Yaya 20
20
Ɛnza ngúunngo ŋó
Matiyu 28.1-8; Maki 16.1-8; Luka 24.1-12
1Kookɔɔ ló ŋó sɔ́ɔ jónan ó man, Mwɛnyamu Magidalaka é i wíi sɔ́ɔ jónan ó man, ké kɛ́ɛn o mán bhɔ́ cɛ́ɛne bhá, aa táa kábulu ywáa ó lɔ, aa táa sɔ́ɔ ké káwagbuba ó tɛ́ kábulu ó lá lá bhée. 2Aa i kwɔ́sɛɛ bwée lé kɛ́nan Simɔn Piyɛli ni kaamɔɔndhye ndɔ́ ólu saala, min ngo tɛ́ɛ dí Ɛnza ɲɛ́n. Aa fɔ ólu yɛ́ kó: «I wɛ́ɛ Mantii ó sú ó lábhɔ kábulu ó kɔ́ɔnnɔn, án mán a lɔ ŋóo i wɛ́ɛ a bhyáa ywáa mín nɔ́n.»
3Piyɛli ní kaamɔɔndhye nɔ́ é bhɔ́ kɛ́ táa kábulu ywáa ó lɔ. 4I mɔɔn fyáa oo bwéeta ɲɔ́ɔn nvɛ́, wáa kaamɔɔndhye ndɔ́ óo sé latɛɛyanin ndɛ́ɛ kɛ́ tínmin Piyɛli ka, ale lée sé kábulu la ó lá jónan. 5Aa i kún mánbiin kɛ́ mánfɛɛli kɛ́ kábulu ó kɔ́ɔnnɔn kɛ́ Fáani gbɛ́ ólu bhyáanin ɲé, wáa a mán lo. 6Simɔn Piyɛli é sé mínngɛ, oo lo kábulu ó kɔ́ɔnnɔn, aa Fáani gbɛ́ ólu yé lúuman. 7I tɛ́ wɛ́ɛ Faani min míinngɛ Ɛnza ngúnnan, ó míinngɛnin ndɛ́ɛ kɛ́ bhyáa i láman, o bhyáanin ndɛ́ tɛ Fáani gbɛ́ dɔ́ o ka. 8Kaamɔɔndhye ŋó míin sé jónan, óo lo kábulu ó kɔ́ɔnnɔn, óo ó bɛ́ yé, aa lá a la. 9Oo kɛ ké, min ndɛ́ wɛ́ɛ fɔ Ala yɛ́ Kitabu ó lɔ Ɛnza ngúunngo ó lɔ, i tɛ́ mán bhɔ́ ó ɲánle bhá. 10Kaamɔɔndhye nvyaa ólu í kwɔ́sɛɛ kɛ́ táa lúman.
Ɛnza ŋé í yɛ́ɛ yáala Mwɛnyamu Magidalaka la
Matiyu 28.9-10; Maki 16.9-11
11Waa Mwɛnyamu lɔ́nin ŋé tó kɛ́ɛnman kábulu o lafɛ ni kasi lé. Kɛ́ a tó kasi ó lá, aa í kúmanmbiin kɛ́ mánfɛɛli kɛ́ kábulu ó kɔ́ɔnnɔn. 12Aa malɛɛka fyáa yé Fáani gbɛ́ é í kannan, í síininndɛ́ɛ Ɛnza nzú ó lálaa ó lɔ. Kée nzíininndɛ́ɛ a kún ŋó lálaa ó lɔ, kée ŋó tɛ́ɛ a sé ŋo lálaa ó lɔ.
13Malɛɛka ólu a mánɲaankɛ kó: «Muso ó, mínnɛɛn kósɔn ii kasi lá?» Aa í yawi kó: «Lɔ́lu wɛ́ɛ né yɛ́ Mantii ó sú ó tá kɛ́ bhɔ́ a lálaa ó lɔ, né mán lɔ í wɛɛ a bhyáa ywáa min nɔn.»
14Kɛ́ tó ó kóman o la, aa í kwɔ́yɛɛman, kɛ Ɛnza nɔ́nin ɲé, wáa a tɛ́ mán lɔ kó Ɛnza née wé. 15Ɛnza ŋé a mánɲaankɛ kó: «Muso ó, mínnɛɛn le kósɔn ii kásila? Ii yɛ́ɛtii ywáa ɲíinnan?» Mwɛnyamu tɛ́ɛ a yéla óo yíitu o tíi o lée wé, Mwɛnyamu é fɔ́la Ɛnza ɲɛ́n o lé kó: «Ee Mantii o, ni ile lée a tá, ii a bhyáalaa ó fɔ ɲɛ́n ɲáan táa a tá.» 16Ɛnza ŋé a kíi kó: «Mwɛnyamu!» Aa í yɛ́ɛman, kɛ́ fɔ Ɛnza ɲɛ́n Ebulukan ŋo lɔ kó: «Alabuni,» ó kɔɔ ó kó kaamɔɔn. 17Ɛnza ŋé fɔ a yɛ́ kó: «Í kɛ́nan né lɔ́myaan, kɛ mansɔɔ né mán yɛ́ɛ Fá o fɛ́ bhá, wáa táa né bhádhye ŋólu fɛ́ yé, kɛ́ fɔ í yɛ kó ni yɛ́ɛla Nvá o fɛ́ yé, miin a Fá lé, ní táa ɲɛ́n Ala ó fɛ́ yé, miin a yɛ́ Ala o lé.» 18Mwɛnyamu Magidalaka é táa kaamɔɔndhye ŋólu saala, kɛ́ fɔ í yɛ́ kó: «Né wɛ́ɛ Mantii ó yé,» a wɛ́ɛ míin né fɔ né yɛ́.
Ɛnza ŋé í yɛ́ɛ yáala a yɛ́ kaamɔɔndhye ŋólu la
Matiyu 28.16-20; Maki 16.14-18; Luka 24.36-49
19O lo ngée ŋó ywáa ó lá, min ndɛ́ɛ lɔ́ɔwoocɛ o ó lámyaan lo ŋo le, Yawudhyaa ólu ɲɛ́nnzhaanɲan ó kósɔn, kaamɔɔndhye ŋólu tɛ́ɛ bhó min ngɔ́ɔnnɔn, íi ó lá ólu sɔ́ɔ lakeli ó lá. Kɛ lá ólu sɔ́ɔnin ndó, Ɛnza ŋé nan kɛ́ i lɔ́ í cɛ́man kɛ́ fɔ í yɛ́ kó: «Hɛ́lɛ o waa kɛ́ a yɛ́.» 20Kɛ́ tó o kóman ó lá, Ɛnza ŋé a bhóo olu ni a kɔ́ɔkɔɔlaa ó yáa í lá. Kaamɔɔndhye ŋólu Mantii o yé mínngɛ, í nisɔ é dhyáa koyoongɛ. 21Ɛnza ŋé fɔ í yɛ́ íkwɔ kó: «Hɛ́lɛ o waa kɛ́ a yɛ́. Né Fá é né cé ɲánminman, née álee céla ó ɲán kée ŋó lé mán.» 22Aa ó kóman ólu fɔ kɛ́ wɛ́ɛ wáati min nɔn, aa i láfwɛɛn kɛ́ í ka kɛ́ fɔ i yɛ́ kó: «Ní Sɛnnɛnyanin ŋo waa tó a fɛ́. 23A kɛ mɔɔn óo mɔɔn ta yúumu yafa, o tii ó ta yúumu o yáa yafa, waa a man mɔɔn min ndá yúumu yafa, o tii ó tá yúumu o táa yafa.»
Tomasi ni Ɛnza
24 Ɛnza ndɛ́ wɛ́ɛ nan kaamɔɔndhye ŋólu saala wáati mínnɔn, Tomasi min ŋé kíila kó Fyaanin, tó a tɛ́ɛ kaamɔɔndhye ndá ni fyáa ólu lɔ́ lé, ó tɛ́ tɛ yé. 25Kaamɔɔndhye ndɔ ólu fɔ a yɛ́ kó íle wɛ́ɛ Mantii ó yé. Waa Tomasi é fɔ í yɛ́ kó: «Ni né man pɔ́ndi nɔn ó yé a bhóo o lɔ, kɛ́ móokwɛɛnnin ŋó lo ó jáan ó lɔ, kɛ́ a lo a kɔ́ɔkɔɔlaa tá ó lɔ, mánfaa lá o lá.» 26Lɔ́ɔkun ngée ŋo kwɔ́, Ɛnza ɲɛ́n kaamɔɔndhye ŋólu tɛ́ɛ bhó ŋó kɔ́ɔnnɔn íkwɔ, o ló ŋo lá, Tomasi tɛ́ɛ ní íle. I tɛ́ wɛ́ɛ lá o bɛ́ sɔ́ɔ lakeli ó lá, o bɛ́ kwɔ́, Ɛnza ŋé nan i lɔ í cɛ́man kɛ́ fɔ í yɛ́ kó: «Hɛ́lɛ o waa kɛ a yɛ́.» 27O kwɔ́, aa fɔ Tomasi yɛ kó: «I bhóokwɛɛnnin ŋo mangbaa ya ii a bhyáa móo o lɔ kɛ́ a mánfɛɛ, i bhóo lo ngɔ́ɔkɔɔlaa ó lɔ, i kɛ́nan síka ó kwɔ, waa ii lá né la.» 28Tomasi é fɔ a yɛ́ kó: «Né yɛ́ Mantii óni ɲɛ́n Ala ó!» 29Ɛnza ŋé fɔ a yɛ́ kó: «I wɛ́ɛ né yé, o lé kósɔn í wɛ́ɛ lá a lá. Mɔɔn mínnu mán né yé, óni í wɛ́ɛ la né lá, nisɔdhyaa é ólu yɛ.»
Yaya yɛ́ Kitabu miin nzɛ́wɛ kún ŋó
30 Ɛnza ŋé káwako shɛ́ɛman gbɛ́ɛlu kɛ́ a yɛ́ kaamɔɔndhye ŋólu ɲánla, mínnu mán sɛ́wɛ Kitabu míin ngɔɔnnɔn. 31Waa mínnu sɛ́wɛ, olu sɛ́wɛkun ŋó lée nin, ké aa sé kɛ́ la a lá kó Ɛnza née Kílisi o lé, Ala Dhyénjɛ ó, ní a kɛ́ lá o lá, a yáa ɲáanmanɲan wɛ́ɛbhɛɛ ó sɔ́ɔ a tɔ́ɔ ó bháaka lɔ́.
Currently Selected:
Yaya 20: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Yaya 20
20
Ɛnza ngúunngo ŋó
Matiyu 28.1-8; Maki 16.1-8; Luka 24.1-12
1Kookɔɔ ló ŋó sɔ́ɔ jónan ó man, Mwɛnyamu Magidalaka é i wíi sɔ́ɔ jónan ó man, ké kɛ́ɛn o mán bhɔ́ cɛ́ɛne bhá, aa táa kábulu ywáa ó lɔ, aa táa sɔ́ɔ ké káwagbuba ó tɛ́ kábulu ó lá lá bhée. 2Aa i kwɔ́sɛɛ bwée lé kɛ́nan Simɔn Piyɛli ni kaamɔɔndhye ndɔ́ ólu saala, min ngo tɛ́ɛ dí Ɛnza ɲɛ́n. Aa fɔ ólu yɛ́ kó: «I wɛ́ɛ Mantii ó sú ó lábhɔ kábulu ó kɔ́ɔnnɔn, án mán a lɔ ŋóo i wɛ́ɛ a bhyáa ywáa mín nɔ́n.»
3Piyɛli ní kaamɔɔndhye nɔ́ é bhɔ́ kɛ́ táa kábulu ywáa ó lɔ. 4I mɔɔn fyáa oo bwéeta ɲɔ́ɔn nvɛ́, wáa kaamɔɔndhye ndɔ́ óo sé latɛɛyanin ndɛ́ɛ kɛ́ tínmin Piyɛli ka, ale lée sé kábulu la ó lá jónan. 5Aa i kún mánbiin kɛ́ mánfɛɛli kɛ́ kábulu ó kɔ́ɔnnɔn kɛ́ Fáani gbɛ́ ólu bhyáanin ɲé, wáa a mán lo. 6Simɔn Piyɛli é sé mínngɛ, oo lo kábulu ó kɔ́ɔnnɔn, aa Fáani gbɛ́ ólu yé lúuman. 7I tɛ́ wɛ́ɛ Faani min míinngɛ Ɛnza ngúnnan, ó míinngɛnin ndɛ́ɛ kɛ́ bhyáa i láman, o bhyáanin ndɛ́ tɛ Fáani gbɛ́ dɔ́ o ka. 8Kaamɔɔndhye ŋó míin sé jónan, óo lo kábulu ó kɔ́ɔnnɔn, óo ó bɛ́ yé, aa lá a la. 9Oo kɛ ké, min ndɛ́ wɛ́ɛ fɔ Ala yɛ́ Kitabu ó lɔ Ɛnza ngúunngo ó lɔ, i tɛ́ mán bhɔ́ ó ɲánle bhá. 10Kaamɔɔndhye nvyaa ólu í kwɔ́sɛɛ kɛ́ táa lúman.
Ɛnza ŋé í yɛ́ɛ yáala Mwɛnyamu Magidalaka la
Matiyu 28.9-10; Maki 16.9-11
11Waa Mwɛnyamu lɔ́nin ŋé tó kɛ́ɛnman kábulu o lafɛ ni kasi lé. Kɛ́ a tó kasi ó lá, aa í kúmanmbiin kɛ́ mánfɛɛli kɛ́ kábulu ó kɔ́ɔnnɔn. 12Aa malɛɛka fyáa yé Fáani gbɛ́ é í kannan, í síininndɛ́ɛ Ɛnza nzú ó lálaa ó lɔ. Kée nzíininndɛ́ɛ a kún ŋó lálaa ó lɔ, kée ŋó tɛ́ɛ a sé ŋo lálaa ó lɔ.
13Malɛɛka ólu a mánɲaankɛ kó: «Muso ó, mínnɛɛn kósɔn ii kasi lá?» Aa í yawi kó: «Lɔ́lu wɛ́ɛ né yɛ́ Mantii ó sú ó tá kɛ́ bhɔ́ a lálaa ó lɔ, né mán lɔ í wɛɛ a bhyáa ywáa min nɔn.»
14Kɛ́ tó ó kóman o la, aa í kwɔ́yɛɛman, kɛ Ɛnza nɔ́nin ɲé, wáa a tɛ́ mán lɔ kó Ɛnza née wé. 15Ɛnza ŋé a mánɲaankɛ kó: «Muso ó, mínnɛɛn le kósɔn ii kásila? Ii yɛ́ɛtii ywáa ɲíinnan?» Mwɛnyamu tɛ́ɛ a yéla óo yíitu o tíi o lée wé, Mwɛnyamu é fɔ́la Ɛnza ɲɛ́n o lé kó: «Ee Mantii o, ni ile lée a tá, ii a bhyáalaa ó fɔ ɲɛ́n ɲáan táa a tá.» 16Ɛnza ŋé a kíi kó: «Mwɛnyamu!» Aa í yɛ́ɛman, kɛ́ fɔ Ɛnza ɲɛ́n Ebulukan ŋo lɔ kó: «Alabuni,» ó kɔɔ ó kó kaamɔɔn. 17Ɛnza ŋé fɔ a yɛ́ kó: «Í kɛ́nan né lɔ́myaan, kɛ mansɔɔ né mán yɛ́ɛ Fá o fɛ́ bhá, wáa táa né bhádhye ŋólu fɛ́ yé, kɛ́ fɔ í yɛ kó ni yɛ́ɛla Nvá o fɛ́ yé, miin a Fá lé, ní táa ɲɛ́n Ala ó fɛ́ yé, miin a yɛ́ Ala o lé.» 18Mwɛnyamu Magidalaka é táa kaamɔɔndhye ŋólu saala, kɛ́ fɔ í yɛ́ kó: «Né wɛ́ɛ Mantii ó yé,» a wɛ́ɛ míin né fɔ né yɛ́.
Ɛnza ŋé í yɛ́ɛ yáala a yɛ́ kaamɔɔndhye ŋólu la
Matiyu 28.16-20; Maki 16.14-18; Luka 24.36-49
19O lo ngée ŋó ywáa ó lá, min ndɛ́ɛ lɔ́ɔwoocɛ o ó lámyaan lo ŋo le, Yawudhyaa ólu ɲɛ́nnzhaanɲan ó kósɔn, kaamɔɔndhye ŋólu tɛ́ɛ bhó min ngɔ́ɔnnɔn, íi ó lá ólu sɔ́ɔ lakeli ó lá. Kɛ lá ólu sɔ́ɔnin ndó, Ɛnza ŋé nan kɛ́ i lɔ́ í cɛ́man kɛ́ fɔ í yɛ́ kó: «Hɛ́lɛ o waa kɛ́ a yɛ́.» 20Kɛ́ tó o kóman ó lá, Ɛnza ŋé a bhóo olu ni a kɔ́ɔkɔɔlaa ó yáa í lá. Kaamɔɔndhye ŋólu Mantii o yé mínngɛ, í nisɔ é dhyáa koyoongɛ. 21Ɛnza ŋé fɔ í yɛ́ íkwɔ kó: «Hɛ́lɛ o waa kɛ́ a yɛ́. Né Fá é né cé ɲánminman, née álee céla ó ɲán kée ŋó lé mán.» 22Aa ó kóman ólu fɔ kɛ́ wɛ́ɛ wáati min nɔn, aa i láfwɛɛn kɛ́ í ka kɛ́ fɔ i yɛ́ kó: «Ní Sɛnnɛnyanin ŋo waa tó a fɛ́. 23A kɛ mɔɔn óo mɔɔn ta yúumu yafa, o tii ó ta yúumu o yáa yafa, waa a man mɔɔn min ndá yúumu yafa, o tii ó tá yúumu o táa yafa.»
Tomasi ni Ɛnza
24 Ɛnza ndɛ́ wɛ́ɛ nan kaamɔɔndhye ŋólu saala wáati mínnɔn, Tomasi min ŋé kíila kó Fyaanin, tó a tɛ́ɛ kaamɔɔndhye ndá ni fyáa ólu lɔ́ lé, ó tɛ́ tɛ yé. 25Kaamɔɔndhye ndɔ ólu fɔ a yɛ́ kó íle wɛ́ɛ Mantii ó yé. Waa Tomasi é fɔ í yɛ́ kó: «Ni né man pɔ́ndi nɔn ó yé a bhóo o lɔ, kɛ́ móokwɛɛnnin ŋó lo ó jáan ó lɔ, kɛ́ a lo a kɔ́ɔkɔɔlaa tá ó lɔ, mánfaa lá o lá.» 26Lɔ́ɔkun ngée ŋo kwɔ́, Ɛnza ɲɛ́n kaamɔɔndhye ŋólu tɛ́ɛ bhó ŋó kɔ́ɔnnɔn íkwɔ, o ló ŋo lá, Tomasi tɛ́ɛ ní íle. I tɛ́ wɛ́ɛ lá o bɛ́ sɔ́ɔ lakeli ó lá, o bɛ́ kwɔ́, Ɛnza ŋé nan i lɔ í cɛ́man kɛ́ fɔ í yɛ́ kó: «Hɛ́lɛ o waa kɛ a yɛ́.» 27O kwɔ́, aa fɔ Tomasi yɛ kó: «I bhóokwɛɛnnin ŋo mangbaa ya ii a bhyáa móo o lɔ kɛ́ a mánfɛɛ, i bhóo lo ngɔ́ɔkɔɔlaa ó lɔ, i kɛ́nan síka ó kwɔ, waa ii lá né la.» 28Tomasi é fɔ a yɛ́ kó: «Né yɛ́ Mantii óni ɲɛ́n Ala ó!» 29Ɛnza ŋé fɔ a yɛ́ kó: «I wɛ́ɛ né yé, o lé kósɔn í wɛ́ɛ lá a lá. Mɔɔn mínnu mán né yé, óni í wɛ́ɛ la né lá, nisɔdhyaa é ólu yɛ.»
Yaya yɛ́ Kitabu miin nzɛ́wɛ kún ŋó
30 Ɛnza ŋé káwako shɛ́ɛman gbɛ́ɛlu kɛ́ a yɛ́ kaamɔɔndhye ŋólu ɲánla, mínnu mán sɛ́wɛ Kitabu míin ngɔɔnnɔn. 31Waa mínnu sɛ́wɛ, olu sɛ́wɛkun ŋó lée nin, ké aa sé kɛ́ la a lá kó Ɛnza née Kílisi o lé, Ala Dhyénjɛ ó, ní a kɛ́ lá o lá, a yáa ɲáanmanɲan wɛ́ɛbhɛɛ ó sɔ́ɔ a tɔ́ɔ ó bháaka lɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.