Fakasigadan 42
42
Use at ngay Faduksay Nalao sas Talun Igiptu
1Akub nu nasaful te, sis talun Igiptu e gfalao fakonun, nalong sat ngay baguama te, “Nataw ya ay fagfanyaun? 2Nadungug au te, sis talun Igiptu e gfalao fakonun. Namayad am sanya fakonun laman di tam kabul sas lunus.” 3Ay Use at ngay faduksay fag safulu nalo wan sas talun Igiptu laman namayad fakonun. 4Dewa katanya, Akub wa kaylat gfalo Benamin, Use at arian, aroro kalimu te, mae ndasug sik mauri sa anya. 5Ay Akub at ngay baguama nalao sas talun Igiptu ay e galo yangay tagsiginan tibak furuan laman namayad fakonun, aroro anggan tagsis talun Kanaan kalunus wan.
6Use at fanambagun gina sia gfunan sis talun Igiptu, tagsugu sat ngay fagsuguan laman gfalao fakonun sa sangay taw. Ay at ngay faduksay nu ndasug sas talun Igiptu narungan sas Use at daga salubangan gfalag te, kamababaun. 7Use nu nalag kafag ngay mangama natoglag wa vtv te, at ngay faduksay. Ay Use wa gfatoglagan anya sat ngay faduksay te, at faduksay. Ay mafagarasan nu gfakamatoan anya fagayu. Ay kanya nainto te, “Daginan am?”
Duksayan gbalus te, “Siginan amis talun Kanaan. Andasug ami ste laman namayad fakonun.”
8Use dewa toglag at ngay faduksay, duksayan wa toglag anya. 9Ay Use namatang at ngay taginfan sabaliwa at ngay faduksay ay mafagarasan glong sa anya fagayu te, “Ang wayam sik ngay nanginsaful em talun laman sumaful am te, nataw at kamomuyan.”
10Ay at ngay faduksay nabalus te, “Duan, wami nanginsaful ay talun. Em fagnasteun namayad waymi fakonun. 11Duksayan waymi ngayu. Sadi way em mama, matuyan em longan. Bunwa mi sik ngay nanginsaful.”
12Dewa katanya, Use nalong te, “Kwa gafanud. Ay fagnasteun nanginsaful wayam em furuan te, nataw at kamomuyan.”
13Ay kanya fagayu nabalus Use te, “Labi dua tuami ami fag duksayan, ay sadi way em mama si ways Kanaan, ay em arian ngaro anfamato way si em mama. Ay at sadi em faduksay nalyam wan.”
14Ay Use glong sa anya fagayu te, “Kata wa ku longan ayu te, sik ngay nanginsaful wayam. 15Dewa katanya, gfaskud au ayu te, o matuyan tua fia ay ngay nalong. Gfatuyanan au te, kafanud Igiptu at fun nu gleleg, wam malao ste ginan yakmay ban am nataban stae ay arian. 16Ay am at sadi ulii yap laman nantaban ay arian. Ay takafamato ro gubung kyay yakmay au nalag ay arian. Aroro nu dway am nafamafanud ay longan, matuyan, sik ngay nanginsaful wayam.” 17Ay kanya naubung wan kanya fagayu kaduge tuluk menit.
18Sis fatuluk menit, Use nalong sa anya fagayu te, “Gfababaun au sas Dius. Ay gfon kyay ayu sik buknga laman gleleg yayam nu gfaning tuam ku suguan ayu. 19Nu mafanud tua ay longan, am at sadi afamatoi yap ste ay am tiba ulii wan ay namuba wam fakonun sa ay mesa talnayan. 20Ay tabani stae ay arian, laman gtuyan au te, diam kamuag ay laman kwa gfabul ayu.” Ay duksayan nabalus te, “Kin, namaning ami am longan.”
21Ay duksayan gina yay yud nalao, gkamatoan te, “Katsi, itam man tagafaurianan kata tam nafakamulun ebi sa tam faduksay Use. Nalag watam kanya nu gidapan gina gfainfanyuan sa antam, ay dewa katanya, wa tam anfanyu ya anya. Ay katanya wan at fagindasugun sa antam takatatuy fag ngay fagidapun.”
