe; ngaa n-a to ngon-e to gə ban cibi wa? Ɗaa bula dəwje d-o tar lə-a le gə rɔləl.
Jeju ila tar dɔ njekɔr gəl toronduje gə
Mat 23.1-14; Lug 20.45-47
38Jeju pa tar tɔji ne nena: Aje rɔ-si rɔ njekɔr gəl toronduje gə; ꞌnjigi mba nja gə kubu gə ngal yududu-yududu, ngaɓa kar d-unda ji-je go naa gə ɓa d-uwa ne ji-je ta nada; 39a ɓo kəy nendo gə nama, lokisi gə kede ja ɓa ꞌnjigi kisi kəne, cibi ꞌnjigi lo kisi riɓar lo muru bula gə. 40D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar kuru-je əwu mba kar dəwje d-o-je ne. Be ɓa d-a gangə tar gə to ɓəəl ya̰ dɔ-je gə.
Nenuji lə jene njekəy kinga
Lug 21.1-4
41Jeju isi nangə mbɔr ka nebaw gə d-ila nenuji kəne, o nee ɗəw gə bula dəwje d-aw d-ila ne nenuji. Bawje bula d-ila ya̰. 42Jene nduba kara to dangə gə, ɗe gə sulay joo um kəne tɔ. 43Be ɓa Jeju ɓar ngan njenendoje lə-a ɗaa, pa ar-je na: Tar gə tɔgərɔ, m-pa m-ar-si, jene njekəy kinga nee le ila ne unda dəwje tɔ̰y gə d-um ne mə ka nebaw gə nee; 44mba dəwje tɔ̰y d-ila kɛsə neje lə-je gə to baa, ngaa ꞌne ɗaa, n-un nebaw lə-a ɗɔdə n-ar gə nenuji; ne gə ye ja baa to ji-a gə ngaɓa n-um m-e kəne mba gədə ne rɔ-ɛ.
Currently Selected:
Marəke 12: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Marəke 12
12
Gusutar lə nje ɗa kula bḭyə̰
Mat 21.33-46; Lug 20.9-19
1Jeju un kudu pa tar kar dəwje gə gusutarje na: Ndɔ kara be, dəw kara maa kagə gə ri-a na bḭyə̰. N-ula kinga n-ay ne ngang-ɛje mbugu, n-uru buwa kar ndəy man bḭyə̰, cibi n-ɗa kəy lo t-ɛ gə; ngaɓa n-ḭya̰ ji njeɗa kula bḭyə̰je gə ɗaa n-ɔdə n-aw mba gə. 2Logə nay kunja kandə bḭyə̰ le asə ɗaa n-ula ngon njekula kara ɓə lə njeɗa kula bḭyə̰je gə mba kar ꞌta bḭyə̰ k-ɛ le ji-je gə. 3D-uwa-a, ꞌkunda-a ngaɓa tɔb-ɛ ji-a dɔrɔ baa. 4N-təl n-ula ngon njekula gə ɗangə ɓə lə-je ja cibi; ɗaa ꞌkunda dɔ-ɛ wɔg-wɔg ngaɓa ꞌtaj-ɛ. 5N-təl n-ula njekum gə munda ɗaa ꞌtɔl-ɛ; ngaɓa nje gə kɛm bula gə ꞌkunda-je ose ꞌtɔl-je. 6Ngon njigi lə-a gə nay kara baa ji-a gə ja n-ula-a ɓə lə-je gə bo̰ ɗaa n-əji m-e gə na: Ɓo to ngon-m nama d-a ɓəəl-e. 7Ngaa njeɗa kula bḭyə̰je nee le ꞌpa tar horo naa gə na: Nje kuwa nenduba le ja ɓa nee, ꞌɗeje ar-si j-a tɔl-ɛje, ɗaa nenduba le a to kar-si. 8Be ɓa d-uwa-a, ꞌndɔr-ɛ mə ndɔ bḭyə̰ gə d-aw sə-a gir kinga gə ɗaga ɗaa ꞌtɔl-ɛ d-ila-a kɔrɔ. 9Ɗi ɓa njendɔ le a ɗa wa? N-a ɗe kar ꞌtɔl nje ɗa kula mə ndɔ gə je, ɗaa n-a kun ndɔ bḭyə̰ le kar nje gə ɗangə. 10ꞌTuraje tar gə nee mə mbede gə ang wa:
Ər gə njekunda kəyje ꞌmbadə le
təl to ər gə mongə, gə kil kəy gə;
11 Ne nee le ḭ rɔ Mbayɓe gə,
ɗaa to ne gə to ɓəəl ya̰.
