Maki 3

Ɛnza ŋé cɛ bhóo fáaninman nɔ́ lákɛɛnyala

Matiyu 12.9-14; Luka 6.6-11

1Ɛnza ŋé í kwɔ́sɛɛ sɛ́ɛbho ŋo kɔɔnnɔn íkwɔtun. Cɛ lɔ́ tɛ́ɛ yénɔn, o bhóo tɛ́wɛɛ fáa a man, 2Falizɛn mínnu tɛ́ɛ yénɔn, ólu tɛ́ɛ Ɛnza nakɔɔsila ní a yáa o cɛ o lákɛɛnya lɔnwɛɛnlilo ŋó lá, ké o wáa kɛ́ i bhóo kún ne ké ii sɔ nzɔ́ɔ a lá. 3Aa fɔ cɛ bhóofaaninman ó yɛ kó: «Í wíi, íi nan cɛ́man!»

4O lɔ aa mɔɔn ólu mánɲaankɛ kó: «Tɔ́ ŋo kɔ́ɔnnɔn, a láanin ɲé kɛ́ kóɲwaan a kɛ́ lɔnwɛɛnlilo ŋó la bháa, wáman kɛ́ kóyoo ne kɛ́? Kɛ mɔɔn bwási bháa, wáman kɛ́ mɔɔn fáa?» Wáa i mán a yawi. 5Ɛnza ŋé mwɛ́nnɛn i man koyoongɛ, aa í ɲányoo ngbáan i bɛ́ lɔ́ ni kannankwaanya lé, i yɛ níyooɲan óni í yɛ yósolagbɛya o kósɔn. Aa fɔ o lé lɔ́ cɛ ó yɛ kó: «Í bhóo ó lɔ́sawa!» Aa a bhóo ó lɔ́sawa, a bhóo o kɛ́ɛnya. 6O lée kɛ́ Falizɛn ŋolu bhɔ́ o lé kɛ́ɛnman téeman óni Elɔdi tá sɛ́ɛ lɔ́ mɔɔn ólu, ké i káa kɛ tɛ́nmɛn kɛ Ɛnza nváa, ke ii bhɔ́ o ɲánle.

Yaman óo Ɛnza kwɔka

7 Ɛnza ni a yɛ kaamɔɔndhye ŋólu bhɔ́ i cɛ́man o lé lɔ, kɛ táa Galile bhá lá o la. Yamanba é nan i kwɔka. Mɔɔn ólu tɛ́ɛ bhɔ́la Galile mála óni Zude mála o lɔ, 8lɔ́luu bhɔ́ Yeluzalɛmu, Idume mála o lɔ, Zuludɛn fán ŋo óni Tili mala ó lɔ óni Sidɔn. O mála ó bɛ́ a kɛ́ko bhɛ́ɛ óo myɛ́n mínngɛ, bɛ́ tɛ́ɛ nánla a saala. 9Aa fɔ a yɛ kaamɔɔndhye ŋolu yɛ kó ii kúun ngée nɔ́bhyɛ a yɛ ké yaman o kɛ́nan a gbɛ́nnɛn. 10A yɛ mɔɔn lákɛɛnya kóyoo ŋó kósɔn, yangalo tɛ́ɛ mɔɔn súu óo súu la, o bɛ́ tɛ́ɛ fɛ́ kɛ í bhóo túu a lá, ké ii kɛ́ɛnya. 11Waa ni lámansayoondɔ ólu tɛ́ɛ a yé, i tɛɛ í lá a se ngɔ́ɔ lúu mán, tó kɛ gbáa ni fɔ le kó: «Ala dhyénjɛ óo íle lé le!» 12Wáa Ɛnza ŋé fɔ í yɛ kɛ́ a mangbɛya koyoongɛ kó, kó i kɛ́nan ale kófɔ mɔɔn ólu ɲánla.

Ɛnza ŋé céladhye ndá ni fyáa tála a yɛ kaamɔɔndhye ŋolu cɛ́man

Matiyu 10.1-4; Luka 6.12-16

13O wɛ́ɛnin ŋó kwɔ, Ɛnza ŋé í yɛ́ɛ tii ó kúnnɔn. Aa mɔɔn mínnu fɛ́, aa olu kíi tó ii nan a saala. 14Kɛ́ mɔɔn tá ni fyáa lɔ́tɔnmɔn i cɛ́man kɛ́ ólu tɔ́ɔla kó ɲɛ́n céladhye ŋólu, ké ii kɛ́ a tɔ́ɔfɛ óni ké ii táa Ala saaninkan ŋo láse, 15tó kɛ lámansayoo ŋólu gbɛ́ ŋó sébhaaya ó dí i man. 16Aa céladhye ndá ni fyáa mín ndá, olu tɔ́ɔ ó lée nín: Simɔn, aa o min ndɔ́ɔ la kó Piyɛli. 17Zebede dhyénjɛ fyáa o, Zaki óni Yaya, aa o mínnu tɔ́ɔla kó Bowanɛsi, o kɔ́ɔ o tɔ́ɔ kó sángbɛlɛman o dhyé ŋólu. 18A tɔ ólu tɔ́ɔ kó Andele, Filipu, Batelemi, Matiyu, Tomasi, Alife dhyénjɛ Zaki, Tade, Simɔn Zelɔti#3.18 Zelɔti tɔ́ɔ o kɔ́ɔ yáa nan kɛ́ lé kó a wɛɛ í wíi Lomɛn olu kanman., 19óni Zudasi Sikaliyɔti mín ngáa Ɛnza ɲanva.

Ɛnza ɲɛn bhónanbhaa ólu nánla a myáan tɔ́ɔ lɔ

20O kwɔ, Ɛnza ni a yɛ kaamɔɔndhye ŋólu í kwɔ́sɛɛ lúman íkwɔtun. Yaman o sháaya kóyoo ŋó mán i mán sé lɔ́minkɛlaa sɔ́ɔla. 21A yɛ bhónanbhaa ólu ó myɛ́n mínngɛ, ii í wíi a myáan tɔ́ɔ lɔ, kɛ mansɔɔ i tɛɛ fɔ́la lé kó: «Fa wɛ́ɛ bhyáa a lɔ.»

Ɛnza ŋé yáala kó ale tá fáan ó tɛ́ fáanan Sɔtaannan la

Matiyu 12.22-32; Luka 11.14-23; 12.10

22 Sɛliya kaamɔɔn mínnu tɛ́wɛɛ nan kɛ bhɔ́ Yeluzalɛmu o lɔ́lu tɛ́ɛ fɔ́la lé kó: «Bɛlizebuli lée Ɛnza nvɛ́.» Kó: «O lámansayoo ŋólu kunndii ó lé bháaka lɔ, tó aa lámansayoo ŋólu gbɛnan.»

23Ɛnza ŋé i kíi tó kɛ saanan lá i yɛ kɛ fɔ kó: «Sɔtaannan é sé á yɛ́ɛ gbɛnan díi? 24Ní yamaan kée nɔn mɔɔn ólu kɛ́ kɛ́ ɲɔ́ɔn ngɛlɛla, o yamaan o tɛ́ si sɔ́ɔla. 25Ní bhó mín nanbhaa lu kɛ́ kɛ́ ɲɔ́ɔn ngɛlɛla, o bhó ŋo tɛ́ sé si sɔ́ɔla. 26Ní Sɔtaannan kɛ́ kɛ́ a yɛ́ɛ kɛ́lɛla o lɔ, ké a wɛ́ɛ a yɛ́ɛ lɔtaa a tɛ́ sé si sɔ́ɔla, ké a tá o wɛ́ɛ cáan ne wé. 27Mɔɔn sí tɛ́ sé lónan fáangbii ó bhóo bhónan, kɛ táa o bhóofe ŋolu tá ní i man o mɔɔn fáangbii ó síli, ní a kɛ sé kɛ a síli, aa sé kɛ a yɛ bhónanfe ŋo bɛ́ ta.»

28Aa fɔ i yɛ íkwɔtun kó: «Ní tínɲan le fɔ́la a yɛ́ ngó, yafa é sé kɛ́la yúumu o bɛ́ man, yáanin Ala tɔ́ɔ cáan ngóman olu lá mɔɔn yɛ. 29Wáa mɔɔn óo mɔɔn kɛ́ kóman yóo nvɔ́ Ní Sɛnnɛnyanin ŋó mán, yafa táa kɛ́ o tíi o man fɛ́sɛ fɛ́sɛ, kɛ mansɔɔ la ndɛ́ yúumu o mínnan wáati o bɛ́ lɔ, a wɛɛ o lé kɛ́ wé.» 30Aa kóman i yɛ cé, kɛ mansɔɔ i tɛɛ fɔ́la a man le kó lámansayoo née a fɛ́.

Ɛnza ŋwóobhaa ní a lɔ́ɔnin ŋolu

Matiyu 12.46-50; Luka 8.19-21

31Ɛnza ŋwóobhaa ní a lɔ́ɔcɛ ólu nan mínngɛ, ii tó kɛ́ɛnman tó kɛ mɔɔn bhyáa a kíila. 32Yaman o síininndɛ́ɛ a lamiin ŋo lɔ́ wáati o mínnɔn, ii nan fɔ a yɛ kó: «Í yáakɛ tó, í wóobhaa, óni lɔ́ɔcɛ ólu ní í lɔ́ɔmuso ólu kɛ́ɛnman. Íi i ɲíinan.»

33Aa o yawi kó: «Ŋwóobhaa bhɛ́ɛbhɛɛ ní nɔ́ɔnnin mɛ́ɛbhɛɛ é yɛ́ɛtii lú le?» 34Mɔɔn mínnu síinin ndɛ́ɛ kɛ Ɛnza namiin, aa í ɲán gbáan olu lɔ, tó kɛ fɔ kó: «Ŋwóobhaa óni nɔ́ɔcɛ ó lée lúu nín. 35Tínɲan ín né, mɔɔn óo mɔɔn kɛ kɛ́ Ala sáo o kɛ́la, o tíi ó lée nɔ́ɔcɛ ní nɔ́ɔmuso, óni ŋwóobhaa le.»

Currently Selected:

Maki 3: MXX

Highlight

Copy