लूका 13
13
पश्चाताप कैरा या नाश ह्वा
1वे बगत कुछ लोग ऐनी, अर ऊंल यीशु कु बोलि, की रोमी राज्यपाल पिलातुस ल गलीली का कुछ लुखुं कु ल्वे बुगै के मारि दींनि जब उ मन्दिर मा बलिदान चढ़ाणा छा। 2यु सूंणि के यीशु ल ऊं तैं जवाब मा बोलि, “क्य तुम समझदां छा कि यु गलीली लोग पापी छिन की ऊं पर विपत्ति पोड़ि?” 3मि तुम मा बुल्णु छौं जब तक तुम अपड़ा पापों तैं मांणी के मन नि फिरैला तब तुम सभियूं ल ईं रीति ल नाश हूंण। 4यु क्य तुम समझदां छा कि उ अठारह लुखुं का बारा मा क्य बुलद्यां जु तब मोर गैनी जब शीलोह का गुम्मट उ पर पोड़ि गै छो? यरूशलेम शहर का अर सब रौंण वलो से जादा पापी छा? 5मि मा बुल्णु छौं, न पर जब तक तुम अपड़ा पापों तैं मांणी के मन नि फिरैला तुम भि ईं रीति ल ही नाश हवीला।
बगैर फल वलो अंजीर कु डालो
6उ एक मिसाल दींण लगि गै कै मनिख ल अंगूर का बगिचा मा एक बेडु को डालो भि लग्यूं छो हर साल वेमा फल ढुंडणु कु ऐ पर वे तैं कुछ नि मिली।#13:6 मत्ती 21:19,20, मर. 11:12-14 7तब वेल मालि कु बोलि, देख मि तीन साल बट्टी ये बेडु को डाला पर फल ढुंडदि औं पर कुछ नि पै। यु तैं काटि दे की यु अच्छी भूमि तैं बर्बाद कना छिन? 8वेल वे तैं जवाब दे स्वामि जी यु साल भि यु तैं रांण द्या मि येका चौतरफी खैणि कै खाद डाललु। 9अगनैं यु फललु, नथिरी वे तैं काटि दियां।#13:9 अंजीर कु डालो इस्राएल का लुखुं का प्रतिनिधित्व करदु च।
कुबड़ी जनन तैं खूब कन
10यहूदियों का विश्राम का दिन जु परमेश्वर कु पवित्र दिन च यीशु एक यहूदियों का मिलणा का भवन मा उपदेश दींणु छो। 11उख एक जनन छै जै तैं अठारह सालों बट्टी विकलांग कन वलि दुष्टात्मा लगि छै अर व कुबड़ि हवे गै छै अर कनके भि सीधि नि हवे सकदी छै। 12यीशु ल वीं तैं देखि कै बुलै अर बोलि, हे नारी तु अपड़ी कमजोरी बट्टी छुटी गै। 13तब ऊंल वीं मा हथ रखि अर व तुरंत सीधि हवे गै अर व परमेश्वर कि बढ़ै कन लगि गै। 14इलै कि यीशु ल यहूदियों का विश्राम का दिन जु परमेश्वर कु पवित्र दिन च वीं तैं ठिक कैरी छो यहूदियों का मिलणा का भवन का सरदार रमशे के लुखुं बट्टी बुल्ण लगि गै, एक सप्ताह मा छै: दिन छिन हम तैं काम कन चयणु च, इलै ऊं दिनों मा ऐ के ठिक हो पर यहूदियों का विश्राम का दिन जु परमेश्वर कु पवित्र दिन च मा न।#13:14 निर्ग. 20:9,10, व्य. 5:13,14 15यु सूंणि प्रभु यीशु ल जवाब दींनि, “हे कपटियों क्य यहूदियों का विश्राम का दिन जु परमेश्वर कु पवित्र दिन च तुम मा बट्टी हर एक अपड़ा बल्द या गधा तैं गुठ्यार बट्टी खोलि के पांणी पिलाणु कु नि लिजांदु?” 16अर क्य ठिक नि छो कि या जनन ज्वा अब्राहम की वंशज च जै तैं शैतान ल अठारह साल बट्टी बंधि के रख्युं छो यहूदियों का विश्राम का दिन जु परमेश्वर कु पवित्र दिन च अपड़ा बंधन बट्टी छुड़ैये जांदी? 17जब वेल या बात बोलि त वेका सभि विरोधी लज्जित हवे गैनी अर सैरी भीड़ वेकी बढ़ै का कामों से जु उ करदो छो खुश हवेनि।
रैई का बीज अर खमीर कु मिसाल
(मत्ती 13:31-33; मरक 4:30-32)
18फिर यीशु ल बोलि, परमेश्वर का राज्य कैका जन च, मि वेकी तुलना कै दगड़ी कैरू? 19उ रैई का बीज का जन च, जै तैं मनिख ल लै कि अपड़ा पुंगडा मा बट्टी उ बड़ो हवे के इन डालो बंणि गै, अर आसमान का चलखुडा वेका फौंकों मा बसेरा करदींनि।#13:19 मत्ती 13:31,32, यहे. 31:6, दानि. 4:21 20वेल फिर बोलि, मि परमेश्वर का राज्य तैं क्य दगड़ी सुबरयों? 21स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।
संगड़ा द्वार
22उ शहर-शहर अर गौं-गौं अपड़ा चेलों का दगड़ी हवे के उपदेश दींद यरूशलेम शहर जनै जांणु छो। 23अर कैल वेमा पूछि, “क्य परमेश्वर कुछ ही लुखुं तैं अनन्तकाल का दण्ड बट्टी उद्धार करलो?” 24परमेश्वर का राज्य मा प्रवेश कनु कु यत्न कैरा, किलैकि परमेश्वर का राज्य मा प्रवेश कन संगड़ा द्वार बट्टी प्रवेश कन का जन च मि तुम मा बुल्णु छौं, की भौत सा लोग प्रवेश कन चाला पर नि कैर सकदा। 25जब परमेश्वर जु घौर का स्वामी उठि के द्वार बंद कैरी द्यो त जु तुम भैर खड़ा द्वार खटखटैके अर बिनती कैरी के बुल्ण लगि ग्यां “हे स्वामी हम कु द्वार खोल।” पर वेल बोलि, “मि तुम मा सच बुल्णु छौं कि मि तुम तैं नि जंणदु?” 26तब तुम बोलिल्या कि हम ल तुमारा संमणी खै च प्ये च अर तुम ल हमारा बाजारों मा उपदेश दींनि। 27पर उ बुललो मि तुम कु बुल्ण छौं मि नि जंणदु तुम कखा छा, हे कुकर्म कन वलो तुम सभि मि बट्टी दूर हवे जावा।#13:27 भज. 6:8 28उख रूण अर दांतों कु पिसंण होलो जब तुम पूर्वजों अब्राहम अर इसहाक अर याकूब अर सभि परमेश्वर का तरपां बट्टी बुल्ण वलो तैं परमेश्वर का राज्य मा बैठयूं अर अफ तैं भैर निकल्यूं दिखल्या। 29तब पूरा दुनिया मा बट्टी लोग अब्राहम अर इसहाक अर याकूब का दगड़ी परमेश्वर का राज्य का भोज मा बैठला।#13:29 यशा. 66:18, प्रका. 7:9, भज. 107:3, मला. 1:11 30पर भौत सैरा लोग छिनी जु अभि महान छिन ऊं तैं तब नम्र बणये जालो अर जु नम्र छिन ऊं तैं महान बण जाला।
हेरोदेस की दुशमनै
(मत्ती 23:37-39)
31वीं बगत कथग ही फरीसियों ल ऐ के ऊंमा बोलि, इख बट्टी निकली के चलि जा किलैकि राजा हेरोदेस त्वे तैं मारि के खत्म कन चांणु च। 32वेल ऊंकु बोलि, जु वे आदिम जु एक शियाल का जन चालाक च बोल दियां कि देखि ले मि आज अर भोल दुष्टात्माओं तैं निकलणु छौं अर बिमारों तैं खूब कनु छौं, तिसरा दिन मा अपड़ा काम तैं पूरो कैरी दयुलु। 33तभि मि तैं आज भोल अर परस्यों हिटण जरूरी च किलैकि हवे नि सकद कुई परमेश्वर का तरपां बट्टी बुल्ण वलो यरूशलेम शहर मा ही मोरि जौ।
यरूशलेम कु विलाप
34हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै। 35देखा तुमारो मन्दिर तुम कु खन्द्वार छुड़े जांण। किलैकि मि तुम मा बुल्णु छौं कि अब बट्टी जब तक तुम नि बोलिल्या कि धन्य च उ जु परमेश्वर की सामर्थ से औंदु।#13:35 भज. 118:26, यिर्म. 12:7
Currently Selected:
लूका 13: GHMNT
Highlight
Share
Copy
Want to have your highlights saved across all your devices? Sign up or sign in
Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.
