Maroko 12
12
Ofa bodone tamine
1Yeso mai‑ya kanawatobona mai‑ya hiyare,
“Ofa tabori‑bone‑ya hidi hawa tonihi, ofa noki‑ya kamane, yama ba‑barikana‑ya wamane, ofa ta‑tai‑ka hodi‑ya wamane, ofa‑ya mai na‑nawada‑bone mai tabori nemehe‑bone‑ya wamanamaki, yama yaki‑ya tokebona mai‑ya hiyare,
‘Oka awa bono dai nawadahi. Hadiya, one okayafa, one dai kayafa naboneni.’ Ofa hidi ati ne,
‘Hehe, sibarini.’ Mai ati namaroni.
Fa‑fai‑ya yama yaki‑ya hidi tokawahemarine.
2Ofa hadiya, ofa hidi‑ya mai na‑narifa mai‑ka owa‑ya yose,
‘Owa tabaro one‑ya tikamahi. Ofa one‑ya tiwa‑ya mai daaniya, ofa tiwakamiyahi.’ Hidi ati nene.
3Hika yo‑yose tokome, mai‑ya haane, ofa‑ya mai daara, hiniya mai bisihine, honita kamene.
4Hika fai‑ya mai na‑narifa owa‑ya yosemakitase, tokome, ofa‑ya haane, ofa‑ya mai daara, hika yo‑yose mai weehine, tati mai baahirine.
5Makobote ofa hidi hika fai‑ya mai na‑narifa owa‑ya yosemakitase, ofa‑ya haane, ofa‑ya mai daara, hiniya mai hinahabawahene. Hidi hika mai dami‑ya yose, hika mai one mai bisi, mai one mai hinahaba hinani.
6Ofa hidi hika fai‑ya mai na‑narifa mai one‑ya yosere, bidi‑ya yosebisane. Bidi‑ya nofi nafi,
‘Oka dao ati‑ya mai nofabisaboneni.’ Ofa hidi atibodi ati nene.
7 # 12:1-9 Ofa hidi i‑di Deoso tamine amane. Ofa mai na‑nawada Yodeo mai‑ka hidi mai tamine amani. Ofa hidi hika fai‑ya mai na‑narifa i‑di Deoso ati‑ya mai mi‑mita‑mete mai tamine amani. Ofa hidi bidi i‑di Yeso tamine amane. Ofa hidi bidi kobone‑ya mai awa, mai ibi hiyara,
‘Bidi ai nanahabaho. Ai nanahabeya, badi abamakiya, mai‑ka yama nafi ai kayafawahaboneni.’ Mai ati nani.
8Bidi mai hinahabe, awa widi‑ya abo mai korohiwitine.
9Bidi abe tamine‑ya badi miteya, hini yamata‑nima ene nabati? Kamakiya, hika ofa‑ya mai na‑nawada‑maro mai‑ya nanahabeya, mai one‑ya ofa‑ya hidi daanebonane, mai hinawadawahabonehe.
10 # 12:10 Yobe‑ya mai wa‑wama Yodeo mai‑ka hidi mai tamine amani. Awa towe‑mona Yeso tamine amane. Fara Deoso‑ka yama hani ati timitahi,
‘Yobe‑ya mai wa‑wama awa mai werehiwite, yobe tati mese ewene tohawahemarine.’ Deoso‑ka yama hani ati nineni.
11Deoso ene ai awemari, ai ya‑yainineni.” Yeso ati nemarine.
12Yeso ati‑ya mai mita, mai yawa,
“Ofa‑ya mai na‑nawada mai tamine‑ya Yeso hiyare, fara oda tamine amani. Yeso ati kasirone.” Mai ati namaroni.
Yeso‑ya mai watabone mai ati na, Yeso‑ya mai watara, mai dama mai‑ya mai nayofina, hiniya mai tokomamaroni.
“Yeso ati tosawariba awane.” Mai one atibodi ati na
13Mai toki hawa tohiya, fariseo mai one toha, i‑di Erodi‑ka mai one toha, mai na, mai‑ya mai yosemaroni, Yeso‑ya mai hiyarabonehe.
“Oda ati ene Yeso ati tosawariya, mai dama i‑di Yeso ati‑ya mai nofamaraboneni. Yeso oda weenaboneni.” Mai atibodi ati namaroni.
14Fara Yeso‑ya mai tokomake, Yeso‑ya mai hiyara,
“Ayo, keyehe‑ya hirititerani. Mai nafi tinofa, mai one tinofi bi‑bidi tini awirani. Deoso ati tikamini amose, ene tiwati oda mitaboneni. Homano mai‑ka hidi webote i‑di Sesa tohe, fare ai‑ka yinero‑ya haanene.
15Ai‑ka yinero‑ya mai haaniya, yinero ai daanibaraniha? Sesa‑ka yinero‑bona ai daaniya, sibakarini?” Mai ati namaroni.
Mai atibodi ati‑ya Yeso wato, ati yanane,
“Owa‑ya dai watabone dai ati amani. Yara‑ka yinero ohari dai kakamahi.” Yeso ati nemarine.
16Yinero ohari‑ya mai kakamamaroni.
“Yinero dai awahi. Ebeni‑ke korimari‑ya oni fama?” Yeso ati ne,
“I‑di Sesa korimari, oni ne, yinero‑ya waanane.” Mai ati namaroni.
17“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.
Yeso ati‑ya mai mita,
“Ka! Yeso yama‑ya watone.” Mai atibodi ati namaroni.
18Sadoseo mai one kamakemaroni, Yeso ati‑ya mai mitabonehe.
“Ai aba ai kitamaterani.” Sadoseo mai ati teni.
Mai kobona, Yeso‑ya mai hiyara,
19“Yeso, tiwati oda mitaboneni. Hibati‑ya i‑di Mose yama hikanahanamete tamine timitahi,
‘Ayo abeya, fadi hasina, bidi, bide, mai na, mai wadara, anidi fadi‑ya famawahiyaho. Bidi wadeya, anidi abemari oni‑ya bidi weyenayaho.’ Mose‑ka yama hani ati nineni.
20Ai owa sohori mai 6 kana, fane, kahiware, abemarine.
21Fadi‑ya sohori famawahe, kahiware, abamakitase, fadi‑ya sohori yoto‑ke famamakitase, kahiware, abamakitasemarine.
22Fara hinama mai fana, mai kahiwara, mai nafi aba, mai‑ka yibote abamakemaroni.
23Yeso, oda ati timitahi. Mai nafi‑ka yibote tohamaro, mai kitamiya, ebeni‑ke fadi tohawahibati?” Sadoseo mai ati namaroni.
24Yeso mai‑ya hiyare,
“Deoso‑ka yama hani dai watorihi, Deoso ene dai watorihi, dai na, dai tosawarineni.
25Mai aba Deoso ati ene mai kitamiya, neme‑ya mai winiya, mai fanamateraboneni. Deoso‑ka yo‑yose mai‑nima mai naboneni.
26Ai aba, ai kitamaterabone dai ati na, Mose‑ka yama hani dai awaterini? Awa hirini‑ya i‑di Mose‑ya Deoso hiyare,
‘I‑di Abaraho, i‑di Isaki, i‑di Yako mai na, mai‑ka Deoso ama·oni.’ Deoso ati nematamonane.
27Hibati‑ya mai abametemoneni. Mai wadamara mai‑ka Deoso tohaterene. Mai korimari hasinibisa, mai‑ka Deoso amane. Yama dai wato awirini.” Yeso ati nemarine.
28Mose‑ka yama hani ati‑ya mai ka‑kamina owa ohari Yeso ati‑ya mite,
“Yeso yama‑ya watone.” Atibodi ati ne, ati yanane,
“Yeso, ai ene tamine‑ya Mose kanahanomatamonane. Yama hani ati one amosabote owa‑ya tikaminamakihi.” Ati nemarine.
29Deoso‑ka yama hani ati‑ya i‑di Yeso kamine,
“‘Isara·eo‑ka dai amani, owati dai mitahi. Ai‑ka hidi webote i‑di Deoso tohe, owa wadaterene.
30Ai‑ka hidi webote i‑di Deoso dai nofi nafihi. Yama one dai nofi nafiriyahi. Deoso‑ta dai nokotonibisahi.’ Yama hani ati na, ati amosabote amani.
31Makobote Deoso‑ka yama hani ati,
‘Hini tiwa tinofi‑nima dai yakari‑ya mai sawe mai tinofiyahi.’ Yama hani ati namatasa,
ati amosabote amani. Deoso‑ka yama hani one ati amosi bi‑bidi nibisateni.” Yeso ati nemarine.
32Mose‑ka yama hani ati‑ya mai ka‑kamina owa ati yananamatase,
“Hehe, tiwati‑nima yama teni. Deoso oharibisane, owa wadaterene.
33Deoso ai nofi nafibisahi. Ai‑ya ai nofi‑nima ai yakari‑ya mai sawe mai‑ya ai nofaharihi. Haa‑nima ai niya, Deoso ya‑yaini nafibonane. Yamata, bani ne Deoso‑ya ai daaniya, Deoso ya‑yaini bi‑bidi nebonane.” Maki ati nemarine.
34“Maki ati amose, yama‑ya watone.” Yeso atibodi ati nemarine.
Maki‑ya Yeso hiyare,
“Deoso ai nafi‑ka hidi kitabote tohawaheya tisaweba awineni.” Yeso ati nemarine.
Yeso yama‑ya wato, Yeso‑ya mai nafi nayofina, mai ati fawanawahamaroni.
Mose‑ka yama hani ati‑ya mai ka‑kamina mai tamine
35Deoso‑ka yobe‑ya mai‑ya Yeso kanawato,
“Mose‑ka yama hani ati‑ya mai ka‑kamina haa‑nima mai ati teni.
‘Deoso‑ka Ka‑kadika Dafi‑ka nodi amane.’ Mai ati teni.
36Deoso‑ka Ka‑kadika tamine‑ya i‑di Dafi kanahano, ati dai mitahi.
‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’
Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.
37Deoso‑ka Ka‑kadika i‑di Dafi‑ka hidi webote tohemona i‑di Dafi ati nematamonane. Fare Dafi‑ka nodi tohe, i‑di Dafi‑ka hidi webote tohahari ne.” Yeso ati nemarine.
Mai dama Yeso ati‑ya mai mita, mai ya‑yainamaroni.
38Yeso mai‑ya kanawato, mai‑ya hiyaramatase,
“Dai noko wadahi. Mose‑ka yama hani ati‑ya mai ka‑kamina dai‑ya mai nokotoniteni, mai‑ya dai kahiyarabonehe. Fara yama ai ka‑kanika‑ke yobe‑ya mai naha, bora yaba‑ya mai sakona;
39Deoso‑ya mai hi‑hiyara‑ke yobe‑ya mai sawe, kadera amosa‑ya mai nahore; dai yorotokana, dai tafabone, mai sawe, kadera amosabisa‑ya mai nahore,
40Deoso‑ya mai hiyariya, mai hiyari yaboteni, mai dai kahiyarabonehe. Mai fanawi mai‑ka yibote mai aba mai‑ka yama‑ya mai kayafateni. Mai ihi towe manakone nafibisaboneni.” Yeso ati nemarine.
Fana yahi hone wadara yinero‑ya daana
41Deoso‑ka yobe doro‑ya yinero weyene wai yowi‑ya Yeso itari, mai dama mai‑ya kakatome, Deoso‑ka yinero‑bona‑ya mai daana, mai one yinero webote dame‑ya mai kiha yinero webote‑ya mai daanamaroni.
42Fana kamake, maki abemata, honita wahawama, yahi hone wadara, hika yinero bidi fame‑ya daanamaroni. Hika yinero yorotokawame manakone i‑isi nemarine. Yinero daani‑ya Yeso awe,
43hika mai da‑daba mai‑ya haane, ati yanane,
“Owati amosa dai mitahi. Fana honita wahawama yama nafi‑ya daaneni. Mai one‑ta yama nafi‑ya mai daani awirani.
44Mai‑ka yinero dame, owa‑ya mai daana, mai‑ka yinero dame hasinane. Fana‑ka yama wadatera, hika yinero bidi fame‑ya daana, hika yinero owa hasini awire, tafe manakone‑bone‑ya daanibisineni.” Yeso ati nemarine.