12ꞌJeje ꞌgərə to gə Jeju pa gusutar nee ɔji dɔ-je ɗaa, ꞌsangə ɗəw mba kuwa-a, ngaa ꞌɓəəl bula dəwje, ɗaa d-ḭya̰-a d-ɔdə d-aw.
Lar gədə ɓe lə Sejar
Mat 22.15-22; Lug 20.20-26
13D-ula Parijiyɛ̰je gə kɛm gə nje koso gəl Erɔdə gə je ɓə lə Jeju mba kar d-iya kula d-uba ne gə go tar paje lə-a. 14ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa? 15Jeju gərə tar mula lə-je som, ɗaa ila-je kəne na: Mba ɗi ɓa ꞌna-mje ne wa? ꞌƊeje gə sulay kara ar-mje m-o. 16ꞌƊe gə sulay kara; ɗaa Jeju dəji-je na: Se dɔ dəw, gə nekunja gə nee to kar na wa? D-ila-a kəne na, to kar Sejar. 17Be ɓa, Jeju pa ar-je na: Ne lə Sejar nama ar-je Sejar, a to gə ɓo ne lə Luba nama ar-je Luba, ɗaa lo tar igi-je sɛl.
Sadusiyɛ̰je gə tar gə ɔji dɔ ndol lə nje gə d-uy
Mat 22.23-33; Lug 20.27-40
18 Sadusiyɛ̰je ꞌpa na dəw uy ɓa ndol ang, ꞌɗe d-inga Jeju gə ꞌdəji-e na: 19Njenetɔji, o tar gə Moyiji pa ar-si ɓa nee: To gə ɓo dəw ta jene ɓa uji ne ang ɓa bo uy nama, ngon ko̰-ɛ a ta jene lə-a, ɗaa a kunda ne ko ngon ko̰-ɛ. 20To gə be ɓa, ngan ko̰ naaje d-ḭ siri ɗaa, dəw gə dɔngɔr ta jene lal kunda ne ko-e baa ja uy. 21Ye gə njekum gə joo ta jene nduba le ɗaa unda ne ko-e ang baa ja tɔ ɗaa uy. Njekum gə munda kara to gə bənəng nəm, 22ɗaa dəw kara ja kara horo nje gə siri nee le uji ngon ang magə. Go-je gə tɔ̰y ɗaa, jene le kara uy tɔ. 23Ngaa ndɔ gə dəwje gə d-uy d-a ndol le se, na ɓa horo ngan ko̰ naaje siri nee le n-a to jene lə-a wa? Mba ꞌt-ɛje gə ta ja gə kəm-je gə siri tɔ̰y. 24Jeju pa ar-je na: O-je gəl ne gə ꞌndəəmje ne le ɓa nee: ꞌGərəje Mbede lə Luba ang nəm, gə singamongə lə Luba ang nəm tɔ. 25Be ɓa, logə nje gə d-uy d-a ndol le, jingawje gə jeneje d-a ta naa ang, ngaa d-a kaw to gə anjije gə dara be. 26Tar gə ɔji dɔ nje gə d-uy gə d-a ndol, gə Luba pa ar Moyiji mə ko bul gə, gə to mə mbede gə le ꞌturaje ang wa? Luba pa ar Moyiji na: M-to Luba lə Abəraham, Luba lə Ijagə gə Luba lə Jakobo? 27Luba to Luba lə nje gə d-uy ang, ngaa n-to Luba lə dəwje gə d-isi kəm baa. Ndəəm-je igi-je paa.
Ndu gə al dɔ nduje tɔ̰y
Lug 10.25-37
28Dəw kara horo njekɔr gəl toronduje gə tuga mbi-a o ndu-je lo ma̰y tar gə ɗaa, o to gə Jeju ila Sadusiyɛ̰je kəne gə maj-ɛ ɗaa, n-gɛsə gə mbɔr Jeju gə ngaɓa dəji-e na: Ndu gə ɗa ɓa to ɓəəl unda mar-ɛje tɔ̰y wa? 29Jeju ila kəne na: Ye gə dɔngɔr ɓa nee: ꞌTuga mbi o, Ijirayɛl! Mbayɓe Luba lə-si to Mbayɓe gə kara baa ɗəgədə 30ɗaa ꞌi a njigi Mbayɓe, Luba lə-i, gə ngaw ur-i tɔ̰y, gə kəm lə-i tɔ̰y, gə kəji negərə lə-i tɔ̰y ngaɓa gə singa-i tɔ̰y. 31Njekum gə joo ɓa nee: A njigi njemar-i to to gə darɔ-i be. Ndu gə ɗangə gə to ɓəəl ya̰ unda nje gə nee le godo. 32Njekɔr gəl torondu le pa na: May boy, Njenetɔji, tar gə ꞌpa le to tar gə tɔgərɔ ja. Mbayɓe le to Luba gə kara baa ɗəgədə ngaɓa Ye gə nje kunda-a kəne gə ɗangə godo; 33ngaɓa njigi-e gə ngaw ur-i tɔ̰y, gə tar kənji lə-i tɔ̰y, gə singa-i tɔ̰y, ngaɓa njigi njemar-i to gə darɔ-i be le, neje nee le to ɓəəl unda nepoloje gə ꞌro gə pər d-ar Luba, gə nepoloje tɔ̰y. 34Logə Jeju o to gə n-ila kəne gə go negərə ɗaa, ila-a kəne na: ꞌI le nay əw ang baa gə Ɓeko̰ lə Luba, ɗaa dəw kara kara asə dəji-e tar ang ngaa.
Kirisi to ngon lə Dabidi wa?
Mat 22.41-45; Lug 20.41-44
35Jeju un tar pa aw tɔji ne mə kəy gə lə Luba. N-dəji-je na: Na ban ɓa njekɔr gəl toronduje ꞌpa na Kirisi to gə gəl kuji gə lə Dabidi ɓi wa? 36Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na:
Mbayɓe Luba pa ar Mbayɓe lə-m:
Isi dɔ ji kɔl-m gə,
Saar gə mba kar-m m-təl ne njeba̰a̰je lə-i mba kar ꞌnja dɔ-je gə.
37Dabidi gə darɔ-ɛ ja ɓar-ɛ Mbayɓe; ngaa n-a to ngon-e to gə ban cibi wa? Ɗaa bula dəwje d-o tar lə-a le gə rɔləl.
Jeju ila tar dɔ njekɔr gəl toronduje gə
Mat 23.1-14; Lug 20.45-47
38Jeju pa tar tɔji ne nena: Aje rɔ-si rɔ njekɔr gəl toronduje gə; ꞌnjigi mba nja gə kubu gə ngal yududu-yududu, ngaɓa kar d-unda ji-je go naa gə ɓa d-uwa ne ji-je ta nada; 39a ɓo kəy nendo gə nama, lokisi gə kede ja ɓa ꞌnjigi kisi kəne, cibi ꞌnjigi lo kisi riɓar lo muru bula gə. 40D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar kuru-je əwu mba kar dəwje d-o-je ne. Be ɓa d-a gangə tar gə to ɓəəl ya̰ dɔ-je gə.
Nenuji lə jene njekəy kinga
Lug 21.1-4
41Jeju isi nangə mbɔr ka nebaw gə d-ila nenuji kəne, o nee ɗəw gə bula dəwje d-aw d-ila ne nenuji. Bawje bula d-ila ya̰. 42Jene nduba kara to dangə gə, ɗe gə sulay joo um kəne tɔ. 43Be ɓa Jeju ɓar ngan njenendoje lə-a ɗaa, pa ar-je na: Tar gə tɔgərɔ, m-pa m-ar-si, jene njekəy kinga nee le ila ne unda dəwje tɔ̰y gə d-um ne mə ka nebaw gə nee; 44mba dəwje tɔ̰y d-ila kɛsə neje lə-je gə to baa, ngaa ꞌne ɗaa, n-un nebaw lə-a ɗɔdə n-ar gə nenuji; ne gə ye ja baa to ji-a gə ngaɓa n-um m-e kəne mba gədə ne rɔ-ɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved