Hechos 2
2
Jawurebia zedꞌa
1Pentecosté ewarita araa zebʉrʉdꞌera Jesúsdꞌebema ĩjã bꞌera jõma ãba duanasia. 2Maʉ̃ne aritiaudꞌe ʉ̃treba nangu kĩrãkꞌa uga zesia, de jõma maʉ̃ba uga nʉmesia ãzhi duanu maẽ. 3Maʉ̃ne tebʉ kĩrãkꞌa eradrʉ ũdubʉdata eradrʉsia ãzhi buruza. 4Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.
5Maʉ̃ne judíorã Daizezedꞌebema aribꞌae bꞌeta Jerusalénne duanasia drua jõmaʉ̃nebemata. 6Mawũã uga bʉsita ũrĩnaĩ kꞌabanata nʉmʉrã bʉredrʉsidꞌa. Kꞌawua ẽã krĩchasidꞌa abꞌa abꞌakꞌa ãzhi bedꞌeadꞌe bedꞌeabʉdata ũrĩ kꞌopanʉba. 7Mawũẽ ãzhara bia akʉdrua mawũãsidꞌa: Akaudua, ¿Galileadꞌebema ẽka naʉ̃rã jõma za bedꞌea kꞌobꞌera? 8¿Sãwũẽrã dazhirãbara ũrĩ kꞌobꞌe abꞌa abꞌakꞌa dazhirã bedꞌeadꞌe bedꞌea kꞌobꞌeta? 9Dazhirã ʉ̃kʉrʉ Parto druadꞌebema, Medo druadꞌebema, Elamita druadꞌebema, Mesopotamia druadꞌebema, Judea druadꞌebema, Capadocia druadꞌebema, Ponto druadꞌebema, Asia druadꞌebema, 10Frigia druadꞌebema, Panfilia druadꞌebema, Egipto druadꞌebema, África drua Cirene audre wawaraidꞌubema, dewara Romanebemata nama bꞌea, judíorãta bꞌea, judío ẽãta judío bape bꞌea. 11Dazhirã ʉ̃kʉrʉra Creta druadꞌebema, Árabe druadꞌebema. Maʉ̃ta dazhirãbara ũrĩ kꞌobꞌea dazhi bedꞌeadꞌe jara kꞌobꞌeta ne bia Daizezedꞌebemata.
12Maʉ̃nerã jõmaʉ̃ba bia akʉdrua ãzhirãĩnu mawũãsidꞌa: ¿Kꞌãrẽpe kꞌãwũãrã?
13Waya ʉ̃kʉrʉma sewakꞌau bꞌedꞌeba mawũãsidꞌa: Beu nʉmeã.
Miã ũrãgꞌadꞌa Pedro
14Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata. 15Dai za kꞌobꞌera beu nʉme ẽã marãba krĩcha kꞌobꞌe kĩrãkꞌa, ewarira wadꞌi diapedꞌa nʉmʉã. 16Naʉ̃ẽnabema Daizezeba bedꞌeata jarabibariba Joelba jaradꞌata mawũãsia:
17Daizezebara mawũãsia:
Ewari jõĩta nʉmebʉrʉdꞌera mʉ Jawurebiara mʉãrã diaya zhãrã jõmaʉ̃ã. Mawũẽ marã warrarãbara marã kꞌaurãbara jaradꞌaya mʉã jarabibʉrʉta. Kũrãrã marãneã mʉãrã ne ũdubiya kꞌãĩmokꞌaradꞌe kĩrãkꞌa, zõrãrã marãneã mʉãrã ne ũdubiya kꞌãĩmokꞌaradꞌe.
18Zhũmakĩrãrã mʉ nezokꞌarãã, wũẽrãrã mʉ nezokꞌarãã maʉ̃ ewadera mʉãrã wãrãne diaya mʉ Jawurebiata. Mawũẽ jaradꞌaya mʉã jarabibʉrʉta.
19Ũdudꞌakꞌata ũdubigaya ʉ̃tʉ bãjãne, ũdudꞌakꞌata ũdubigaya udꞌa druadꞌe, ũdubigaya wata, tebʉta, narĩ kꞌougata.
20Ʉ̃madaura pãrĩguya, jedꞌekꞌora wa baya, Daizezeba kꞌawua okuai ewarita zei nawedꞌa mawũã totoya, maʉ̃nerã ewarira zhi zromata kĩrãwãrẽ baya.
21Nokꞌo Jesúa zuburia bedꞌeabʉdara ẽdrʉdꞌaya. (Joel 2:28-32)
22Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea. 23Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi. 24Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera. 25Rey Davidbara Jesús jarabʉrʉta mawũãsia:
Mʉãrã Nokꞌora ewariza ũdu bꞌʉa mʉ kĩrãbita, mʉ juwua araare bꞌʉba mʉrã bꞌae ẽã.
26Maʉ̃ba mʉrã sobia bꞌʉa, bꞌʉsridꞌa trʉ̃ã bꞌʉa, adu-a bꞌʉa.
27Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.
28Bʉara mʉãã kꞌawuabisia mʉrã wakusa zokꞌai bꞌaita, bʉa mʉrã sobia bꞌabiya mʉ ũme bꞌʉba. (Salmos 16:8-11)
29Mebẽrã, mʉã marãã jipa jaraya, zõrã dazhirãta rey David beubʉrʉdꞌera wuagꞌasidꞌa, izhi wuagꞌadꞌapeadꞌara peña zobꞌeara dazhirãne edꞌa nʉmʉã idꞌi basiidꞌu. 30Davira Daizezeba bedꞌeata jarabibarita bꞌadꞌaba kꞌawua bꞌasia Daizezera wãrĩnu bedꞌeadꞌata, jarasia izhidꞌeba uruta zhãrã Ẽdrʉbita piradrʉbiita, aramaʉ̃ne reyta bꞌʉita izhi kĩrãkꞌa. 31Mawũã na wedꞌauba kꞌawua bꞌʉba jarasia beudꞌata piradrʉita zhãrã Ẽdrʉbira, aramaʉ̃ne izhi jawurera ãmaẽna ẽãta beudꞌata bꞌe maẽrã, miã izhi kꞌakuara bꞌerawa ẽãta. 32Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa. 33Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda. 34David ẽbasia ʉ̃taa wãrĩzedꞌara, maʉ̃neba izhara Jesústa jara mawũãsia:
Daizezebara mʉ Nokꞌoa mawũãsia: Mʉ juwua araare jewedꞌarua,
35bʉ jura bꞌeta jõma mʉã bʉ jẽrũ edre bꞌʉyeedꞌa. (Salmos 110:1)
36Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.
37Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?
38Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata. 39Daizezeba Jawurebia diaya adꞌara marãĩtabema, marã warrarãĩtabema, zhãrã wawara bꞌeitabema, Daizezeta Nokꞌoba trʉ̃kuabʉrʉitabema.
40Pedrobara dewara bedꞌea bio jarakꞌa ũrãgꞌa mawũãsia: ¡Marã Daizezea ẽdrʉbiudua kꞌãwũã bia ẽãta bꞌedꞌebara!
41Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil. 42Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.
Sãwũã bꞌeadꞌa naara zhi ĩjãnapeadꞌata
43Zhãrã jõma pera jirpanesia ũdudꞌakꞌata bio obʉdaba Jesúsba zokꞌakuadꞌaba. 44Jesúsdꞌebema ĩjãnapeadꞌara ãba bꞌeba ne jõma erubꞌeasia jõmaʉ̃ĩta. 45Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua. 46Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia. 47Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.
Currently Selected:
Hechos 2: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Hechos 2
2
Jawurebia zedꞌa
1Pentecosté ewarita araa zebʉrʉdꞌera Jesúsdꞌebema ĩjã bꞌera jõma ãba duanasia. 2Maʉ̃ne aritiaudꞌe ʉ̃treba nangu kĩrãkꞌa uga zesia, de jõma maʉ̃ba uga nʉmesia ãzhi duanu maẽ. 3Maʉ̃ne tebʉ kĩrãkꞌa eradrʉ ũdubʉdata eradrʉsia ãzhi buruza. 4Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.
5Maʉ̃ne judíorã Daizezedꞌebema aribꞌae bꞌeta Jerusalénne duanasia drua jõmaʉ̃nebemata. 6Mawũã uga bʉsita ũrĩnaĩ kꞌabanata nʉmʉrã bʉredrʉsidꞌa. Kꞌawua ẽã krĩchasidꞌa abꞌa abꞌakꞌa ãzhi bedꞌeadꞌe bedꞌeabʉdata ũrĩ kꞌopanʉba. 7Mawũẽ ãzhara bia akʉdrua mawũãsidꞌa: Akaudua, ¿Galileadꞌebema ẽka naʉ̃rã jõma za bedꞌea kꞌobꞌera? 8¿Sãwũẽrã dazhirãbara ũrĩ kꞌobꞌe abꞌa abꞌakꞌa dazhirã bedꞌeadꞌe bedꞌea kꞌobꞌeta? 9Dazhirã ʉ̃kʉrʉ Parto druadꞌebema, Medo druadꞌebema, Elamita druadꞌebema, Mesopotamia druadꞌebema, Judea druadꞌebema, Capadocia druadꞌebema, Ponto druadꞌebema, Asia druadꞌebema, 10Frigia druadꞌebema, Panfilia druadꞌebema, Egipto druadꞌebema, África drua Cirene audre wawaraidꞌubema, dewara Romanebemata nama bꞌea, judíorãta bꞌea, judío ẽãta judío bape bꞌea. 11Dazhirã ʉ̃kʉrʉra Creta druadꞌebema, Árabe druadꞌebema. Maʉ̃ta dazhirãbara ũrĩ kꞌobꞌea dazhi bedꞌeadꞌe jara kꞌobꞌeta ne bia Daizezedꞌebemata.
12Maʉ̃nerã jõmaʉ̃ba bia akʉdrua ãzhirãĩnu mawũãsidꞌa: ¿Kꞌãrẽpe kꞌãwũãrã?
13Waya ʉ̃kʉrʉma sewakꞌau bꞌedꞌeba mawũãsidꞌa: Beu nʉmeã.
Miã ũrãgꞌadꞌa Pedro
14Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata. 15Dai za kꞌobꞌera beu nʉme ẽã marãba krĩcha kꞌobꞌe kĩrãkꞌa, ewarira wadꞌi diapedꞌa nʉmʉã. 16Naʉ̃ẽnabema Daizezeba bedꞌeata jarabibariba Joelba jaradꞌata mawũãsia:
17Daizezebara mawũãsia:
Ewari jõĩta nʉmebʉrʉdꞌera mʉ Jawurebiara mʉãrã diaya zhãrã jõmaʉ̃ã. Mawũẽ marã warrarãbara marã kꞌaurãbara jaradꞌaya mʉã jarabibʉrʉta. Kũrãrã marãneã mʉãrã ne ũdubiya kꞌãĩmokꞌaradꞌe kĩrãkꞌa, zõrãrã marãneã mʉãrã ne ũdubiya kꞌãĩmokꞌaradꞌe.
18Zhũmakĩrãrã mʉ nezokꞌarãã, wũẽrãrã mʉ nezokꞌarãã maʉ̃ ewadera mʉãrã wãrãne diaya mʉ Jawurebiata. Mawũẽ jaradꞌaya mʉã jarabibʉrʉta.
19Ũdudꞌakꞌata ũdubigaya ʉ̃tʉ bãjãne, ũdudꞌakꞌata ũdubigaya udꞌa druadꞌe, ũdubigaya wata, tebʉta, narĩ kꞌougata.
