Marcos 7
7
Dazhi sãwũã mitiabaridꞌebema
(Mateo 15:1-20)
1Jesús orrasidꞌa fariseorãba ũrãgꞌa Moisédꞌe jarabadata ʉ̃kʉrʉ bawarauba, ãzhira zekuasia Jerusalénneba. 2Maʉ̃rãbara ũdusidꞌa Jesúsba jʉrʉkuadꞌata ʉ̃kʉrʉ juwua mitia nekꞌo kꞌobꞌeta ãzha obꞌe kĩrãkꞌa juwua surrua odꞌa ẽãba, mawũẽ bĩ ẽã jarasidꞌa. 3Fariseorãbara judíorãbara jõmaʉ̃ba obꞌea zõrãrãba okꞌawa bꞌeadꞌata, mawũẽ sãwũã oi bꞌʉdꞌe juwuata surrua o ẽãrã nekꞌodꞌa ẽã. 4Ne edadꞌe jũẽnasidꞌa juwuata surrua o ẽãrã nekꞌodꞌa ẽã. Ne awʉrʉsidꞌa bio bꞌʉta mawũã aribꞌae bꞌeba surrua obꞌea vaso baniã dota, jiwadota, netata metal omata, camata. 5Mawũẽ fariseorãbara ũrãgꞌa Moisédꞌe jarabada bawarauba widꞌi mawũãsidꞌa: ¿Kꞌãrẽã bʉa jʉrʉkuadꞌabara aribꞌaedꞌa ẽpe zõrãrãba okꞌawa bꞌeadꞌara? Awuarabʉrʉ nekꞌo kꞌopanʉã juwua mitia.
6Mawũãnaĩ Jesúsbara panaʉ̃ mawũãsia: Marã sewa bibaʉta bꞌea. Bia marãẽnabemata Daizezedꞌeba Isaíaba jaradꞌata zhi bꞌʉmata mawũã bꞌʉa:
Za bꞌebara bari iba mʉrã wawidea, aramaʉ̃ne ãzhi sora wawara nʉmʉã mʉnebara.
7Mʉrã bari ibia jara bꞌeba mʉ ũrãgꞌa kĩrãkꞌa jaradia bꞌea aribꞌaemarẽã jara bꞌeta beubari bꞌeba. (Isaías 29:13)
8Aramaʉ̃ne Daizezeba aribꞌaemarẽã jara bꞌʉra kenabꞌaridꞌape aribꞌae bꞌea beubari bꞌeba okꞌawa bꞌeta, mawũẽ mazhima mitia ne ẽã obʉdata surrua obꞌea jiwadota, vaso baniã dota. Aramaʉ̃ne ne awʉrʉsidꞌa bio obꞌea abꞌarikata.
9Dewara mawũãsia: Daizezeba aribꞌaemarẽã jara bꞌʉra sãwũã seribidꞌa ẽbaita bia kꞌawua bꞌea, mazhidꞌeta aribꞌaedꞌai kꞌarea. 10Moisébara mawũãsia: Wawiarua bʉ zezera bʉ papara. Zezeta o papata ikꞌazhirua jarabʉrʉra beadꞌaibara. 11Mawũãmina marãbara mawũãbada: Zhũmakĩrãbara zhi zezea o zhi papaa mawũãsia bꞌʉa: Mʉãrã jõma Daizezea diasia bʉ kꞌarebaita mʉã erubꞌadꞌara. 12Aramaʉ̃ne idaribidꞌa ẽã kꞌãrẽ dewara oira zhi zezeita o zhi papaita. 13Aramaʉ̃ne Daizeze bedꞌeara seribidꞌa ẽã mazhidꞌeta awʉrʉa kꞌawabi nʉmeba. Ne awʉrʉsidꞌa bio obꞌea aramaʉ̃ kĩrãkꞌa bꞌʉta.
14Maʉ̃ta jarape Jesúsbara kꞌabanata trʉ̃pe mawũãsia: Mʉã jaraita jõmaʉ̃ba ũrĩũdua, mobe sãwũãta kꞌawuaudua. 15Ãĩba zhikota edꞌa wãbʉrʉbara dazhira mitia o ẽã. Mawũãmina sodꞌeba zebʉrʉbara Daizeze kĩrãbitara dazhira mitia obꞌʉa. 16Ne ũrĩ bꞌʉbara maʉ̃ta kĩrãkuita ũrĩdua.
17Kꞌabanata ãmaẽpe Jesús deidꞌu wãbʉrʉdꞌera izha jʉrʉkuadꞌabara widꞌisidꞌa izha jarabʉrʉra sãwũãta. 18Mawũẽ izhara mawũãsia: ¿Marãbidꞌa sãwũãta kꞌawuadꞌa ẽka? ¿Kꞌawuadꞌa ẽka ãĩba zhikota edꞌa wãbʉrʉbara dazhira mitia o ẽãta? 19¿Mawũã bꞌʉ ẽka edꞌa wã ẽãba dazhi sodꞌe, awuarabʉrʉ bꞌitaedꞌa wãpe ãĩ wã bꞌʉ ẽka?
Mawũã jarabʉrʉbara jarasia jõma nene ẽãta zhikora. 20Mawũãmina jarasia dazhi sodꞌeba zebʉrʉbara Daizeze kĩrãbitara dazhira mitia obꞌʉta. 21Dazhi sodꞌebara ze bꞌʉa krĩchata bia ẽãta, kĩma ẽãta erukꞌãĩta, miã beaita, 22nezrʉgaita, ne wuaabʉrʉ krĩñaĩta, bia ẽãta oita, zhãrã sewaita, dazha krĩñata oita, zhãrãba ne erubꞌʉ kꞌarea bĩ ẽã nʉmaĩta, zhãrãnebema sewata jaraita, dazhitrʉ bigaudꞌe nʉmaĩta, krĩcha ne ẽkĩrãkꞌa nʉmaĩta. 23Maʉ̃ jõma bia ẽãta sodꞌeba ze bꞌʉba Daizeze kĩrãbitara dazhira mitia obꞌʉa.
Soidꞌu kꞌobꞌadꞌa wũẽrã Sirofenicia bidꞌata
(Mateo 15:21-28)
24Mamaʉ̃bara Jesús wãsia Tiro druaedꞌa Sidón druaedꞌa. Zhãrã maẽ deidꞌu wãbʉrʉta miõba kꞌawuadꞌaita krĩña ẽbasia, mawũãmina merũ bꞌe ẽbasia. 25Wũẽrãneta kꞌauta jai abꞌasia, mawũẽ izhi ʉ̃rʉ̃ ũrĩĩ zepe ju kꞌobꞌesia izhi jẽrũ kꞌaita. 26Maʉ̃ wũẽrã judía ẽbasia, awuarabʉrʉ Sirofenicia druadꞌebema basia. Zuburia bedꞌeasia izhi kꞌaudꞌeba ãĩ jʉretamarẽã jaita. 27Mawũãmina Jesúsbara mawũãsia: Naara idu mʉãã kꞌarebabirua judíorãta, mʉã bʉta kꞌarebaira biga ẽã, mawũãrã zhiko warrarãneta jiraedape diabʉrʉkaya usarãã.
28Mawũãĩ wũẽrãbara mawũãsia: Ããjã Nokꞌó, mawũãmina usarãbidꞌa mesa edre kꞌobada zhiko jarra warrarãne bꞌaedꞌata. Mawũẽ mʉrã judía ẽmina kꞌarebarua.
29Mawũãĩ Jesúsbara mawũãsia: Bʉra bia bedꞌeabʉrʉba adu-a wãrũã. Jaira ãĩ wãsia bʉ kꞌaudꞌebara. 30Aramaʉ̃ne wũẽrã izhi dedꞌa zebʉrʉdꞌera ũdusia zhi kꞌaura camane tabꞌʉta, jaira ãĩ wãsia izhidꞌebara.
