isizwur 50
50
1iknu‑n yusf f‑uwdm n‑babas ar‑yalla issudn‑t. 2yamr yusf imqasan‑ns iṭbibn ad‑jjujadn babas i‑tmḍlt. ḥnnṭn ġakudan ddat n‑israyil. 3ik mayan kkuẓ id‑mraw (40) n‑wass, ašku ġunškan a‑itkka lḥnṭ. ar‑fllas‑allan ayt‑miṣr ssa n‑id‑mraw (70) n‑wass. 4lliġ zrin‑uwssan n‑lɛzzat, isawl yusf s‑ayt‑tgmmi n‑firɛawn yini‑asn: «iġ‑darun‑ufiġ rrḍa ġilad, tbdrm‑iyi ġ‑dar firɛawn, tsslkmm‑as iwaliwn‑ad: 5‹han issgulla‑yyi baba inna‑yyi: ġir imikk rad‑mmtġ. mḍl‑iyi‑n ġ‑umḍḍal lli‑skrġ i‑ih̬f‑inu ġ‑tmazirt n‑kanɛan. ġin a‑ġ‑ra‑yyi‑n‑tmḍlt.› ġir adj‑iyi ġilad ad‑dduġ a‑n‑mḍlġ baba. ra‑d‑wrriġ tigira.» 6yini‑as firɛawn: «zayd tmḍlt‑n babak ġmklli‑k‑issgulla.»
7imuddu yusf a‑n‑imḍl babas. munn kullu dids imqasan n‑firɛawn, d‑imɛawann n‑tgmmi‑ns, d‑imġarn n‑tmazirt n‑miṣr kullutn. 8ddun dids ula ayt‑tgmmi n‑yusf kullutn d‑aytmas d‑ayt‑dars n‑babas. ur‑filn abla tarwa‑nsn d‑uwlli‑nsn d‑imugayn‑nsn ġ‑wakal n‑gušn. 9munn dids id‑bab n‑lkrarṣ d‑id‑bab n‑iysan, gn yan‑ukabar bahra imqqurn. 10lliġ‑n‑lkmn anrar n‑aṭad ġ‑tsga yaḍni n‑wasif n‑urdun, ibidd yusf ar‑yalla f‑babas ssa n‑uwssan, ar‑kullu‑tnuwwaḥn s‑imṭṭawn ggutnin. 11ayt‑kanɛan lli‑izdġn ġin, lliġ‑tn‑ẓran ar‑allan ar‑tnuwwaḥn ġ‑unrar n‑aṭad inin: «kra n‑lɛzzat išqan n‑ayt‑miṣr ayad.» mayan a‑f‑gan ism ‹abil‑miṣrayim› i‑udġar‑an illan ġ‑tsga‑yan yaḍni n‑wasif n‑urdun [tga lmɛna‑ns ‹lɛzzat n‑ayt‑miṣr›].
12ġmklli‑f‑yuṣṣa yaɛqub tarwa‑ns, ad‑as‑skrn. 13asin‑t s‑tmazirt n‑kanɛan, mḍln‑t‑in ġ‑ifri lli‑illan ġ‑igr n‑makfila ġ‑tsga n‑mamra lli‑iwalan asġlay n‑tafukt, a‑t‑igan d‑igr lli‑isġa ibrahim ġ‑dar ɛifrun gu‑ḥit baš a‑t‑iṭṭaf a‑gis‑iskr amḍḍal. 14imma yusf, lliġ‑n‑imḍl babas, iwrri s‑miṣr ntta d‑aytmas d‑kullu willi dids munnin a‑n‑mḍln babas.
rbbi inuwwa afulki
15imma aytmas n‑yusf, lliġ ssnn is‑immut babatsn ar‑ttinin: «yusf, is‑ur‑ra‑yġ‑ikrhu ġilad, irar‑aġ f‑kullu ġaylli gis nskr yʷh̬šn?» 16aznn awal i‑yusf inin: «han babak, ġakud lliġ ur‑ta‑immut, yuṣṣa‑yaġ: 17‹inyat i‑yusf: ḍalbġ‑k a‑tṣamḥt i‑aytmak f‑lɛib ula lɛar ula lh̬ʷšant lli‑gik‑skrn.› ha‑yaġ ġilad nḍalb‑ak a‑tṣamḥt f‑lɛib n‑ih̬ddamn n‑rbbi n‑babak.» ar‑yalla yusf lliġ‑as‑nnan mayan. 18aškin‑d aytmas s‑dars ġakudan, knun ġ‑lgddam‑ns inin: «ha‑yaġ a‑sidi, imqasan‑nk a‑nga.» 19yini‑asn yusf: «ad‑ur‑tiksaḍm. izd nkkin a‑igan rbbi? 20kunni tnuwwam gigi ma‑yʷh̬šnn, imma rbbi inuwwa srs afulki, baš a‑ijjnjm tudrt n‑mddn ggutnin ġmklli‑tn‑tẓram ddrn sul s‑ġassad. 21ġilad ad‑ur‑tiksaḍm. ra‑kʷn‑asiġ kunni ula tarwa‑nun mẓẓinin.» isshnna‑tn yusf izzɛam‑tn.
lmut n‑yusf
22iqama yusf izdġ ġ‑miṣr d‑ayt‑dars n‑babas. izri yusf miyya d‑mraw (110) n‑usggʷas, 23iẓr tarwa n‑afraym ard tis kraṭṭ tasutin, iẓr ula tarwa n‑makir lli‑igan yus n‑manaššah. lliġ‑d‑luln tarwa‑yan, yasi‑tn yusf f‑ifaddn‑ns. 24isawl yusf ilmma s‑aytmas yini‑asn: «han ġir imikk rad‑mmtġ. walaynni rbbi ra‑d‑srun‑yakmur a‑kʷn‑iɛawn. ra‑kʷn‑issawn zġ‑tmazirt‑ad, yawi‑kʷn s‑wakal lli‑f‑iggulla i‑ibrahim d‑isḥaq d‑yaɛqub.» 25issgall yusf tarwa n‑israyil yini‑asn: «s‑ṣṣaḥt ra‑d‑srun‑yakmur rbbi, tssawnm ġakudan ih̬ṣan‑inu zġ‑ġid.» 26ġmkan a‑s‑immut yusf, irgl miyya d‑mraw (110) n‑usggʷas. ḥnnṭn ddat‑ns, gn‑t ġ‑yan ṣṣnduq ġ‑miṣr.
Currently Selected:
isizwur 50: SHILOT20
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 50
50
1iknu‑n yusf f‑uwdm n‑babas ar‑yalla issudn‑t. 2yamr yusf imqasan‑ns iṭbibn ad‑jjujadn babas i‑tmḍlt. ḥnnṭn ġakudan ddat n‑israyil. 3ik mayan kkuẓ id‑mraw (40) n‑wass, ašku ġunškan a‑itkka lḥnṭ. ar‑fllas‑allan ayt‑miṣr ssa n‑id‑mraw (70) n‑wass. 4lliġ zrin‑uwssan n‑lɛzzat, isawl yusf s‑ayt‑tgmmi n‑firɛawn yini‑asn: «iġ‑darun‑ufiġ rrḍa ġilad, tbdrm‑iyi ġ‑dar firɛawn, tsslkmm‑as iwaliwn‑ad: 5‹han issgulla‑yyi baba inna‑yyi: ġir imikk rad‑mmtġ. mḍl‑iyi‑n ġ‑umḍḍal lli‑skrġ i‑ih̬f‑inu ġ‑tmazirt n‑kanɛan. ġin a‑ġ‑ra‑yyi‑n‑tmḍlt.› ġir adj‑iyi ġilad ad‑dduġ a‑n‑mḍlġ baba. ra‑d‑wrriġ tigira.» 6yini‑as firɛawn: «zayd tmḍlt‑n babak ġmklli‑k‑issgulla.»
7imuddu yusf a‑n‑imḍl babas. munn kullu dids imqasan n‑firɛawn, d‑imɛawann n‑tgmmi‑ns, d‑imġarn n‑tmazirt n‑miṣr kullutn. 8ddun dids ula ayt‑tgmmi n‑yusf kullutn d‑aytmas d‑ayt‑dars n‑babas. ur‑filn abla tarwa‑nsn d‑uwlli‑nsn d‑imugayn‑nsn ġ‑wakal n‑gušn. 9munn dids id‑bab n‑lkrarṣ d‑id‑bab n‑iysan, gn yan‑ukabar bahra imqqurn. 10lliġ‑n‑lkmn anrar n‑aṭad ġ‑tsga yaḍni n‑wasif n‑urdun, ibidd yusf ar‑yalla f‑babas ssa n‑uwssan, ar‑kullu‑tnuwwaḥn s‑imṭṭawn ggutnin. 11ayt‑kanɛan lli‑izdġn ġin, lliġ‑tn‑ẓran ar‑allan ar‑tnuwwaḥn ġ‑unrar n‑aṭad inin: «kra n‑lɛzzat išqan n‑ayt‑miṣr ayad.» mayan a‑f‑gan ism ‹abil‑miṣrayim› i‑udġar‑an illan ġ‑tsga‑yan yaḍni n‑wasif n‑urdun [tga lmɛna‑ns ‹lɛzzat n‑ayt‑miṣr›].
12ġmklli‑f‑yuṣṣa yaɛqub tarwa‑ns, ad‑as‑skrn. 13asin‑t s‑tmazirt n‑kanɛan, mḍln‑t‑in ġ‑ifri lli‑illan ġ‑igr n‑makfila ġ‑tsga n‑mamra lli‑iwalan asġlay n‑tafukt, a‑t‑igan d‑igr lli‑isġa ibrahim ġ‑dar ɛifrun gu‑ḥit baš a‑t‑iṭṭaf a‑gis‑iskr amḍḍal. 14imma yusf, lliġ‑n‑imḍl babas, iwrri s‑miṣr ntta d‑aytmas d‑kullu willi dids munnin a‑n‑mḍln babas.
rbbi inuwwa afulki
15imma aytmas n‑yusf, lliġ ssnn is‑immut babatsn ar‑ttinin: «yusf, is‑ur‑ra‑yġ‑ikrhu ġilad, irar‑aġ f‑kullu ġaylli gis nskr yʷh̬šn?» 16aznn awal i‑yusf inin: «han babak, ġakud lliġ ur‑ta‑immut, yuṣṣa‑yaġ: 17‹inyat i‑yusf: ḍalbġ‑k a‑tṣamḥt i‑aytmak f‑lɛib ula lɛar ula lh̬ʷšant lli‑gik‑skrn.› ha‑yaġ ġilad nḍalb‑ak a‑tṣamḥt f‑lɛib n‑ih̬ddamn n‑rbbi n‑babak.» ar‑yalla yusf lliġ‑as‑nnan mayan. 18aškin‑d aytmas s‑dars ġakudan, knun ġ‑lgddam‑ns inin: «ha‑yaġ a‑sidi, imqasan‑nk a‑nga.» 19yini‑asn yusf: «ad‑ur‑tiksaḍm. izd nkkin a‑igan rbbi? 20kunni tnuwwam gigi ma‑yʷh̬šnn, imma rbbi inuwwa srs afulki, baš a‑ijjnjm tudrt n‑mddn ggutnin ġmklli‑tn‑tẓram ddrn sul s‑ġassad. 21ġilad ad‑ur‑tiksaḍm. ra‑kʷn‑asiġ kunni ula tarwa‑nun mẓẓinin.» isshnna‑tn yusf izzɛam‑tn.
lmut n‑yusf
22iqama yusf izdġ ġ‑miṣr d‑ayt‑dars n‑babas. izri yusf miyya d‑mraw (110) n‑usggʷas, 23iẓr tarwa n‑afraym ard tis kraṭṭ tasutin, iẓr ula tarwa n‑makir lli‑igan yus n‑manaššah. lliġ‑d‑luln tarwa‑yan, yasi‑tn yusf f‑ifaddn‑ns. 24isawl yusf ilmma s‑aytmas yini‑asn: «han ġir imikk rad‑mmtġ. walaynni rbbi ra‑d‑srun‑yakmur a‑kʷn‑iɛawn. ra‑kʷn‑issawn zġ‑tmazirt‑ad, yawi‑kʷn s‑wakal lli‑f‑iggulla i‑ibrahim d‑isḥaq d‑yaɛqub.» 25issgall yusf tarwa n‑israyil yini‑asn: «s‑ṣṣaḥt ra‑d‑srun‑yakmur rbbi, tssawnm ġakudan ih̬ṣan‑inu zġ‑ġid.» 26ġmkan a‑s‑immut yusf, irgl miyya d‑mraw (110) n‑usggʷas. ḥnnṭn ddat‑ns, gn‑t ġ‑yan ṣṣnduq ġ‑miṣr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.