yuḥanna 12
12
maryam tẓġur iwurzan l‑lmasiḥ
1lliġ sul qaman sḍiṣ‑uwssan i‑lɛid n‑usurf, yašk‑id yasuɛ s‑uduwwar n‑bitɛanya, s‑dar liɛazr lli‑d‑issnkr zġ‑lmut. 2skrn i‑yasuɛ imnsi, ar‑fllasn‑ttsh̬h̬ar marta, ig liɛazr yan zġ‑ġwilli gawrnin ar‑šttan d‑yasuɛ. 3tnkr maryam tawi‑d yat‑tbuqqalt n‑tujjut n‑nardin iṣfan, iggut‑watig‑ns bahra. tẓġur srs iwurzan n‑yasuɛ, ar‑as‑tsfaḍ iwurzan s‑wazzar‑ns. tɛmmr‑tgmmi s‑waḍu n‑tujjut‑an. 4imil isawl‑d yan zġ‑imḥḍarn‑ns, a‑t‑igan d‑yahuda ish̬aryuṭ lli‑ra‑t‑izznz, yini‑asn: 5«mah̬ a‑ur‑tnz tujjut‑ad? mrad is‑tnza ra‑di‑tawi kraḍ id‑miyya n‑nnuqrt, nfk‑tn i‑imẓlaḍ.» 6urd lhmm n‑imẓlaḍ a‑t‑in‑igan aylliġ inna ġmkad. inna‑t ašku amh̬h̬ar a‑iga. nttan a‑dar‑illa ṣṣnduq‑nsn, kra‑n‑gis‑gan ar‑zgis‑itakʷr. 7isawl yasuɛ yini‑asn: «adjat‑stt ad‑as‑yili mayad ar ass n‑tmḍlt‑inu. 8rad‑bdda‑didun‑ilin imẓlaḍ, imma nkki ur‑rad‑bdda‑didun‑iliġ.»
9iggut ma‑isfldn is‑illa yasuɛ ġ‑bitɛanya, ffuġn‑d aškin‑d s‑dars. urd ġir yasuɛ kad‑ran walaynni ran ad‑ẓrn ula liɛazr lli‑d‑issnkr zġ‑lmut. 10mšawarn inmġurn n‑tgmmi n‑rbbi ad‑nġn liɛazr ula ntta, 11ašku f‑ssibt‑ns ayd‑s‑wrrin mddn ggutnin n‑ayt‑yudaya ar‑tamnn s‑yasuɛ.
ikšm lmasiḥ s‑urušalim
12ndid azkka sfldn mddn is‑yumẓ yasuɛ aġaras yakmur‑n s‑urušalim. iggut ġ‑urušalim ma‑d‑yuškan ad‑zzrin lɛid ġin. 13ffuġn‑d ġakudan a‑t‑id‑mnaggarn, asin talḍayin n‑tayniwin, ar‑talln awal‑nsn ar‑ttinin: «huṣanna, ambarki a‑iga ġwad‑d‑yuškan s‑ism n‑sidi rbbi. ambarki a‑iga‑ugllid n‑ayt‑rbbi.» 14yasuɛ yufa yan‑usnus ini fllas ġmklli ityaran ġ‑warra n‑rbbi: 15«ad‑ur‑tiksaḍm ay‑ayt‑urušalim. hay‑agllid‑nnun ifta‑d f‑usnus.» 16mayad ur‑t‑fhimn imḥḍarn‑ns ġ‑uwssan‑an, walaynni tiġurdin n‑ma‑ityalal yasuɛ s‑lmjd fhmn izd fllas a‑f‑tyaran iwaliwn‑ad, ktin‑d mad‑as‑skrn mddn.
17ar‑fllas‑akkan tugga kullu willi ẓranin mamnk a‑n‑iġra i‑liɛazr ġ‑umḍḍal issnkr‑t‑id zġ‑lmut. 18iggut ma‑isfldn f‑lmɛjizt lli‑iskr, mayan a‑f‑d‑munn s‑kigan a‑t‑id‑mnaggarn. 19ar‑ttinin ifarisin i‑ngratsn: «hati ur‑nẓḍar i‑yat. ar‑dars‑ttazzal kullu ddunit.»
uškan‑d ayt‑tmizar yaḍni ad‑ẓrn lmasiḥ
20llan ġin kra n‑mddn n‑ayt‑tmizar yaḍni ġ‑gr willi‑d‑uškanin ad‑tɛbadn ġ‑urušalim ġ‑uwssan l‑lɛid. 21aškin‑d dar filibbus lli‑igan gu‑bitṣayda ġ‑tmazirt n‑jalil, inin‑as: «a‑sidi, nra a‑nẓr yasuɛ.» 22iddu filibbus yini‑t i‑andraws. imun dids andraws inin‑t i‑yasuɛ. 23isawl yasuɛ yini‑asn: «tlkm‑d tasaɛt lli‑ġ‑ra‑itmjjd yus n‑bnadm. 24lḥqq ayad, lḥqq a‑rad‑awn‑iniġ. iġ‑ur‑iḍr‑waqqa n‑irdn ġ‑wakal immt, waḥdut a‑ra‑iqama. walaynni iġ‑immut ra‑d‑yawi ṣṣabt iggutn. 25wanna dar tɛzza tudrt‑ns ra‑stt‑ijlu, imma wanna iṣamḥn ġ‑tudrt‑ns ġ‑ddunit‑ad ra‑ikšm s‑tudrt lli‑idumn. 26wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.
lmut lli‑d‑itawin tudrt
27«hati iġufa‑uwl‑inu. izd ad‑iniġ ‹wa‑baba, ssanf‑iyi tasaɛt‑ad›? uhu, ašku mayad a‑f‑d‑uškiġ, ad‑zriġ ġ‑tasaɛt‑ad. 28walaynni ḍalbġ‑ak a‑baba, a‑d‑iban lmjd n‑ism‑nnk.» ġakudan a‑d‑isawl yan‑wawal zġ‑ignwan yini: «ssbayynġ lmjd‑ns, d‑ra‑t‑in‑sul‑ssbayynġ.» 29kullu mddn lli‑biddnin d‑yasuɛ sfldn‑as. kra gisn inna: «iggig ayd immussan.» kra inna: «kra l‑lmalak ayd‑srs‑isawln.» 30imma ntta inna‑yasn: «urd f‑ssibt‑inu a‑f‑d‑isawl‑wawal‑ad walaynni f‑ssibt‑nnun. 31ašku ġilad a‑ra‑ittut lḥukm f‑ddunit. ġilad a‑ra‑n‑ityawgar‑ugllid n‑ddunit‑ad. 32imma nkki rad‑tyalalġ f‑iggi n‑wakal, ldiġ‑d kullu mddn s‑dari.» 33s‑wawal‑ad a‑s‑imla yasuɛ mamnk a‑ra‑tg lmut lli‑s‑ra‑immt.
34sawln‑d mddn‑an inin‑as: «nsfld i‑ma‑ityaran ġ‑ššrɛ f‑lmasiḥ n‑rbbi, ar‑ittini is‑rad‑bdda‑iqama. imma kiyi ma‑f‑a‑ttinit ‹iqqan‑d yus n‑bnadm a‑ityalal›? ma‑iga ġwad mi ttinit ‹yus n‑bnadm›?» 35yini‑asn yasuɛ: «kra idrusn a‑rad‑sul‑didun‑tqama tifawt. ftwat maḥdd didun tifawt, a‑kʷn‑ur‑amẓnt tillas. ašku yan iftan ġ‑tillas ur‑issin mani ra‑ik. 36amnat s‑tifawt maḥdd sul didun tlla tifawt, a‑twrrim tgm ayt‑tifawt.» lliġ‑asn‑inna yasuɛ mayad, iftu yaggug‑n zġ‑gisn.
37ggutnt lmɛjizat lli‑iskr yasuɛ ġ‑dar mddn‑an, walaynni ur‑rin a‑srs‑amnn. 38ġmkad a‑s‑yuwfa‑wawal n‑nnabi išaɛya inna: «wa‑sidi rbbi, ma‑yumnn lh̬bar‑ad‑d‑niwi? ma‑mi‑tban‑tẓḍḍart n‑rbbi siditnnġ?» 39mayad a‑f‑ur‑ẓḍarn ad‑amnn, ašku inna‑daġ išaɛya: 40«rbbi issbukḍ alln‑nsn issiqar ih̬f‑nsn, a‑ur‑ẓrnt‑walln‑nsn ula ifhm ih̬f‑nsn ula wrrin‑d sri a‑tn‑jjujjiġ.» 41ġmkad a‑s‑inna išaɛya ašku iẓra lmjd n‑siditnnġ isawl fllas.
42ġmkan ad‑gan mddn‑ad, walaynni iggut ma‑yumnn s‑yasuɛ ula zġ‑imġarn n‑ayt‑yudaya. walaynni ur‑ẓḍarn a‑t‑inin ašku ksuḍn zġ‑ifarisin a‑tn‑ssufġn zġ‑tgmmi n‑tẓallit. 43ntni yuf darsn a‑tn‑talġn mddn ula yulġ‑tn rbbi.
lmasiḥ ra‑ijjnjm ġwilli srs umnnin
44yall yasuɛ awal‑ns yini: «wanna sri yumnn, urd nkki ka‑s‑yumn walaynni yumn ula s‑walli‑yyi‑d‑yuznn. 45d‑wanna‑yyi‑iẓran, iẓra ġwalli‑yyi‑d‑yuznn. 46uškiġ‑d ad‑gġ tifawt i‑ddunit, a‑ur‑qaman ġ‑tillas winna sri umnnin. 47wanna isflidn i‑iwaliwn‑inu ur‑a‑srsn‑iskar, urd nkki a‑ra‑fllas‑iḥkam. ašku uškiġ‑d s‑ddunit ad‑jjnjmġ ddunit, urd a‑fllas‑ḥkamġ. 48imma wanna‑yyi‑iḥgrn yagʷi a‑isfld s‑wawal‑inu, rad‑as‑sul‑yili ma‑fllas‑itḥkamn. ašku awal lli‑s‑nniġ, nttan a‑ra‑fllas‑iḥkam ġ‑wass iggʷran n‑ddunit. 49ašku ur‑a‑sawalġ ġir zġ‑ih̬f‑inu. rbbi baba lli‑yyi‑d‑yuznn, nttan a‑yyi‑yuṣṣan f‑ma‑rad‑iniġ ula ma‑s‑a‑sawalġ. 50ssnġ izd luṣit‑ns a‑itawin s‑tudrt idumn. kullu mayd‑s‑a‑ttiniġ, ġmklli‑yyi‑t‑id‑imla baba, a‑ti‑ttiniġ.»
Currently Selected:
yuḥanna 12: SHILNT10
Highlight
Share
Copy
Want to have your highlights saved across all your devices? Sign up or sign in
New Testament in Tashelhayt (Latin script) © United Bible Societies, 1998, 2010.
Robert Bernard Dann.
yuḥanna 12
12
maryam tẓġur iwurzan l‑lmasiḥ
1lliġ sul qaman sḍiṣ‑uwssan i‑lɛid n‑usurf, yašk‑id yasuɛ s‑uduwwar n‑bitɛanya, s‑dar liɛazr lli‑d‑issnkr zġ‑lmut. 2skrn i‑yasuɛ imnsi, ar‑fllasn‑ttsh̬h̬ar marta, ig liɛazr yan zġ‑ġwilli gawrnin ar‑šttan d‑yasuɛ. 3tnkr maryam tawi‑d yat‑tbuqqalt n‑tujjut n‑nardin iṣfan, iggut‑watig‑ns bahra. tẓġur srs iwurzan n‑yasuɛ, ar‑as‑tsfaḍ iwurzan s‑wazzar‑ns. tɛmmr‑tgmmi s‑waḍu n‑tujjut‑an. 4imil isawl‑d yan zġ‑imḥḍarn‑ns, a‑t‑igan d‑yahuda ish̬aryuṭ lli‑ra‑t‑izznz, yini‑asn: 5«mah̬ a‑ur‑tnz tujjut‑ad? mrad is‑tnza ra‑di‑tawi kraḍ id‑miyya n‑nnuqrt, nfk‑tn i‑imẓlaḍ.» 6urd lhmm n‑imẓlaḍ a‑t‑in‑igan aylliġ inna ġmkad. inna‑t ašku amh̬h̬ar a‑iga. nttan a‑dar‑illa ṣṣnduq‑nsn, kra‑n‑gis‑gan ar‑zgis‑itakʷr. 7isawl yasuɛ yini‑asn: «adjat‑stt ad‑as‑yili mayad ar ass n‑tmḍlt‑inu. 8rad‑bdda‑didun‑ilin imẓlaḍ, imma nkki ur‑rad‑bdda‑didun‑iliġ.»
9iggut ma‑isfldn is‑illa yasuɛ ġ‑bitɛanya, ffuġn‑d aškin‑d s‑dars. urd ġir yasuɛ kad‑ran walaynni ran ad‑ẓrn ula liɛazr lli‑d‑issnkr zġ‑lmut. 10mšawarn inmġurn n‑tgmmi n‑rbbi ad‑nġn liɛazr ula ntta, 11ašku f‑ssibt‑ns ayd‑s‑wrrin mddn ggutnin n‑ayt‑yudaya ar‑tamnn s‑yasuɛ.
ikšm lmasiḥ s‑urušalim
12ndid azkka sfldn mddn is‑yumẓ yasuɛ aġaras yakmur‑n s‑urušalim. iggut ġ‑urušalim ma‑d‑yuškan ad‑zzrin lɛid ġin. 13ffuġn‑d ġakudan a‑t‑id‑mnaggarn, asin talḍayin n‑tayniwin, ar‑talln awal‑nsn ar‑ttinin: «huṣanna, ambarki a‑iga ġwad‑d‑yuškan s‑ism n‑sidi rbbi. ambarki a‑iga‑ugllid n‑ayt‑rbbi.» 14yasuɛ yufa yan‑usnus ini fllas ġmklli ityaran ġ‑warra n‑rbbi: 15«ad‑ur‑tiksaḍm ay‑ayt‑urušalim. hay‑agllid‑nnun ifta‑d f‑usnus.» 16mayad ur‑t‑fhimn imḥḍarn‑ns ġ‑uwssan‑an, walaynni tiġurdin n‑ma‑ityalal yasuɛ s‑lmjd fhmn izd fllas a‑f‑tyaran iwaliwn‑ad, ktin‑d mad‑as‑skrn mddn.
17ar‑fllas‑akkan tugga kullu willi ẓranin mamnk a‑n‑iġra i‑liɛazr ġ‑umḍḍal issnkr‑t‑id zġ‑lmut. 18iggut ma‑isfldn f‑lmɛjizt lli‑iskr, mayan a‑f‑d‑munn s‑kigan a‑t‑id‑mnaggarn. 19ar‑ttinin ifarisin i‑ngratsn: «hati ur‑nẓḍar i‑yat. ar‑dars‑ttazzal kullu ddunit.»
uškan‑d ayt‑tmizar yaḍni ad‑ẓrn lmasiḥ
20llan ġin kra n‑mddn n‑ayt‑tmizar yaḍni ġ‑gr willi‑d‑uškanin ad‑tɛbadn ġ‑urušalim ġ‑uwssan l‑lɛid. 21aškin‑d dar filibbus lli‑igan gu‑bitṣayda ġ‑tmazirt n‑jalil, inin‑as: «a‑sidi, nra a‑nẓr yasuɛ.» 22iddu filibbus yini‑t i‑andraws. imun dids andraws inin‑t i‑yasuɛ. 23isawl yasuɛ yini‑asn: «tlkm‑d tasaɛt lli‑ġ‑ra‑itmjjd yus n‑bnadm. 24lḥqq ayad, lḥqq a‑rad‑awn‑iniġ. iġ‑ur‑iḍr‑waqqa n‑irdn ġ‑wakal immt, waḥdut a‑ra‑iqama. walaynni iġ‑immut ra‑d‑yawi ṣṣabt iggutn. 25wanna dar tɛzza tudrt‑ns ra‑stt‑ijlu, imma wanna iṣamḥn ġ‑tudrt‑ns ġ‑ddunit‑ad ra‑ikšm s‑tudrt lli‑idumn. 26wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.
lmut lli‑d‑itawin tudrt
27«hati iġufa‑uwl‑inu. izd ad‑iniġ ‹wa‑baba, ssanf‑iyi tasaɛt‑ad›? uhu, ašku mayad a‑f‑d‑uškiġ, ad‑zriġ ġ‑tasaɛt‑ad. 28walaynni ḍalbġ‑ak a‑baba, a‑d‑iban lmjd n‑ism‑nnk.» ġakudan a‑d‑isawl yan‑wawal zġ‑ignwan yini: «ssbayynġ lmjd‑ns, d‑ra‑t‑in‑sul‑ssbayynġ.» 29kullu mddn lli‑biddnin d‑yasuɛ sfldn‑as. kra gisn inna: «iggig ayd immussan.» kra inna: «kra l‑lmalak ayd‑srs‑isawln.» 30imma ntta inna‑yasn: «urd f‑ssibt‑inu a‑f‑d‑isawl‑wawal‑ad walaynni f‑ssibt‑nnun. 31ašku ġilad a‑ra‑ittut lḥukm f‑ddunit. ġilad a‑ra‑n‑ityawgar‑ugllid n‑ddunit‑ad. 32imma nkki rad‑tyalalġ f‑iggi n‑wakal, ldiġ‑d kullu mddn s‑dari.» 33s‑wawal‑ad a‑s‑imla yasuɛ mamnk a‑ra‑tg lmut lli‑s‑ra‑immt.
34sawln‑d mddn‑an inin‑as: «nsfld i‑ma‑ityaran ġ‑ššrɛ f‑lmasiḥ n‑rbbi, ar‑ittini is‑rad‑bdda‑iqama. imma kiyi ma‑f‑a‑ttinit ‹iqqan‑d yus n‑bnadm a‑ityalal›? ma‑iga ġwad mi ttinit ‹yus n‑bnadm›?» 35yini‑asn yasuɛ: «kra idrusn a‑rad‑sul‑didun‑tqama tifawt. ftwat maḥdd didun tifawt, a‑kʷn‑ur‑amẓnt tillas. ašku yan iftan ġ‑tillas ur‑issin mani ra‑ik. 36amnat s‑tifawt maḥdd sul didun tlla tifawt, a‑twrrim tgm ayt‑tifawt.» lliġ‑asn‑inna yasuɛ mayad, iftu yaggug‑n zġ‑gisn.
37ggutnt lmɛjizat lli‑iskr yasuɛ ġ‑dar mddn‑an, walaynni ur‑rin a‑srs‑amnn. 38ġmkad a‑s‑yuwfa‑wawal n‑nnabi išaɛya inna: «wa‑sidi rbbi, ma‑yumnn lh̬bar‑ad‑d‑niwi? ma‑mi‑tban‑tẓḍḍart n‑rbbi siditnnġ?» 39mayad a‑f‑ur‑ẓḍarn ad‑amnn, ašku inna‑daġ išaɛya: 40«rbbi issbukḍ alln‑nsn issiqar ih̬f‑nsn, a‑ur‑ẓrnt‑walln‑nsn ula ifhm ih̬f‑nsn ula wrrin‑d sri a‑tn‑jjujjiġ.» 41ġmkad a‑s‑inna išaɛya ašku iẓra lmjd n‑siditnnġ isawl fllas.
42ġmkan ad‑gan mddn‑ad, walaynni iggut ma‑yumnn s‑yasuɛ ula zġ‑imġarn n‑ayt‑yudaya. walaynni ur‑ẓḍarn a‑t‑inin ašku ksuḍn zġ‑ifarisin a‑tn‑ssufġn zġ‑tgmmi n‑tẓallit. 43ntni yuf darsn a‑tn‑talġn mddn ula yulġ‑tn rbbi.
lmasiḥ ra‑ijjnjm ġwilli srs umnnin
44yall yasuɛ awal‑ns yini: «wanna sri yumnn, urd nkki ka‑s‑yumn walaynni yumn ula s‑walli‑yyi‑d‑yuznn. 45d‑wanna‑yyi‑iẓran, iẓra ġwalli‑yyi‑d‑yuznn. 46uškiġ‑d ad‑gġ tifawt i‑ddunit, a‑ur‑qaman ġ‑tillas winna sri umnnin. 47wanna isflidn i‑iwaliwn‑inu ur‑a‑srsn‑iskar, urd nkki a‑ra‑fllas‑iḥkam. ašku uškiġ‑d s‑ddunit ad‑jjnjmġ ddunit, urd a‑fllas‑ḥkamġ. 48imma wanna‑yyi‑iḥgrn yagʷi a‑isfld s‑wawal‑inu, rad‑as‑sul‑yili ma‑fllas‑itḥkamn. ašku awal lli‑s‑nniġ, nttan a‑ra‑fllas‑iḥkam ġ‑wass iggʷran n‑ddunit. 49ašku ur‑a‑sawalġ ġir zġ‑ih̬f‑inu. rbbi baba lli‑yyi‑d‑yuznn, nttan a‑yyi‑yuṣṣan f‑ma‑rad‑iniġ ula ma‑s‑a‑sawalġ. 50ssnġ izd luṣit‑ns a‑itawin s‑tudrt idumn. kullu mayd‑s‑a‑ttiniġ, ġmklli‑yyi‑t‑id‑imla baba, a‑ti‑ttiniġ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Tashelhayt (Latin script) © United Bible Societies, 1998, 2010.
Robert Bernard Dann.