Yaya 21
21
Ɛnza ŋé í yɛ́ɛ yáala a yɛ́ kaamɔɔndhye wóonvyaa lá
1O kwɔ́, Ɛnza ŋé i yɛ́ɛ yáa a yɛ́ kaamɔɔndhye ŋólu la íkwɔ, Tibɛliyadi bhá o tɔ́ɔfɛ.#21.1 Tibɛliyadi bhá ó lée Galile bhá ó lé. Aa i yɛ́ɛ yáa ɲánminman, ó lée nin. 2Simɔn Piyɛli ni Tomasi min ndɔ́ɔ kó Fyaanin ŋo, óni Natanayɛli kɛ́ bhɔ́ Kana, Galile mala ó lɔ, óni Zebede dhyé ŋólu, óni Ɛnza ɲɛn kaamɔɔndhye ŋó mɔɔn fyáa gbɛ́ɛ, í tɛ́ɛ ɲɔ́ɔn nvɛ́. 3Simɔn Piyɛli é fɔ í yɛ́ kó: «Ngɛ́ɛ tɛ́ɛ yɔ́ɔ myáan láa lɔ.» Íi fɔ a yɛ kó: «Án ngɛɛ tɛ́ɛ ni ile». Íi táa lo kúun ŋó kɔ́ɔnnɔn, íi ó sú ó bɛ́ kɛ́ i man yɔ́ɔ sɔ́ɔ.
4Kɛ́ɛn óo bhɔ́ mínngɛ, Ɛnza ŋé nan bhála ó lá, wáa kaamɔɔndhye ŋólu tɛ́ mán a lɔ. 5Ɛnza ŋé fɔ í yɛ́ kó: «Ée! Káwee ŋólu, yɔ́ɔ é a bhóo a?» Íi a yawi kó: «Ɔn-ɔn.» 6Aa fɔ í yɛ́ kó: «Áa jɔ ó láfii kúun ŋó bhóobhɛɛ kɔ́ɔ, a yáa yɔ́ɔ sɔ́ɔ.» Íi jɔ o láfii yénɔn, í gbú tɛ tɛ́ sé kɛ í yɛ́ jɔ ó sánman yɔ́ɔ ó shaayakoyoo ŋó mán. 7Kaamɔɔndhye min ngó tɛ́ɛ dí Ɛnza ɲɛ́n, óo fɔ Piyɛli yɛ kó: «Mantii ó lée wé!» Kɛ tá Simɔn Piyɛli a o myɛ́n kó Mantii lée wé, aa a yɛ́ Fáani ó tá kɛ́ a lo kɛ́ tó í yíila jí ó lɔ́ kɛ́ táa, kɛ mansɔɔ a tɛ́ wɛ́ɛ Fáani o bhɔ́. 8Kaamɔɔndhye ndɔ ólu tɛ́ɛ nánla ni kúun ŋó le i tɛ́ɛ jɔ ó sanmannan a Fánin ndɛ́ɛ yɔ́ɔ lá, kɛ mansɔɔ i ywáa tɛ́mannja bhá káan ŋó la, í cɛ ó tɛ́ɛ sé kɛ́ mɛtɛlɛ kɛnmɛn bhɔ́. 9Ii bhɔ́ kúun ŋó kɔɔnnɔn kɛ í sé bhyáa lúuman wáati min nɔn, íi tá lamaannin nzɔ́ɔ yé tó yɔ́ɔ lánin ndɛ́ɛ ta o man, óni búlu. 10Ɛnza ŋé fɔ í yɛ kó: «Áa yɔ́ɔ mínnu sɔ́ɔ kwáalenin, áa nan ó láman né.»
11Simɔn Piyɛli é lo kúun ŋó kɔ́ɔnnɔn, kɛ́ jɔ o sánman kɛ́nan ale bhá káan ŋó lá. A Fánin ndɛ́ɛ yɔ́ɔbaba kɛnmɛn ni bíloolu ni sawa lé lá, jɔ ó Fákoyoo ŋó mán yɔ́ɔ ó la, jɔ o mán Fála o bɛ́ kwɔ́. 12Ɛnza ŋé fɔ í yɛ́ kó: «Áa nan án ní lɔ́minkɛ.» Kaamɔɔndhye ŋó sí mán sé kɛ́ a mánɲaankɛ kó: «Ilee yɛ́ɛtii lé?» I tɛ́ɛ lɔ ŋóo Mantii ó lée wé. 13Ɛnza ŋé i mangbaa kɛ́ búlu ó tá, kɛ́ a lɔ dí í man, aa yɔ́ɔ ó dí í man. 14O lée kɛ́ Ɛnza nziɲan sáwaɲɔn óle kɛ́ i yɛ́ɛ yáa a yɛ́ kaamɔɔndhye ŋólu la kɛ́ táa a kúun ŋó mán kɛ́ bhɔ́ su ólu cɛ́man.
Ɛnza ní Piyɛli
15Íi wɛ́ɛ lɔ́min kɛ́ ó la mínngɛ, Ɛnza ŋé fɔ Simɔn Piyɛli yɛ kó: «Yaya dhyénjɛ Simɔn, ni dí í yɛ́ kɛ́ tínmin míinnu ka ŋan?» Simɔn é a yawi kó: «Ɔɔn Mantii ó, íi gbú a lɔ ŋóo íi dí ɲɛ́n.» Ɛnza ŋé fɔ a yɛ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla saa ŋólu lɔ ɲánminman.» 16Aa fɔ a yɛ́ síɲan fyáaɲɔn ó lɔ kó: «Yaya dhyénjɛ Simɔn, né kó a dí i yɛ a?» Piyɛli é fɔ a yɛ kó: «Ɔɔn Mantii ó, í gbú o á lɔ ŋóo íi dí ɲɛ́n.» Ɛnza ŋé fɔ a yɛ́ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla sáa ólu lɔ ɲánminman.» 17O kwɔ́, aa fɔ a yɛ a síɲan sáwaɲɔn ó lɔ kó: «Yaya dhyénjɛ Simɔn, né kó a i di yɛ a?» Piyɛli níla é fín kɛ mansɔɔ Ɛnza ŋé a mánɲaankɛ fɔ síɲan sawa kó: «Né kó a dí i yɛ a?» Aa a yawi kó: «Mantii ó, i gbú á kó ó bɛ́ lɔ, ii lɔ ŋóo i kó a dí né yɛ́.» Ɛnza ŋé fɔ a yɛ́ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla saa ólu lɔ ɲánminman.» 18«Tínɲan in ne ní fɔ́la i yɛ́ ngó, i tɛ́ɛ káwee ne wáati min nɔn, i tɛ́ɛ i yɛ́ɛ cɛ́siila. Táa lɔɔ tɛ́ɛ kɛ́ i la ywáa mínnɔn, í tɛ́ɛ táala o ywáa o lé lɔ. Wáa i kɛ kɛ́ cɛbakɔɔ le wáati mínnɔn, í yáa i bhóo ó láwii mɔɔn gbɛ́ɛ yáa i cɛ́sii, kɛ́ táa ni ile ywáa lɔ́lɔ i tɛ́ fɛ́ kɛ́ táa ywáa mínnɔn.» 19Piyɛli káa sayakɛ ɲánminman kɛ́ bwóɲan dí Ala man, a tɛ́ɛ fɛ́ kɛ ó lé fɔ a yɛ́. O kwɔ́, Ɛnza ŋe fɔ a yɛ́ kó: «Bhyáa né kwɔ́.»
Kaamɔɔndhye min ngo tɛ́ɛ dí Ɛnza ɲɛ́n
20Piyɛli é i ɲán yɛ́ɛman, kaamɔɔndhye min ngó tɛ́ɛ dí Ɛnza ɲɛn koyoongɛ, aa ó yé, min ndɛ́ wɛ́ɛ í Fáan kɛ́ í lá Ɛnza nzísi ó ka lɔ́minkɛ wáati ó lɔ́, kɛ́ a mánɲaankɛ kó: «Mantii ó, yɛ́ɛtii káa í lo bhóo lɔ́?» 21Piyɛli é ó yé mínngɛ, aa Ɛnza mánɲaankɛ kó: «Míin ŋwɛ́, Mantii ó, mínnɛɛn lé káa kɛ́ ó la?» 22Ɛnza ŋé fɔ a yɛ́ kó: «Ni née fɛ́ ké ale a tó yé fɔ né a ngwɔ́sɛɛ kɛ́nan, ile ta mínnɛɛn lée ó lɔ? Ile kwɛ́nnin, ile a bhyáa né kwɔ́.» 23O kóman ó búubhɛɛ bhádhyeman olu cɛ́man ko o kaamɔɔndhye ŋo mánfaa sayakɛ bhée, wáa Ɛnza mán fɔ kó kaamɔɔndhye ŋó mánfaa sayakɛ. A kó: «Yáanin ni née fɛ́ ké aa tó yé fɔ né a ngwɔ́sɛɛ kɛ́nan, ile ta mínnɛɛn lée ó lɔ́?»
24O kaamɔɔndhye ŋó lée ó kó ó fɔ́la an ɲɛ́n, ale lée ó ko olu sɛ́wɛ. Án ni a lɔ ŋóo a yɛ́ kóman ólu tínɲan le lé.
Kúun no ŋó
25 Ɛnza ŋé kó shɛ́ɛman gbɛ́ɛlu kɛ́, ní ó bɛ́ kée ngée ndɛ́ɛ sɛ́wɛ, né man la a lá ŋóo ó Kitabu sɛ́wɛnin ŋólu tɛ́ɛnan sóo dínɲan kɔ́ɔnnɔn.
Currently Selected:
Yaya 21: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Yaya 21
21
Ɛnza ŋé í yɛ́ɛ yáala a yɛ́ kaamɔɔndhye wóonvyaa lá
1O kwɔ́, Ɛnza ŋé i yɛ́ɛ yáa a yɛ́ kaamɔɔndhye ŋólu la íkwɔ, Tibɛliyadi bhá o tɔ́ɔfɛ.#21.1 Tibɛliyadi bhá ó lée Galile bhá ó lé. Aa i yɛ́ɛ yáa ɲánminman, ó lée nin. 2Simɔn Piyɛli ni Tomasi min ndɔ́ɔ kó Fyaanin ŋo, óni Natanayɛli kɛ́ bhɔ́ Kana, Galile mala ó lɔ, óni Zebede dhyé ŋólu, óni Ɛnza ɲɛn kaamɔɔndhye ŋó mɔɔn fyáa gbɛ́ɛ, í tɛ́ɛ ɲɔ́ɔn nvɛ́. 3Simɔn Piyɛli é fɔ í yɛ́ kó: «Ngɛ́ɛ tɛ́ɛ yɔ́ɔ myáan láa lɔ.» Íi fɔ a yɛ kó: «Án ngɛɛ tɛ́ɛ ni ile». Íi táa lo kúun ŋó kɔ́ɔnnɔn, íi ó sú ó bɛ́ kɛ́ i man yɔ́ɔ sɔ́ɔ.
4Kɛ́ɛn óo bhɔ́ mínngɛ, Ɛnza ŋé nan bhála ó lá, wáa kaamɔɔndhye ŋólu tɛ́ mán a lɔ. 5Ɛnza ŋé fɔ í yɛ́ kó: «Ée! Káwee ŋólu, yɔ́ɔ é a bhóo a?» Íi a yawi kó: «Ɔn-ɔn.» 6Aa fɔ í yɛ́ kó: «Áa jɔ ó láfii kúun ŋó bhóobhɛɛ kɔ́ɔ, a yáa yɔ́ɔ sɔ́ɔ.» Íi jɔ o láfii yénɔn, í gbú tɛ tɛ́ sé kɛ í yɛ́ jɔ ó sánman yɔ́ɔ ó shaayakoyoo ŋó mán. 7Kaamɔɔndhye min ngó tɛ́ɛ dí Ɛnza ɲɛ́n, óo fɔ Piyɛli yɛ kó: «Mantii ó lée wé!» Kɛ tá Simɔn Piyɛli a o myɛ́n kó Mantii lée wé, aa a yɛ́ Fáani ó tá kɛ́ a lo kɛ́ tó í yíila jí ó lɔ́ kɛ́ táa, kɛ mansɔɔ a tɛ́ wɛ́ɛ Fáani o bhɔ́. 8Kaamɔɔndhye ndɔ ólu tɛ́ɛ nánla ni kúun ŋó le i tɛ́ɛ jɔ ó sanmannan a Fánin ndɛ́ɛ yɔ́ɔ lá, kɛ mansɔɔ i ywáa tɛ́mannja bhá káan ŋó la, í cɛ ó tɛ́ɛ sé kɛ́ mɛtɛlɛ kɛnmɛn bhɔ́. 9Ii bhɔ́ kúun ŋó kɔɔnnɔn kɛ í sé bhyáa lúuman wáati min nɔn, íi tá lamaannin nzɔ́ɔ yé tó yɔ́ɔ lánin ndɛ́ɛ ta o man, óni búlu. 10Ɛnza ŋé fɔ í yɛ kó: «Áa yɔ́ɔ mínnu sɔ́ɔ kwáalenin, áa nan ó láman né.»
11Simɔn Piyɛli é lo kúun ŋó kɔ́ɔnnɔn, kɛ́ jɔ o sánman kɛ́nan ale bhá káan ŋó lá. A Fánin ndɛ́ɛ yɔ́ɔbaba kɛnmɛn ni bíloolu ni sawa lé lá, jɔ ó Fákoyoo ŋó mán yɔ́ɔ ó la, jɔ o mán Fála o bɛ́ kwɔ́. 12Ɛnza ŋé fɔ í yɛ́ kó: «Áa nan án ní lɔ́minkɛ.» Kaamɔɔndhye ŋó sí mán sé kɛ́ a mánɲaankɛ kó: «Ilee yɛ́ɛtii lé?» I tɛ́ɛ lɔ ŋóo Mantii ó lée wé. 13Ɛnza ŋé i mangbaa kɛ́ búlu ó tá, kɛ́ a lɔ dí í man, aa yɔ́ɔ ó dí í man. 14O lée kɛ́ Ɛnza nziɲan sáwaɲɔn óle kɛ́ i yɛ́ɛ yáa a yɛ́ kaamɔɔndhye ŋólu la kɛ́ táa a kúun ŋó mán kɛ́ bhɔ́ su ólu cɛ́man.
Ɛnza ní Piyɛli
15Íi wɛ́ɛ lɔ́min kɛ́ ó la mínngɛ, Ɛnza ŋé fɔ Simɔn Piyɛli yɛ kó: «Yaya dhyénjɛ Simɔn, ni dí í yɛ́ kɛ́ tínmin míinnu ka ŋan?» Simɔn é a yawi kó: «Ɔɔn Mantii ó, íi gbú a lɔ ŋóo íi dí ɲɛ́n.» Ɛnza ŋé fɔ a yɛ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla saa ŋólu lɔ ɲánminman.» 16Aa fɔ a yɛ́ síɲan fyáaɲɔn ó lɔ kó: «Yaya dhyénjɛ Simɔn, né kó a dí i yɛ a?» Piyɛli é fɔ a yɛ kó: «Ɔɔn Mantii ó, í gbú o á lɔ ŋóo íi dí ɲɛ́n.» Ɛnza ŋé fɔ a yɛ́ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla sáa ólu lɔ ɲánminman.» 17O kwɔ́, aa fɔ a yɛ a síɲan sáwaɲɔn ó lɔ kó: «Yaya dhyénjɛ Simɔn, né kó a i di yɛ a?» Piyɛli níla é fín kɛ mansɔɔ Ɛnza ŋé a mánɲaankɛ fɔ síɲan sawa kó: «Né kó a dí i yɛ a?» Aa a yawi kó: «Mantii ó, i gbú á kó ó bɛ́ lɔ, ii lɔ ŋóo i kó a dí né yɛ́.» Ɛnza ŋé fɔ a yɛ́ kó: «I yáaki tó ɲɛn kaamɔɔndhye ŋolu lɔ, óyoo saamangbɛngbɛmaa oo i yáaki tóla saa ólu lɔ ɲánminman.» 18«Tínɲan in ne ní fɔ́la i yɛ́ ngó, i tɛ́ɛ káwee ne wáati min nɔn, i tɛ́ɛ i yɛ́ɛ cɛ́siila. Táa lɔɔ tɛ́ɛ kɛ́ i la ywáa mínnɔn, í tɛ́ɛ táala o ywáa o lé lɔ. Wáa i kɛ kɛ́ cɛbakɔɔ le wáati mínnɔn, í yáa i bhóo ó láwii mɔɔn gbɛ́ɛ yáa i cɛ́sii, kɛ́ táa ni ile ywáa lɔ́lɔ i tɛ́ fɛ́ kɛ́ táa ywáa mínnɔn.» 19Piyɛli káa sayakɛ ɲánminman kɛ́ bwóɲan dí Ala man, a tɛ́ɛ fɛ́ kɛ ó lé fɔ a yɛ́. O kwɔ́, Ɛnza ŋe fɔ a yɛ́ kó: «Bhyáa né kwɔ́.»
Kaamɔɔndhye min ngo tɛ́ɛ dí Ɛnza ɲɛ́n
20Piyɛli é i ɲán yɛ́ɛman, kaamɔɔndhye min ngó tɛ́ɛ dí Ɛnza ɲɛn koyoongɛ, aa ó yé, min ndɛ́ wɛ́ɛ í Fáan kɛ́ í lá Ɛnza nzísi ó ka lɔ́minkɛ wáati ó lɔ́, kɛ́ a mánɲaankɛ kó: «Mantii ó, yɛ́ɛtii káa í lo bhóo lɔ́?» 21Piyɛli é ó yé mínngɛ, aa Ɛnza mánɲaankɛ kó: «Míin ŋwɛ́, Mantii ó, mínnɛɛn lé káa kɛ́ ó la?» 22Ɛnza ŋé fɔ a yɛ́ kó: «Ni née fɛ́ ké ale a tó yé fɔ né a ngwɔ́sɛɛ kɛ́nan, ile ta mínnɛɛn lée ó lɔ? Ile kwɛ́nnin, ile a bhyáa né kwɔ́.» 23O kóman ó búubhɛɛ bhádhyeman olu cɛ́man ko o kaamɔɔndhye ŋo mánfaa sayakɛ bhée, wáa Ɛnza mán fɔ kó kaamɔɔndhye ŋó mánfaa sayakɛ. A kó: «Yáanin ni née fɛ́ ké aa tó yé fɔ né a ngwɔ́sɛɛ kɛ́nan, ile ta mínnɛɛn lée ó lɔ́?»
24O kaamɔɔndhye ŋó lée ó kó ó fɔ́la an ɲɛ́n, ale lée ó ko olu sɛ́wɛ. Án ni a lɔ ŋóo a yɛ́ kóman ólu tínɲan le lé.
Kúun no ŋó
25 Ɛnza ŋé kó shɛ́ɛman gbɛ́ɛlu kɛ́, ní ó bɛ́ kée ngée ndɛ́ɛ sɛ́wɛ, né man la a lá ŋóo ó Kitabu sɛ́wɛnin ŋólu tɛ́ɛnan sóo dínɲan kɔ́ɔnnɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.