Jesúsba bibadꞌa ne ũrĩ ẽã bedꞌea bꞌe ẽãta
(Mateo 15:29-31)
31Tiro druadꞌeba Jesús wakusa wãbʉrʉdꞌera, Sidón pʉwʉrʉdꞌe berabꞌari zesia Galileadꞌebema dota jedꞌea õbꞌʉidꞌu, aramaʉ̃ne berabꞌari zesia Decápoli druadꞌe. 32Maʉ̃ne ne ũrĩ ẽã bedꞌea bꞌe ẽãta izhima wedꞌape zuburia bedꞌeasidꞌa juwuata ʉ̃rʉ̃ bꞌʉmarẽã. 33Mawũãnaĩ zhãrã maẽbara ãĩ edepe juwua jĩwĩnita pẽũsia kʉwʉrʉza, mobe juwua jĩwĩnine idꞌope tõbꞌarisia kĩrãmeta. 34Mobe ʉ̃taa akʉ ĩñabape mawũãsia: ¡Efata! Maʉ̃ bedꞌeabara mawũãsia: ¡Ewadua!
35Audre ẽãne ewa totosia izhi ne ũrĩbarira, kĩrãmesidꞌa ogꞌadrʉbʉrʉba bia bedꞌeasia.
36Jesúsbara jarasia maʉ̃ta miõã jaradꞌa ẽbamarẽã. Mawũãmina mawũã jarabʉrʉdꞌera wuaabʉrʉ nebʉrʉsidꞌa. 37Mawũẽ kꞌãbãẽã sobia mawũã bazhidꞌa: Ne jõma bia obꞌʉa. Ne ũrĩ ẽã bꞌeta ne ũrĩbi bꞌʉa, bedꞌea bꞌe ẽã bꞌeta bedꞌeabi bꞌʉa.
Currently Selected:
Marcos 7: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Marcos 7
7
Dazhi sãwũã mitiabaridꞌebema
(Mateo 15:1-20)
1Jesús orrasidꞌa fariseorãba ũrãgꞌa Moisédꞌe jarabadata ʉ̃kʉrʉ bawarauba, ãzhira zekuasia Jerusalénneba. 2Maʉ̃rãbara ũdusidꞌa Jesúsba jʉrʉkuadꞌata ʉ̃kʉrʉ juwua mitia nekꞌo kꞌobꞌeta ãzha obꞌe kĩrãkꞌa juwua surrua odꞌa ẽãba, mawũẽ bĩ ẽã jarasidꞌa. 3Fariseorãbara judíorãbara jõmaʉ̃ba obꞌea zõrãrãba okꞌawa bꞌeadꞌata, mawũẽ sãwũã oi bꞌʉdꞌe juwuata surrua o ẽãrã nekꞌodꞌa ẽã. 4Ne edadꞌe jũẽnasidꞌa juwuata surrua o ẽãrã nekꞌodꞌa ẽã. Ne awʉrʉsidꞌa bio bꞌʉta mawũã aribꞌae bꞌeba surrua obꞌea vaso baniã dota, jiwadota, netata metal omata, camata. 5Mawũẽ fariseorãbara ũrãgꞌa Moisédꞌe jarabada bawarauba widꞌi mawũãsidꞌa: ¿Kꞌãrẽã bʉa jʉrʉkuadꞌabara aribꞌaedꞌa ẽpe zõrãrãba okꞌawa bꞌeadꞌara? Awuarabʉrʉ nekꞌo kꞌopanʉã juwua mitia.
6Mawũãnaĩ Jesúsbara panaʉ̃ mawũãsia: Marã sewa bibaʉta bꞌea. Bia marãẽnabemata Daizezedꞌeba Isaíaba jaradꞌata zhi bꞌʉmata mawũã bꞌʉa:
Za bꞌebara bari iba mʉrã wawidea, aramaʉ̃ne ãzhi sora wawara nʉmʉã mʉnebara.
7Mʉrã bari ibia jara bꞌeba mʉ ũrãgꞌa kĩrãkꞌa jaradia bꞌea aribꞌaemarẽã jara bꞌeta beubari bꞌeba. (Isaías 29:13)
8Aramaʉ̃ne Daizezeba aribꞌaemarẽã jara bꞌʉra kenabꞌaridꞌape aribꞌae bꞌea beubari bꞌeba okꞌawa bꞌeta, mawũẽ mazhima mitia ne ẽã obʉdata surrua obꞌea jiwadota, vaso baniã dota. Aramaʉ̃ne ne awʉrʉsidꞌa bio obꞌea abꞌarikata.
9Dewara mawũãsia: Daizezeba aribꞌaemarẽã jara bꞌʉra sãwũã seribidꞌa ẽbaita bia kꞌawua bꞌea, mazhidꞌeta aribꞌaedꞌai kꞌarea. 10Moisébara mawũãsia: Wawiarua bʉ zezera bʉ papara. Zezeta o papata ikꞌazhirua jarabʉrʉra beadꞌaibara. 11Mawũãmina marãbara mawũãbada: Zhũmakĩrãbara zhi zezea o zhi papaa mawũãsia bꞌʉa: Mʉãrã jõma Daizezea diasia bʉ kꞌarebaita mʉã erubꞌadꞌara. 12Aramaʉ̃ne idaribidꞌa ẽã kꞌãrẽ dewara oira zhi zezeita o zhi papaita. 13Aramaʉ̃ne Daizeze bedꞌeara seribidꞌa ẽã mazhidꞌeta awʉrʉa kꞌawabi nʉmeba. Ne awʉrʉsidꞌa bio obꞌea aramaʉ̃ kĩrãkꞌa bꞌʉta.
14Maʉ̃ta jarape Jesúsbara kꞌabanata trʉ̃pe mawũãsia: Mʉã jaraita jõmaʉ̃ba ũrĩũdua, mobe sãwũãta kꞌawuaudua. 15Ãĩba zhikota edꞌa wãbʉrʉbara dazhira mitia o ẽã. Mawũãmina sodꞌeba zebʉrʉbara Daizeze kĩrãbitara dazhira mitia obꞌʉa. 16Ne ũrĩ bꞌʉbara maʉ̃ta kĩrãkuita ũrĩdua.
17Kꞌabanata ãmaẽpe Jesús deidꞌu wãbʉrʉdꞌera izha jʉrʉkuadꞌabara widꞌisidꞌa izha jarabʉrʉra sãwũãta. 18Mawũẽ izhara mawũãsia: ¿Marãbidꞌa sãwũãta kꞌawuadꞌa ẽka? ¿Kꞌawuadꞌa ẽka ãĩba zhikota edꞌa wãbʉrʉbara dazhira mitia o ẽãta? 19¿Mawũã bꞌʉ ẽka edꞌa wã ẽãba dazhi sodꞌe, awuarabʉrʉ bꞌitaedꞌa wãpe ãĩ wã bꞌʉ ẽka?
Mawũã jarabʉrʉbara jarasia jõma nene ẽãta zhikora. 20Mawũãmina jarasia dazhi sodꞌeba zebʉrʉbara Daizeze kĩrãbitara dazhira mitia obꞌʉta. 21Dazhi sodꞌebara ze bꞌʉa krĩchata bia ẽãta, kĩma ẽãta erukꞌãĩta, miã beaita, 22nezrʉgaita, ne wuaabʉrʉ krĩñaĩta, bia ẽãta oita, zhãrã sewaita, dazha krĩñata oita, zhãrãba ne erubꞌʉ kꞌarea bĩ ẽã nʉmaĩta, zhãrãnebema sewata jaraita, dazhitrʉ bigaudꞌe nʉmaĩta, krĩcha ne ẽkĩrãkꞌa nʉmaĩta. 23Maʉ̃ jõma bia ẽãta sodꞌeba ze bꞌʉba Daizeze kĩrãbitara dazhira mitia obꞌʉa.
Soidꞌu kꞌobꞌadꞌa wũẽrã Sirofenicia bidꞌata
(Mateo 15:21-28)
24Mamaʉ̃bara Jesús wãsia Tiro druaedꞌa Sidón druaedꞌa. Zhãrã maẽ deidꞌu wãbʉrʉta miõba kꞌawuadꞌaita krĩña ẽbasia, mawũãmina merũ bꞌe ẽbasia. 25Wũẽrãneta kꞌauta jai abꞌasia, mawũẽ izhi ʉ̃rʉ̃ ũrĩĩ zepe ju kꞌobꞌesia izhi jẽrũ kꞌaita. 26Maʉ̃ wũẽrã judía ẽbasia, awuarabʉrʉ Sirofenicia druadꞌebema basia. Zuburia bedꞌeasia izhi kꞌaudꞌeba ãĩ jʉretamarẽã jaita. 27Mawũãmina Jesúsbara mawũãsia: Naara idu mʉãã kꞌarebabirua judíorãta, mʉã bʉta kꞌarebaira biga ẽã, mawũãrã zhiko warrarãneta jiraedape diabʉrʉkaya usarãã.
28Mawũãĩ wũẽrãbara mawũãsia: Ããjã Nokꞌó, mawũãmina usarãbidꞌa mesa edre kꞌobada zhiko jarra warrarãne bꞌaedꞌata. Mawũẽ mʉrã judía ẽmina kꞌarebarua.
29Mawũãĩ Jesúsbara mawũãsia: Bʉra bia bedꞌeabʉrʉba adu-a wãrũã. Jaira ãĩ wãsia bʉ kꞌaudꞌebara. 30Aramaʉ̃ne wũẽrã izhi dedꞌa zebʉrʉdꞌera ũdusia zhi kꞌaura camane tabꞌʉta, jaira ãĩ wãsia izhidꞌebara.
Jesúsba bibadꞌa ne ũrĩ ẽã bedꞌea bꞌe ẽãta
(Mateo 15:29-31)
31Tiro druadꞌeba Jesús wakusa wãbʉrʉdꞌera, Sidón pʉwʉrʉdꞌe berabꞌari zesia Galileadꞌebema dota jedꞌea õbꞌʉidꞌu, aramaʉ̃ne berabꞌari zesia Decápoli druadꞌe. 32Maʉ̃ne ne ũrĩ ẽã bedꞌea bꞌe ẽãta izhima wedꞌape zuburia bedꞌeasidꞌa juwuata ʉ̃rʉ̃ bꞌʉmarẽã. 33Mawũãnaĩ zhãrã maẽbara ãĩ edepe juwua jĩwĩnita pẽũsia kʉwʉrʉza, mobe juwua jĩwĩnine idꞌope tõbꞌarisia kĩrãmeta. 34Mobe ʉ̃taa akʉ ĩñabape mawũãsia: ¡Efata! Maʉ̃ bedꞌeabara mawũãsia: ¡Ewadua!
35Audre ẽãne ewa totosia izhi ne ũrĩbarira, kĩrãmesidꞌa ogꞌadrʉbʉrʉba bia bedꞌeasia.
36Jesúsbara jarasia maʉ̃ta miõã jaradꞌa ẽbamarẽã. Mawũãmina mawũã jarabʉrʉdꞌera wuaabʉrʉ nebʉrʉsidꞌa. 37Mawũẽ kꞌãbãẽã sobia mawũã bazhidꞌa: Ne jõma bia obꞌʉa. Ne ũrĩ ẽã bꞌeta ne ũrĩbi bꞌʉa, bedꞌea bꞌe ẽã bꞌeta bedꞌeabi bꞌʉa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.