Hechos 5
5
Ananía, Safira sãwũãnapeadꞌa
1Maʉ̃ne bꞌasia ũmakĩrã Ananía abadata, maʉ̃bara Safira zhi kĩma ũmeba nendosia druata. 2Mobe maʉ̃ nendodꞌadꞌebemata plata ãĩ edasia, maʉ̃ kꞌawuasia zhi kĩmabidꞌa, aramaʉ̃ne zhi wuaabemata edepe chãbꞌarisia Jesúsba zokꞌakuadꞌaa. 3Maʉ̃ne Pedrobara mawũãsia: Ananía, ¿kꞌãrẽã kꞌãwũã ãtõmiã idaribibʉrʉ bʉ sora, Jawurebiaa sewa nebʉrʉmarẽã platara kꞌãwũã ãĩ edabisi ẽka drua nendodꞌadꞌebemata? 4¿Erubꞌʉdꞌera kꞌãʉ̃ druara bʉre ẽbasika? ¿Nendobʉrʉdꞌera platara bʉre ẽbasika? ¿Kꞌãwũã oira kꞌãrẽã kꞌobꞌʉsi bʉ sodꞌera? Bʉra beubaria sewa nebʉrʉtabe ẽã, awuarabʉrʉ sewa nebʉrʉa Daizezea.
5Ananíaba maʉ̃ bedꞌeata ũrĩbʉrʉdꞌera beu bꞌaesia. Jõma kꞌãbãẽã perasidꞌa maʉ̃ta ũrĩbʉdara. 6Maʉ̃nerã kũrãrãta piradrʉdꞌape buradꞌape edesidꞌa joudꞌe.
7Hora ũbea babʉrʉdꞌe zhi kĩmata deidꞌu zesia kꞌawua ẽãne sãwũã berabꞌaribʉrʉra. 8Maʉ̃ne Pedrobara mawũãsia: ¿Mʉãã jaradua, marã ẽjũã nendodꞌa platara kꞌãwũãkꞌa?
Mawũãĩ izhara mawũãsia: Ããjã, kꞌãwũã.
9Mawũãĩ Pedrobara mawũãsia: ¿Kꞌãrẽã kꞌãwũã oita krĩchasidꞌa kꞌawua ẽbipe Jawurebia Nokꞌodꞌeba? Jari ibꞌada bʉ kĩma joubʉdara, bʉsidꞌa ededꞌaya.
10Audre ẽãne izhira beu bꞌaesia Pedro jẽrũ kꞌaita. Kũrãrã deidꞌu zebʉdadꞌera ũdusidꞌa zhi beumata. Mawũẽ ededꞌape jousidꞌa zhi kĩma kꞌaita. 11Maʉ̃ kꞌarea kꞌãbãẽã perasidꞌa mebẽrã jõma. Zhãrãsidꞌa jõma perasidꞌa maʉ̃ta ũrĩbʉdara.
Ũdudꞌakꞌata bio odꞌapeadꞌa
12Jesúsba zokꞌakuadꞌadꞌeba ũdudꞌakꞌata bio ototo nʉmasia zhãrã maẽ. Ãzhira jõma zhi jʉre bazhidꞌa Daizeze dedꞌa ewara maẽ Salomón abada maẽ. 13Awʉrʉra miõta ãba zedꞌakꞌa basia ãzhi bawarara. Mawũãmina zhãrãbara ãzhira kꞌãbãẽã bia jara bꞌeasia. 14Nokꞌo Jesúsdꞌebema ĩjã tupudꞌera wuaabʉrʉ eaba wãsia zhũmakĩrãrãta, wũẽrãrãta. 15Zhãrãbara kꞌayarã odꞌe bꞌʉkua jirpanesia barkuadꞌe, jueporodꞌe, aramaʉ̃ne Pedro berabꞌaribʉrʉdꞌe arigu zhi jawureba warabʉrʉba bꞌemarẽã ãzhi iabꞌaʉdꞌebemata. 16Pʉwʉrʉ arakꞌaita tabꞌe maẽ bꞌesidꞌa Jerusalén pʉwʉrʉedꞌa ze jirpanʉta, we jirpanesia kꞌayarãta, jaiba wawa bꞌeta. Maʉ̃ jõma bꞌe nʉmasia.
Pedro Juan jidadꞌapeadꞌa
17Maʉ̃ kꞌarea sacerdote wagꞌauta jõma saduceorã izhi ũme kꞌobꞌe bawara kꞌãbãẽã bĩ ẽãsidꞌa. 18Mawũẽ Jesúsba zokꞌakuadꞌara jidadꞌape edꞌa panʉsidꞌa cárceldꞌe. 19Mawũãmina ángel Daizezedꞌeba diamase cárcel puerta ewa ẽdrʉbigape mawũãsia: 20Wãũdua, mobe Daizeze dedꞌa ewara maẽ ʉ̃ta barabꞌepe zhãrãã jaraudua naʉ̃ bedꞌeara jõma Daizeze ũme bꞌai jõ ẽãta.
21Maʉ̃ta ũrĩnape diapedꞌa edꞌa wãsidꞌa Daizeze dedꞌa ewara maẽ, mobe miã ũrãgꞌasidꞌa. Maʉ̃ne zesidꞌa sacerdote wagꞌauta izhi ũme bꞌe bawara, mobe trʉ̃sidꞌa nokꞌorã wagꞌaurãta, dewara jõma trʉ̃sidꞌa Israel nokꞌorãta. Mobe cárcel nʉmʉĩnu soldaorãta zokꞌasidꞌa Pedro Juan ũme wedꞌamarẽã. 22Mawũãmina soldaorã jũẽbʉdadꞌera ãzhira ũdudꞌa ẽbasia cárceldꞌera. Mawũẽ jẽrũya wãnape jarabʉdata, 23mawũãsidꞌa: Wãrãnebai daibara ũdusidꞌa cárcel bia serra nʉmʉta, zhi akʉ bꞌera ewaradꞌe ʉ̃ta nʉmeãsia puerta kĩrãbita. Mawũãmina daiba ewabʉdadꞌera miõta ũdudꞌa ẽbasia edꞌara.
24Maʉ̃ bedꞌeata ũrĩbʉdadꞌera sacerdote wagꞌaubara, Daizeze de akʉbada nokꞌobara, sacerdoterã nokꞌorãbara kꞌawuadꞌa ẽbasia maʉ̃ sãwũãĩrã. 25Mawũãmina iabꞌa zepe jarakꞌa mawũãsia: Ũmakĩrãrã marãba cárceldꞌe bꞌʉdꞌapeadꞌara Daizeze dedꞌa ewara maẽ zhãrã ũrãgꞌa panʉã.
26Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba. 27Wedꞌape edesidꞌa nokꞌorã wagꞌaurã kĩrãbita. Maʉ̃ne sacerdote wagꞌauba widꞌibʉrʉta, 28mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.
29Mawũãnaĩ Pedroba panaʉ̃bʉrʉta Jesúsba zokꞌakuadꞌa bawarauba mawũãsidꞌa: Daizeze bedꞌeata aribꞌaei bara zhãrã bedꞌeata aribꞌaei kꞌãñabara. 30Dazhirã zhibarirã bꞌeadꞌa Zhibariba Jesús piradrʉbisia marãba beadꞌapeadꞌata cruzdꞌe ʉ̃tʉ kꞌachi. 31Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba. 32Daibara maʉ̃ta izhidꞌebemata kꞌawua bꞌea, abꞌarika kꞌawua bꞌʉa Jawurebiaba, maʉ̃ Daizezeba diasia izhi bedꞌeata aribꞌae bꞌea.
33Ãzhara maʉ̃ta ũrĩnape kĩrũbiba jarirã bea krĩñasidꞌa. 34Maʉ̃ne nokꞌorã wagꞌaurãneba piradrʉsia fariseo Gamaliel abadata Moisé ũrãgꞌadꞌe bigauta zhãrã jõmaʉ̃ba wawideta. Maʉ̃bara jarasia aritiaedꞌa ãĩ ededꞌamarẽã Jesúsba zokꞌakuadꞌara. 35Mobe mawũãsia: Israelitarã, marã kĩrãkuitaudua naʉ̃rã sãwũã odꞌaidꞌera. 36Naʉ̃ ewari nawedꞌa Teuda piradrʉdꞌata kꞌawuaudua, izhira zhi zromane bedꞌeasia. Maʉ̃ bawara duanesia ũmakĩrãrã cuatrociento, mawũãmina maʉ̃ beasidꞌa. Mawũẽ izhi bedꞌeata aribꞌae bꞌeadꞌara jãrãzoa ne ẽãsia. 37Maʉ̃ tẽã piradrʉsia Juda Galileadꞌebemata, maʉ̃ ewadera zhãrã juacha jirpanasia. Maʉ̃bara izhi bawara erunʉmesia zhãrã bio. Maʉ̃sidꞌa beasidꞌa, mawũẽ izhi bedꞌeata aribꞌae bꞌeadꞌara jõma jãrãzoasia. 38Mawũẽ mʉã marãã jaraya: Naʉ̃rã kenabꞌariudua, naʉ̃ta ãzhi krĩchaba opanʉbʉrʉ nebaya. 39Mawũãmina Daizezedꞌebʉrʉ marãbara kiawe bꞌedꞌa ẽã. Kꞌaubaudua zhõ nʉmeãĩta Daizeze ũme.
40Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa. 41Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea. 42Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.
Currently Selected:
Hechos 5: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Hechos 5
5
Ananía, Safira sãwũãnapeadꞌa
1Maʉ̃ne bꞌasia ũmakĩrã Ananía abadata, maʉ̃bara Safira zhi kĩma ũmeba nendosia druata. 2Mobe maʉ̃ nendodꞌadꞌebemata plata ãĩ edasia, maʉ̃ kꞌawuasia zhi kĩmabidꞌa, aramaʉ̃ne zhi wuaabemata edepe chãbꞌarisia Jesúsba zokꞌakuadꞌaa. 3Maʉ̃ne Pedrobara mawũãsia: Ananía, ¿kꞌãrẽã kꞌãwũã ãtõmiã idaribibʉrʉ bʉ sora, Jawurebiaa sewa nebʉrʉmarẽã platara kꞌãwũã ãĩ edabisi ẽka drua nendodꞌadꞌebemata? 4¿Erubꞌʉdꞌera kꞌãʉ̃ druara bʉre ẽbasika? ¿Nendobʉrʉdꞌera platara bʉre ẽbasika? ¿Kꞌãwũã oira kꞌãrẽã kꞌobꞌʉsi bʉ sodꞌera? Bʉra beubaria sewa nebʉrʉtabe ẽã, awuarabʉrʉ sewa nebʉrʉa Daizezea.
5Ananíaba maʉ̃ bedꞌeata ũrĩbʉrʉdꞌera beu bꞌaesia. Jõma kꞌãbãẽã perasidꞌa maʉ̃ta ũrĩbʉdara. 6Maʉ̃nerã kũrãrãta piradrʉdꞌape buradꞌape edesidꞌa joudꞌe.
7Hora ũbea babʉrʉdꞌe zhi kĩmata deidꞌu zesia kꞌawua ẽãne sãwũã berabꞌaribʉrʉra. 8Maʉ̃ne Pedrobara mawũãsia: ¿Mʉãã jaradua, marã ẽjũã nendodꞌa platara kꞌãwũãkꞌa?
Mawũãĩ izhara mawũãsia: Ããjã, kꞌãwũã.
9Mawũãĩ Pedrobara mawũãsia: ¿Kꞌãrẽã kꞌãwũã oita krĩchasidꞌa kꞌawua ẽbipe Jawurebia Nokꞌodꞌeba? Jari ibꞌada bʉ kĩma joubʉdara, bʉsidꞌa ededꞌaya.
10Audre ẽãne izhira beu bꞌaesia Pedro jẽrũ kꞌaita. Kũrãrã deidꞌu zebʉdadꞌera ũdusidꞌa zhi beumata. Mawũẽ ededꞌape jousidꞌa zhi kĩma kꞌaita. 11Maʉ̃ kꞌarea kꞌãbãẽã perasidꞌa mebẽrã jõma. Zhãrãsidꞌa jõma perasidꞌa maʉ̃ta ũrĩbʉdara.
Ũdudꞌakꞌata bio odꞌapeadꞌa
12Jesúsba zokꞌakuadꞌadꞌeba ũdudꞌakꞌata bio ototo nʉmasia zhãrã maẽ. Ãzhira jõma zhi jʉre bazhidꞌa Daizeze dedꞌa ewara maẽ Salomón abada maẽ. 13Awʉrʉra miõta ãba zedꞌakꞌa basia ãzhi bawarara. Mawũãmina zhãrãbara ãzhira kꞌãbãẽã bia jara bꞌeasia. 14Nokꞌo Jesúsdꞌebema ĩjã tupudꞌera wuaabʉrʉ eaba wãsia zhũmakĩrãrãta, wũẽrãrãta. 15Zhãrãbara kꞌayarã odꞌe bꞌʉkua jirpanesia barkuadꞌe, jueporodꞌe, aramaʉ̃ne Pedro berabꞌaribʉrʉdꞌe arigu zhi jawureba warabʉrʉba bꞌemarẽã ãzhi iabꞌaʉdꞌebemata. 16Pʉwʉrʉ arakꞌaita tabꞌe maẽ bꞌesidꞌa Jerusalén pʉwʉrʉedꞌa ze jirpanʉta, we jirpanesia kꞌayarãta, jaiba wawa bꞌeta. Maʉ̃ jõma bꞌe nʉmasia.
Pedro Juan jidadꞌapeadꞌa
17Maʉ̃ kꞌarea sacerdote wagꞌauta jõma saduceorã izhi ũme kꞌobꞌe bawara kꞌãbãẽã bĩ ẽãsidꞌa. 18Mawũẽ Jesúsba zokꞌakuadꞌara jidadꞌape edꞌa panʉsidꞌa cárceldꞌe. 19Mawũãmina ángel Daizezedꞌeba diamase cárcel puerta ewa ẽdrʉbigape mawũãsia: 20Wãũdua, mobe Daizeze dedꞌa ewara maẽ ʉ̃ta barabꞌepe zhãrãã jaraudua naʉ̃ bedꞌeara jõma Daizeze ũme bꞌai jõ ẽãta.
21Maʉ̃ta ũrĩnape diapedꞌa edꞌa wãsidꞌa Daizeze dedꞌa ewara maẽ, mobe miã ũrãgꞌasidꞌa. Maʉ̃ne zesidꞌa sacerdote wagꞌauta izhi ũme bꞌe bawara, mobe trʉ̃sidꞌa nokꞌorã wagꞌaurãta, dewara jõma trʉ̃sidꞌa Israel nokꞌorãta. Mobe cárcel nʉmʉĩnu soldaorãta zokꞌasidꞌa Pedro Juan ũme wedꞌamarẽã. 22Mawũãmina soldaorã jũẽbʉdadꞌera ãzhira ũdudꞌa ẽbasia cárceldꞌera. Mawũẽ jẽrũya wãnape jarabʉdata, 23mawũãsidꞌa: Wãrãnebai daibara ũdusidꞌa cárcel bia serra nʉmʉta, zhi akʉ bꞌera ewaradꞌe ʉ̃ta nʉmeãsia puerta kĩrãbita. Mawũãmina daiba ewabʉdadꞌera miõta ũdudꞌa ẽbasia edꞌara.
24Maʉ̃ bedꞌeata ũrĩbʉdadꞌera sacerdote wagꞌaubara, Daizeze de akʉbada nokꞌobara, sacerdoterã nokꞌorãbara kꞌawuadꞌa ẽbasia maʉ̃ sãwũãĩrã. 25Mawũãmina iabꞌa zepe jarakꞌa mawũãsia: Ũmakĩrãrã marãba cárceldꞌe bꞌʉdꞌapeadꞌara Daizeze dedꞌa ewara maẽ zhãrã ũrãgꞌa panʉã.
26Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba. 27Wedꞌape edesidꞌa nokꞌorã wagꞌaurã kĩrãbita. Maʉ̃ne sacerdote wagꞌauba widꞌibʉrʉta, 28mawũãsia: ¿Daibara marãã jipa jarasidꞌa ẽka jaradꞌa ẽbamarẽã Jesúsdꞌebema? Maʉ̃ta marãbara Jerusalénne jõmaʉ̃ã jarabʉda mazhi ũrãgꞌara, aramaʉ̃ne dai ʉ̃rʉ̃ bꞌaebi krĩña panʉã Jesús bebuta.
29Mawũãnaĩ Pedroba panaʉ̃bʉrʉta Jesúsba zokꞌakuadꞌa bawarauba mawũãsidꞌa: Daizeze bedꞌeata aribꞌaei bara zhãrã bedꞌeata aribꞌaei kꞌãñabara. 30Dazhirã zhibarirã bꞌeadꞌa Zhibariba Jesús piradrʉbisia marãba beadꞌapeadꞌata cruzdꞌe ʉ̃tʉ kꞌachi. 31Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba. 32Daibara maʉ̃ta izhidꞌebemata kꞌawua bꞌea, abꞌarika kꞌawua bꞌʉa Jawurebiaba, maʉ̃ Daizezeba diasia izhi bedꞌeata aribꞌae bꞌea.
33Ãzhara maʉ̃ta ũrĩnape kĩrũbiba jarirã bea krĩñasidꞌa. 34Maʉ̃ne nokꞌorã wagꞌaurãneba piradrʉsia fariseo Gamaliel abadata Moisé ũrãgꞌadꞌe bigauta zhãrã jõmaʉ̃ba wawideta. Maʉ̃bara jarasia aritiaedꞌa ãĩ ededꞌamarẽã Jesúsba zokꞌakuadꞌara. 35Mobe mawũãsia: Israelitarã, marã kĩrãkuitaudua naʉ̃rã sãwũã odꞌaidꞌera. 36Naʉ̃ ewari nawedꞌa Teuda piradrʉdꞌata kꞌawuaudua, izhira zhi zromane bedꞌeasia. Maʉ̃ bawara duanesia ũmakĩrãrã cuatrociento, mawũãmina maʉ̃ beasidꞌa. Mawũẽ izhi bedꞌeata aribꞌae bꞌeadꞌara jãrãzoa ne ẽãsia. 37Maʉ̃ tẽã piradrʉsia Juda Galileadꞌebemata, maʉ̃ ewadera zhãrã juacha jirpanasia. Maʉ̃bara izhi bawara erunʉmesia zhãrã bio. Maʉ̃sidꞌa beasidꞌa, mawũẽ izhi bedꞌeata aribꞌae bꞌeadꞌara jõma jãrãzoasia. 38Mawũẽ mʉã marãã jaraya: Naʉ̃rã kenabꞌariudua, naʉ̃ta ãzhi krĩchaba opanʉbʉrʉ nebaya. 39Mawũãmina Daizezedꞌebʉrʉ marãbara kiawe bꞌedꞌa ẽã. Kꞌaubaudua zhõ nʉmeãĩta Daizeze ũme.
40Mawũãĩ krĩcha abꞌarika zekuasia izhi bawara. Mobebʉrʉ Jesúsba zokꞌakuadꞌara trʉ̃sidꞌa, mobe ubidꞌape jarasidꞌa jaradꞌa ẽbamarẽã Jesúsdꞌebema, mobebʉrʉ ẽna panʉsidꞌa. 41Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea. 42Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.