20Ʉ̃madaura pãrĩguya, jedꞌekꞌora wa baya, Daizezeba kꞌawua okuai ewarita zei nawedꞌa mawũã totoya, maʉ̃nerã ewarira zhi zromata kĩrãwãrẽ baya.
21Nokꞌo Jesúa zuburia bedꞌeabʉdara ẽdrʉdꞌaya. (Joel 2:28-32)
22Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea. 23Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi. 24Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera. 25Rey Davidbara Jesús jarabʉrʉta mawũãsia:
Mʉãrã Nokꞌora ewariza ũdu bꞌʉa mʉ kĩrãbita, mʉ juwua araare bꞌʉba mʉrã bꞌae ẽã.
26Maʉ̃ba mʉrã sobia bꞌʉa, bꞌʉsridꞌa trʉ̃ã bꞌʉa, adu-a bꞌʉa.
27Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.
28Bʉara mʉãã kꞌawuabisia mʉrã wakusa zokꞌai bꞌaita, bʉa mʉrã sobia bꞌabiya mʉ ũme bꞌʉba. (Salmos 16:8-11)
29Mebẽrã, mʉã marãã jipa jaraya, zõrã dazhirãta rey David beubʉrʉdꞌera wuagꞌasidꞌa, izhi wuagꞌadꞌapeadꞌara peña zobꞌeara dazhirãne edꞌa nʉmʉã idꞌi basiidꞌu. 30Davira Daizezeba bedꞌeata jarabibarita bꞌadꞌaba kꞌawua bꞌasia Daizezera wãrĩnu bedꞌeadꞌata, jarasia izhidꞌeba uruta zhãrã Ẽdrʉbita piradrʉbiita, aramaʉ̃ne reyta bꞌʉita izhi kĩrãkꞌa. 31Mawũã na wedꞌauba kꞌawua bꞌʉba jarasia beudꞌata piradrʉita zhãrã Ẽdrʉbira, aramaʉ̃ne izhi jawurera ãmaẽna ẽãta beudꞌata bꞌe maẽrã, miã izhi kꞌakuara bꞌerawa ẽãta. 32Maʉ̃ Jesúra beudꞌata piradrʉbisia Daizezeba, maʉ̃ dai jõmaʉ̃ba ũdusidꞌa. 33Daizezebara izhi juwua araare Jesús zhi zromata bꞌʉsia, zhi Zezeba Jawurebia diaya adꞌata jidape dedꞌekabʉrʉta marãba kꞌãwũã ũdubʉda, ũrĩbʉda. 34David ẽbasia ʉ̃taa wãrĩzedꞌara, maʉ̃neba izhara Jesústa jara mawũãsia:
Daizezebara mʉ Nokꞌoa mawũãsia: Mʉ juwua araare jewedꞌarua,
35bʉ jura bꞌeta jõma mʉã bʉ jẽrũ edre bꞌʉyeedꞌa. (Salmos 110:1)
36Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.
37Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?
38Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata. 39Daizezeba Jawurebia diaya adꞌara marãĩtabema, marã warrarãĩtabema, zhãrã wawara bꞌeitabema, Daizezeta Nokꞌoba trʉ̃kuabʉrʉitabema.
40Pedrobara dewara bedꞌea bio jarakꞌa ũrãgꞌa mawũãsia: ¡Marã Daizezea ẽdrʉbiudua kꞌãwũã bia ẽãta bꞌedꞌebara!
41Aramaʉ̃ne Pedro bedꞌeata ĩjãnapeadꞌara buru kꞌoesidꞌa. Maʉ̃ ewadera Jesúsdꞌebema ĩjãbʉdara edꞌa zesidꞌa tres mil. 42Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.
Sãwũã bꞌeadꞌa naara zhi ĩjãnapeadꞌata
43Zhãrã jõma pera jirpanesia ũdudꞌakꞌata bio obʉdaba Jesúsba zokꞌakuadꞌaba. 44Jesúsdꞌebema ĩjãnapeadꞌara ãba bꞌeba ne jõma erubꞌeasia jõmaʉ̃ĩta. 45Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua. 46Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia. 47Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.