22Ay Rubin nalong te, “O nunda ebi kwa nalong ayu te, lag am gfaidapan anya? Ay wam nafaning ku longan.”
23Kanya fagayu wa saful te, Use gtogdungug way at ngay kamatoanan aroro gina Use gfakamatoan duksayan e gfayamag way sa anya. 24Use anyayu yay sirut siginan anya fagayu laman nanwayway. Dewa katanya, Use, masakit anfoli ay nafakamatoan at ngay faduksay ay nafasaman Simyun ay nafasiuk sit ngay faduksay at daga salubangan.
Use at ngay Faduksay Anfoli wan sas Kanaan
25Sanya ginan, Use nasugu sat ngay fagsuguan te, “Fapnui sat ngay mesa fagsuadan ngay fakonun ay suadi yangay sanya at ngay famayad, ay foni yangay at fakonun kaduge ban glao sa sangaba dalan.” Ay kanya fagayu nafaning Use at suguan. 26Ay Use at ngay faduksay ang wa vtv nafasas asnu at tungud guyuy at ngay famubaun ay nalo wan.
27Ay kanya fagayu natiug yay si sik talun laman gfamenit. Ay balabag di, sanya at sadi nabuskad at saku laman namaon at asnu. Ay kanya nalag sanya at salapi. 28Ay kanya nauro at ngay faduksay te, “Nafafoli yay ku famayad, ste yay si ku fagsuadan.”
Ay kanya fagayu anmomuy way lang ay namalimuanan. Ay naidgintoan te, “Wain Dius at fagnafakamulunun sa antam takatanya?”
29Ay kanya fagayu nu ndasug sas Kanaan, nafansulit sat mama ngay kinfasludan fagayu. 30Ay duksayan nalong sat mama te, “Talun Igiptu at fun sirut nafakamatoan emi at mafagarasan ay nafantabugan te, sik nanginsaful waymi. 31Dewa katanya, nabalus ami anya te, ‘Duan, bunwa ami sik nanginsaful.’ 32Ay nalong ami te, ami fag duksayan labi dua tuami ay sadi way em mama. Ay nalong yangay mi te, at sadi em faduksay anbul wan ay em arian si way em mama sis talun Kanaan. 33Dewa katanya, kanya nalong emi te, ‘Namaskud au ayu te, o mafanud ay longan. Am at sadi afamatoi yap ste ay am tiba ulii wan, ay bubai fakonun laman sa ay talnayan takalunus. 34Ay tabani stae ay arian ku fagsafulan te, sik ngay matuyan tuam fag ngay taw, ay bundi am sik ngay nanginsaful. Ay nu nalag kwa ban ay arian, gfauli kwa sa ayu ay faduksay Simyun, ay kaylat kwa ban nu gfoyfolian am staes talun Igiptu.’ ”
35Ay kanya fagayu nu ntabu gfakamatoan at mama, nafasungu at ngay fagsuadan, ay nalag at salapi famayad at ba fakonun. Ay at mama nu nalag kafag ngay salapi, nafanawa.
36Ay Akub nalong sa anya fagayu te, “O kaylat am nu yud ban au e sisian ya? Use ay Simyun wa ste ya, ay katsi kaylat am gtaban Benamin laman gfaksvn ku fagidapun.”
37Ay Rubin nalong sas Akub te, “Mama, fabayani wa angku, galaga kwa ban anya ay gfafoli kyay ban sa emu. Fabuli waban ku baguama fagdua, kway ban nafafoli ya sa emu em arian.”
38Ay Akub nabalus anya te, “Katsi kwa kaylat gfaalo ayu Benamin, aroro at faduksay anbul wan ay kanya way lang at sawad ste, ay mae ndasug sa anya at mauri gina am sa sangaba dalan. Ay aroro mafufuama kwan, manbul au sas fakabaluun.”
