isizwur 31
31
tarula n‑yaɛqub zġ‑dar laban
1imikk s‑isfld yaɛqub is‑a‑ttinin tarwa n‑laban: «han yaɛqub yusi kullu ma‑igan win babatnġ. ẓrat ayda n‑babatnġ a‑zġ‑issġʷna ih̬f‑ns.» 2iẓr yaɛqub udm n‑laban ur‑sul‑srs‑ifrḥ zund ġayd izrin. 3yini sidi rbbi ilmma i‑yaɛqub: «wrri s‑tmazirt n‑id‑babak d‑ayt‑dark, ha‑yyi lliġ dik nkki.» 4isafḍ yaɛqub ma‑d‑yaqran i‑raḥil d‑layah ad‑d‑aškint s‑lh̬la lli‑ġ‑iksa ulli‑ns, 5yini‑asnt: «ẓriġ udm n‑babatunt ur‑sul‑sri‑ifrḥ zund ġayd izrin, walaynni rbbi n‑baba ad‑bdda‑didi‑illan. 6kunninti tssnmt izd s‑taggʷst‑inu a‑s‑h̬dmġ dar babatunt. 7iġḍr‑iyi babatunt, issbddl tiġrad‑inu mrawt‑twal, walaynni rbbi ur‑t‑yudji a‑yyi‑iskr kra n‑ḍḍrurt. 8iġ‑inna babatunt tibrarin a‑igan tiġrad‑inu, arunt‑kullu‑uwlli tibrarin. iġ‑inna tigzzayin a‑igan tiġrad‑inu, arunt‑kullu‑uwlli tigzzayin. 9ġmkan a‑s‑ikks rbbi lksibt i‑babatunt, ifk‑iyi‑tt nkki. 10ašku ġ‑uzmz lli‑ġ‑a‑tragnt‑uwlli, ẓriġ ġ‑yat‑twargit, ibukirn lli‑itragn d‑tiġaṭṭn gan igzzayn d‑ikrkaḍn d‑ibrarn. 11yini‑yyi lmalak n‑rbbi ġ‑twargit‑an: ‹wa yaɛqub›. iniġ‑as: ‹ha nkki›. 12yini‑yyi‑d: ‹all alln‑nk tmnadt kullu ibukirn‑an itragn tiġaṭṭn, gan igzzayn d‑ikrkaḍn d‑ibrarn, ašku ẓriġ kullu mad‑ak‑iskr laban. 13nkki giġ rbbi lli‑ak‑ibann ġ‑bayt‑il lliġ tẓẓġurt ifir tggallt‑iyi. imma ġilad nkr tffuġt tamazirt‑ad, twrrit s‑tmazirt n‑ayt‑dark.› »
14tsawl‑d raḥil d‑layah inint‑as: «is‑sul‑nṭṭaf kra n‑taġamt nġd kra n‑lwrt ġ‑dar babatnġ? 15is‑urd zund tibrraniyin ad‑dars‑nga? ašku izznza‑yaġ, ar‑ištta iqaridn lli‑ginġ‑yumẓ. 16ayda kullu lli‑ikkis rbbi i‑babatnġ, hati winġ a‑iga d‑win tarwa‑nġ. ġilad kullu ma‑s‑ak‑inna rbbi, skr‑t.»
17inkr yaɛqub issni tarwa‑ns d‑tmġarin‑ns f‑irɛman, 18iṣug kullu lksibt‑ns, yawi kullu ma‑iṭṭaf, ig‑iyt turutin nġd ayda lli‑iskr ġ‑tmazirt n‑aram, iskr f‑a‑imuddu s‑tmazirt n‑kanɛan s‑dar babas isḥaq. 19imma laban, lliġ idda a‑ilass ulli‑ns, takʷr‑as raḥil laṣnam n‑tgmmi.
20ġmkan a‑s‑išmt yaɛqub laban gu‑aram, ašku ur‑as‑inni ra‑iftu. 21iḥarru yawi kullu ma‑iṭṭaf, ibbi asif n‑furat, imuddu s‑tsgiw n‑iwrar n‑gilɛad. 22wis kraḍ‑uwssan isfld laban is‑irwl yaɛqub. 23inkr yawi dids mddn‑ns, iẓẓu gis tawada n‑ssa n‑uwssan, iḍfur‑t ar iwrar n‑gilɛad. 24walaynni ġ‑iḍ‑an iban‑d rbbi i‑laban gu‑aram ġ‑twargit yini‑as: «han ad‑ur‑tinit yat i‑yaɛqub, la awal imimn wala awal ismmumn.» 25izayd laban ilkm f‑yaɛqub ġ‑iwrar n‑gilɛad. ġin a‑ġ‑issbidd yaɛqub ih̬iyyamn‑ns. issbidd ula laban d‑mddn‑ns ih̬iyyamn‑nsn ġ‑iwrar‑an.
26isawl laban s‑yaɛqub yini‑as: «ma‑iga ġayd tskrt, tšmtt‑iyi tawit‑d isti zund iġ‑iyi‑tnt‑tkkist s‑uwzzal? 27mah̬ aylliġ trwlt s‑tntla tšmtt‑iyi? mra is‑iyi‑tɛlmt, lukun safḍġ‑k s‑uḥwaš d‑umarg s‑wallun d‑luṭar. 28mah̬ aylliġ ur‑iyi‑tudjt ad‑ssudnġ isti d‑tarwa‑inu? han anufl ayn tskrt. 29hati ġilad itjhhd‑ufus‑inu a‑kʷn‑ḍrruġ, walaynni rbbi n‑babak isawl‑d sri igḍam inna‑yyi ‹han ad‑ur‑tinit yat i‑yaɛqub, la awal imimn wala awal ismmumn.› 30ssnġ is‑k‑yaġ‑umarg n‑ayt‑dars n‑babak, mayan a‑f‑di‑tffuġt, walaynni mah̬ a‑yyi‑tukrt id‑rbbi‑nu?»
31isawl‑d yaɛqub i‑laban yini‑as: «skrġ ġmkan ašku ksuḍġ a‑yyi‑tkkst istik s‑ifaddn. 32imma id‑rbbi‑nk, iġ‑tn‑tufit dar kra n‑yan ginġ, hati ur‑sul‑ra‑iddr. ssmaqql aynna igan wink tasit‑t. mddn‑nġ rad‑kullu‑gn inagan.» yaɛqub ur‑issin is‑tn‑di‑tukr raḥil.
33ikšm laban s‑uh̬iyyam n‑yaɛqub, ikšm s‑win layah ula win snat‑tsmgin, walaynni ur‑yufi yat. lliġ‑d‑iffuġ zġ‑uh̬iyyam n‑layah ikšm s‑win raḥil. 34raḥil nttat tusi yadlli laṣnam n‑tgmmi, tg‑tn‑in ġ‑utllis n‑urɛm tskiws fllasn. issnubbš laban ah̬iyyam kullut, ur‑tn‑yufi. 35tsawl‑d raḥil s‑babas tini‑as: «ṣamḥ‑iyi a‑sidi, ur‑ẓḍarġ ad‑biddġ ad‑dik‑nsallamġ ašku uškan‑iyi‑d idammn.» ġmkan a‑s‑isiggl laban, ur‑yufi laṣnam.
36ibzg yaɛqub ġakudan, iẓi d‑laban yini‑as: «mad‑ak‑skrġ? man lɛar gik skrġ aylliġ‑iyi‑di‑tgʷmmrt s‑ġid? 37yak tqllbt kullu ayda‑nu, ma‑n‑gis‑tufit iga win takat‑nk? ml‑aġ‑t ġ‑umnid n‑ayt‑dari d‑ayt‑dark, f‑ad‑ḥkamn s‑lḥqq ġ‑gratnġ. 38sin id‑mraw (20) n‑usggʷas a‑n‑dark‑kkiġ. ur‑jji‑srgnt‑thray‑nk ula tiġaṭṭn‑nk. ur‑jji‑ššiġ izamarn n‑tuwrutin‑nk. 39ur‑jji‑ak‑d‑iwiġ kra n‑yat tmmuḍrs, nkki a‑yusin ġayan. tanna ittšan ġ‑uzal nġd iḍ, tḍalbt zġ‑gigi atig‑ns. 40ass f‑wass ar‑ssaġ tirġi ġ‑uzal ar‑ssaġ asmmiḍ d‑iyḍ, d‑walln‑inu ur‑a‑ẓrrant iṭs. 41sin id‑mraw (20) n‑usggʷas lliġ ġ‑tama n‑takat‑nk. han kkuẓ d‑mraw (14) n‑usggʷas h̬dmġ dark f‑snat istik, d‑sḍis isggʷasn h̬dmġ dark f‑uwlli‑nk. tbddlt ula tiġrad‑inu mrawt‑twal. 42mra is‑ur‑didi rbbi n‑baba, lli‑igan rbbi lli‑s‑yumn ibrahim ig walli issḥurma isḥaq, mra is‑ur‑didi‑illi nttan, lukun tsafḍt‑iyi nnit s‑ifassn h̬wanin. walaynni rbbi iẓra tadallit ula tammara lli‑ššiġ, ġayan a‑f‑ak‑issbayyn tanbaṭṭ‑ns ġ‑iḍ‑ad izrin.»
43isawl‑d laban yini‑as: «timġarin‑ad gant isti, d‑tarwa‑nsnt tarwa‑nu ad‑gan, tawrutin‑ad tinu ad‑gant, d‑kullu mayd tmnadt iga winu. walaynni ma‑rad‑sul‑skrġ ġassad i‑isti ula tarwa lli‑urunt? 44ašk‑id ġilad a‑nskr lɛhd ġ‑griyi dik, ig inigi fllanġ.» 45yasi‑d yaɛqub yan‑uẓru ġakudan, issbidd‑t a‑ig ifir ibayynn. 46yini i‑mddn‑ns: «ssmunat‑d iẓran.» asin‑d iẓran bnun yan‑ukrkur, ššn imkli kullutn ġ‑tama n‑ukrkur‑an. 47ig‑as laban ism ‹yagar‑sahaduta› [tga lmɛna‑ns ‹akrkur n‑tuggʷa›]. ig‑as yaɛqub ‹galɛid› [tga lmɛna‑ns ‹akrkur n‑tuggʷa›]. 48yini‑as laban: «akrkur‑ad iga inigi ġassad ġ‑griyi dik.» ġmkan a‑s‑as‑gan ism ‹galɛid›. 49gn ism i‑udġar‑an ‹miṣfah› [tga lmɛna‑ns ‹tiḍaf›], ašku inna‑yas laban: «a‑iḍuf sidi rbbi ġ‑griyi dik ġakud nna‑ur‑sul‑a‑nẓrra i‑ngratnġ. 50iġ‑tssdullit isti nġd iġ‑fllasnt‑tiwit timġarin yaḍni, wah̬h̬a ur‑illi mad‑iyi‑t‑ittinin, han rbbi a‑igan inigi ġ‑griyi dik.»
51izayd laban yini i‑yaɛqub: «ssmaqql akrkur d‑ifir lli‑ssbiddġ ġ‑griyi dik. 52akrkur‑ad iga inigi, d‑ifir‑ad iga inigi, ur‑sar‑n‑zriġ awttu‑ad s‑dark a‑k‑ḍrruġ, wala tzrit‑t‑id s‑dari a‑yyi‑tḍrrut. 53rbbi n‑ibrahim ula naḥur ula babatsn a‑ra‑iḥkam ġ‑griyi dik.» iggall yaɛqub ġakudan s‑rbbi lli‑issḥurma babas isḥaq. 54iġrṣ yaɛqub i‑yat‑tġrṣi ġ‑uwrir‑an, iġr‑d i‑mddn‑ns kullutn ad‑ššn tirmt. ġ‑iḍ‑an nsan kullu ġ‑uwrir‑an. 55zikk ṣbaḥ inkr‑d laban issudn istis d‑tarwa‑nsnt ibark‑tn, iddu iwrri s‑tmazirt‑ns.
Currently Selected:
isizwur 31: SHILOT20
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 31
31
tarula n‑yaɛqub zġ‑dar laban
1imikk s‑isfld yaɛqub is‑a‑ttinin tarwa n‑laban: «han yaɛqub yusi kullu ma‑igan win babatnġ. ẓrat ayda n‑babatnġ a‑zġ‑issġʷna ih̬f‑ns.» 2iẓr yaɛqub udm n‑laban ur‑sul‑srs‑ifrḥ zund ġayd izrin. 3yini sidi rbbi ilmma i‑yaɛqub: «wrri s‑tmazirt n‑id‑babak d‑ayt‑dark, ha‑yyi lliġ dik nkki.» 4isafḍ yaɛqub ma‑d‑yaqran i‑raḥil d‑layah ad‑d‑aškint s‑lh̬la lli‑ġ‑iksa ulli‑ns, 5yini‑asnt: «ẓriġ udm n‑babatunt ur‑sul‑sri‑ifrḥ zund ġayd izrin, walaynni rbbi n‑baba ad‑bdda‑didi‑illan. 6kunninti tssnmt izd s‑taggʷst‑inu a‑s‑h̬dmġ dar babatunt. 7iġḍr‑iyi babatunt, issbddl tiġrad‑inu mrawt‑twal, walaynni rbbi ur‑t‑yudji a‑yyi‑iskr kra n‑ḍḍrurt. 8iġ‑inna babatunt tibrarin a‑igan tiġrad‑inu, arunt‑kullu‑uwlli tibrarin. iġ‑inna tigzzayin a‑igan tiġrad‑inu, arunt‑kullu‑uwlli tigzzayin. 9ġmkan a‑s‑ikks rbbi lksibt i‑babatunt, ifk‑iyi‑tt nkki. 10ašku ġ‑uzmz lli‑ġ‑a‑tragnt‑uwlli, ẓriġ ġ‑yat‑twargit, ibukirn lli‑itragn d‑tiġaṭṭn gan igzzayn d‑ikrkaḍn d‑ibrarn. 11yini‑yyi lmalak n‑rbbi ġ‑twargit‑an: ‹wa yaɛqub›. iniġ‑as: ‹ha nkki›. 12yini‑yyi‑d: ‹all alln‑nk tmnadt kullu ibukirn‑an itragn tiġaṭṭn, gan igzzayn d‑ikrkaḍn d‑ibrarn, ašku ẓriġ kullu mad‑ak‑iskr laban. 13nkki giġ rbbi lli‑ak‑ibann ġ‑bayt‑il lliġ tẓẓġurt ifir tggallt‑iyi. imma ġilad nkr tffuġt tamazirt‑ad, twrrit s‑tmazirt n‑ayt‑dark.› »
14tsawl‑d raḥil d‑layah inint‑as: «is‑sul‑nṭṭaf kra n‑taġamt nġd kra n‑lwrt ġ‑dar babatnġ? 15is‑urd zund tibrraniyin ad‑dars‑nga? ašku izznza‑yaġ, ar‑ištta iqaridn lli‑ginġ‑yumẓ. 16ayda kullu lli‑ikkis rbbi i‑babatnġ, hati winġ a‑iga d‑win tarwa‑nġ. ġilad kullu ma‑s‑ak‑inna rbbi, skr‑t.»
17inkr yaɛqub issni tarwa‑ns d‑tmġarin‑ns f‑irɛman, 18iṣug kullu lksibt‑ns, yawi kullu ma‑iṭṭaf, ig‑iyt turutin nġd ayda lli‑iskr ġ‑tmazirt n‑aram, iskr f‑a‑imuddu s‑tmazirt n‑kanɛan s‑dar babas isḥaq. 19imma laban, lliġ idda a‑ilass ulli‑ns, takʷr‑as raḥil laṣnam n‑tgmmi.
20ġmkan a‑s‑išmt yaɛqub laban gu‑aram, ašku ur‑as‑inni ra‑iftu. 21iḥarru yawi kullu ma‑iṭṭaf, ibbi asif n‑furat, imuddu s‑tsgiw n‑iwrar n‑gilɛad. 22wis kraḍ‑uwssan isfld laban is‑irwl yaɛqub. 23inkr yawi dids mddn‑ns, iẓẓu gis tawada n‑ssa n‑uwssan, iḍfur‑t ar iwrar n‑gilɛad. 24walaynni ġ‑iḍ‑an iban‑d rbbi i‑laban gu‑aram ġ‑twargit yini‑as: «han ad‑ur‑tinit yat i‑yaɛqub, la awal imimn wala awal ismmumn.» 25izayd laban ilkm f‑yaɛqub ġ‑iwrar n‑gilɛad. ġin a‑ġ‑issbidd yaɛqub ih̬iyyamn‑ns. issbidd ula laban d‑mddn‑ns ih̬iyyamn‑nsn ġ‑iwrar‑an.
26isawl laban s‑yaɛqub yini‑as: «ma‑iga ġayd tskrt, tšmtt‑iyi tawit‑d isti zund iġ‑iyi‑tnt‑tkkist s‑uwzzal? 27mah̬ aylliġ trwlt s‑tntla tšmtt‑iyi? mra is‑iyi‑tɛlmt, lukun safḍġ‑k s‑uḥwaš d‑umarg s‑wallun d‑luṭar. 28mah̬ aylliġ ur‑iyi‑tudjt ad‑ssudnġ isti d‑tarwa‑inu? han anufl ayn tskrt. 29hati ġilad itjhhd‑ufus‑inu a‑kʷn‑ḍrruġ, walaynni rbbi n‑babak isawl‑d sri igḍam inna‑yyi ‹han ad‑ur‑tinit yat i‑yaɛqub, la awal imimn wala awal ismmumn.› 30ssnġ is‑k‑yaġ‑umarg n‑ayt‑dars n‑babak, mayan a‑f‑di‑tffuġt, walaynni mah̬ a‑yyi‑tukrt id‑rbbi‑nu?»
31isawl‑d yaɛqub i‑laban yini‑as: «skrġ ġmkan ašku ksuḍġ a‑yyi‑tkkst istik s‑ifaddn. 32imma id‑rbbi‑nk, iġ‑tn‑tufit dar kra n‑yan ginġ, hati ur‑sul‑ra‑iddr. ssmaqql aynna igan wink tasit‑t. mddn‑nġ rad‑kullu‑gn inagan.» yaɛqub ur‑issin is‑tn‑di‑tukr raḥil.
33ikšm laban s‑uh̬iyyam n‑yaɛqub, ikšm s‑win layah ula win snat‑tsmgin, walaynni ur‑yufi yat. lliġ‑d‑iffuġ zġ‑uh̬iyyam n‑layah ikšm s‑win raḥil. 34raḥil nttat tusi yadlli laṣnam n‑tgmmi, tg‑tn‑in ġ‑utllis n‑urɛm tskiws fllasn. issnubbš laban ah̬iyyam kullut, ur‑tn‑yufi. 35tsawl‑d raḥil s‑babas tini‑as: «ṣamḥ‑iyi a‑sidi, ur‑ẓḍarġ ad‑biddġ ad‑dik‑nsallamġ ašku uškan‑iyi‑d idammn.» ġmkan a‑s‑isiggl laban, ur‑yufi laṣnam.
36ibzg yaɛqub ġakudan, iẓi d‑laban yini‑as: «mad‑ak‑skrġ? man lɛar gik skrġ aylliġ‑iyi‑di‑tgʷmmrt s‑ġid? 37yak tqllbt kullu ayda‑nu, ma‑n‑gis‑tufit iga win takat‑nk? ml‑aġ‑t ġ‑umnid n‑ayt‑dari d‑ayt‑dark, f‑ad‑ḥkamn s‑lḥqq ġ‑gratnġ. 38sin id‑mraw (20) n‑usggʷas a‑n‑dark‑kkiġ. ur‑jji‑srgnt‑thray‑nk ula tiġaṭṭn‑nk. ur‑jji‑ššiġ izamarn n‑tuwrutin‑nk. 39ur‑jji‑ak‑d‑iwiġ kra n‑yat tmmuḍrs, nkki a‑yusin ġayan. tanna ittšan ġ‑uzal nġd iḍ, tḍalbt zġ‑gigi atig‑ns. 40ass f‑wass ar‑ssaġ tirġi ġ‑uzal ar‑ssaġ asmmiḍ d‑iyḍ, d‑walln‑inu ur‑a‑ẓrrant iṭs. 41sin id‑mraw (20) n‑usggʷas lliġ ġ‑tama n‑takat‑nk. han kkuẓ d‑mraw (14) n‑usggʷas h̬dmġ dark f‑snat istik, d‑sḍis isggʷasn h̬dmġ dark f‑uwlli‑nk. tbddlt ula tiġrad‑inu mrawt‑twal. 42mra is‑ur‑didi rbbi n‑baba, lli‑igan rbbi lli‑s‑yumn ibrahim ig walli issḥurma isḥaq, mra is‑ur‑didi‑illi nttan, lukun tsafḍt‑iyi nnit s‑ifassn h̬wanin. walaynni rbbi iẓra tadallit ula tammara lli‑ššiġ, ġayan a‑f‑ak‑issbayyn tanbaṭṭ‑ns ġ‑iḍ‑ad izrin.»
43isawl‑d laban yini‑as: «timġarin‑ad gant isti, d‑tarwa‑nsnt tarwa‑nu ad‑gan, tawrutin‑ad tinu ad‑gant, d‑kullu mayd tmnadt iga winu. walaynni ma‑rad‑sul‑skrġ ġassad i‑isti ula tarwa lli‑urunt? 44ašk‑id ġilad a‑nskr lɛhd ġ‑griyi dik, ig inigi fllanġ.» 45yasi‑d yaɛqub yan‑uẓru ġakudan, issbidd‑t a‑ig ifir ibayynn. 46yini i‑mddn‑ns: «ssmunat‑d iẓran.» asin‑d iẓran bnun yan‑ukrkur, ššn imkli kullutn ġ‑tama n‑ukrkur‑an. 47ig‑as laban ism ‹yagar‑sahaduta› [tga lmɛna‑ns ‹akrkur n‑tuggʷa›]. ig‑as yaɛqub ‹galɛid› [tga lmɛna‑ns ‹akrkur n‑tuggʷa›]. 48yini‑as laban: «akrkur‑ad iga inigi ġassad ġ‑griyi dik.» ġmkan a‑s‑as‑gan ism ‹galɛid›. 49gn ism i‑udġar‑an ‹miṣfah› [tga lmɛna‑ns ‹tiḍaf›], ašku inna‑yas laban: «a‑iḍuf sidi rbbi ġ‑griyi dik ġakud nna‑ur‑sul‑a‑nẓrra i‑ngratnġ. 50iġ‑tssdullit isti nġd iġ‑fllasnt‑tiwit timġarin yaḍni, wah̬h̬a ur‑illi mad‑iyi‑t‑ittinin, han rbbi a‑igan inigi ġ‑griyi dik.»
51izayd laban yini i‑yaɛqub: «ssmaqql akrkur d‑ifir lli‑ssbiddġ ġ‑griyi dik. 52akrkur‑ad iga inigi, d‑ifir‑ad iga inigi, ur‑sar‑n‑zriġ awttu‑ad s‑dark a‑k‑ḍrruġ, wala tzrit‑t‑id s‑dari a‑yyi‑tḍrrut. 53rbbi n‑ibrahim ula naḥur ula babatsn a‑ra‑iḥkam ġ‑griyi dik.» iggall yaɛqub ġakudan s‑rbbi lli‑issḥurma babas isḥaq. 54iġrṣ yaɛqub i‑yat‑tġrṣi ġ‑uwrir‑an, iġr‑d i‑mddn‑ns kullutn ad‑ššn tirmt. ġ‑iḍ‑an nsan kullu ġ‑uwrir‑an. 55zikk ṣbaḥ inkr‑d laban issudn istis d‑tarwa‑nsnt ibark‑tn, iddu iwrri s‑tmazirt‑ns.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.