Luka 10
10
Ɛnza ŋé kaamɔɔndhye shɛ́ɛman céla
Matiyu 9.37-38; 10.7-16; Maki 6.8-11; Luka 9.3-5
1O kwɔ, Mantii óo kaamɔɔndhye bíwoonvyaa ní fyáa gbɛ́ɛ bhɔ́. A gbú kákan kɛ́ táa sóba ní sódhyenin mínnu la, aa i cé kɛ́ táa o ywáa ólu lɔ́ mɔɔn fyáa fyáa. 2Aa fɔ i yɛ́ kó: «Sunman ndɛ́ɛ tá o waa sháa, wáa bháalakɛbhaa ólu mán nzháa. Óo lɔ mínngɛ áa Mantii ó dɛ́li ké aa bháalakɛbhaa ólu bhyáa kɛ́ táa a yɛ sunman ó tɛ́ɛ. 3Sísan, aa táa! Ní a bhyáashaala óyoo Saadhye ŋólu kɛ́ táa kóngowuu ólu cɛ́man. 4Á kɛ́nan wɛ́ɛ tá, wáman táamanlataalwee, wáman sawaa. Á kɛ́nan í lɔ kɛ mɔɔn twáa sháala. 5Ní a kɛ́ ló bhó minnan, a kákan kɛ fɔ ótun kó hɛ́lɛ o a kɛ́ bhó míin ngɔɔnnɔn mɔɔn ólu yɛ. 6Ní ó kɛ kɛ́ ké mɔɔn lɔ́ é ó bhó ŋó kɔɔnnɔn ní aa hɛ́lɛ ɲíinan, o tíi ó yáa a yɛ́ hɛ́lɛ o twaali ó lwáau ó sɔ́ɔ. Ni ó tɛ́, a yɛ́ lwáau ó yáa í kwɔ́sɛɛ a mán. 7Aa tó o bhó ó kɔɔnnɔn. I kɛ fé óo fé di a mán, aa ó lé lɔ́ɔ kɛ ó mín, kɛ mansɔɔ bháalakɛbhaa ó kákan ní a yɛ́ saa ó lé. A kɛ́nan bhɔ́ yɛ́tiiya lɔ́la kɛ́ yɛ́ɛman a lɔ́gbɛɛ la. 8Ní a kɛ́ ló só lɔ́ kɔɔnnɔn, ní i kɛ a labhyɛ cɛ́ɛne, i kɛ lɔ́minfe mín ndí a mán, aa ó lɔ́ɔ. 9Áa o só ó yaangalotɔ ólu lákɛɛnya, kɛ́ fɔ sómɔɔn ólu yɛ́ kó: ‹Ala yɛ́ mansaya ó wáati ó wɛ́ɛ sé a tɔ́ɔfɛ.› 10Wáa ní a kɛ́ ló só óo só la, ní i man í ɲán síi a kɔ́ɔ, aa bhɔ́ kɛ i lɔ́ sháa ó la kɛ́ fɔ i yɛ́ kó: 11‹Yáanin a yɛ́ só ó gbángba míin kɛ́ án nzé mán, án ŋwɛ́ɛn ó mangbasigbasi kɛ́ bhɔ́ án nzé mán kɛ́ ó tó a mán. Aa lɔ́ ŋóo Ala yɛ́ mansaya ó wáati ó wɛ́ɛ sé a tɔ́ɔfɛ.› »
12«Ní fɔ́la a yɛ́ ngó kítitɛɛ ló ŋó la, bhóo yáa gban o só ó mɔɔn ólu lá kɛ tínmin Sodɔmu yamaan ó ka.»
Bɔɔn é bámaa ólu tá le
Matiyu 11.20-24
13«Kunnangbeya é íle Sholazɛn yɛ! Kunnangboya é íle Bɛtisayida yɛ! Kɛ mansɔɔ káwananngo mínnu é kɛ́ álee fɛ́ yé, ni o súu tɛ́ɛ kɛ́ Tili ní Sidɔn, o só lábhaa ólu tɛ́ɛnan díminsa, kɛ bhɔɔ ó bhyáa i kannan kɛ́ i síi búlu o lɔ kɛ́ í yóso ólu yɛ́ɛman kɔ́ɔkɔɔ. 14O le kósɔn, kítitɛɛ ló ŋó la, bhóo yáa gban álee lá kɛ tínmin Tili ní Sidɔn lú ka. 15Álee, Kapɛnamuka ólu, aa kɛ́la álee kɔɔnnɔn le kó á yɛ só o káa i kɔ́ɔ tá le kɛ́ sé fɔ sángboo ó mán an? Fɛ́sɛ fɛ́sɛ o! A káa yíi lé fɔ yaananman o lɔ.»
16O kwɔ́, aa fɔ a yɛ́ kaamɔɔndhye ŋólu yɛ kó: «Mɔɔn mínngɛ a lɔ́myɛn, o tíi ó wɛ́ɛ né le lɔ́myɛn wé. Mɔɔn mínngɛ í bá kɛ í ɲán síi á kɔɔ, o wɛ́ɛ í bá kɛ í ɲán síi né lé kɔ́ɔ wé. Ní mɔɔn mínngɛ í bá kɛ́ í ɲán síi né kɔɔ, ké o wɛ́ɛ í bá né bhyáashaabhaa o lé lɔ́ wé.»
Kaamɔɔndhye ŋólu wɛ́ɛ i kwɔ́sɛɛ
17Kaamɔɔndhye bíwoonvyaa ní fyáa ólu í kwɔ́sɛɛ ni nisɔdhyaa le kɛ́ nan fɔ Ɛnza ɲɛ́n kó: «Mantii ó, i tɔ́ɔ ó bháaka lɔ́, yáanin Lámansayoo ŋólu tɛ tɛ́ sé kɛ́ i bá án ɲɛ́n kóman ó mán.»
18Aa fɔ i yɛ́ kó: «Ní Sɔtaannan béndɔ ó yé kɛ́ bhɔ́ sángboo ó lɔ óyoo sa mannan mannan. 19Né kwɛ́nnin é sé di álee mán kɛ́ táaman san ólu ní wéende ólu ka, óni kɛ́ sé di a mán kɛ́ a yúu Sɔtaannan yɛ́ sébhaaya ó náansi a se ngɔɔ. Féɲoo nzí yɛ labhɛɛ táa sé a lá. 20Wáa álee kɛ́nan í nisɔdhyaa kɛ mansɔɔ Lámansayoo ŋólu tɛ tɛ́ sé kɛ́ í bá a yɛ́ kóman ó mán. Wáa aa i nisɔdhyaa kɛ mansɔɔ Ala wɛ́ɛ álee tɔ́ɔ sɛ́wɛ a fɛ́ sángboo ó lɔ́.»
Ɛnza ŋé bálika bhɔ́la a Fá yɛ́
Matiyu 11.25-27; 13.16-17
21O wáati ó yɛ́ɛ lɔ, Ɛnza nisɔ é dhyáa koyoongɛ Ní Sɛnnɛnyanin ŋó bháaka lɔ kɛ́ a fɔ kó: «Ní bálika bhɔ́la í yɛ́, Nvá, sángboo óni lúukolo ó Mantii ó, kɛ mansɔɔ, í wɛ́ɛ kó mínnu lóonaankɛ lɔnikɛbhaa ólu ní hákiiman ŋólu mán, í wɛ́ɛ ólu lá gbɛ́ lá dhyémuu ólu yɛ. Nvá, í wɛ́ɛ kɛ́ cé kɛ mansɔɔ a wɛ́ɛ dhyáa í yɛ tínɲan in né.»
22«Ne Fá wɛ́ɛ fé ó bɛ́ lo ne bhóo. Mɔɔn sí mán dhyénjɛ ó lɔ́ ní Fá ó tɛ, mɔɔn sí mán Fa ó lɔ́, ní Dhyénjɛ ó tɛ́. Fɔ́ Dhyénjɛ ó kɛ́ dyɛn kɛ yáa mínnan.»
23O kwɔ́, aa i ɲán yɛ́ɛman a yɛ́ kaamɔɔndhye ŋólu lɔ́ kɛ fɔ í yɛ lóonɔn kó: «Álee mínnu yéla, ní mɔɔn gbɛ́ɛlu kɛ́ o yé, nisɔdhyaa é ólu yɛ. 24Kɛ mansɔɔ ní fɔ́la a yɛ́ ngó: Álee fé mín mánfɛɛla ni, o yélɔɔ tɛ́ɛ céla shɛ́ɛman ní mansacɛ shɛ́ɛman nan, wáa olu mán o yé; áa kó mín myɛ́nnan ni, o myɛ́nnɔɔ tɛ́ɛ olu la, wáa olu mán ó myɛ́n.»
Né mɔɔnɲɔɔn é yɛ́ɛtii lé?
Matiyu 22.34-40; Maki 12.28-31
25Sɛliya kaamɔɔn lɔ́ tɛ́ɛ fɛ́ kɛ Ɛnza nɔ́swaan. O lɔ, aa i wíi kɛ́ a mánɲaankɛ kó: «Kaamɔɔn, ngákan kɛ́ mínnɛɛn lé kɛ́ kɛ ɲáanmanɲan wɛ́ɛbhɛɛ ó sɔ́ɔ?»
26Ɛnza ŋé a yawi kó: «Mínnɛɛn sɛ́wɛnin ŋé Sɛliya ó kɔɔnnɔn? Íi ó kalanan díi?»
27Áa a yawi kó: «Í yɛ Mantii Ala o a dhyáa í yɛ́ í yóso ó bɛ́ lá, í ní o bɛ́ lá, í míliya ó bɛ́ lá, óni í fáan ó bɛ́ la. Í mɔ́ɔnɲɔɔn ó wáa dhyáa í yɛ́ óyoo íle gbú a dí í yɛ́ɛ yɛ ɲán mín mán.»
28Ɛnza ŋé fɔ a yɛ́ kó: «I yɛ́ yawili ó wɛ́ɛ bhyɛ. O kɛ́, í yáa ɲáanmanɲan ó sɔɔ.»
29Wáa Sɛliya kaamɔɔn ó tɛ́ɛ fɛ́ lé kɛ́ jó di a yɛ́ɛ mán. O lɔ, aa Ɛnza mánɲaankɛ kó: «Yɛ́ɛtii né mɔɔnɲɔɔn ó lé?»
30Ɛnza ŋé a yawi kó: «Cɛ lɔ́ tɛ́ɛ bhɔ́la Yeluzalɛmu kɛ́ táa Zeliko. Sháatɛɛbhaa ólu bé a ka, kɛ́ a yɛ́ fáani ólu ni a bhóofe ŋólu bɛ́ bwási a lá, tó kɛ́ wɛ́ɛ kɛ́ a gbasi fɔ kɛ́ a kilo, kɛ́ táa kɛ́ a tó sháa ó la. 31O kɛ́nin ngwɔ faanlɛɛɲansebhaa lɔ́ tɛ́ɛ tínmin nán o sháa kée ó ka. Aa cɛ mandiinnin ŋó yé mínngɛ, aa í fáan kɛ tínmin sháa ó fán ndɔ ó fɛ́. 32Ala bhatobhomba o bháalakɛdhye ó lɔ́ ŋé nan sé cɛ ó mán, aa a yé kɛ́ tínmin sháa ó fán ndɔ ó fɛ́. 33Wáa Samalika cɛ lɔ́ tɛ́ɛ táa táamanla aa sé cɛ ó mán mínngɛ, cɛ ó hínnɛn é ló a lɔ́ koyoongɛ. 34Aa í mangbaa a lá kɛ a yɛ lá ólu kwó, kɛ́ túu ní lɛ́zɛnnji kɛ́ lá o la, kɛ́ a síli. O kwɔ́, aa a tá kɛ a lá a yɛ́ sofɛɛnin ŋó ka kɛ́ táa ní ale lónannayii bhó nɔ́ la, kɛ i yáakii tó a lɔ́. 35O lusɔgbɛ o, aa wɛ́ɛgbannan déniye fyáa di yɛtiicɛ ó mán kɛ́ fɔ a yɛ kó aa í yáakii tó cɛ o lɔ́. Kó ní a kɛ́ bhóobhɔ mínnu kɛ́ ó kɛ́ tínmin ó wɛ́ɛ ó yaceya ó ka, kó ní a kɛ í kwɔ́sɛɛ wáati mínnɔn, a yáa o sala a yɛ́.»
36Ɛnza ŋé Sɛliya kaamɔɔn ó mánɲaankɛ kó: «Sháatɛɛbhaa ólu é cɛ min mandiin wé, i tá miliya ó lɔ, mɔɔn sawa míin mínnɛɛn lée cɛ ó mɔɔnɲɔɔn óle?»
37Aa a yawi kó: «A hínnɛn é ló mín nɔ́n.»
Ɛnza ŋé a yawi kó: «Ile á táa o ɲɔ́ɔn ngɛ.»
Mati ní Mwɛnyamu yɛ́ kó ó
38Kɛ́ i tó táaman ó la, Ɛnza ŋé ló só lɔ́ kɔɔnnɔn ní a yɛ kaamɔɔndhye ŋólu le. Ii i yíi muso lɔ fɛ́ yé mín ndɔ́ɔ kó Mati. 39Mati lɔ́ɔmuso lɔ́ tɛ́ɛ yé mín ndɔ́ɔ kó Mwɛnyamu. Oo táa i síi Mantii ó tɔ́ɔfɛ tó kɛ́ a yɛ́ kaa ŋó lɔ́myɛn. 40Oo kɛ́la ké Mati ɲángbannin ɲé Gbakɛ ó la. Aa i mangbaa Ɛnza nan kɛ fɔ a yɛ kó: «Mantii ó, nɔ́ɔmuso é i síila kɛ né kée ndó bháala ó lá, o káɲin ŋán? A fɔ a yɛ kó aa i wíi kɛ́nan né dhyɛman.»
41Wáa Mantii ó a yawi kó: «Mati, Mati, ii bwéebweela kɛ́ i hákii ó ɲáanmin ko shɛ́ɛman nán gbɛ́ɛgbɛɛ, 42wáa fé ngée né kúu á gbɛ́ɛ. Mwɛnyamu wɛ́ɛ o lé kɛ́, mɔɔn sí táa ó bwási a lá.»
Currently Selected:
Luka 10: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
