लूका 1
1
परिचय
1अति माननीय थियुफिलुस कु भौत लुखुं ल हमारा बीच मा हुईं घटनाओं का बारा मा एक चिठ्ठी लिखणै की कोशिश कैरी, 2ऊंल ठिक उ ही लिखी जु हम तैं ऊं लुखुं बट्टी बतै गै छो जौं ल ऊं तैं प्रत्यक्ष रूप मा यीशु की सेवकाई की शुरुआत से देखि छो अर जु बाद मा परमेश्वर का वचन कु सेवक बंणि गै। 3इलै हे श्रीमान थियुफिलुस मिल भि यूं सब बातों का ध्यान से अध्ययन कैरी अर मि तैं यु खूब लगि की मि तुम कु ईं घटनाओं तैं क्रमानुसार ठिक से लिख्युं। 4किलैकि तु यु जांणि के मि यु इलै कनु छो कि तुम तैं हर उ बातों की पूरी सचै का बारा मा पता हो जु लुखुं का द्वारा तुम तैं बतै गै छो।
जकर्याह अर एलीशिबा
5जब राजा हेरोदेस यहूदिया प्रान्त मा राज्य कनु छो, अबिय्याह का नौं पर बणयूं यहूदी याजक का दल मा जकर्याह नौं कु एक याजक छो अर वेकी जनन कु नौं एलीशिबा छो अर उ भि इस्राएल कु पैली याजक हारुन का वंश बट्टी छो। 6अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै 7किलैकि एलीशिबा बांझ छै अर उ द्वी दाना छा।
स्वर्गदूतों द्वारा यूहन्ना का जन्म की भविष्यवाणी
8एक दिन जब जकर्याह यरूशलेम मंदिर मा परमेश्वर का संमणी याजक का रूप मा सेवा कनु छो, किलैकि उ सप्ताह वेका दल का याजक सेवा बारी पर छा। 9याजक चिठ्ठी डलण का अपड़ी रीति रिवाज कु पालन करदा छा यु निर्णय लिणु कु की यरूशलेम शहर का मन्दिर मा कु कै कर्तव्य कु पालन करलो कि परमेश्वर बट्टी मन्दिर मा जै के धूप जलौ।#1:9 निर्ग. 30:7 10अर धूप जलौंणा का बगत लुखुं कि सैरी मण्डलि मंदिर का चौका मा परमेश्वर बट्टी प्रार्थना कन छा।
11वे बगत जकर्याह तैं परमेश्वर कु एक स्वर्गदूत धूप की वेदी की दैंणि तरपां खड़ो हुयुं दिखै। 12जकर्याह वे देखि के घबरै गै अर वे तैं बिजां डैर लगि गै छै। 13पर स्वर्गदूत ल वेकु बोलि, “हे जकर्याह भयभीत न हो किलैकि परमेश्वर ल तेरी प्रार्थना सूंणेलि अर तेरी जनन एलीशिबा एक नौंना तैं जन्म दयाली अर तु वेको नौं यूहन्ना रखि।” 14अर त्वे तैं आनन्द अर हर्ष होलो; अर भौत लोग वेका जन्म से खुश होला। 15किलैकि उ प्रभु का संमणी महान होलो अर दाखमधु कभि नि प्यालो अर अपड़ा जन्म का पैली बट्टी ही पवित्र आत्मा बट्टी भूरै जालो।#1:15 इफि. 5:18, न्याय. 13:4,5 16अर इस्राएल का लुखुं का घराना तैं ऊंका प्रभु परमेश्वर मा वापिस आलो। 17उ एलिय्याह जन आत्मा अर सामर्थ मा हवे के वेका अगनैं-अगनैं हिटलो कि ब्वे-बुबा का मन तैं नौंना कि तरपां फिरालो अर आज्ञा नि मनण वलो तैं धर्मियों कि समझ पर लौ अर प्रभु कु एक लैखबर योग्य प्रजा तैयार कैर।#1:17 मला. 4:5,6
18जकर्याह ल स्वर्गदूत बट्टी पूछि यु मि कनके जांणु की हम दगड़ी इन होलो? किलैकि मि त दानो छौं अर मेरी घरवलि भि दानी हवे गै।
19स्वर्गदूत ल वे तैं जवाब दींनि, कि मि जिब्राएल छौं जु परमेश्वर का संमणी खड़ो रौंदु अर मि त्वे मा बात कनु कु अर त्वे तैं या शुभ सन्देश प्रचार सुंणौनु कु भिज्युं छौं।#1:19 दानि. 8:16, दानि. 9:21 20अर देख जै दिन तक यु बात पूरी नि हवे जौं, वे दिन तक किलैकि तिल विश्वास नि कैरी इलै तु बोल नि सकली; मेरी बात जु अपड़ा बगत मा पूरी होलि, जब तक नौंनो पैदा नि होलो तब तक तु गूंगो रैलि।
21अर लोग जकर्याह तैं जुगलणा रैनी अर भैंचक्क मा पड़ी गैनी कि वे तैं परमेश्वर का मन्दिर मा इथग बगत किलै लगि? ईं दौरान परमेश्वर बट्टी यरूशलेम शहर का मन्दिर का चौका मा जकर्याह कु इन्तेजार कना छा अर अचम्भो कन लगि गैनी की वे तैं परमेश्वर बट्टी मन्दिर मा इन देर किलै लगि 22जब उ भैर ऐ त ऊं दगड़ी बचै नि सैकी अर उ जांणि गैनी कि वेल परमेश्वर बट्टी यरूशलेम शहर का मन्दिर मा कुई दर्शन पै अर उ, ऊं तैं संनकौंणु रै अर गूंगो हवे गै।
23जब मंदिर मा जकर्याह याजक वेकी सेवा कु बगत पूरो हवे गै तब उ यरूशलेम शहर बट्टी अपड़ा घौर कु चलि गै। 24कुछ बगत का बाद वेकी जनन एलीशिबा गर्भवती हवे अर पाँच मैना तक घौर बट्टी भैर नि निकली इलै उ हर बगत भितर की रै 25वीं ल बोलि, प्रभु ल मेरा मथि कृपा कैरी के मि कु इन करयुं च अर प्रभु ल मि तैं सन्तान पैदा कन मा मदद कैरी च।#1:25 उत्प. 30:23
स्वर्गदूतों को मरियम का संमणी प्रगट हूंण
26एलीशिबा की गर्भावस्था का छठ्वां मैना मा परमेश्वर की तरपां बट्टी जिब्राएल स्वर्गदूत गलील जिला का नासरत नगर मा 27एक अणबिवाक नौंनि मा भिजे गै जैंकि मंगण राजा दाऊद का वंश का यूसुफ नौं का मनिख दगड़ी हुईं छै अर वीं अणबिवाक नौंनि को नौं मरियम छो। 28अर स्वर्गदूत ल मरियम मा भितर ऐ के बोलि, आनन्द अर जै तेरी हवेलि त्वे पर परमेश्वर ल बहुतायत से आशीर्वाद दियुं च परमेश्वर त्वे दगड़ी च।
29जब वेल वेका वचनों तैं सूंणि त उ भौत घबरै गै अर सुचण लगि गै कि ये अभिवादन कु मतलब क्य च? 30स्वर्गदूत ल वीं मा बोलि, हे मरियम डैर न किलैकि परमेश्वर की कृपा त्वे पर हुईं च। 31अर देख तु गर्भवती हवेलि अर तु एक नौंनो तैं जन्म दीलि तु वेको नौं यीशु रखि।#1:31 यशा. 7:14 32उ महान होलो अर वेको परमप्रधान परमेश्वर कु नौंनो बुलै जालो अर प्रभु परमेश्वर वेका पूर्वज राजा दाऊद का जन राजा बंणै दयालो।#1:32 भज. 132:11, यशा. 9:6-7 33अर याकूब का वंशजों पर सदनी राज्य करलो अर वेका राज्य कु अंत कभि नि होलो व हमेशा कु राजा का रूप मा राज्य करलो व हमेशा कु राजा का रूप मा राज्य करलो।#1:33 2 शमू. 7:12,16, इब्रा. 1:8, दानि. 2:44
34मरियम ल स्वर्गदूत मा बोलि, इन कनके होलो किलैकि मि अणबिवाक छो अर मेरा कभी वैवाहिक संबंध भि नि हवीनि। 35स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली। 36अर सुन तेरा कुटुमैं एलीशिबा कु भि बुढेन दौं गर्भवती हवे यु वीं कु छठवां मैना च ज्वा कि बांझ जंणेदी छै। 37परमेश्वर सब कुछ कैर सकद।#1:37 मत्ती 19:26, यिर्म. 32:27 38मरियम ल बोलि, देख मि प्रभु कि दासी जन तिल बोली उन ही मि दगड़ी हो तब स्वर्गदूत वीं का संमणी बट्टी चलि गै।
इलीशिबा का संमणी मरियम कु जांण
39ऊं दिनों मा मरियम उठि के तुरंत यहूदिया प्रान्त का पहाड़ी क्षेत्र का एक नगर मा चलि गै। 40अर जकर्याह का घौर मा जै के एलीशिबा तैं प्रणाम कैरी। 41जनि एलीशिबा ल मरियम कु प्रणाम सूंणि उन ही बच्चा वीं का पुटगा मा उछलि अर एलीशिबा पवित्र आत्मा बट्टी भूरै गै। 42अर वीं ल ऊंची आवाज मा बोलि, कि तु जननों मा धन्य छै अर वे नौंना जै तैं तु जन्म दयाली धन्य च। 43मि त्वे तैं इख पै केअपड़ा आप तैं भौत धन्य समझलु मेरा प्रभु कि ब्वे मि तैं मिलणु कु आईं च? 44अर देख जब मिल तेरु प्रणाम कु शब्द सूंणि उन ही बच्चा मेरा पुटगा मा खुशी से उछलि। 45तु धन्य छै किलैकि तिल विश्वास कैरी कि प्रभु ल जु ऊंमा बोलि कि उ पूरो हो।
मरियम बट्टी परमेश्वर की बड़ै
46तब मरियम ल बोलि,
मेरू मन परमेश्वर की बड़ै कनु च।
47अर मेरी आत्मा मेरा उद्धारकर्ता
परमेश्वर से खुश च।#1:47 1 शमू. 2:1
48यांकि परमेश्वर ल मि तैं अपड़ी दासी पर दीनता की
नजर च
इलै देखा अब बट्टी सब जुग-जुग
का लोग मि तैं धन्य बुलला।#1:48 1 शमू. 1:11, लूका 1:42, मला. 3:12
49किलैकि वे शक्तिमान प्रभु ल मि कु
बड़ा-बड़ा काम करिनि अर वेको नौं पवित्र च।
50अर वेकी दया
जु वे बट्टी डरण वला लुखुं पर
पीढ़ी से पीढ़ी तक बंणि रौंदी।#1:50 भज. 103:17
51वेल अपड़ी सामर्थ से शक्तिशाली महान काम करयां छिनी
अर जु अफ तैं बड़ो समझदा छा
ऊं तैं हरै दींनि।#1:51 2 शमू. 22:28, भज. 89:10
52वेल शासकों तैं वे शासन कनु कु अधिकार
ले दींनि
अर दीनों तैं सम्मानित करद।#1:52 1 शमू. 2:7, अय्यू. 5:11, भज. 113:7,8
53वेल भूखों तैं भलि चीजों से
तृप्त कैरी
अर धनवानों तैं खाली हथ निकाली दींनि।#1:53 1 शमू. 2:5, भज. 107:9
54वेल हमारा पूर्वजो का प्रति अपड़ा वादा तैं याद कैरी अर अपड़ा सेवक जु इस्राएल की मदद कनु कु अयुं छो इस्राएल का लुखुं तैं सम्भालि
कि अपड़ी वीं दया तैं याद कैर#1:54 भज. 98:3, यशा. 41:8,9
55वें अब्राहम तैं अर वेका सारा वंशजों तैं हमेशा कु दया दिखांणु कु याद कैरी
जन कि वेल हमारा पुरखों मा बोलि छो।#1:55 उत्प. 22:17, मीका 7:20
56मरियम लगभग तीन मैना वीं दगड़ी रै की अपड़ा घौर वापिस चलि गै।
यूहन्ना बपतिस्मा दींण वला कु जन्म
57तब एलीशिबा कु प्रसव कु बगत पूरो हवे गै अर वीं ल नौंना तैं जन्म दींनि। 58वीं का पड़ोसियों ल अर कुटुम्बियों ल यु सूंणि के कि प्रभु ल वीं पर दया कैरी अर वीं दगड़ी खुशी मणै।
59अर इन हवे कि आठवां दिन उ वे नौंना कु खतना कनु कु ऐनी अर वेको नौं वेका बुबा का नौं पर जकर्याह रखण लगि गैनी।#1:59 उत्प. 17:12, लैव्य. 12:3 60अर वेकी ब्वे एलीशिबा ल जवाब दींनि, कि न बल्कि वेको नौं यूहन्ना रखे जालो।
61अर ऊंल वीं मा बोलि, तेरा कुटुम्ब मा कैकु यु नौं नि च।
62तब ऊंल वेका बुबा तैं संकेत कैरी के पूछि कि तु वेको नौं क्य रखण चाँदि छै। 63अर वेल लिखणु कु एक तख्ती मांगि अर लिखी कि वेको नौं यूहन्ना च अर सभियूं ल अचम्भो कैरी। 64तब फिर वेकी जीभ ठिक हवे गै और उ बुल्ण लगि गै और परमेश्वर की बड़ै कन लगि गै। 65अर वेका अमणी-संमणी का सब रांण वला लोग डैर गैनी अर ऊं सभि बातों कि चर्चा यहूदिया प्रान्त का सैरा पहाड़ी देशों मा फैली गै। 66अर सब सुणन वलो ल अपड़ा-अपड़ा मन मा विचार कैरी के बोलि, यु नौंनों कन होलो प्रभु की सामर्थ वे पर छै।
जकर्याह की भविष्यवाणी
67अर वेको बुबा जकर्याह पवित्र आत्मा से प्रेरित हवे कै भविष्यवाणी कन लगि गै।
68धन्य च प्रभु परमेश्वर
कि वेल इस्राएल का लुखुं का घराना की सुधि लै
अर वेको उद्धार कैरी।#1:68 भज. 111:9, भज. 41:13
69अर जु वेका सेवक राजा दाऊद का वंशज च
कि वेल हम कु एक सामर्थशाली
उद्धारकर्ता तैं भेजि।#1:69 भज. 132:17, यिर्म. 30:9
70जन भौत पैली परमेश्वर प्रभु ल अपड़ा पवित्र जन जु परमेश्वर का तरपां बट्टी बुल्ण वलो छो
का द्वारा बोलि, कि उ हमारा दुश्मनों से और उ सभि की शक्ति से बचालो
जु हम बट्टी घृणा करदींनि।
71जन कि हमारा दुश्मन बट्टी अर हमारा सब
बैरियों का हथ बट्टी हमारो उद्धार कैरी।#1:71 भज. 106:10
72कि हमारा पूर्वजों पर दया कैरी कै अपड़ी
पवित्र करार तैं याद कैर।
73अर वीं करार तैं जु वेल हमारा पूर्वज
अब्राहम का दगड़ी भि खै छै।#1:73 उत्प. 17:7, भज. 105:8,9
74कि उ हम दगड़ी इन करुलु कि हम अपड़ा
बैरियों का हथ बट्टी बची जौला।
75कि वेका संमणी पवित्र हवे के अर धर्मी हवे के
अर जब तक हम जीवित छा निडर रै के वेकी सेवा करदी रावा।
76अर तु हे नौंना परमप्रधान परमेश्वर कु
परमेश्वर का तरपां बट्टी बुल्ण वलो जंणेलि
किलैकि तु प्रभु की सेवा कनु
कु वेका अगनैं-अगनैं हिटिलि#1:76 मला. 3:1, यशा. 40:3
77उ अपड़ा लुखुं का पापों तैं माफ कन का द्वारा वेका लुखुं तैं उद्धार कु ज्ञान दे
ऊं तैं उद्धार का बारा मा ज्ञान दयालो।
78यु हमारा परमेश्वर कि वीं बड़ी दया से होलो
ज्यां बट्टी घाम हम तैं उज्यलो दींणु कु चमकदो उ न ही मसीह भि हम मा स्वर्ग बट्टी आलो
79अंधेरा मा (पाप मा जींण वलो) अर मृत्यु का छाला (अनन्त मृत्यु कु खतरा मा च) मा बैठण वलो पर उज्यलो दींणु कु
यु उज्यलो हम वे तैं जीवन मा मार्गदर्शन करदो, जु हम परमेश्वर का दगड़ी शान्ति प्राप्त करदा छा।#1:79 यशा. 58:8, यशा. 60:1,2, यशा. 9:2
80अर उ नौंनो यूहन्ना बढ़दी रै अर आत्मा मा मजबूत हूंदी रै अर उ इस्राएल का लुखुं का बीच मा उपदेश दींण का दिन तक एकांत जंगलों मा रै।
Currently Selected:
लूका 1: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.