Currently Selected:
Maroko 12: jaaNT
Highlight
Share
Copy
Want to have your highlights saved across all your devices? Sign up or sign in
Maroko 12
12
Ofa bodone tamine
1Yeso mai‑ya kanawatobona mai‑ya hiyare,
“Ofa tabori‑bone‑ya hidi hawa tonihi, ofa noki‑ya kamane, yama ba‑barikana‑ya wamane, ofa ta‑tai‑ka hodi‑ya wamane, ofa‑ya mai na‑nawada‑bone mai tabori nemehe‑bone‑ya wamanamaki, yama yaki‑ya tokebona mai‑ya hiyare,
‘Oka awa bono dai nawadahi. Hadiya, one okayafa, one dai kayafa naboneni.’ Ofa hidi ati ne,
‘Hehe, sibarini.’ Mai ati namaroni.
Fa‑fai‑ya yama yaki‑ya hidi tokawahemarine.
2Ofa hadiya, ofa hidi‑ya mai na‑narifa mai‑ka owa‑ya yose,
‘Owa tabaro one‑ya tikamahi. Ofa one‑ya tiwa‑ya mai daaniya, ofa tiwakamiyahi.’ Hidi ati nene.
3Hika yo‑yose tokome, mai‑ya haane, ofa‑ya mai daara, hiniya mai bisihine, honita kamene.
4Hika fai‑ya mai na‑narifa owa‑ya yosemakitase, tokome, ofa‑ya haane, ofa‑ya mai daara, hika yo‑yose mai weehine, tati mai baahirine.
5Makobote ofa hidi hika fai‑ya mai na‑narifa owa‑ya yosemakitase, ofa‑ya haane, ofa‑ya mai daara, hiniya mai hinahabawahene. Hidi hika mai dami‑ya yose, hika mai one mai bisi, mai one mai hinahaba hinani.
6Ofa hidi hika fai‑ya mai na‑narifa mai one‑ya yosere, bidi‑ya yosebisane. Bidi‑ya nofi nafi,
‘Oka dao ati‑ya mai nofabisaboneni.’ Ofa hidi atibodi ati nene.
7 # 12:1-9 Ofa hidi i‑di Deoso tamine amane. Ofa mai na‑nawada Yodeo mai‑ka hidi mai tamine amani. Ofa hidi hika fai‑ya mai na‑narifa i‑di Deoso ati‑ya mai mi‑mita‑mete mai tamine amani. Ofa hidi bidi i‑di Yeso tamine amane. Ofa hidi bidi kobone‑ya mai awa, mai ibi hiyara,
‘Bidi ai nanahabaho. Ai nanahabeya, badi abamakiya, mai‑ka yama nafi ai kayafawahaboneni.’ Mai ati nani.
8Bidi mai hinahabe, awa widi‑ya abo mai korohiwitine.
9Bidi abe tamine‑ya badi miteya, hini yamata‑nima ene nabati? Kamakiya, hika ofa‑ya mai na‑nawada‑maro mai‑ya nanahabeya, mai one‑ya ofa‑ya hidi daanebonane, mai hinawadawahabonehe.
10 # 12:10 Yobe‑ya mai wa‑wama Yodeo mai‑ka hidi mai tamine amani. Awa towe‑mona Yeso tamine amane. Fara Deoso‑ka yama hani ati timitahi,
‘Yobe‑ya mai wa‑wama awa mai werehiwite, yobe tati mese ewene tohawahemarine.’ Deoso‑ka yama hani ati nineni.
11Deoso ene ai awemari, ai ya‑yainineni.” Yeso ati nemarine.
12Yeso ati‑ya mai mita, mai yawa,
“Ofa‑ya mai na‑nawada mai tamine‑ya Yeso hiyare, fara oda tamine amani. Yeso ati kasirone.” Mai ati namaroni.
Yeso‑ya mai watabone mai ati na, Yeso‑ya mai watara, mai dama mai‑ya mai nayofina, hiniya mai tokomamaroni.
“Yeso ati tosawariba awane.” Mai one atibodi ati na
13Mai toki hawa tohiya, fariseo mai one toha, i‑di Erodi‑ka mai one toha, mai na, mai‑ya mai yosemaroni, Yeso‑ya mai hiyarabonehe.
“Oda ati ene Yeso ati tosawariya, mai dama i‑di Yeso ati‑ya mai nofamaraboneni. Yeso oda weenaboneni.” Mai atibodi ati namaroni.
14Fara Yeso‑ya mai tokomake, Yeso‑ya mai hiyara,
“Ayo, keyehe‑ya hirititerani. Mai nafi tinofa, mai one tinofi bi‑bidi tini awirani. Deoso ati tikamini amose, ene tiwati oda mitaboneni. Homano mai‑ka hidi webote i‑di Sesa tohe, fare ai‑ka yinero‑ya haanene.
15Ai‑ka yinero‑ya mai haaniya, yinero ai daanibaraniha? Sesa‑ka yinero‑bona ai daaniya, sibakarini?” Mai ati namaroni.
Mai atibodi ati‑ya Yeso wato, ati yanane,
“Owa‑ya dai watabone dai ati amani. Yara‑ka yinero ohari dai kakamahi.” Yeso ati nemarine.
16Yinero ohari‑ya mai kakamamaroni.
“Yinero dai awahi. Ebeni‑ke korimari‑ya oni fama?” Yeso ati ne,
“I‑di Sesa korimari, oni ne, yinero‑ya waanane.” Mai ati namaroni.
17“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.
Yeso ati‑ya mai mita,
“Ka! Yeso yama‑ya watone.” Mai atibodi ati namaroni.
18Sadoseo mai one kamakemaroni, Yeso ati‑ya mai mitabonehe.
“Ai aba ai kitamaterani.” Sadoseo mai ati teni.
Mai kobona, Yeso‑ya mai hiyara,
19“Yeso, tiwati oda mitaboneni. Hibati‑ya i‑di Mose yama hikanahanamete tamine timitahi,
‘Ayo abeya, fadi hasina, bidi, bide, mai na, mai wadara, anidi fadi‑ya famawahiyaho. Bidi wadeya, anidi abemari oni‑ya bidi weyenayaho.’ Mose‑ka yama hani ati nineni.
20Ai owa sohori mai 6 kana, fane, kahiware, abemarine.
21Fadi‑ya sohori famawahe, kahiware, abamakitase, fadi‑ya sohori yoto‑ke famamakitase, kahiware, abamakitasemarine.
22Fara hinama mai fana, mai kahiwara, mai nafi aba, mai‑ka yibote abamakemaroni.
23Yeso, oda ati timitahi. Mai nafi‑ka yibote tohamaro, mai kitamiya, ebeni‑ke fadi tohawahibati?” Sadoseo mai ati namaroni.
24Yeso mai‑ya hiyare,
“Deoso‑ka yama hani dai watorihi, Deoso ene dai watorihi, dai na, dai tosawarineni.
25Mai aba Deoso ati ene mai kitamiya, neme‑ya mai winiya, mai fanamateraboneni. Deoso‑ka yo‑yose mai‑nima mai naboneni.
26Ai aba, ai kitamaterabone dai ati na, Mose‑ka yama hani dai awaterini? Awa hirini‑ya i‑di Mose‑ya Deoso hiyare,
‘I‑di Abaraho, i‑di Isaki, i‑di Yako mai na, mai‑ka Deoso ama·oni.’ Deoso ati nematamonane.
27Hibati‑ya mai abametemoneni. Mai wadamara mai‑ka Deoso tohaterene. Mai korimari hasinibisa, mai‑ka Deoso amane. Yama dai wato awirini.” Yeso ati nemarine.
28Mose‑ka yama hani ati‑ya mai ka‑kamina owa ohari Yeso ati‑ya mite,
“Yeso yama‑ya watone.” Atibodi ati ne, ati yanane,
“Yeso, ai ene tamine‑ya Mose kanahanomatamonane. Yama hani ati one amosabote owa‑ya tikaminamakihi.” Ati nemarine.
29Deoso‑ka yama hani ati‑ya i‑di Yeso kamine,
“‘Isara·eo‑ka dai amani, owati dai mitahi. Ai‑ka hidi webote i‑di Deoso tohe, owa wadaterene.
30Ai‑ka hidi webote i‑di Deoso dai nofi nafihi. Yama one dai nofi nafiriyahi. Deoso‑ta dai nokotonibisahi.’ Yama hani ati na, ati amosabote amani.