Currently Selected:
Fakasigadan 42: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 42
42
Use at ngay Faduksay Nalao sas Talun Igiptu
1Akub nu nasaful te, sis talun Igiptu e gfalao fakonun, nalong sat ngay baguama te, “Nataw ya ay fagfanyaun? 2Nadungug au te, sis talun Igiptu e gfalao fakonun. Namayad am sanya fakonun laman di tam kabul sas lunus.” 3Ay Use at ngay faduksay fag safulu nalo wan sas talun Igiptu laman namayad fakonun. 4Dewa katanya, Akub wa kaylat gfalo Benamin, Use at arian, aroro kalimu te, mae ndasug sik mauri sa anya. 5Ay Akub at ngay baguama nalao sas talun Igiptu ay e galo yangay tagsiginan tibak furuan laman namayad fakonun, aroro anggan tagsis talun Kanaan kalunus wan.
6Use at fanambagun gina sia gfunan sis talun Igiptu, tagsugu sat ngay fagsuguan laman gfalao fakonun sa sangay taw. Ay at ngay faduksay nu ndasug sas talun Igiptu narungan sas Use at daga salubangan gfalag te, kamababaun. 7Use nu nalag kafag ngay mangama natoglag wa vtv te, at ngay faduksay. Ay Use wa gfatoglagan anya sat ngay faduksay te, at faduksay. Ay mafagarasan nu gfakamatoan anya fagayu. Ay kanya nainto te, “Daginan am?”
Duksayan gbalus te, “Siginan amis talun Kanaan. Andasug ami ste laman namayad fakonun.”
8Use dewa toglag at ngay faduksay, duksayan wa toglag anya. 9Ay Use namatang at ngay taginfan sabaliwa at ngay faduksay ay mafagarasan glong sa anya fagayu te, “Ang wayam sik ngay nanginsaful em talun laman sumaful am te, nataw at kamomuyan.”
10Ay at ngay faduksay nabalus te, “Duan, wami nanginsaful ay talun. Em fagnasteun namayad waymi fakonun. 11Duksayan waymi ngayu. Sadi way em mama, matuyan em longan. Bunwa mi sik ngay nanginsaful.”
12Dewa katanya, Use nalong te, “Kwa gafanud. Ay fagnasteun nanginsaful wayam em furuan te, nataw at kamomuyan.”
13Ay kanya fagayu nabalus Use te, “Labi dua tuami ami fag duksayan, ay sadi way em mama si ways Kanaan, ay em arian ngaro anfamato way si em mama. Ay at sadi em faduksay nalyam wan.”
14Ay Use glong sa anya fagayu te, “Kata wa ku longan ayu te, sik ngay nanginsaful wayam. 15Dewa katanya, gfaskud au ayu te, o matuyan tua fia ay ngay nalong. Gfatuyanan au te, kafanud Igiptu at fun nu gleleg, wam malao ste ginan yakmay ban am nataban stae ay arian. 16Ay am at sadi ulii yap laman nantaban ay arian. Ay takafamato ro gubung kyay yakmay au nalag ay arian. Aroro nu dway am nafamafanud ay longan, matuyan, sik ngay nanginsaful wayam.” 17Ay kanya naubung wan kanya fagayu kaduge tuluk menit.
18Sis fatuluk menit, Use nalong sa anya fagayu te, “Gfababaun au sas Dius. Ay gfon kyay ayu sik buknga laman gleleg yayam nu gfaning tuam ku suguan ayu. 19Nu mafanud tua ay longan, am at sadi afamatoi yap ste ay am tiba ulii wan ay namuba wam fakonun sa ay mesa talnayan. 20Ay tabani stae ay arian, laman gtuyan au te, diam kamuag ay laman kwa gfabul ayu.” Ay duksayan nabalus te, “Kin, namaning ami am longan.”
21Ay duksayan gina yay yud nalao, gkamatoan te, “Katsi, itam man tagafaurianan kata tam nafakamulun ebi sa tam faduksay Use. Nalag watam kanya nu gidapan gina gfainfanyuan sa antam, ay dewa katanya, wa tam anfanyu ya anya. Ay katanya wan at fagindasugun sa antam takatatuy fag ngay fagidapun.”
22Ay Rubin nalong te, “O nunda ebi kwa nalong ayu te, lag am gfaidapan anya? Ay wam nafaning ku longan.”
23Kanya fagayu wa saful te, Use gtogdungug way at ngay kamatoanan aroro gina Use gfakamatoan duksayan e gfayamag way sa anya. 24Use anyayu yay sirut siginan anya fagayu laman nanwayway. Dewa katanya, Use, masakit anfoli ay nafakamatoan at ngay faduksay ay nafasaman Simyun ay nafasiuk sit ngay faduksay at daga salubangan.
Use at ngay Faduksay Anfoli wan sas Kanaan
25Sanya ginan, Use nasugu sat ngay fagsuguan te, “Fapnui sat ngay mesa fagsuadan ngay fakonun ay suadi yangay sanya at ngay famayad, ay foni yangay at fakonun kaduge ban glao sa sangaba dalan.” Ay kanya fagayu nafaning Use at suguan. 26Ay Use at ngay faduksay ang wa vtv nafasas asnu at tungud guyuy at ngay famubaun ay nalo wan.
27Ay kanya fagayu natiug yay si sik talun laman gfamenit. Ay balabag di, sanya at sadi nabuskad at saku laman namaon at asnu. Ay kanya nalag sanya at salapi. 28Ay kanya nauro at ngay faduksay te, “Nafafoli yay ku famayad, ste yay si ku fagsuadan.”
Ay kanya fagayu anmomuy way lang ay namalimuanan. Ay naidgintoan te, “Wain Dius at fagnafakamulunun sa antam takatanya?”
29Ay kanya fagayu nu ndasug sas Kanaan, nafansulit sat mama ngay kinfasludan fagayu. 30Ay duksayan nalong sat mama te, “Talun Igiptu at fun sirut nafakamatoan emi at mafagarasan ay nafantabugan te, sik nanginsaful waymi. 31Dewa katanya, nabalus ami anya te, ‘Duan, bunwa ami sik nanginsaful.’ 32Ay nalong ami te, ami fag duksayan labi dua tuami ay sadi way em mama. Ay nalong yangay mi te, at sadi em faduksay anbul wan ay em arian si way em mama sis talun Kanaan. 33Dewa katanya, kanya nalong emi te, ‘Namaskud au ayu te, o mafanud ay longan. Am at sadi afamatoi yap ste ay am tiba ulii wan, ay bubai fakonun laman sa ay talnayan takalunus. 34Ay tabani stae ay arian ku fagsafulan te, sik ngay matuyan tuam fag ngay taw, ay bundi am sik ngay nanginsaful. Ay nu nalag kwa ban ay arian, gfauli kwa sa ayu ay faduksay Simyun, ay kaylat kwa ban nu gfoyfolian am staes talun Igiptu.’ ”
35Ay kanya fagayu nu ntabu gfakamatoan at mama, nafasungu at ngay fagsuadan, ay nalag at salapi famayad at ba fakonun. Ay at mama nu nalag kafag ngay salapi, nafanawa.
36Ay Akub nalong sa anya fagayu te, “O kaylat am nu yud ban au e sisian ya? Use ay Simyun wa ste ya, ay katsi kaylat am gtaban Benamin laman gfaksvn ku fagidapun.”
37Ay Rubin nalong sas Akub te, “Mama, fabayani wa angku, galaga kwa ban anya ay gfafoli kyay ban sa emu. Fabuli waban ku baguama fagdua, kway ban nafafoli ya sa emu em arian.”
38Ay Akub nabalus anya te, “Katsi kwa kaylat gfaalo ayu Benamin, aroro at faduksay anbul wan ay kanya way lang at sawad ste, ay mae ndasug sa anya at mauri gina am sa sangaba dalan. Ay aroro mafufuama kwan, manbul au sas fakabaluun.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines