Hechos 3
3
Wã bꞌe ẽã bꞌʉta bꞌedꞌa
1Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe. 2Maʉ̃ne ũmakĩrãta bꞌasia wã bꞌe ẽã todꞌata, izhira wedꞌape ewariza bꞌʉbazhidꞌa Daizeze deta puerta Kĩrãwãrẽã abada maẽ. Mawũã bꞌʉbazhidꞌa Daizeze dedꞌa edꞌa wãbʉdaa plata widꞌimarẽã. 3Maʉ̃bara Pedro Juan ũme Daizeze dedꞌa edꞌa wãnata ũdui, zuburia bedꞌeasia plata diadꞌamarẽã. 4Mawũẽ Pedrobara Juan ũmeba akʉ mawũãsia: Daita akʉdua.
5Mawũãĩ izhara bia akʉsia ne diadꞌaibipe. 6Mawũãmina Pedrobara mawũãsia: Mʉrã plata ne ẽã, miã oro ne ẽã. Mawũãmina mʉã erubꞌʉta diaya: ¡Jesucristo Nazaredꞌebema trʉ̃neba piradrʉpe nimibarua!
7Mawũãpe juwua arata jidape piradrʉbisia. Mawũẽ audre ẽãne zrawasia jẽrũta kꞌõrãkꞌõrãta. 8Aramaʉ̃ne pinandrʉ edau nʉmepe tebadꞌewasia. Aramaʉ̃ne ãzhi bawara Daizeze dedꞌa edꞌa wãsia, taiba pinandrʉ tebasia Daizeze ibia jara. 9Zhãrã jõmaʉ̃ba ũdusidꞌa Daizeze ibia jara taita. 10Plata widꞌiita jewedꞌa bꞌadꞌata ũdukꞌawasidꞌa, Daizeze deta puerta Kĩrãwãrẽã abada maẽ jewedꞌa bꞌasia. Mawũẽ bia akʉdruasidꞌa mawũã berabꞌaribʉrʉba.
Wakusa miã ũrãgꞌadꞌa Pedro
11Wã bꞌe ẽã bꞌʉta bꞌedꞌabara Pedro Juan ãĩtʉ ẽbasia. Zhãrã jõmaʉ̃ba bia akʉdrua ãzhi kꞌaidꞌu piraposia Daizeze dedꞌa ewara maẽ Salomón abadaidꞌu. 12Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta? 13Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã. 14Aramaʉ̃ne marãbara ẽnabidꞌa ẽbasia Bedꞌea Ne Ẽãta Biata Bꞌʉra, awuarabʉrʉ ẽnamarẽã widꞌisidꞌa miã beamiãta. 15Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa. 16Daibara izhidꞌebema ĩjã panʉã, za naʉ̃ marãba ũdukꞌawua bꞌeta akʉ kꞌobꞌera kꞌãwũã bꞌe dogꞌoa izhi zareaba. Izhara bꞌebiita ĩjã panʉba naʉ̃ kꞌãwũã jipa bꞌe dogꞌoa mazhi jõmaʉ̃ kĩrãbita.
17Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba. 18Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita. 19Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta, 20izhara zokꞌaya Jesucristota, maʉ̃ izhara nawedꞌa marãã zhi jarama. 21Jesucristora wãrãnebai wadꞌi ʉ̃tre bꞌaidꞌe bꞌʉa Daizezeba ne jõma araa okuai ewariedꞌa, maʉ̃ Daizezebara izha bedꞌeata jarabibarirã idꞌeba zhi jarama zhikꞌare wedꞌauba. 22Dazhirã zhibarirã bꞌeadꞌaa Moisébara mawũãsia: Nokꞌo marã Zhibaribara marãne edꞌauba piradrʉbiya izha bedꞌeata jarabibarita mʉ kĩrãkꞌa. Jõma ũrĩũdua izha marãã jarabʉrʉra. 23Maʉ̃ Daizezeba bedꞌeata jarabibari bedꞌeata ũrĩna ẽãrã, Daizezebara Israel bꞌedꞌebemata bꞌeabi ẽã.
24Daizezeba bedꞌeata jarabibarirã jõmaʉ̃ba Samuel ewaridꞌeuba jarasidꞌa idꞌi ewade kꞌãwũã berabꞌari nʉmaĩsidꞌa. 25Marã bꞌera Daizezeba bedꞌeata jarabibarirã bꞌeadꞌa warrarãta bꞌea. Mawũẽ Daizezeba dazhirã zhibarirã bꞌeadꞌaa jaradꞌara marãĩtabemata Abrahanʉã mawũãsia: Bʉ warrarãnebemaneba jõma bia nʉmaña druadꞌe bꞌera. 26Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.
Currently Selected:
Hechos 3: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Hechos 3
3
Wã bꞌe ẽã bꞌʉta bꞌedꞌa
1Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe. 2Maʉ̃ne ũmakĩrãta bꞌasia wã bꞌe ẽã todꞌata, izhira wedꞌape ewariza bꞌʉbazhidꞌa Daizeze deta puerta Kĩrãwãrẽã abada maẽ. Mawũã bꞌʉbazhidꞌa Daizeze dedꞌa edꞌa wãbʉdaa plata widꞌimarẽã. 3Maʉ̃bara Pedro Juan ũme Daizeze dedꞌa edꞌa wãnata ũdui, zuburia bedꞌeasia plata diadꞌamarẽã. 4Mawũẽ Pedrobara Juan ũmeba akʉ mawũãsia: Daita akʉdua.
5Mawũãĩ izhara bia akʉsia ne diadꞌaibipe. 6Mawũãmina Pedrobara mawũãsia: Mʉrã plata ne ẽã, miã oro ne ẽã. Mawũãmina mʉã erubꞌʉta diaya: ¡Jesucristo Nazaredꞌebema trʉ̃neba piradrʉpe nimibarua!
7Mawũãpe juwua arata jidape piradrʉbisia. Mawũẽ audre ẽãne zrawasia jẽrũta kꞌõrãkꞌõrãta. 8Aramaʉ̃ne pinandrʉ edau nʉmepe tebadꞌewasia. Aramaʉ̃ne ãzhi bawara Daizeze dedꞌa edꞌa wãsia, taiba pinandrʉ tebasia Daizeze ibia jara. 9Zhãrã jõmaʉ̃ba ũdusidꞌa Daizeze ibia jara taita. 10Plata widꞌiita jewedꞌa bꞌadꞌata ũdukꞌawasidꞌa, Daizeze deta puerta Kĩrãwãrẽã abada maẽ jewedꞌa bꞌasia. Mawũẽ bia akʉdruasidꞌa mawũã berabꞌaribʉrʉba.
Wakusa miã ũrãgꞌadꞌa Pedro
11Wã bꞌe ẽã bꞌʉta bꞌedꞌabara Pedro Juan ãĩtʉ ẽbasia. Zhãrã jõmaʉ̃ba bia akʉdrua ãzhi kꞌaidꞌu piraposia Daizeze dedꞌa ewara maẽ Salomón abadaidꞌu. 12Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta? 13Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã. 14Aramaʉ̃ne marãbara ẽnabidꞌa ẽbasia Bedꞌea Ne Ẽãta Biata Bꞌʉra, awuarabʉrʉ ẽnamarẽã widꞌisidꞌa miã beamiãta. 15Aramaʉ̃ne beasidꞌa Daizeze ũme bꞌai jõ ẽãta dia bꞌʉta. Maʉ̃ Daizezebara beudꞌata piradrʉbisia, maʉ̃ daiba ũdusidꞌa. 16Daibara izhidꞌebema ĩjã panʉã, za naʉ̃ marãba ũdukꞌawua bꞌeta akʉ kꞌobꞌera kꞌãwũã bꞌe dogꞌoa izhi zareaba. Izhara bꞌebiita ĩjã panʉba naʉ̃ kꞌãwũã jipa bꞌe dogꞌoa mazhi jõmaʉ̃ kĩrãbita.
17Mawũãmina mʉãrã kꞌawua bꞌʉa marã mʉ ʉreta bꞌebara Jesús zhãrã Ẽdrʉbita kꞌawuadꞌa ẽãba beabisidꞌa mazhi nokꞌorã bawarauba. 18Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita. 19Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta, 20izhara zokꞌaya Jesucristota, maʉ̃ izhara nawedꞌa marãã zhi jarama. 21Jesucristora wãrãnebai wadꞌi ʉ̃tre bꞌaidꞌe bꞌʉa Daizezeba ne jõma araa okuai ewariedꞌa, maʉ̃ Daizezebara izha bedꞌeata jarabibarirã idꞌeba zhi jarama zhikꞌare wedꞌauba. 22Dazhirã zhibarirã bꞌeadꞌaa Moisébara mawũãsia: Nokꞌo marã Zhibaribara marãne edꞌauba piradrʉbiya izha bedꞌeata jarabibarita mʉ kĩrãkꞌa. Jõma ũrĩũdua izha marãã jarabʉrʉra. 23Maʉ̃ Daizezeba bedꞌeata jarabibari bedꞌeata ũrĩna ẽãrã, Daizezebara Israel bꞌedꞌebemata bꞌeabi ẽã.
24Daizezeba bedꞌeata jarabibarirã jõmaʉ̃ba Samuel ewaridꞌeuba jarasidꞌa idꞌi ewade kꞌãwũã berabꞌari nʉmaĩsidꞌa. 25Marã bꞌera Daizezeba bedꞌeata jarabibarirã bꞌeadꞌa warrarãta bꞌea. Mawũẽ Daizezeba dazhirã zhibarirã bꞌeadꞌaa jaradꞌara marãĩtabemata Abrahanʉã mawũãsia: Bʉ warrarãnebemaneba jõma bia nʉmaña druadꞌe bꞌera. 26Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.