31Makobote Deoso‑ka yama hani ati,
‘Hini tiwa tinofi‑nima dai yakari‑ya mai sawe mai tinofiyahi.’ Yama hani ati namatasa,
ati amosabote amani. Deoso‑ka yama hani one ati amosi bi‑bidi nibisateni.” Yeso ati nemarine.
32Mose‑ka yama hani ati‑ya mai ka‑kamina owa ati yananamatase,
“Hehe, tiwati‑nima yama teni. Deoso oharibisane, owa wadaterene.
33Deoso ai nofi nafibisahi. Ai‑ya ai nofi‑nima ai yakari‑ya mai sawe mai‑ya ai nofaharihi. Haa‑nima ai niya, Deoso ya‑yaini nafibonane. Yamata, bani ne Deoso‑ya ai daaniya, Deoso ya‑yaini bi‑bidi nebonane.” Maki ati nemarine.
34“Maki ati amose, yama‑ya watone.” Yeso atibodi ati nemarine.
Maki‑ya Yeso hiyare,
“Deoso ai nafi‑ka hidi kitabote tohawaheya tisaweba awineni.” Yeso ati nemarine.
Yeso yama‑ya wato, Yeso‑ya mai nafi nayofina, mai ati fawanawahamaroni.
Mose‑ka yama hani ati‑ya mai ka‑kamina mai tamine
35Deoso‑ka yobe‑ya mai‑ya Yeso kanawato,
“Mose‑ka yama hani ati‑ya mai ka‑kamina haa‑nima mai ati teni.
‘Deoso‑ka Ka‑kadika Dafi‑ka nodi amane.’ Mai ati teni.
36Deoso‑ka Ka‑kadika tamine‑ya i‑di Dafi kanahano, ati dai mitahi.
‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’
Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.
37Deoso‑ka Ka‑kadika i‑di Dafi‑ka hidi webote tohemona i‑di Dafi ati nematamonane. Fare Dafi‑ka nodi tohe, i‑di Dafi‑ka hidi webote tohahari ne.” Yeso ati nemarine.
Mai dama Yeso ati‑ya mai mita, mai ya‑yainamaroni.
38Yeso mai‑ya kanawato, mai‑ya hiyaramatase,
“Dai noko wadahi. Mose‑ka yama hani ati‑ya mai ka‑kamina dai‑ya mai nokotoniteni, mai‑ya dai kahiyarabonehe. Fara yama ai ka‑kanika‑ke yobe‑ya mai naha, bora yaba‑ya mai sakona;
39Deoso‑ya mai hi‑hiyara‑ke yobe‑ya mai sawe, kadera amosa‑ya mai nahore; dai yorotokana, dai tafabone, mai sawe, kadera amosabisa‑ya mai nahore,
40Deoso‑ya mai hiyariya, mai hiyari yaboteni, mai dai kahiyarabonehe. Mai fanawi mai‑ka yibote mai aba mai‑ka yama‑ya mai kayafateni. Mai ihi towe manakone nafibisaboneni.” Yeso ati nemarine.
Fana yahi hone wadara yinero‑ya daana
41Deoso‑ka yobe doro‑ya yinero weyene wai yowi‑ya Yeso itari, mai dama mai‑ya kakatome, Deoso‑ka yinero‑bona‑ya mai daana, mai one yinero webote dame‑ya mai kiha yinero webote‑ya mai daanamaroni.
42Fana kamake, maki abemata, honita wahawama, yahi hone wadara, hika yinero bidi fame‑ya daanamaroni. Hika yinero yorotokawame manakone i‑isi nemarine. Yinero daani‑ya Yeso awe,
43hika mai da‑daba mai‑ya haane, ati yanane,
“Owati amosa dai mitahi. Fana honita wahawama yama nafi‑ya daaneni. Mai one‑ta yama nafi‑ya mai daani awirani.
44Mai‑ka yinero dame, owa‑ya mai daana, mai‑ka yinero dame hasinane. Fana‑ka yama wadatera, hika yinero bidi fame‑ya daana, hika yinero owa hasini awire, tafe manakone‑bone‑ya daanibisineni.” Yeso ati nemarine.
Currently Selected:
:
Highlight
Share
Copy
Want to have your highlights saved across all your devices? Sign up or sign in