Hechos 4
4
Pedro Juan kꞌopanʉsidꞌa nokꞌorã kĩrãbita
1Pedro Juan ũme wadꞌi zhãrã kꞌobꞌea bedꞌea kꞌopanʉne, ãzhima zesidꞌa sacerdoterãta, Daizeze de akʉbada nokꞌota, saduceorãta. 2Kĩrũsidꞌa zhãrãã jarabʉdaba beudꞌapeadꞌara piradrʉdꞌaita Jesús kĩrãkꞌa. 3Mawũẽ jidadꞌape nrũẽmaẽna cárceldꞌe panʉsidꞌa keu baera. 4Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.
5Nrũẽma Jerusalénne zhi jʉresidꞌa nokꞌorãta ũrãgꞌa Moisédꞌe jarabada bawara. 6Mama kꞌobꞌasia sacerdote wagꞌau Anásta, dewara zhi mebẽrãta kꞌopanasia Caifásta, Juanta, Alejandrota, jõma kꞌopanasia dewaraurãsidꞌa. 7Maʉ̃nerã Pedro Juan ũme ẽsadra kꞌopanebidꞌape widꞌi mawũãsidꞌa: ¿Kꞌai zareadꞌeba o kꞌaidꞌeba kꞌãwũã obʉda marãbara?
8Mawũãnaĩ Pedrobara Jawurebiadꞌeba mawũãsia: Israel nokꞌorã, mʉã marãã jaraya: 9Idꞌi marãbara daia widꞌi kꞌopanʉã wã bꞌe ẽã bꞌʉta bia dogꞌora sãwũã bꞌe bꞌidꞌata. 10Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa. 11Maʉ̃ Jesúra mongꞌara de oita seri ẽãne bꞌʉbada kĩrãkꞌa seribidꞌa ẽbasia marã de obadabara, maʉ̃ne maʉ̃trʉ wagꞌauta bꞌesia. 12Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.
13Pedro Juan ũme mawũã wãnigua kꞌopanʉrã kꞌawuasidꞌa bio estudiape panʉ ẽãta, mawũẽ bia akʉdruasidꞌa. Aramaʉ̃ne ũdukꞌawasidꞌa Jesús bawara pananata. 14Maʉ̃ne wã bꞌe ẽã bꞌʉta bꞌedꞌara ãzhi bawara ʉ̃ta nʉmʉta akʉ kꞌopanʉba ne ãña jara bꞌedꞌa ẽbasia. 15Mawũẽ ãĩ wãnamarẽã jarasidꞌa nokꞌorã wagꞌaurã maẽbara. Mobe ãzhirãĩnu bedꞌeabʉdata, 16mawũãsidꞌa: ¿Naʉ̃rã sãwũã odꞌaipe? Wãrãne ãzhidꞌeba ũdudꞌakꞌata dajada odogꞌota Jerusalénne bꞌebara jõmaʉ̃ba kꞌawuabʉda, mawũẽ dazhirãbara sewa abꞌedꞌa ẽã. 17Mawũãmina zhãrãne edꞌa wuaabʉrʉ trʉ̃poa ẽbamarẽã ãzhira waragꞌadꞌaya naneba ʉ̃taara miõã jaradꞌa ẽbamarẽã maʉ̃ Jesúsdꞌebemata.
18Mobebʉrʉ trʉ̃nape jarasidꞌa jipadꞌe bedꞌeadꞌa ẽbamarẽã miã jaradiadꞌa ẽbamarẽã Jesúsdꞌebema. 19Mawũãnaĩ Pedrobara Juanbara panaʉ̃ mawũãsidꞌa: Krĩchaudua marã bedꞌea aribꞌaeita Daizezema biga kꞌawuaita izhi bedꞌea aribꞌaei kꞌãñabara. 20Daibara jara ẽãrã idaribi bꞌedꞌa ẽã daiba ũdudꞌapeadꞌara, ũrĩnapeadꞌara.
21Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba. 22Wã bꞌe ẽã bꞌʉta mawũã bꞌedꞌara bꞌasia cuarenta año audre.
Zhi ĩjã bꞌeba widꞌidꞌapeadꞌa wãniguata
23Ãzhita ẽna panʉnaĩ ãzhidꞌebemata bꞌema zedꞌape jõma nebʉrʉsidꞌa sacerdoterã nokꞌorãba, nokꞌorã bꞌeba ãzhaa jaradꞌapeadꞌata. 24Jarirãbara ũrĩnape ãbaʉba Daizezea mawũãsidꞌa: Nokꞌó, bʉra zhi zroma, bʉra Daizeze bãjã odꞌa, drua odꞌa, pusa odꞌa, bʉa osia maʉ̃ jõmaʉ̃ne ne bꞌʉra.
25Rey David bʉ nezokꞌa idꞌeba bʉara mawũãsia:
¿Kꞌãrẽã kĩrũ bꞌe judío ẽãta bꞌera, kꞌãrẽã ne seri ẽãta krĩcha bꞌe?
26Reyrãta druadꞌe bꞌera nokꞌorã bawara zhi jʉredꞌape, ãba zhõnaña Daizeze ũme, zhãrã Ẽdrʉbita izhidꞌe ũme. (Salmos 2:1-2)
27Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata. 28Aramaʉ̃ne ãzhara osidꞌa bʉa zhi zromaba krĩchadꞌadꞌe sãwũã berabꞌariita. 29Mawũẽ Nokꞌó, dai mawũã waragꞌabʉdata akʉdua, mobe dai bʉ nezokꞌarãã wãniguata dedꞌekarua wãnigua jaradꞌaita bʉ bedꞌeata. 30Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.
31Zhiwidꞌi nʉmeta jõbibʉdadꞌera ãba kꞌobꞌe maẽ uresia. Aramaʉ̃ne jõma birakuasia Jawurebiaba, mawũẽ wãnigua jara duanesia Daizeze bedꞌeara.
Ne jõma erubꞌeadꞌa jõmaʉ̃ĩta
32Kꞌabanata zhi Jesúsdꞌebema ĩjãnapeadꞌara so abꞌa, krĩcha abꞌa bꞌeasia. Ne erubꞌera miõba naʉ̃ mʉ abꞌaʉdꞌea adꞌa ẽbasia, awuarabʉrʉ ne jõma erubꞌeasia jõmaʉ̃ĩta. 33Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma. 34Maʉ̃ba ãzhirãnebema miõta kꞌãrẽ nesidꞌa bꞌa ẽbasia. Ẽjũãta, deta erubꞌebara, ne erubꞌebara nendosidꞌa, mobe wesidꞌa ne nendodꞌa platara. 35Aramaʉ̃ne chãbꞌari panasia Jesúsba zokꞌakuadꞌaa. Maʉ̃rãbara abꞌa abꞌaʉa dia bꞌeasia zhi nesidꞌa kꞌawua. 36Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia. 37Maʉ̃bara nendosia drua erubꞌʉta, mobe maʉ̃ nendodꞌa platara wepe chãbꞌarisia Jesúsba zokꞌakuadꞌaa.
Currently Selected:
Hechos 4: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Hechos 4
4
Pedro Juan kꞌopanʉsidꞌa nokꞌorã kĩrãbita
1Pedro Juan ũme wadꞌi zhãrã kꞌobꞌea bedꞌea kꞌopanʉne, ãzhima zesidꞌa sacerdoterãta, Daizeze de akʉbada nokꞌota, saduceorãta. 2Kĩrũsidꞌa zhãrãã jarabʉdaba beudꞌapeadꞌara piradrʉdꞌaita Jesús kĩrãkꞌa. 3Mawũẽ jidadꞌape nrũẽmaẽna cárceldꞌe panʉsidꞌa keu baera. 4Mawũãmina bedꞌeata ũrĩnapeadꞌabara bioba Jesúsdꞌebema ĩjãsidꞌa. Aramaʉ̃ne zhũmakĩrãrãta panasita bꞌʉa cinco mil.
5Nrũẽma Jerusalénne zhi jʉresidꞌa nokꞌorãta ũrãgꞌa Moisédꞌe jarabada bawara. 6Mama kꞌobꞌasia sacerdote wagꞌau Anásta, dewara zhi mebẽrãta kꞌopanasia Caifásta, Juanta, Alejandrota, jõma kꞌopanasia dewaraurãsidꞌa. 7Maʉ̃nerã Pedro Juan ũme ẽsadra kꞌopanebidꞌape widꞌi mawũãsidꞌa: ¿Kꞌai zareadꞌeba o kꞌaidꞌeba kꞌãwũã obʉda marãbara?
8Mawũãnaĩ Pedrobara Jawurebiadꞌeba mawũãsia: Israel nokꞌorã, mʉã marãã jaraya: 9Idꞌi marãbara daia widꞌi kꞌopanʉã wã bꞌe ẽã bꞌʉta bia dogꞌora sãwũã bꞌe bꞌidꞌata. 10Marã jõmaʉ̃ba Israel jõmaʉ̃ba kꞌawuaudua, Jesucristo Nazaredꞌebema trʉ̃neba marãba cruzdꞌe kꞌachi beabidꞌapeadꞌata Daizezeba beudꞌata piradrʉbidꞌa trʉ̃neba naʉ̃ mazhi kĩrãbita bꞌe bꞌidꞌa. 11Maʉ̃ Jesúra mongꞌara de oita seri ẽãne bꞌʉbada kĩrãkꞌa seribidꞌa ẽbasia marã de obadabara, maʉ̃ne maʉ̃trʉ wagꞌauta bꞌesia. 12Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.
13Pedro Juan ũme mawũã wãnigua kꞌopanʉrã kꞌawuasidꞌa bio estudiape panʉ ẽãta, mawũẽ bia akʉdruasidꞌa. Aramaʉ̃ne ũdukꞌawasidꞌa Jesús bawara pananata. 14Maʉ̃ne wã bꞌe ẽã bꞌʉta bꞌedꞌara ãzhi bawara ʉ̃ta nʉmʉta akʉ kꞌopanʉba ne ãña jara bꞌedꞌa ẽbasia. 15Mawũẽ ãĩ wãnamarẽã jarasidꞌa nokꞌorã wagꞌaurã maẽbara. Mobe ãzhirãĩnu bedꞌeabʉdata, 16mawũãsidꞌa: ¿Naʉ̃rã sãwũã odꞌaipe? Wãrãne ãzhidꞌeba ũdudꞌakꞌata dajada odogꞌota Jerusalénne bꞌebara jõmaʉ̃ba kꞌawuabʉda, mawũẽ dazhirãbara sewa abꞌedꞌa ẽã. 17Mawũãmina zhãrãne edꞌa wuaabʉrʉ trʉ̃poa ẽbamarẽã ãzhira waragꞌadꞌaya naneba ʉ̃taara miõã jaradꞌa ẽbamarẽã maʉ̃ Jesúsdꞌebemata.
18Mobebʉrʉ trʉ̃nape jarasidꞌa jipadꞌe bedꞌeadꞌa ẽbamarẽã miã jaradiadꞌa ẽbamarẽã Jesúsdꞌebema. 19Mawũãnaĩ Pedrobara Juanbara panaʉ̃ mawũãsidꞌa: Krĩchaudua marã bedꞌea aribꞌaeita Daizezema biga kꞌawuaita izhi bedꞌea aribꞌaei kꞌãñabara. 20Daibara jara ẽãrã idaribi bꞌedꞌa ẽã daiba ũdudꞌapeadꞌara, ũrĩnapeadꞌara.
21Mobebʉrʉ nokꞌorãbara wuaabʉrʉ waragꞌadꞌape ẽna panʉsidꞌa. Sãwũã udꞌaira kꞌawuadꞌa ẽbasia zhãrã jõmaʉ̃ba Daizeze ibia jara kꞌobꞌe baera kꞌãrẽ sãwũã dogꞌoba. 22Wã bꞌe ẽã bꞌʉta mawũã bꞌedꞌara bꞌasia cuarenta año audre.
Zhi ĩjã bꞌeba widꞌidꞌapeadꞌa wãniguata
23Ãzhita ẽna panʉnaĩ ãzhidꞌebemata bꞌema zedꞌape jõma nebʉrʉsidꞌa sacerdoterã nokꞌorãba, nokꞌorã bꞌeba ãzhaa jaradꞌapeadꞌata. 24Jarirãbara ũrĩnape ãbaʉba Daizezea mawũãsidꞌa: Nokꞌó, bʉra zhi zroma, bʉra Daizeze bãjã odꞌa, drua odꞌa, pusa odꞌa, bʉa osia maʉ̃ jõmaʉ̃ne ne bꞌʉra.
25Rey David bʉ nezokꞌa idꞌeba bʉara mawũãsia:
¿Kꞌãrẽã kĩrũ bꞌe judío ẽãta bꞌera, kꞌãrẽã ne seri ẽãta krĩcha bꞌe?
26Reyrãta druadꞌe bꞌera nokꞌorã bawara zhi jʉredꞌape, ãba zhõnaña Daizeze ũme, zhãrã Ẽdrʉbita izhidꞌe ũme. (Salmos 2:1-2)
27Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata. 28Aramaʉ̃ne ãzhara osidꞌa bʉa zhi zromaba krĩchadꞌadꞌe sãwũã berabꞌariita. 29Mawũẽ Nokꞌó, dai mawũã waragꞌabʉdata akʉdua, mobe dai bʉ nezokꞌarãã wãniguata dedꞌekarua wãnigua jaradꞌaita bʉ bedꞌeata. 30Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.
31Zhiwidꞌi nʉmeta jõbibʉdadꞌera ãba kꞌobꞌe maẽ uresia. Aramaʉ̃ne jõma birakuasia Jawurebiaba, mawũẽ wãnigua jara duanesia Daizeze bedꞌeara.
Ne jõma erubꞌeadꞌa jõmaʉ̃ĩta
32Kꞌabanata zhi Jesúsdꞌebema ĩjãnapeadꞌara so abꞌa, krĩcha abꞌa bꞌeasia. Ne erubꞌera miõba naʉ̃ mʉ abꞌaʉdꞌea adꞌa ẽbasia, awuarabʉrʉ ne jõma erubꞌeasia jõmaʉ̃ĩta. 33Aramaʉ̃ne Jesúsba zokꞌakuadꞌabara zarea bara jara bꞌeasia Nokꞌo Jesús beudꞌata piradrʉdꞌata. Daizezebara biodꞌe bia nʉmʉkꞌãrĩsia ãzhi jõma. 34Maʉ̃ba ãzhirãnebema miõta kꞌãrẽ nesidꞌa bꞌa ẽbasia. Ẽjũãta, deta erubꞌebara, ne erubꞌebara nendosidꞌa, mobe wesidꞌa ne nendodꞌa platara. 35Aramaʉ̃ne chãbꞌari panasia Jesúsba zokꞌakuadꞌaa. Maʉ̃rãbara abꞌa abꞌaʉa dia bꞌeasia zhi nesidꞌa kꞌawua. 36Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia. 37Maʉ̃bara nendosia drua erubꞌʉta, mobe maʉ̃ nendodꞌa platara wepe chãbꞌarisia Jesúsba zokꞌakuadꞌaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.