Maroko 11
11
Boho mese‑ya Yeso itari
1Yerosare‑ya mai koboni yanatonamaroni. Orifera adami yakari‑ya tabora bi‑bidi na, Betaniya toha, Befaki toha na, yakari‑ya mai kobona, Yeso hika mai da‑daba mai fama mai‑ya yosemarine.
2“A‑ahi‑ya mai tabori‑ya dai towakahi. Mai tabori‑ya dai towakiya, boho yetene yaditone dai awiya, dai disawaheya, dai kakamayaho. Hibati‑ya boho mese‑ya mai itariterani.
3‘Hini yamata‑bone boho yetene‑ya dai disawahiti?’ Mai ati niya,
‘Ai‑ka hidi haahinene.’ Dai ati niyahi.
Boho‑ya mai daanaboneni.” Yeso ati nemarine.
4Mai hiyose mai towaka, tabora‑ya mai kobokana, boho yetene wai‑ya mai awa, hawi fowari‑ya boho yetene wai, yobe‑ka nokobi‑ya yaditone, wai‑ya mai disawahameteni.
5Mai‑ya mai awa, mai ati yanana,
“Hini yamata‑bone boho yetene‑ya dai disawaha?” Mai ati nameteni.
6Yeso ati‑ya mai kamina, mai ati‑ya mai mita,
“Sibarini. Dai towakamaho.” Mai ati nameteni.
7Boho yetene‑ya mai kakama, boho mese‑ya mai‑ka bora‑ya mai sookanire, boho mese‑ya Yeso itariwahemarine.
8Yeso toke, Yeso hawine‑ya mai dama mai‑ka bora‑ya mai nawiya, awa afe‑ya mai one nawiya namaroni.
9Mai one dai toha, mai one yoto na, eya mai ati na, mai ati kitamaroni.
“Deoso ai kahiyarineni. Deoso tiwa‑ya yose, tiwa‑ya kasomayaho, oda ati nineni.
10Dafi ai‑ka idi tohematane.
‘Dafi‑ka nodi kitabote tohawahebona, hidi webote tohebonane.’ Deoso‑ka yama hani ati na,
fara oda‑ka hidi webote tihabone, oda ya‑yainineni. Deoso neme‑ya wine, Deoso ai kahiyarineni.” Mai ati namaroni.
11Yerosare‑ya Yeso kobone, Deoso‑ka yobe‑ya toke, tokiyome, yama‑ya kiine, mahi toke ene Yeso hika mai da‑daba mai 12 kana mai eyehe Betaniya‑kaya winitonamatasemarine.
Fiko ade tamine
12Betaniya‑ya mai amona, mai yananamatasa, Yeso fimimarine.
13Aka‑ya fiko‑ya Yeso awe, fiko afe dama, fiko boni‑ya sibanebona fiko‑ya tonake, fiko bonora, abariko owa‑ya fiko bonoteni.
14Fiko bonora‑ya Yeso hiyare,
“Tiwa bono‑ya mai kabamateraboneni.” Yeso ati ne, ati‑ya hika mai da‑daba mai mitamaroni.
Yama‑ya mai da‑daa mai‑ya Yeso kananiwahe
15Yerosare‑ya mai kobona, Deoso‑ka yobe‑ya Yeso toke, yama‑ya mai one daa, mai one yama‑ya kanika na, mai‑ya Yeso kananiwahemarine. Yinero‑ya mai da‑daa mai‑ka mesa‑ya Yeso fatatokawiti, wayomata mai‑ya mai da‑daa mai‑ka kadera‑ya Yeso fatatokawiti nemarine.
16Deoso‑ka yobe‑ya yama‑ya mai daanabone yama‑ya mai kakamake mai‑ya Yeso awe, mai‑ya ati barinemarine.
17Mai‑ya kanawatobona, mai‑ya hiyare,
“‘Oka yobe‑ya mai tabori dami‑ya mai wi‑wina owa‑ya mai hiyaraboneni.’ Deoso‑ka yama hani ati na,
dai ene yama‑ya mai bo‑boti mai‑ka yobe‑nima yobe nawawahane.” Yeso ati nemarine.
18Hidi mai tohara Yeso ati‑ya mai mita, Yeso ati‑ya mai nofi nafemaroni. Yeso ati‑ya mai dama mai nofa, mai ihi mai‑ka hidi Yeso‑ya mai nayofinamaroni. Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, Yeso‑ya mai nayofina, Yeso‑ya mai nanahababone mai ati namaroni.
19Mahi toke‑ya tabora one‑ya mai tokoma, Yerosare‑ya mai amoramaroni.
20Yama wahabisari‑ya mai kamaminatasa, fiko nafi wayatona‑ya mai awamaroni.
21Fiko‑ya i‑di Bedoro awe, ati yanane,
“Ayo, fiko tiawahi. Weetina, tiwati‑nima wayatoneni.” Bedoro ati nemarine.
22“Deoso ati dai nofahi.
23Owati amosa dai mitahi. Deoso ati dai nofiya, dai ene kitabote tohawahaboneni.
‘Adami webote tibokahi.’ Dai ati niya,
‘Deoso kiteba awane.’ Dai atibodi ati riyahi,
‘Deoso kitatene.’ Dai atibodi ati nibisiya,
Deoso ene adami webote bokaboneni.
24Deoso‑ya dai haaniya,
‘Yama haa·ona‑ya Deoso daanebonane.’ Dai atibodi ati nahi.
Haa‑nima dai atibodi ati niya, hini dai ati‑nima yama naboneni.
25Deoso dai hiyariya, dai one‑ya dai ati somawamahi, dai‑ka Abi neme‑ke ati somawamaharibonaha.
26Dai ati somawami awiriya, dai‑ka Abi neme‑ke ati somawamaharirebonane.” Yeso ati nemarine.
Yeso‑ya mai weena
27Yerosare‑ya mai kamatasa, Deoso‑ka yobe‑ya Yeso tokiyome, yobe doro‑ya Yeso yakaneya, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai kamake, Yeso‑ya mai weenabone,
28Yeso‑ya mai hiyara,
“Ebeni‑ke ati ene mai‑ya kanatiniti? Ebeni‑ke ati ene mesa‑ya fatatikawiti tiniti?” Mai ati namaroni.
29“Dai ati omiti bahi, owati dai mitaboneni.
30Yowaho Batita mai dama mai‑ya habanirise, ebeni‑ke ati ene tohati? Deoso ene tohe awane, ai owa ene toha ne awane, hini yamata‑nima dai ati nihi?” Yeso ati nemarine.
31Mai ibi hiyara,
“‘Deoso ati ene amane.’ Ai ati niya,
‘Hini yamata ihi Yowaho Batita ati dai nofariti?’ Yeso ati nebonane.
32‘Ai owa ati ene amane.’ Ai ati niya,
oda‑ya mai bisinaboneni.” Mai ibi hiyara, mai ati namaroni.
Mai dama mai sawe, Yowaho Batita ati‑ya mai nofa,
“Yowaho Batita Deoso ati‑ya mai mi‑mita mai‑ka owa amane.” Mai dama mai ati namaroni.
33Yeso‑ya mai hiyaramatasa,
“Yowaho Batita tamine oda wato awirini.” Mai ati na,
“Dai ati yanara, owati yananahariraboneni.” Yeso ati nemarine.
Currently Selected:
Maroko 11: jaaNT
Highlight
Share
Copy
Want to have your highlights saved across all your devices? Sign up or sign in
Maroko 11
11
Boho mese‑ya Yeso itari
1Yerosare‑ya mai koboni yanatonamaroni. Orifera adami yakari‑ya tabora bi‑bidi na, Betaniya toha, Befaki toha na, yakari‑ya mai kobona, Yeso hika mai da‑daba mai fama mai‑ya yosemarine.
2“A‑ahi‑ya mai tabori‑ya dai towakahi. Mai tabori‑ya dai towakiya, boho yetene yaditone dai awiya, dai disawaheya, dai kakamayaho. Hibati‑ya boho mese‑ya mai itariterani.
3‘Hini yamata‑bone boho yetene‑ya dai disawahiti?’ Mai ati niya,
‘Ai‑ka hidi haahinene.’ Dai ati niyahi.
Boho‑ya mai daanaboneni.” Yeso ati nemarine.
4Mai hiyose mai towaka, tabora‑ya mai kobokana, boho yetene wai‑ya mai awa, hawi fowari‑ya boho yetene wai, yobe‑ka nokobi‑ya yaditone, wai‑ya mai disawahameteni.
5Mai‑ya mai awa, mai ati yanana,
“Hini yamata‑bone boho yetene‑ya dai disawaha?” Mai ati nameteni.
6Yeso ati‑ya mai kamina, mai ati‑ya mai mita,
“Sibarini. Dai towakamaho.” Mai ati nameteni.
7Boho yetene‑ya mai kakama, boho mese‑ya mai‑ka bora‑ya mai sookanire, boho mese‑ya Yeso itariwahemarine.
8Yeso toke, Yeso hawine‑ya mai dama mai‑ka bora‑ya mai nawiya, awa afe‑ya mai one nawiya namaroni.
9Mai one dai toha, mai one yoto na, eya mai ati na, mai ati kitamaroni.
“Deoso ai kahiyarineni. Deoso tiwa‑ya yose, tiwa‑ya kasomayaho, oda ati nineni.
10Dafi ai‑ka idi tohematane.
‘Dafi‑ka nodi kitabote tohawahebona, hidi webote tohebonane.’ Deoso‑ka yama hani ati na,
fara oda‑ka hidi webote tihabone, oda ya‑yainineni. Deoso neme‑ya wine, Deoso ai kahiyarineni.” Mai ati namaroni.
11Yerosare‑ya Yeso kobone, Deoso‑ka yobe‑ya toke, tokiyome, yama‑ya kiine, mahi toke ene Yeso hika mai da‑daba mai 12 kana mai eyehe Betaniya‑kaya winitonamatasemarine.
Fiko ade tamine
12Betaniya‑ya mai amona, mai yananamatasa, Yeso fimimarine.
13Aka‑ya fiko‑ya Yeso awe, fiko afe dama, fiko boni‑ya sibanebona fiko‑ya tonake, fiko bonora, abariko owa‑ya fiko bonoteni.
14Fiko bonora‑ya Yeso hiyare,
“Tiwa bono‑ya mai kabamateraboneni.” Yeso ati ne, ati‑ya hika mai da‑daba mai mitamaroni.
Yama‑ya mai da‑daa mai‑ya Yeso kananiwahe
15Yerosare‑ya mai kobona, Deoso‑ka yobe‑ya Yeso toke, yama‑ya mai one daa, mai one yama‑ya kanika na, mai‑ya Yeso kananiwahemarine. Yinero‑ya mai da‑daa mai‑ka mesa‑ya Yeso fatatokawiti, wayomata mai‑ya mai da‑daa mai‑ka kadera‑ya Yeso fatatokawiti nemarine.
16Deoso‑ka yobe‑ya yama‑ya mai daanabone yama‑ya mai kakamake mai‑ya Yeso awe, mai‑ya ati barinemarine.
17Mai‑ya kanawatobona, mai‑ya hiyare,
“‘Oka yobe‑ya mai tabori dami‑ya mai wi‑wina owa‑ya mai hiyaraboneni.’ Deoso‑ka yama hani ati na,
dai ene yama‑ya mai bo‑boti mai‑ka yobe‑nima yobe nawawahane.” Yeso ati nemarine.
18Hidi mai tohara Yeso ati‑ya mai mita, Yeso ati‑ya mai nofi nafemaroni. Yeso ati‑ya mai dama mai nofa, mai ihi mai‑ka hidi Yeso‑ya mai nayofinamaroni. Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, Yeso‑ya mai nayofina, Yeso‑ya mai nanahababone mai ati namaroni.
19Mahi toke‑ya tabora one‑ya mai tokoma, Yerosare‑ya mai amoramaroni.
20Yama wahabisari‑ya mai kamaminatasa, fiko nafi wayatona‑ya mai awamaroni.
21Fiko‑ya i‑di Bedoro awe, ati yanane,
“Ayo, fiko tiawahi. Weetina, tiwati‑nima wayatoneni.” Bedoro ati nemarine.
22“Deoso ati dai nofahi.
23Owati amosa dai mitahi. Deoso ati dai nofiya, dai ene kitabote tohawahaboneni.
‘Adami webote tibokahi.’ Dai ati niya,
‘Deoso kiteba awane.’ Dai atibodi ati riyahi,
‘Deoso kitatene.’ Dai atibodi ati nibisiya,
Deoso ene adami webote bokaboneni.
24Deoso‑ya dai haaniya,
‘Yama haa·ona‑ya Deoso daanebonane.’ Dai atibodi ati nahi.
Haa‑nima dai atibodi ati niya, hini dai ati‑nima yama naboneni.
25Deoso dai hiyariya, dai one‑ya dai ati somawamahi, dai‑ka Abi neme‑ke ati somawamaharibonaha.
26Dai ati somawami awiriya, dai‑ka Abi neme‑ke ati somawamaharirebonane.” Yeso ati nemarine.
Yeso‑ya mai weena
27Yerosare‑ya mai kamatasa, Deoso‑ka yobe‑ya Yeso tokiyome, yobe doro‑ya Yeso yakaneya, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai kamake, Yeso‑ya mai weenabone,
28Yeso‑ya mai hiyara,
“Ebeni‑ke ati ene mai‑ya kanatiniti? Ebeni‑ke ati ene mesa‑ya fatatikawiti tiniti?” Mai ati namaroni.
29“Dai ati omiti bahi, owati dai mitaboneni.
30Yowaho Batita mai dama mai‑ya habanirise, ebeni‑ke ati ene tohati? Deoso ene tohe awane, ai owa ene toha ne awane, hini yamata‑nima dai ati nihi?” Yeso ati nemarine.
31Mai ibi hiyara,
“‘Deoso ati ene amane.’ Ai ati niya,
‘Hini yamata ihi Yowaho Batita ati dai nofariti?’ Yeso ati nebonane.
32‘Ai owa ati ene amane.’ Ai ati niya,
oda‑ya mai bisinaboneni.” Mai ibi hiyara, mai ati namaroni.
Mai dama mai sawe, Yowaho Batita ati‑ya mai nofa,
“Yowaho Batita Deoso ati‑ya mai mi‑mita mai‑ka owa amane.” Mai dama mai ati namaroni.
33Yeso‑ya mai hiyaramatasa,
“Yowaho Batita tamine oda wato awirini.” Mai ati na,
“Dai ati yanara, owati yananahariraboneni.” Yeso ati nemarine.
Currently Selected:
:
Highlight
Share
Copy
Want to have your highlights saved across all your devices? Sign up or sign in