Fakasigadan 37
37
Use ay at ngay Faduksay
1Akub gbanwan wan sis Kanaan sit mama at fagbanwanan. 2Katatuy at fansulitan sabaliwas Akub talanan:
At baguama Use at banwa nu labi fitu wan, kanya galaga ngay fagbaugun galo at ngay faduksay sit mama at mangena Bila ay Silpa.
3Ay Akub nu kesug Use gtungud tua tiba at ngay baguama, aroro gina Use kasalug, Akub mafufuama wan. Ay Akub nafawat sik lanbung at masine ay tangaba at take laman sas Use. 4Ay Use at ngay kaka nu nasaful te, at mama nu kesug Use gtungud tua anya fagayu, kanya fagayu ankuri ay nalong at mauri sas Use.
5Ay Use anke taginfan. Ay kanya nu nafoyung sat ngay kaka, kanya fagayu ankugat yay nu kauri. 6Use nalong sa anya fagayu te, “Dungugani, katatuy ku taginfan: 7kaduge tam unu sis gamasun, mesa tam gfutus raug fare, ay angku ku futusan masakit anlindug ay tibak futusan naligung ay anrung sa ku futusan.”
8Ay at ngay faduksay nalong te, “Ay wain? O nunda am fakaylatun nanfunan ban o ay nanfangguna emi?” Ay kanya fagayu ankaksvn yay nu kauri Use.
9Ay Use gdog yay nataginfan ay nadog yay nafoyung sat ngay kaka. Glong te, “Nadog kyay nataginfan: nalag au menit ay magdanun ay labi sadik galeme nu malub si ku salubangan.”
10Ay Use nafoyung yangay at taginfan sat mama, ay at mama gagras anya te, “Nataw am longan at masuad? O nunda ban ami am mina ay anggan am ngay faduksay nanseg ami emu?” 11Ay Use at ngay faduksay maksvn nu kauri anya. Ay Akub gamatangan gugat Use at ngay nalong.
Use at ngay Kaka Nafalao Anya
12Sik menit, Use at ngay kaka nalao sas furuan Sekem, laman nangalaga at mama at ngay fagbaugun. 13-14Ay Akub#37:13-14 Akub: sas Ebreu, Israel. nalong sas Use te, “Katsi am ngay kaka sis furuan Sekem galaga tam ngay fagbaugun. Sanya o ay nanginsaful o te, o kanya fagayu manabayan tua, ay anggan at fagalagaun fag ngay fagbaugun. Ay afolii wa vtv ay foyungi angku am nalag.”
Ay Use nabalus te, “Kin,” ay kanya nalo wan sas furuan Sekem. (Ginanya, kanya gbanwan sis datag Kebrun.)
15Ay kanya nu ndasug sas Sekem, ginkalyaman si sik gamasun. Ay sanya sik mangama nalag anya ay ginto te, “Dada o, nataw am fagrvbvyun?”
16Ay Use nabalus te, “Grvbvy au ku ngay kaka. O wo gayvd saful nu dada nu gtaban at ngay fagbaugun?”
17Ay kanya fag mangama nabalus te, “Kanya fagayu wa ste ya. Ku dungganan sa ro unu stalun Dutan.” Ay Use nanangguyan at ngay kaka ay kanya nalag anya fagayu sis Dutan.
18Ay Use gina yay ngayayu, at ngay kaka nalag wan anya, ay kanya fagayu ansadi laman namabul anya. 19Ay kanya fagayu glong te, “At mafantaginfan kadasug wan. 20Wainyayam, namabul watam anya ay namatong sa sik bubun. Glong way ban lang tam sa tam mama te, sik tagfangagat fag mela nagat anya. Ay agvd ngatu, o matuyan ban ngani at ngay taginfan?”
21Ay Rubin nu nadungug at ngay faduksay at algan, kanya nasalag laman gfalangfe Use. Ay nalong te, “Lag tam gfabul anya. 22Lag ro tam namalang; namatong way ro tam lang anya snay fag bubun yud e mamam.” Rubin fagnalongun katanya aroro at algan laman namalangfe yay Use ay namauli mabayan sat mama.
23Ay Use nu ndasug, at ngay kaka nabul at lanbung tangaba ay at masine 24ay nafatong anya sa sanya fag bubun yud e mamam.
25Ay kaduge at ngay kaka gfangon, e nabanawan sik ngay taw Ismael tagfalao tagsiginans talun Gilyad. Kafag ngay taw at ngay kamelyu e buba ngay famaenamnam ay sik ngay lune famafia ay famaebebanglu laman at famaloun sas talun Igiptu. 26Ay Uda nalong sat ngay faduksay te, “Nataw ban at tungkul sa antam nu nafabul tam tam arian ay nanuksuk tam at nabulan? 27Nu gamut ro nu nafabul tam anya, at masine gfalo way tam anya sa sangay taw Ismael, nute kanya tam faduksay fia.” Ay at ngay faduksay nafaning at longan.
28Ay kafag ngay tagfalao gina gdalan, Use at ngay faduksay nanamaduksun anya siginans bubun ay nafalao. At famayad duak safuluk salapi.#37:28 duak safuluk salapi: kayu duak banwa at nagbulan. Ay tagfalao nabuba wan Use sas talun Igiptu. 29Ay Rubin nu nfoli sas bubun, nalag te, Use wa sanya ya, ay kanya nagirat at lanbung laman gfalag te, gafanawa. 30Sanya ginan, kanya anfoli sat ngay faduksay ay nalong te, “Tam arian wa sanya ya. Setain ya ro ku fakamulun?”
31Nu katanya, kanya fagayu nafilas sik kambing ay nafatagukun Use at lanbung, 32ay nabuba sat mama ay glong te, “Nalag ami tuy. Agvd, lingamani fia o tuy wan Use at lanbung.”
33Ay Akub natoglag wa vtv Use at lanbung ay nalong te, “Mafanud wan. Sik tagfangagat fag mela nagat wan anya.” 34Ay Akub nagirat wa vtv at lanbung ay nasulun saku laman gfalag te, kabalu. Ay ngaduge Akub nu kabalu at baguama at nabulan. 35Fagayu at baguama gfasun oma gugat anya. Ay dewa katanya, Akub kabalu way gugat ay glong te, “Fabayani wa angku. Kaylat kwan nangabul sas fakabaluun aroro sa ku baguama at nabulan.” Ay Akub gwayway gugat.
36Ginanya, kafag ngay tagfalao#37:36 tagfalao: sas Ebreu, ngay taw Midyan. andasug sas talun Igiptu ay nafalo Use sas Putifar. Putifar, Igiptu at fun at tagfakamulun at sadi. Ay kanya sik fun yangay tagulit fun at bale.
Currently Selected:
Fakasigadan 37: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 37
37
Use ay at ngay Faduksay
1Akub gbanwan wan sis Kanaan sit mama at fagbanwanan. 2Katatuy at fansulitan sabaliwas Akub talanan:
At baguama Use at banwa nu labi fitu wan, kanya galaga ngay fagbaugun galo at ngay faduksay sit mama at mangena Bila ay Silpa.
3Ay Akub nu kesug Use gtungud tua tiba at ngay baguama, aroro gina Use kasalug, Akub mafufuama wan. Ay Akub nafawat sik lanbung at masine ay tangaba at take laman sas Use. 4Ay Use at ngay kaka nu nasaful te, at mama nu kesug Use gtungud tua anya fagayu, kanya fagayu ankuri ay nalong at mauri sas Use.
5Ay Use anke taginfan. Ay kanya nu nafoyung sat ngay kaka, kanya fagayu ankugat yay nu kauri. 6Use nalong sa anya fagayu te, “Dungugani, katatuy ku taginfan: 7kaduge tam unu sis gamasun, mesa tam gfutus raug fare, ay angku ku futusan masakit anlindug ay tibak futusan naligung ay anrung sa ku futusan.”
8Ay at ngay faduksay nalong te, “Ay wain? O nunda am fakaylatun nanfunan ban o ay nanfangguna emi?” Ay kanya fagayu ankaksvn yay nu kauri Use.
9Ay Use gdog yay nataginfan ay nadog yay nafoyung sat ngay kaka. Glong te, “Nadog kyay nataginfan: nalag au menit ay magdanun ay labi sadik galeme nu malub si ku salubangan.”
10Ay Use nafoyung yangay at taginfan sat mama, ay at mama gagras anya te, “Nataw am longan at masuad? O nunda ban ami am mina ay anggan am ngay faduksay nanseg ami emu?” 11Ay Use at ngay faduksay maksvn nu kauri anya. Ay Akub gamatangan gugat Use at ngay nalong.
Use at ngay Kaka Nafalao Anya
12Sik menit, Use at ngay kaka nalao sas furuan Sekem, laman nangalaga at mama at ngay fagbaugun. 13-14Ay Akub#37:13-14 Akub: sas Ebreu, Israel. nalong sas Use te, “Katsi am ngay kaka sis furuan Sekem galaga tam ngay fagbaugun. Sanya o ay nanginsaful o te, o kanya fagayu manabayan tua, ay anggan at fagalagaun fag ngay fagbaugun. Ay afolii wa vtv ay foyungi angku am nalag.”
Ay Use nabalus te, “Kin,” ay kanya nalo wan sas furuan Sekem. (Ginanya, kanya gbanwan sis datag Kebrun.)
15Ay kanya nu ndasug sas Sekem, ginkalyaman si sik gamasun. Ay sanya sik mangama nalag anya ay ginto te, “Dada o, nataw am fagrvbvyun?”
16Ay Use nabalus te, “Grvbvy au ku ngay kaka. O wo gayvd saful nu dada nu gtaban at ngay fagbaugun?”
17Ay kanya fag mangama nabalus te, “Kanya fagayu wa ste ya. Ku dungganan sa ro unu stalun Dutan.” Ay Use nanangguyan at ngay kaka ay kanya nalag anya fagayu sis Dutan.
18Ay Use gina yay ngayayu, at ngay kaka nalag wan anya, ay kanya fagayu ansadi laman namabul anya. 19Ay kanya fagayu glong te, “At mafantaginfan kadasug wan. 20Wainyayam, namabul watam anya ay namatong sa sik bubun. Glong way ban lang tam sa tam mama te, sik tagfangagat fag mela nagat anya. Ay agvd ngatu, o matuyan ban ngani at ngay taginfan?”
21Ay Rubin nu nadungug at ngay faduksay at algan, kanya nasalag laman gfalangfe Use. Ay nalong te, “Lag tam gfabul anya. 22Lag ro tam namalang; namatong way ro tam lang anya snay fag bubun yud e mamam.” Rubin fagnalongun katanya aroro at algan laman namalangfe yay Use ay namauli mabayan sat mama.
23Ay Use nu ndasug, at ngay kaka nabul at lanbung tangaba ay at masine 24ay nafatong anya sa sanya fag bubun yud e mamam.
25Ay kaduge at ngay kaka gfangon, e nabanawan sik ngay taw Ismael tagfalao tagsiginans talun Gilyad. Kafag ngay taw at ngay kamelyu e buba ngay famaenamnam ay sik ngay lune famafia ay famaebebanglu laman at famaloun sas talun Igiptu. 26Ay Uda nalong sat ngay faduksay te, “Nataw ban at tungkul sa antam nu nafabul tam tam arian ay nanuksuk tam at nabulan? 27Nu gamut ro nu nafabul tam anya, at masine gfalo way tam anya sa sangay taw Ismael, nute kanya tam faduksay fia.” Ay at ngay faduksay nafaning at longan.
28Ay kafag ngay tagfalao gina gdalan, Use at ngay faduksay nanamaduksun anya siginans bubun ay nafalao. At famayad duak safuluk salapi.#37:28 duak safuluk salapi: kayu duak banwa at nagbulan. Ay tagfalao nabuba wan Use sas talun Igiptu. 29Ay Rubin nu nfoli sas bubun, nalag te, Use wa sanya ya, ay kanya nagirat at lanbung laman gfalag te, gafanawa. 30Sanya ginan, kanya anfoli sat ngay faduksay ay nalong te, “Tam arian wa sanya ya. Setain ya ro ku fakamulun?”
31Nu katanya, kanya fagayu nafilas sik kambing ay nafatagukun Use at lanbung, 32ay nabuba sat mama ay glong te, “Nalag ami tuy. Agvd, lingamani fia o tuy wan Use at lanbung.”
33Ay Akub natoglag wa vtv Use at lanbung ay nalong te, “Mafanud wan. Sik tagfangagat fag mela nagat wan anya.” 34Ay Akub nagirat wa vtv at lanbung ay nasulun saku laman gfalag te, kabalu. Ay ngaduge Akub nu kabalu at baguama at nabulan. 35Fagayu at baguama gfasun oma gugat anya. Ay dewa katanya, Akub kabalu way gugat ay glong te, “Fabayani wa angku. Kaylat kwan nangabul sas fakabaluun aroro sa ku baguama at nabulan.” Ay Akub gwayway gugat.
36Ginanya, kafag ngay tagfalao#37:36 tagfalao: sas Ebreu, ngay taw Midyan. andasug sas talun Igiptu ay nafalo Use sas Putifar. Putifar, Igiptu at fun at tagfakamulun at sadi. Ay kanya sik fun yangay tagulit fun at bale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines