Fakasigadan 38
38
Uda ay Tamar
1Ginanya yangay fag buknga, Uda ansaruayan siginan at ngay faduksay, Kira, sik taw tagsiginans furuan Adulam nanangalo anya. 2Ay Uda nalag Sua at baguina ay nabubay anya. Kafag baguina tagsiginans Kanaan. 3Ay Sua nafafion ay nafasalug sik munama, ay Uda nafangayan kafag munama te, Er. 4Ay kanya nadog yay nafafion ay nafasalug sik munama ay nafangayan anya te, Unan. 5Ay nadog yay fia nafafion ay nafasalug sik munama ay nafangayan anya te, Sela. Sela ansalug sis furuan Kesib.
6Ay Tamar, Uda at nafili laman at baguama Er at bubay ban. 7Ay Er wa matuyan sis Yawi at daga salubangan, ay Yawi nafabul anya. 8Nu katanya, Uda nalong sas Unan te, “Fataladani am ifag ay fafasludani tam faugali laman siginan emu am faduksay e ngay sisian yay ban.” 9Dewa katanya, Unan nasaful te, nu nke sisian ban, bunwa fia at sisian, nu katanya, kayu ginan gfataladan at ifag, kanya gfabusbus way sas daga laman ban wa kae sisian laman sat faduksay. 10Ay Unan at fakamulun takatanya mauri way sis Yawi at daga salubangan, ay Yawi nafabul yangay anya.
11Uda nalong wa vtv sat nugang Tamar te, “Ulii yap sam mama ay lag yap ban o gfangindugan yakmay ku baguama Sela ansik baguama wa daul kata at kaka.” Ay Tamar noli yay sat mama.
12Ay andasug sik buknga, Uda at mangena anbul wan. Ay Uda gina yud kabalu ya, nalao sas fagufoan tupa sas furuan Timna, gadgaloan at fagadgalangan Kira tagsiginans furuan Adulam.
13Ay e nalong sas Tamar te, “Am nugangama sas Timna laman nangufo ngay tupa at sigyu.” 14Ay Tamar nu nadungug, natubus at lanbung fanfagbubayun ay natabun at kamatan. Kanya nanmalunggung sas furuan Enaim at day sakbawan, sis tigyangan dalan tagsas Timna. At algan nandaya at nugangama Uda, aroro dewa Sela mabaguama wan, ya gfon anya laman at indugan ban.
15-16Ay Uda nu nalag Tamar, wa natoglag aroro maumutan at kamatan. Nu glong, kanya sik namatugtug way fag mangena. Nu katanya, Uda nanangakbang anya sas day dalan ay glong te, “Wainyayo, gtaladan wata.”
Ay Tamar gbalus te, “Nataw ro am famayad nu nafataladan au emu?”
17Ay Uda glong te, “Gfon kro emu sik kambing.”
Ay Tamar gbalus te, “Kin, kaylat kwan nu e fon tua ro wo angku sik famatuyan.”
18-19Uda ginto te, “Nataw ro am fakaylatun ku famatuyan?”
Ay Tamar nabalus te, “Foni angku am fanumyu ay fansalod fagwan ay anggan am tulag.” Ay Uda nafon wan ay nafataladan anya. Ay sanya ginan Tamar noli wan, ay nabul at fantabun at mata ay nadog yay nasulun at lanbung fanfagbubayun ay kanya gfafion wan.
20Ay wa glugo ya, Uda nafabuba at ba kambing sat fagadgalangan Kira laman namul at ngay nafon sa kafag mangena fag ngay famatuyan, ay dewa katanya, Kira wa nalag kafag mangena. 21Nu katanya, Kira nainto sa sik ngay mangama tagbanwan sis furuan Enaim te, “O e nalag am takamaylatan fag mangena at nananmalunggung sas day dalan?”
Ay kafag ngay mangama nabalus te, “Duan, wami e nalag takatanya fag mangena ste.”
22Ay Kira anfoli sas Uda ay glong te, “Kwe nalag. Ay fagayu taw nalong te, ‘We mangena takatanya ste fag furuan.’ ”
23Ay Uda nalong te, “To sanya yap. Gfadaydalan kyay ban ku ngay nafon anya fag fagagbilugun. Aroro ngay taw ban kase gugat anta nu grvbvy way ta gugat anya. Nafabuba au sa emu ku fon sa anya fag kambing ay wo nalag.”
24Ay nu nlangfe tuluk magdanun, Uda nadungug te, at nugang Tamar nanamatugtug ay nafafion. Ay Uda nalong te, “Bubai anya sas day furuan ay irugi.”
25Ay gina ngay taw gatabanun Tamar, kanya nafabulun te, “Longi sas Uda te, ‘Ste sik fanumyu, sik fansalod fagwan ay sik tulag. Tagagbilug tuy at nafafafion angku. Fanoglagi te, sinu tagbilug.’ ”
26Ay Uda natoglag kanya fag ngay fagagbilugun ay nalong te, “Kanya we asalanan. Au way ke asalanan aroro kwa nafafangindugan sa anya ku baguama Sela.”
27Gina Tamar gafasalugun, nasaful te, duak sisian sit ungdan. 28Ay nu gfasalug wan, at sadi at sisian at daluap naduksun, ay tagfasalug nafutus sik famutus maraska laman famasaful te, kanya taguna kasalug. 29Ay dewa katanya, kafag ngenge naguyud yay at daluap ay at faduksay way taguna kasalug. Ay tagfasalug nalong te, “Nafagudgunan o kasalug.” Ay kanya nafangayan anya te, Peres.#38:29 Peres: at masuad, Nafagudgunan nu gduksun. 30Ay sanya ginan at ke famutus maraska sit daluap naduksun yangay ay nafangayan anya te, Sera.#38:30 Sera: at masuad, Maraska.
Currently Selected:
Fakasigadan 38: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 38
38
Uda ay Tamar
1Ginanya yangay fag buknga, Uda ansaruayan siginan at ngay faduksay, Kira, sik taw tagsiginans furuan Adulam nanangalo anya. 2Ay Uda nalag Sua at baguina ay nabubay anya. Kafag baguina tagsiginans Kanaan. 3Ay Sua nafafion ay nafasalug sik munama, ay Uda nafangayan kafag munama te, Er. 4Ay kanya nadog yay nafafion ay nafasalug sik munama ay nafangayan anya te, Unan. 5Ay nadog yay fia nafafion ay nafasalug sik munama ay nafangayan anya te, Sela. Sela ansalug sis furuan Kesib.
6Ay Tamar, Uda at nafili laman at baguama Er at bubay ban. 7Ay Er wa matuyan sis Yawi at daga salubangan, ay Yawi nafabul anya. 8Nu katanya, Uda nalong sas Unan te, “Fataladani am ifag ay fafasludani tam faugali laman siginan emu am faduksay e ngay sisian yay ban.” 9Dewa katanya, Unan nasaful te, nu nke sisian ban, bunwa fia at sisian, nu katanya, kayu ginan gfataladan at ifag, kanya gfabusbus way sas daga laman ban wa kae sisian laman sat faduksay. 10Ay Unan at fakamulun takatanya mauri way sis Yawi at daga salubangan, ay Yawi nafabul yangay anya.
11Uda nalong wa vtv sat nugang Tamar te, “Ulii yap sam mama ay lag yap ban o gfangindugan yakmay ku baguama Sela ansik baguama wa daul kata at kaka.” Ay Tamar noli yay sat mama.
12Ay andasug sik buknga, Uda at mangena anbul wan. Ay Uda gina yud kabalu ya, nalao sas fagufoan tupa sas furuan Timna, gadgaloan at fagadgalangan Kira tagsiginans furuan Adulam.
13Ay e nalong sas Tamar te, “Am nugangama sas Timna laman nangufo ngay tupa at sigyu.” 14Ay Tamar nu nadungug, natubus at lanbung fanfagbubayun ay natabun at kamatan. Kanya nanmalunggung sas furuan Enaim at day sakbawan, sis tigyangan dalan tagsas Timna. At algan nandaya at nugangama Uda, aroro dewa Sela mabaguama wan, ya gfon anya laman at indugan ban.
15-16Ay Uda nu nalag Tamar, wa natoglag aroro maumutan at kamatan. Nu glong, kanya sik namatugtug way fag mangena. Nu katanya, Uda nanangakbang anya sas day dalan ay glong te, “Wainyayo, gtaladan wata.”
Ay Tamar gbalus te, “Nataw ro am famayad nu nafataladan au emu?”
17Ay Uda glong te, “Gfon kro emu sik kambing.”
Ay Tamar gbalus te, “Kin, kaylat kwan nu e fon tua ro wo angku sik famatuyan.”
18-19Uda ginto te, “Nataw ro am fakaylatun ku famatuyan?”
Ay Tamar nabalus te, “Foni angku am fanumyu ay fansalod fagwan ay anggan am tulag.” Ay Uda nafon wan ay nafataladan anya. Ay sanya ginan Tamar noli wan, ay nabul at fantabun at mata ay nadog yay nasulun at lanbung fanfagbubayun ay kanya gfafion wan.
20Ay wa glugo ya, Uda nafabuba at ba kambing sat fagadgalangan Kira laman namul at ngay nafon sa kafag mangena fag ngay famatuyan, ay dewa katanya, Kira wa nalag kafag mangena. 21Nu katanya, Kira nainto sa sik ngay mangama tagbanwan sis furuan Enaim te, “O e nalag am takamaylatan fag mangena at nananmalunggung sas day dalan?”
Ay kafag ngay mangama nabalus te, “Duan, wami e nalag takatanya fag mangena ste.”
22Ay Kira anfoli sas Uda ay glong te, “Kwe nalag. Ay fagayu taw nalong te, ‘We mangena takatanya ste fag furuan.’ ”
23Ay Uda nalong te, “To sanya yap. Gfadaydalan kyay ban ku ngay nafon anya fag fagagbilugun. Aroro ngay taw ban kase gugat anta nu grvbvy way ta gugat anya. Nafabuba au sa emu ku fon sa anya fag kambing ay wo nalag.”
24Ay nu nlangfe tuluk magdanun, Uda nadungug te, at nugang Tamar nanamatugtug ay nafafion. Ay Uda nalong te, “Bubai anya sas day furuan ay irugi.”
25Ay gina ngay taw gatabanun Tamar, kanya nafabulun te, “Longi sas Uda te, ‘Ste sik fanumyu, sik fansalod fagwan ay sik tulag. Tagagbilug tuy at nafafafion angku. Fanoglagi te, sinu tagbilug.’ ”
26Ay Uda natoglag kanya fag ngay fagagbilugun ay nalong te, “Kanya we asalanan. Au way ke asalanan aroro kwa nafafangindugan sa anya ku baguama Sela.”
27Gina Tamar gafasalugun, nasaful te, duak sisian sit ungdan. 28Ay nu gfasalug wan, at sadi at sisian at daluap naduksun, ay tagfasalug nafutus sik famutus maraska laman famasaful te, kanya taguna kasalug. 29Ay dewa katanya, kafag ngenge naguyud yay at daluap ay at faduksay way taguna kasalug. Ay tagfasalug nalong te, “Nafagudgunan o kasalug.” Ay kanya nafangayan anya te, Peres.#38:29 Peres: at masuad, Nafagudgunan nu gduksun. 30Ay sanya ginan at ke famutus maraska sit daluap naduksun yangay ay nafangayan anya te, Sera.#38:30 Sera: at masuad, Maraska.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines