isizwur 32
32
iskr yaɛqub f‑umnaggar d‑ɛisu
1imun yaɛqub d‑uġaras‑ns s‑t‑id‑mnaggarn kra n‑lmlayka n‑rbbi. 2lliġ‑tn‑iẓra yini: «akabar n‑rbbi ayad.» ig i‑udġar‑an ism ‹maḥanaym› [tga lmɛna‑ns ‹sin ikabarn›].
3yazn yaɛqub irqqasn a‑t‑zwarn s‑dar gʷmas ɛisu ġ‑iwrar n‑saɛir ġ‑tmazirt n‑adum 4yuṣṣa‑tn: «ġmkad a‑ra‑tinim i‑sidi ɛisu: ‹inna‑yak‑uh̬ddam‑nk yaɛqub, dar laban a‑ġ‑n‑gawrġ, maṭlġ‑n dars ar ġilad. 5ṭṭafġ imugayn d‑iġʷyal d‑uwlli d‑ismgan d‑tsmgin. aznġ‑n ġilad a‑k‑ɛlmġ a‑sidi, baš ad‑dark‑afġ rrḍa.› »
6wrrin‑d irqqasn s‑dar yaɛqub inin‑as: «nkka‑d dar gʷmak ɛisu. hati ifta‑d a‑k‑id‑imnaggar, munn‑d dids kkuẓ n‑id‑miyya (400) n‑urgaz.» 7iġuwḍ yaɛqub yiksaḍ bahra. inkr ibḍu mddn‑ns f‑sin ikabarn, ntni d‑uwlli d‑imugayn d‑irɛman. 8yini d‑ih̬f‑ns: «iġ‑d‑ilkm ɛisu yan zġ‑ikabarn yakʷi gis, a‑ur‑imil injm‑ukabar yaḍni.»
9iẓẓall yaɛqub ġakudan yini: «wa rbbi n‑jddi ibrahim, rbbi n‑baba isḥaq, wa sidi rbbi lli‑yyi‑d‑innan ‹wrri s‑tmazirt‑nk s‑dar ayt‑dark f‑a‑gik‑skrġ afulki.› » 10nkki ur‑sthllaġ yat ġ‑kullu mayd tskrt i‑uh̬ddam‑nk s‑lḥnant‑nk izgan ula s‑tayri‑nk idumn. ġakud lliġ bbiġ asif‑ad n‑urdun, aɛmud kad‑ṭṭafġ, imma ġilad ha‑yyi s‑sin ikabarn. 11ḍalbġ‑ak ġilad a‑yyi‑tjjnjmt zġ‑ufus n‑gʷma, zġ‑ufus n‑ɛisu, ašku ksuḍġ zġ‑gis a‑d‑fllanġ‑yakʷi, inġ ula timġarin d‑tarwa. 12is‑ur‑iyi‑tnnit ‹ra‑gik‑skrġ afulki, ssigtġ amud‑nk zund amlal ġ‑tama n‑umda lli‑s‑ur‑iẓḍar yan a‑iḥasb tugtt‑ns›?»
13iqama ġin ġ‑iḍ‑an, iẓli ilmma zġ‑maylli dars illan yat‑tsmġurt ma‑yakka i‑gʷmas ɛisu, 14sin id‑miyya (200) n‑taġaṭṭ, d‑sin id‑mraw (20) n‑ubukir, d‑sin id‑miyya (200) n‑thruyt, d‑sin id‑mraw (20) n‑izimmr, 15d‑kraṭṭ id‑mrawt (30) n‑trɛmt issngayn ntnti ula tarwa‑nsnt, d‑kkuẓṭ id‑mrawt (40) n‑tmugayt, d‑mraw (10) izgarn, d‑snat id‑mrawt (20) n‑tġyult, d‑mraw (10) iġʷyal. 16ifk‑tn tawrut s‑tuwrut i‑ih̬ddamn‑ns, yuṣṣa‑tn: «zwurat‑iyi lgddam, ar‑tffalm tisaɛ ġ‑gr‑tuwrutin.» 17yini i‑uh̬ddam amzwaru: «iġ‑k‑imnaggar gʷma ɛisu isqsa‑k ‹win mi a‑tgit? d‑mani trit? d‑tin mit a‑tga lksibt‑ad tṣugm?› 18tinit‑as ‹tin‑uh̬ddam‑nk yaɛqub. yuzn‑d tasmġurt‑ad i‑sidi ɛisu. d‑ntta hati ifta‑d tigira‑nġ.› » 19yuṣṣa ġmkan wis sin ula wis kraḍ ula kullu willi ṣugnin tawrutin, yini‑asn: «ġmkan a‑s‑a‑ttinim i‑ɛisu iġ‑t‑in‑tlkmm, 20tinim‑as daġ ‹hay‑ah̬ddam‑nk yaɛqub ifta‑d nttan tigira‑nġ.› » ašku yaɛqub inna d‑ih̬f‑ns: «iġ‑as‑zzwurġ tasmġurt‑ad, a‑ur‑imil ithnna, irḍu flla ur‑ta‑iẓri udm‑inu.» 21ġmkan a‑s‑as‑tzwur‑tsmġurt, imma nttan iqama d‑ukabar‑ns ġ‑iḍ‑an.
rbbi immaġ d‑yaɛqub
22inkr yaɛqub d‑iyḍ, issmun‑d snat‑tmġarin‑ns d‑snat‑tsmgin‑ns d‑tarwa‑ns s‑yan d‑mraw (11), yazn‑tn ad‑zrin zġ‑umsakkʷi n‑wasif n‑yabbuq. 23lliġ issukʷi yaɛqub kullu ma‑iṭṭaf s‑tsga‑yan yaḍni, 24iqama ntta waḥdut ġin. immaġ dids yan‑urgaz aylliġ‑d‑iġli‑wass. 25iẓr‑urgaz is‑ur‑iẓḍar a‑inru yaɛqub, yut‑t ilmma ġ‑nnig‑umṣaḍ, yakuf‑uḍar n‑yaɛqub ġ‑tmiġt‑an. 26yini‑as‑urgaz: «rẓm‑iyi ad‑dduġ, hati iġli‑d‑wass.» imma yaɛqub irur‑as: «ur‑rad‑ak‑rẓmġ ard‑iyi‑tbarkt.» 27isqsa‑t‑urgaz: «ma‑iga ism‑nk?» yini‑as: «yaɛqub.» 28yini‑as: «ur‑sul‑ra‑ig ism‑nk yaɛqub. ġilad ra‑ig ism‑nk israyil [tga lmɛna‑ns ‹immaġ d‑rbbi›], ašku tmmaġt d‑rbbi ula mddn tnrut.» 29iḍalb‑t yaɛqub: «ġir ini‑yyi ma‑iga ism‑nk?» ijawb‑as: «mah̬ a‑tsqsat ġ‑ism‑inu?» ibark‑t ġakudan.
30adġar‑an, iga‑yas yaɛqub ism ‹fanwil› [tga lmɛna‑ns ‹udm n‑rbbi›], ašku inna: «ẓriġ rbbi udm s‑uwdm sul ddrġ.» 31tġli‑d‑fllas tafukt ġ‑lliġ izri fanwil, ar‑issbiḍir ašku yaġ‑t‑umṣaḍ‑ns. 32mayan a‑f‑ur‑a‑šttan ayt‑israyil sul s‑ġassad lɛṣbt lli‑illan ġ‑nnig‑umṣaḍ, ašku nttat a‑ġ‑ittut yaɛqub.
Currently Selected:
isizwur 32: SHILOT20
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 32
32
iskr yaɛqub f‑umnaggar d‑ɛisu
1imun yaɛqub d‑uġaras‑ns s‑t‑id‑mnaggarn kra n‑lmlayka n‑rbbi. 2lliġ‑tn‑iẓra yini: «akabar n‑rbbi ayad.» ig i‑udġar‑an ism ‹maḥanaym› [tga lmɛna‑ns ‹sin ikabarn›].
3yazn yaɛqub irqqasn a‑t‑zwarn s‑dar gʷmas ɛisu ġ‑iwrar n‑saɛir ġ‑tmazirt n‑adum 4yuṣṣa‑tn: «ġmkad a‑ra‑tinim i‑sidi ɛisu: ‹inna‑yak‑uh̬ddam‑nk yaɛqub, dar laban a‑ġ‑n‑gawrġ, maṭlġ‑n dars ar ġilad. 5ṭṭafġ imugayn d‑iġʷyal d‑uwlli d‑ismgan d‑tsmgin. aznġ‑n ġilad a‑k‑ɛlmġ a‑sidi, baš ad‑dark‑afġ rrḍa.› »
6wrrin‑d irqqasn s‑dar yaɛqub inin‑as: «nkka‑d dar gʷmak ɛisu. hati ifta‑d a‑k‑id‑imnaggar, munn‑d dids kkuẓ n‑id‑miyya (400) n‑urgaz.» 7iġuwḍ yaɛqub yiksaḍ bahra. inkr ibḍu mddn‑ns f‑sin ikabarn, ntni d‑uwlli d‑imugayn d‑irɛman. 8yini d‑ih̬f‑ns: «iġ‑d‑ilkm ɛisu yan zġ‑ikabarn yakʷi gis, a‑ur‑imil injm‑ukabar yaḍni.»
9iẓẓall yaɛqub ġakudan yini: «wa rbbi n‑jddi ibrahim, rbbi n‑baba isḥaq, wa sidi rbbi lli‑yyi‑d‑innan ‹wrri s‑tmazirt‑nk s‑dar ayt‑dark f‑a‑gik‑skrġ afulki.› » 10nkki ur‑sthllaġ yat ġ‑kullu mayd tskrt i‑uh̬ddam‑nk s‑lḥnant‑nk izgan ula s‑tayri‑nk idumn. ġakud lliġ bbiġ asif‑ad n‑urdun, aɛmud kad‑ṭṭafġ, imma ġilad ha‑yyi s‑sin ikabarn. 11ḍalbġ‑ak ġilad a‑yyi‑tjjnjmt zġ‑ufus n‑gʷma, zġ‑ufus n‑ɛisu, ašku ksuḍġ zġ‑gis a‑d‑fllanġ‑yakʷi, inġ ula timġarin d‑tarwa. 12is‑ur‑iyi‑tnnit ‹ra‑gik‑skrġ afulki, ssigtġ amud‑nk zund amlal ġ‑tama n‑umda lli‑s‑ur‑iẓḍar yan a‑iḥasb tugtt‑ns›?»
13iqama ġin ġ‑iḍ‑an, iẓli ilmma zġ‑maylli dars illan yat‑tsmġurt ma‑yakka i‑gʷmas ɛisu, 14sin id‑miyya (200) n‑taġaṭṭ, d‑sin id‑mraw (20) n‑ubukir, d‑sin id‑miyya (200) n‑thruyt, d‑sin id‑mraw (20) n‑izimmr, 15d‑kraṭṭ id‑mrawt (30) n‑trɛmt issngayn ntnti ula tarwa‑nsnt, d‑kkuẓṭ id‑mrawt (40) n‑tmugayt, d‑mraw (10) izgarn, d‑snat id‑mrawt (20) n‑tġyult, d‑mraw (10) iġʷyal. 16ifk‑tn tawrut s‑tuwrut i‑ih̬ddamn‑ns, yuṣṣa‑tn: «zwurat‑iyi lgddam, ar‑tffalm tisaɛ ġ‑gr‑tuwrutin.» 17yini i‑uh̬ddam amzwaru: «iġ‑k‑imnaggar gʷma ɛisu isqsa‑k ‹win mi a‑tgit? d‑mani trit? d‑tin mit a‑tga lksibt‑ad tṣugm?› 18tinit‑as ‹tin‑uh̬ddam‑nk yaɛqub. yuzn‑d tasmġurt‑ad i‑sidi ɛisu. d‑ntta hati ifta‑d tigira‑nġ.› » 19yuṣṣa ġmkan wis sin ula wis kraḍ ula kullu willi ṣugnin tawrutin, yini‑asn: «ġmkan a‑s‑a‑ttinim i‑ɛisu iġ‑t‑in‑tlkmm, 20tinim‑as daġ ‹hay‑ah̬ddam‑nk yaɛqub ifta‑d nttan tigira‑nġ.› » ašku yaɛqub inna d‑ih̬f‑ns: «iġ‑as‑zzwurġ tasmġurt‑ad, a‑ur‑imil ithnna, irḍu flla ur‑ta‑iẓri udm‑inu.» 21ġmkan a‑s‑as‑tzwur‑tsmġurt, imma nttan iqama d‑ukabar‑ns ġ‑iḍ‑an.
rbbi immaġ d‑yaɛqub
22inkr yaɛqub d‑iyḍ, issmun‑d snat‑tmġarin‑ns d‑snat‑tsmgin‑ns d‑tarwa‑ns s‑yan d‑mraw (11), yazn‑tn ad‑zrin zġ‑umsakkʷi n‑wasif n‑yabbuq. 23lliġ issukʷi yaɛqub kullu ma‑iṭṭaf s‑tsga‑yan yaḍni, 24iqama ntta waḥdut ġin. immaġ dids yan‑urgaz aylliġ‑d‑iġli‑wass. 25iẓr‑urgaz is‑ur‑iẓḍar a‑inru yaɛqub, yut‑t ilmma ġ‑nnig‑umṣaḍ, yakuf‑uḍar n‑yaɛqub ġ‑tmiġt‑an. 26yini‑as‑urgaz: «rẓm‑iyi ad‑dduġ, hati iġli‑d‑wass.» imma yaɛqub irur‑as: «ur‑rad‑ak‑rẓmġ ard‑iyi‑tbarkt.» 27isqsa‑t‑urgaz: «ma‑iga ism‑nk?» yini‑as: «yaɛqub.» 28yini‑as: «ur‑sul‑ra‑ig ism‑nk yaɛqub. ġilad ra‑ig ism‑nk israyil [tga lmɛna‑ns ‹immaġ d‑rbbi›], ašku tmmaġt d‑rbbi ula mddn tnrut.» 29iḍalb‑t yaɛqub: «ġir ini‑yyi ma‑iga ism‑nk?» ijawb‑as: «mah̬ a‑tsqsat ġ‑ism‑inu?» ibark‑t ġakudan.
30adġar‑an, iga‑yas yaɛqub ism ‹fanwil› [tga lmɛna‑ns ‹udm n‑rbbi›], ašku inna: «ẓriġ rbbi udm s‑uwdm sul ddrġ.» 31tġli‑d‑fllas tafukt ġ‑lliġ izri fanwil, ar‑issbiḍir ašku yaġ‑t‑umṣaḍ‑ns. 32mayan a‑f‑ur‑a‑šttan ayt‑israyil sul s‑ġassad lɛṣbt lli‑illan ġ‑nnig‑umṣaḍ, ašku nttat a‑ġ‑ittut yaɛqub.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.